Siyasi sabitlik prosesinin mahiyyəti
Daxili siyasətin siyasi sabitliyə təsiri
Yüklə 0,65 Mb. Pdf görüntüsü
|
| Daxili siyasətin siyasi sabitliyə təsiri
Daxili siyasət — dövlət siyasətinin ölkə sərhədləri daxilində olan bütün problem və fəaliyyətlərə (qanunlar, hökumət proqramları, inzibati qərarlar və s.) birbaşa aid olan hissəsi. Bu, hökumətin dünya siyasətində olan maraqlarını ifadə edən xarici siyasətdən fərqlidir. Daxili siyasət biznes, təhsil, enerji, səhiyyə, kənd təsərrüfatı, hüquq-mühafizə, maliyyə və vergilər, təbii ehtiyatlar, sosial təminat və şəxsi hüquq və azadlıqlar kimi geniş sahələri əhatə edir. Həmçinin daxili siyasətdəki eybəcərliklər yalnız həmin ölkənin xalqına ziyan vurmur, narazılıqlar yaradır və sakinlərin miqrant kimi başqa ölkələrə üz tutmasına səbəb olur. Lokal problem kimi qalmayıb, beynəlxalq əhəmiyyətli məsələyə çevrilir. Dövlətin sosial siyasəti cəmiyyətin həyat fəaliyyətinin sosial iqtisadi şərtlərinin tənzimlənməsinə yönəldilən tədbirlər kompleksindən ibarətdir. O, gəlirlərin bölgüsündəki bərabərsizliyin azaldılmasına, bazar iqtisadiyyatında gəlirlər və mülkiyyət sahəsində fərqlərin zəiflədilməsinə, iqtisadi fəaliyyətin iştirakçıları arasında ziddiyyətlərin yumşaldılmasına və cəmiyyətdəki sosial ixtilafların aradan qaldırılmasına yönəldilmişdir. Bazar iqtisadiyyatı sistemində sosial siyasət vasitəsi ilə əhalini əmlak sahəsində mövcud olan bərabərsizliyin müəyyən dərəcədə aradan qaldırılmasını nəzərdə tutan və əhalinin bütün təbəqələri üçün eyni başlanğıc şərtlərini təmin edən sosial ədalət prinsipləri reallaşır. Dövlətin sosial siyasəti ilə cəmiyyətin iqtisadi inkişafı arasında qarşılıqlı əlaqə mövcuddur. Birincisi, iqtisaid inkişafın məqsədləri birbaşa və dolayı yolla sosial siyasətdə cəmləşir. İkincisi sosial siyasət sahəsində bir çox məsələlərin həyata keçirilməsi, dövlətin onların reallaşdırılması üçün yönəldə biləcəyi iqtisadi ehtiyatlardan asılıdır. Üçüncüsü, sosial siyasətə iqtisadi artımın mühüm amili kimi baxmaq olar. [4] Sosial siyasət dedikdə adətən əhalinin həyati təminatına yönəlmiş konkret fəaliyyət və tədbirlər sistemi başa düşülür. Sosial siyasət − əhalinin bütövlükdə və onun tərkibini təşkil edən sosial icmaların (ailə, xalq, şəhərin, kəndin, regionun əhalisi və s.), sosial demoqrafik, sosial həmkar qruplarının, sosial təbəqələrin və siniflərin sosial vəziyyətinin qorunması, saxlanılması və dəyişdirilməsi prosesində yaranan qarşılıqlı münasibətlərdir. Müasir dünya təcrübəsində isə sosial siyasət demokratik dövlətlə vətəndaş cəmiyyətinin birgə funksiyası hesab olunur. Hər bir dövlətin daxili siyasətinin prioritet istiqamətlərindən biri də onun sosial siyasətidir. Sosial siyasət əhalinin ayrı-ayrı qruplarının həyat keyfiyyətinin yüksəldilməsinə, sosial vəziyyətinin yaxşılaşdırılmasına yönələn tədbirlər sistemidir. Sosial siyasət dövlətin daxili siyasətinin tərkib hissəsi olub, onun həyata keçirdiyi sosial proqramlarda, əhalinin əsas sosial qruplarının marağını əsas götürərək, cəmiyyətdəki münasibətlərin tənzimlənməsində təzahür edir. Sosial ziddiyyətsiz cəmiyyət, əslində, sosial ədalətli cəmiyyətdir və belə bir cəmiyyətin qurulması müasir dövrdə hər bir dövlətin arzusu olsa da, dövlət bu önəmli məsələnin öhdəsindən gəlmişdir. Azərbaycan dövlətinin sosial siyasəti sosial ədalətin bərqərar olunmasına, milli sərvətlərin artırılmasının təmin edilməsinə, milli sərvətlərin ədalətli bölgüsünün həyata keçirilməsinə, istiqamətlənmiş proqramlar şəklində həyata keçirilən davamlı və dinamik prosesdir. Xalq ilə İqtidarın arasındakı mükəmməl birliyin olması, müstəqil siyasətin demokratik inkişafı təmin etməsidir. Azərbaycan Respublikasının Prezidenti Azərbaycan xalqının himayədarıdır, Onun qəbul etdiyi qərarlar xalqın rifahının yaxşılaşmasına sosial müdafiəsinin təmin edilməsinə istiqamətlənmişdir.[1] Yüklə 0,65 Mb. Dostları ilə paylaş:
|