28
sarayında yaşayan şairlər daha təmtəraqlı və daha qəliz yazırdılarsa,
Səfəvilər sarayında yaşayan şairlər, əksinə, mümkün qədər sadə, ərəb-fars
izafət tərkiblərindən nisbətən azad, danışıq dilinə daha yaxın bir üslub
seçmişdilər.
III fəslin ikinci yarımfəsli “Divan poeziyasında beyt əsaslı janrlar”
adlanır. Qeyd edilir ki, türk Divan ədəbiyyatında yer alan əbəbi növlər və
şeir şəkilləri ərəb poetik sisteminə xas olan ənənələr əsasında
formalaşmışdır. Ərəb poeziyasında şeirin əsası beyt üzərində qurulmuşdur
və bu ənənə hələ cahiliyyə poeziyasında təşəkkül etmişdi.
Məlumdur ki, beyt iki eyni vəznli misra əsasında düzələn, intonasiya
və məzmun baxımından bitkin olan şeir vahidi olaraq tanınır. Bu
yarımfəsildə beyt əsaslı janrlar və şeir şəkilləri – qəzəl janrı və onun türk
divan poeziyasında ən çox işlənən növləri (rədd-i mətlə, yek ahəng, yek
avaz, müzəyyəl, müləmmə, müştərək, müsəmmət, mükərrər, nəzirə);
qəzəldən törəyən müstəzad və onun və cüt adlanan iki növü; qəsidə janrı
və onun bölümləri (nəsib, yaxud təşbib; girizgah ya da giriz; mədhiyyə;
təğəzzüldür; fəxriyyə; dua); qitə janrı və çeşidləri; məsnəvi şeir şəkli və
onun bölümləri XIII-XV əsr şairlərinin əsərlərindən götürülmüş konkret
nümunələrlə təhlilə cəlb olunur.
Qeyd edilir ki, qəzəlin həcmi barədə dəqiq ölçü meyarı olmasa da ən
az beş, ən çox on beş, orta mükəmməl həcmi yeddi beytdən ibarət olur.
Nadir hallarda türk Divan poeziyasında on beş beytdən uzun qəzəllərə
təsadüf edilmişdir. Belə qəzəllərə türk ədəbiyyatında “qazel-i mutəvvəl”
deyilir. Taceddin İbrahim Əhmədi, Ahmed Paşa, Karamanlı Nizami, Pertöv
Paşa türk Divan ədəbiyyatında uzun qəzəllər yazmaqla fərqlənən şairlər
kimi qeyd olunur. Bu yarımfəsildə türk divan ədəbiyyatında geniş yayılmış
beyt əsaslı nəzm şəkillərindən olan məsnəvi üzərində ətraflı dayanılır. Qeyd
edilir ki, türk ədəbiyyatında məsnəvi formasında yüzlərlə müxtəlif həcmli
və fərqli mövzulara aid əsərlər yazılmışdır (dastanlar, poemalar, didaktik-
əxlaqi əsərlər, şəhrəngizlər və s.). Divan ədəbiyyatında məsnəvi şəklində
yazılmış lirik şeirlərə də təsadüf olunur.
Məsnəvilərin başlanğıcı adətən qəsidələrdə olduğu kimidir. Türk
Divan ədəbiyyatında məsnəvidən əsasən aşağıdakı mövzulara aid əsərlərin
yazılışında istifadə olunmuşdur: a) Dastanlar; b) Dini-təsəvvüfi əsərlər; c)
Eşq əfsanələri
Məsnəvilərdə üç bölüm mövcuddur: giriş, əsas mövzu və son bölüm.
Giriş hissəsi də öz növbəsində aşağıdakı hissələrdən ibarət olur: Bəsmələ
29
(Allahın adı ilə başlanğıc); Tovhid – Allahın birliyi barədə şeir parçası;
Münacat – Allaha xitab və dua; Nət – Hz. Peyğəmbərin tərifi; Merac – Hz.
Peyğəmbərin Meracının təsviri; Möcizat - Peyğəmbərin möcizələri; Mədh-i
Çahar-yar – Dört xəlifənin tərifi; Mədhiyyə - Padişah için mədh; Səbəbi-
təlif – əsərin yazılma səbəbi.
Bu yarımfəsildə XIII-XV əsrlərin ən məşhur məsnəvi sənətkarları və
onların məsnəviləri – Mövlanə Cəlaləddin Rumunin “Məsnəviyi-mənəvi”,
Şəyyad Həmzənin “Yusif və Züleyxa”, Yunus Əmrənin “Risalətün-
nushiyyə”, Aşıq Paşanın “Qəribnamə”, Əhməd-i Dainin “Cəngnamə”,
Süleyman Çələbinin “Mövlud”, Şeyxinin “Xosrov və Şirin” və “Xarnamə”
və s. haqqında yığcam şərh və elmi-nəzəri təhlil verilir.
Burada dahi Azərbaycan sənətkarı Nizami Gəncəvinin türk epik
məsnəvi şeirinin təşəkkülü və inkişafındakı misilsiz xidmətləri, türk divan
poeziyasının tanınmış nümayəndələrinə, mövzu, forma və ideya-məzmunca
güclü təsiri məsələsi vurğulanır.
III fəslin “Divan poeziyasında bənd əsaslı janrlar” adlanan üçüncü
yarımfəslində türk divan ədəbiyyatında bəndlərdən təşkil olunan şeir
növləri təhlil edilir. Qeyd edilir ki, türk ədəbiyyatında sadəcə bir bənddən
ibarət olan iki şeir janrı var: rübai və tuyuğ. Bunlara bəzən dördlüklər də
deyilir.
Çoxbəndli şeir janrları isə daha zəngindir. Bu yarımfəsildə bəndli şeir
janrlarından:
Dördlüklər
(mürəbbelər:
tərbi,
şərqi);
Beşliklər
(Müxəmməslər: təxmis, təştir, tərdiyə); Altılıqlar (müsəddəs); Yeddiliklər
(müsəbbə); Səkkizliklər (müsəmmən); Doqquzluqlar (mütəssə); Onluqlar
(müaşşir); Tərkib-bənd; və Tərci-bənd geniş təhlil edilir, dövrün tanınmış
şairlərindən konkret gətirilən nümunələr əsasında onların xarakterik bədii
xüsusiyyətləri və sənətkarlıq məsələləri işıqlandırılır.
Bu yarımfəsildə klassik ərəb və fars poeziyasında olmayan türk xalq
şeir ənənəsinə uyğun nəzm şəkli “şarkı” (şərqi) üzərində xüsusi dayanılır.
Qeyd olunur ki, dördlüklərdən ibarət bir nəzm şəkli olan şərqi Divan
ədəbiyyatında geniş yayılmışdır. Şərqilərdə eşq və gözəllik mövzuları
tərənnüm edilir. Burada təbiət təsvirlərinə də yer verilir. Birinci dördlüyün
son misrası bütün dördlüklərin sonunda təkrar olunur. Təkrar olunan bu
misra “nəqarət” adlanır. Şərqidə şairlər bəndlərdəki üçüncü misraya xüsusi
önəm vermişlər. Qəbul olunmuş, lakin yazılmamış qaydaya görə,
bəndlərdəki üçüncü misra, ən yaxşı misra olmalı idi. Bu misra “miyan”
adlandırılırdı.