133
Xunabi-ciyər caridi gözdən gecə-gündüz,
Ruxsara axan göz yaşımı bir silənim yox.
Göz ilə qulaqdan cəkərəm zəhməti-bihədd,
Ruhani əziyyətlər ucun tabi-tənim yox.
Bir yanda vətən təhlükəsi canımı almış,
Bir zəhm edənim, anlayanım, dərk edənim yox.
Ərbabi-kəmalat zamanı getdi, Məmai,
Qaldım bu bəla dəstdə, imdad edənim yox.
Qəzəldə üsyankar ruh vardı. Şeirin və şairin mübarizlik ruhu,
vətən sevgisinə çağırış motivi Həsən bəyi öz yerini dəyişərək
Məmainin yanına keçməyə sövq etdi. Onun yerini dəyişməsi
Fərəc bəyin diqqətindən yayınmadı. O, başını bulayaraq yerində
qurcalanırdı: “Buna bir bax, özü kimi atəşi, odu, xatanı içində
gəzdirənlərlə dostluğa can atır”, – düşündü. Fərəc bəy bir bəhanə
ilə Mirzə Fətəliyə yaxınlaşdı, pıçıltı ilə məclisin ab-havasını başqa
səmtə yönəltməyi təklif etdi.
Yaradıcı insanların, milli düşüncə sahiblərinin bir yerə cəm
olduğu bu məclisdə yerlə göy arasında sanki bir əlaqə qurulmuşdu.
Bu əsrarəngiz səhnəyə göydəki mələklər də, yerdəki insanlar
da eyni heyranlıqla baxıb təsirlənirdi. Həsən bəy o gecə elə
təsirlənmişdi ki, özünə yer tapa bilmir və düşünürdü: “Xoşbəxtəm,
mən də bu gün – müqəddəs bir ayın müqəddəs günündə, milli
düşüncə sahiblərinin cəm olduğu belə məclisdə oldum. Mən,
yəqin ki, bir də ömrümdə bu qədər milli təfəkkür sahiblərinin bir
yerə yığılmağını görməyəcəm, belə müsbət enerjili adamların təsir
gücündən yaranan cazibə bolluğunu müşahidə etməyəcəm. Şükür
sənə, İlahi, çoxalırıq, artırıq! İradəmizin, ağlımızın, gücümüzün
bir yerə cəm olması milləti, xalqı cahillikdən xilas edəcək!”
134
1866-cı il, Tiflis,
“Mejevaya Palata”da son günlər
Həsən bəy heç nəyə fikir vermədən “Mejevaya palata”dakı
fəaliyyətini davam etdirmək istəsə də, idarə rəhbərilə toqquş-
ma lardan, həm də Fərəc bəyin danlaqlarından qaça bilmirdi,
belə vəziyyətdə davam etmək onu bezdirmişdi. Xəyallarındakı
gələcəklə bağlı planlarının həyata keçməsi çox çətin nöqtəyə
dirənərək, elə bil keçilməz qarlı dağla qarşılaşmışdı. Belə böyük
işlərin öhdəsindən nə qədər tək-tənha gəlməyə çalışsa da, irəlidə
nikbin gələcək görmürdü. General Fərəc bəyi də hərbi palatadakı
fəaliyyəti ilə çıxılmaz vəziyyətdə qoymuşdu. Onun bu idarədəki
ədalət mübarizəsi çox vaxt nəticəsiz qalırdı. Bu qədər aciz, zavallı
insanları ədalətsiz rejimlə, zalım məmurlarla üz-üzə qoyub getməyə
də ürəyi gəlmirdi, özünü və Fərəc bəyi bu çətin işdə yandırmaq da
istəmirdi Həsən bəy: “Mən Tiflisdən getməliyəm, necə olur-olsun,
amma günü sabah getməliyəm”. Bu, Həsən bəyin qəti qərarı idi.
Səhər tezdən son dəfə iş yerinə getməyi, ərizəsini yazıb rəisə
verməyi qərara alan Həsən bəy “mejpalata”ya ayaq basar-basmaz,
dəhlizdə gəzişən bütün şikayətçi kəndlilər sevinc və həyəcanla
axışıb şikayətini səsləndirməyə başladı:
– Ağa, qurbanın olum, ərizəmə baxan yoxdur, bir aydır gəlib
gedirəm.
– Ümidimiz sənsən, Həsən bəy.
– Torpağım əlimdən alınıb, borc içində boğuluram.
Növbəti adamın dərdi daha dözülməz idi.
– Dadıma, harayıma çatacaq bir oğlum vardı, əvvəl bəy onu
qazamata atdırdı, sonra “qanunsuz” adı qoyub torpağımı zəbt etdi.
Həsən bəy üstünə yağdırılan bu şikayətlərin altında özünü
“doluya düşmüş kimi” hiss edirdi. “Lənət şeytana,” – deyərək içəri
keçdi, rəislə danışmağa başladı:
– Cənab rəis, mən bu gün sizinlə son söhbətimi edib işdən
getmək istəyirəm. Amma bu zavallı kəndliləri görüb, biganə
135
qala bilmirəm. Nə olar, heç olmasa, həyatınızda bir dəfə başınızı
otaqdan çölə çıxarıb, bu biçarələrin halına yanın. Ömrünüzdə bir
kərə özünüzü bu şikayətçilərin yerinə qoyub, onların vəziyyətini
anlayın.
– Həddinizi aşırsınız, cənab Məlikov.
– Həddini aşan, dövlət idarəsində rüşvətlə torpaq qanuniləş-
dirən sizsiniz, ya mən? Allahınızdan qorxmursunuz, heç olmasa,
vəzifənizi itirməkdən qorxun, sizi əlahiddə edən vəzifənizdir,
şəxsiyyətiniz yox! Mən sizin özünüz haqqında lazım olan yerlərə
yazacam. Sizin kimi insafsız, ədalətsiz bir adamla mən bundan
sonra bir yerdə işləyə bilmərəm, buyurun, bu da ərizəm, mən
getdim, amma bu biçarələrin ah-naləsi sizi tutacaq, inanın, vallah
tutacaq!
Həsən bəy sözünü bitirib, dərhal da müdirin otağından çıxdı.
Kəndlilər dəhlizdə bu dialoqu eşidirdilər, gərgin ab-havadan
yerlərində donub qalmışdılar. Bütün idarə işçiləri “mejpalata”nın
rəisinə həmişə təzim edərdilər, indi isə Həsən bəy adlı təzə bir işçi
onun bütün naqis əməllərini üzünə deyərək biabır edirdi. Həsən
bəyi yandıran, özündən çıxaran səbəb həm də o idi ki, divan tutulan
kəndlilərin əksəriyyəti azərbaycanlılar – Borçalı camaatı idi.
Yol boyu tanış-biliş avazımış rəngini, titrəyən vücudunu
görməsin deyə, Həsən ara dalanlardan keçərək mənzilinə çatmağa
çalışırdı. Əl-ayağı əsirdi, evə çatar-çatmaz özünü çarpayıya atdı,
üzüqoylu uzanaraq sakitləşməyə çalışdı. Bütün bədəni yenə od
tutub yanırdı.
“Mən də bir haya bəndəm, bir şey olan kimi, qızdırmam
qalxır. Qızdırma yenə məni yaxaladı. Həkimə gedib ciddi müalicə
almalıyam. Yoxsa hər dəfə əsəbiləşəndə qızdırmam qalxacaq, mən
də meydanı bu nadanlara buraxacam”.
Həsən yuxudan oyananda gün artıq batmaqda idi. Yataqdan
qalxanda ona elə gəldi, bir ildir yatırmış. Hərarət də, baş ağrıları
da keçib getmişdi. Otaqda sıxıldığından bayıra çıxdı. Əvvəl Fərəc
bəyin yanına getmək istədi, ancaq fikrini dəyişdi, “onsuz da,
son günlər Fərəc bəylə bu mövzuda yetərincə fikir mübadiləsi
eləmişik”. O, düşünə-düşünə başını qaldıranda, Mirzə Fətəlinin
Dostları ilə paylaş: |