5
Nəzirələr, təzminlər, ithaflar
«hər şey poeziyanın predmeti ola bilər, hər şeydə poeziya var, onu
yalnız tapmaq gərəkdir» kəlamının imkan daxilində tətbiqinə rast
gəlirik. Odur ki, aşiq-məşuq arasında, dost-aşna arasında hər cür ya-
lana, hiyləyə, saxtakarlığa qarşı məhəbbət lirikasının hətta hissi-
emosional misraları arasından sızıb gələn bir etiraza, tənə və təhrikə
də yer verildiyinin əyani şahidləri oluruq; bu qəbildən olan irili-
xırdalı bütün yazılarında müəllif buna nail olmağa cəhd göstərir.
Cəlal Abdullayev
f.e.d. professor
* * *
Əsas qayəsi "dünya, Vətən, məhəbbət" olan Sona Xəyal yaradıcılı-
ğında oxucu öz istək və arzularının, özünü narahat edən problemlərin
bədii ifadəsini tapır. Sona Xəyal hər şeydən əvvəl səmimi olub,
dərdlərini oxucu ilə bölüşür. "Sən demə qanana möhnətmiş dünya", -
deyən Sona Xəyal da "anlamaq dərdi"ndən əziyyət çəkir. Elə anladığı
üçündür ki, dünyadakı ədalətsizliklər, dünyanın etibarsızlığı, yalan
üstə qurulub, ləyaqətlilər üçün əzab, yaxşılar üçün pis olması, vicdanın
susdurulması, qeyrətsizlik, satqınlıq onu darıxdırır, etirazına səbəb
olur:
Nijad Mikayılzadə
t.e.n. dosent
* * *
Qəzəldən göründüyü kimi, Sona Xəyalın sevgi aləmi xəyal deyil,
real həyatdır, onun gözəllikləridir, həqiqi insanlardır. Elə buna görə
də onun həssas şair qəlbi romantik qəzəllərlə məhdudlaşa bilməzdi.
O, yaşadığı anların tələb etdiyi poeziyasını (bu istər şən, istər kədərli
olsun) qələmə almalı idi. Şair belə də etmişdir, onun qəzəllər
“Divan”ında həyatın reallığı poeziya güzgüsündə aydın-aşkar görü-
nür.... Sona Xəyal şairdir. O, təkcə qəzəl yazmamış, poeziyanın müx-
təlif forma və vəznlərində də gözəl şeirlər yazmışdır. Onun heca
vəznində yazdığı qoşmalar, uşaqlar üçün yazdığı kiçik tərbiyəvi
şeirlər də Sonanın şair ilhamından xəbər verir. Biz buraya Sonanın
elmi əsərlərini də əlavə etsək, deyə bilərik ki, o bu dünyaya elm və
ədəbiyyat üçün gəlmişdir.
Balaş Azəroğlu
xalq şairi
6
Sona Xəyal
* * *
Mənə bağışladığın «Göylər yazdı eşqimizi adlanan kitabda, top-
lanmış şeirlər sənin qəlbində toplanmış sevgilərin salnaməsidir,
günbəgün, ilbəil... Bu gündən keçmişə gedir, keçmişdən bu günə gəl-
mir. Varaqladıqca hər il Sən daha gənc, daha cazibədar, daha çılğın
olursan. O yumruq boyda ürəyində nə dərdlər varmış, Allah, Allah!
Sən klassik şeirimizin gözəl bilicilərindən birisən. O səbəbdən
sənin məhəbbət poeziyan, o kökdə bitən təzə pöhrələrdir,--incə, zərif,
səmimi, cəsarətli, Şərqdən su içmiş, nəşvü numa tapmtş, hissiyat.
Hər biri bir şərqidir, hər biri bir türküdür bu şeirlərin!
Fikrət Sadıq
şair
* * *
Çoxsahəli, çoxcəhətli yaradıcılıq fəaliyyətinə malik olan Sona
Xəyal şair kimi lirikdir. Dərin, psixoloji lirizm onun şairlik dünya-
sının, şeir-sənət aləminin ən ümdə xassəsi, ən mühüm xüsusiyyətidir.
Onun lirikası lirik «məni»ni, demək olar ki, bütün cəhətlərdən
açıqlayır, arzu, xəyal və istəklərini, fikir, düşüncə və duyğularını,
hiss və həyəcanlarını, bütövlükdə əhval-ruhiyyəsini ən münasib for-
malarda əks etdirir. Bu lirik «mən»-qəhrəman isə şairin, yəni Sona
Xəyalın özüdür. Onun zahirən sakit bir ovqatla yazıldığını söylə-
məyə daha çox haq verən şeirlərində fikir, düşüncə və duyğuların
daxili və dəruni bir gərginlikdən yarandığını söyləmək lazım gəlir.
Bu baxımdan Sona Xəyalın şeirləri onun özünə çox bənzəyir. Onun
sakit və səmimi baxışlar altında narahat qəlbinin çırpıntılarını ilk
təmasdan duymaq, anlamaq asan deyil. Sona Xəyalın klassik əruzun
müxtəlif bəhrlərində, hecada yazdığı şeirləri, sərbəst şeirləri də
belədir. Bu şeirlərdə qəlbin müxtəlif hallarını görə bilmək, hiss edə
bilmək, duya bilmək üçün onları bircə dəfə yox, bəzən təkrar, hətta
dönə-dönə oxumaq lazım gəlir. Şairin elə şeirləri var ki, ona hər
dönüşdə, hər yeni oxunuşda yeni assosiasiyalar, intibalar oyatmış
olur. Belə şeirlər müləlifinin könül dünyasının, ruhi vəziyyətinin,
halının və istəyinin ifadəsi kimi daha güclü təsirə malik olur.
Tofiq Hüseynoğlu
f.e.d. professor
7
Nəzirələr, təzminlər, ithaflar
* * *
Kövrək duyğular şairi, yazıçı, istedadlı alim Sona Xəyalla һər
dəfə söhbətləşəndə etiraf edirəm ki, daxilən zənginləşirəm. Həyatın
gündəlik sosial-məişət qayğılarından uzaqlaşıram. Yüksək insani
duyğu və düşüncələr ovqatı ilə köklənirəm. Dağ yamacları, ormanlar,
çəmənliklər kimi һər bir insanın da özünəməxsus aurası vardır.
Sonanın təbiətindən ya-ranan aura şəfqət, qayğı, mərhəmət aurasıdır.
Bu mühitdə həmsöhbət özünü çox rahat hiss edir, bütün pisliklərdən
təmizlənmək istəyir. Bu xüsusiyyət onun poeziyasına da xasdır.
Allahşükür Qurbanov
f.e.n. türkoloq
* * *
Sona Xəyalın imzası şair, publisist, tədqiqatçı kimi oxuculara
yaxşı tanışdır. Son illərdə daha çox monoqrafiyalar müəllifi kimi
yadda qalan qələm dostumuz əslində ədəbiyyata şeirlə gəlib və bu
gəlişin davamı kimi yaxın zamanlarda nəşr etdirdiyi "Kimsəsiz bən-
dəyəm" (Bakı, "MBM", 2008) adlı şeirlər kitabı müəllifin poetik
düşüncəsindən, həyata obrazlı baxışından xəbər verir.
Adil Cəmil
f.e.n. şair
* * *
Duyğulu taleyi özü ilə birgə doğulubdur. Heç kəsdən seçilmək is-
təməsə də, sirlə, ovsunla dolu şeirləri onu orijinal bir şair kimi tanı-
dıb. Poeziyasından gələn həyatın dadı, tamı bu məmləkətin dörd bir
tərəfinə yayılıb və yayıldıqca özü ilə bir ad yaşayıb: şair Sona Xəyal!
Sona Xəyal şeirinə məftunluq ən əvvəl onun poeziyasındakı
səmimiyyətdən irəli gəlir. Bəlkə elə bu səmimiyyət həyatdan Sona
Xəyal şeirinə hopub.
Xəyalları rak, nurlu olan Sona Xəyal xəyalları ilə çarpışır, həqıqət
çırağı ilə həqiqətı bu həyatda, bu dünyada yox, elə xəyallarda axtarır.
Daşdəmir Əjdəroğlu
“Azərbaycan qəzetinin əməkdaşı”
* * *
Sona Xəyal poeziyası özündə ehtiva etdiyi və qoruduğu dil zəngin-
liyi, milli qürur, mənəvi özünüdərk, klassik ənənə təntənəsinin uca
Dostları ilə paylaş: |