Sükut zonası Şahin Böyükağa oğlu Əlibəyli Zone of silence
Yüklə 3,31 Mb. Pdf görüntüsü
|
47
böyük səs-küyə səbəb olur. Kütləvi informasiya vasitələrində verilən məlumata görə, xoşagəlməz hadisələrin təkrarlanmasından hiddətlənən amerikanlar yalnız sonuncu insidentdən sonra Meksika ərazisinin balaca bir parçasının raketləri niyə özünə çəkməsi, onları fəlakətə sürükləməsi haqqında ətraflı məlumat əldə etmək qərarına gəlirlər. Paytaxt Mexikodan rəsmi razılıq alındıqdan sonra Amerika Birləşmiş Ştatları hərbi idarəsi uğursuzluqlar gətirən sahənin müəmmalı xüsusiyyətlərini dərindən və hərtərəfli öyrənmək üçün xüsusi təyinatlı texniki mütəxəssislər qrupunu anlaşılmaz dərəyə göndərir. Ancaq qrupun üzvləri məsələni cavablandırmaq əvəzinə bir xeyli yeni sualla ölkələrinə qayıdırlar. «Sükut zonası»nı öyrənmək üçün yollanmış birinci ekspedisiya özünü öyə biləcək heç bir ciddi kəşf etməyi bacarmamış, heç nə ilə yadda qalmamışdır. «Sükut zonası»nın sirlərini təkcə amerikanlar dərk etməmişdilər. Artıq meksikalılar da sehrli yeri tədqiq etməyə başlamışdılar. XX əsrin 70-ci illərinin axırlarında Meksika hökuməti səhra tədqiqat kompleksinin tikilməsinə qərar vermişdir. Bundan ötrü hökumətin qərarı ilə meksikalılar «zonanın» mərkəzində mükəmməl laboratoriyası olan elmi şəhərcik saldılar və ona kiminsə təklifilə «Biosfer» adını qoydular. «Biosfer» çoxsaylı və hərtərəfli tədqiqatlar aparmaq üçün yaradılmış bir baza düşərgəsidir. Elmi-tədqiqat mərkəzi kimi fəaliyyətə başlayan şəhərciyin əsas məqsədi, onun qarşısında qoyulan başlıca vəzifə qeyri-adi ərazinin özünəməxsus bitki və heyvan aləmini, bioloji həyatın qəribə formalarını yerindəcə dəqiq öyrənməkdən və təəccüb doğuran paranormal hadisələrin baş verməsi mexanizmlərini hərtərəfli aydınlaşdırmaqdan ibarət olmuşdur. Məsələn, ultrabənövşəyi şüalanmanın həddən ziyadə yüksək olması, bitki və heyvanların belə şüalanmaya uyğunlaşması mexanizmləri və digər məsələlər haqqında müfəssəl və dəqiq məlumatlar verilməsi lazım gəlirdi. Stansiyanın rəsmi olaraq güddüyü məqsəd «sükut zonası»nın bitki və heyvanlarının qeyri-adi formalarının həyatını öyrənməkdən ibarət olsa da, ancaq orada işləyən alimlərin həqiqətdə qarşılarında duran vəzifələrin xeyli geniş olduğu heç kimə sirr deyildir. İstənilən halda «sükut zonası»nı öyrənməyə dəyər. Lakin səhrada həqiqətdə naməlum şeylər olması haqqında şayələr orada aparılan tədqiqatlardan daha tez yayılır. Meksikalı alimlər yerli sakinlərin şəhadət verdikləri halları araşdırır, onların söylədikləri xəbərləri toplayır və öyrənir. Alimlərin sözlərinə görə, yerli sakinlərin səbrlə dinlənilməsi, onlara diqqətlə qulaq asılması hadisələrin mümkün ola bilən tərəfinə baxmağa imkan yaradır, tədqiqatın istiqamətini bildirməklə onlara çox kömək edir. Sadə insanların danışdıqlarını qulaqardına vurmamaqla bərabər, hadisələrin necə baş verdiyini məntiqi mülahizəyə söykənən tərzdə izah etmək lazım gəlir. Astroloq (münəccim) və ufoloqlardan (gəlməşünaslardan) fərqli olaraq təbiətşünas alimlər qeyri-adi dəyişikliklərin özlərinə də reallıqla yanaşmağı üstün tutur, birtərəfli mövqe tutmağın əleyhinə çıxır, bütün anomal hadisələri imkan daxilində maddi səbəblərlə aydınlaşdırmağa çalışırılar. Araşdırıcı kimi çalışan insanlar həmişə xalis faktlara söykənməyi üstün tutur, reallıqlara arxalanmağı daha doğru yol hesab edir, çılpaq həqiqətləri əlində rəhbər tutur. Beləcə bütün dünyadan alimlər, çox müxtəlif ölkələrindən olan mütəxəssislər həqiqəti bilmək üçün bir-birinin ardınca «sükut zonası»na gəlməyə başlayır, ilk növbədə «Biosfer»ə üz tutur, oraya baş çəkməli olurlar.
48
«Zonadakı» narahatlığı artıran daha bir şey buraya tez-tez «səmavi qonaqların» təşrif buyurmasıdır. Qəribə zonanın vaxtaşırı olaraq aldığı «səmavi hədiyyələr» xüsusən maraq doğurur. Buraya «göyün hədiyyələrinin» düşməsi tamamilə adi hadisədir. Bu baxımdan «sükut zonası» bir neçə aspektdən qeyri-adi təsir bağışlayır. Odur ki, «səmavi qonaqlar» ətrafında gəzən söz-söhbətlər və onlarla əlaqədar olan müzakurələr bir neçə istiqamətdə özünü göstərir: 1) əraziyə meteoritlərin çox düşməsi; 2) ərazinin səmasında işıqlanan dairə və kürələrin, həmçinin digər tanınmamış uçan obyektlərin tez-tez görünməsi; 3) ərazidə vaxtaşırı olaraq yadplanetlilərin dolaşması, qəribə məxluqlarla, insanabənzər varlıqlarla (humanoidlərlə) tez-tez kontaktların baş verməsi, onların adamlara rast olması, hətta həyət-bacalara girərək yerli sakinlərlə ünsiyyət yaratması. Hər şeydən öncə əraziyə meteoritlərin düşməsi maraq doğurur. Baş verənləri yaxşı dərk edə bilməkdən ötrü meteoritlər haqqında qısaca da olsa məlumat vermək lazım gəlir. Kosmik fəzada hərəkət edən və nisbətən kiçik ölçüdə olan bərk cisim meteor cismi adlanır. Meteor cisminə bəzən Yerdə rast gəlinir. Günəş ətrafına dolanan meteor cisim çoxluğu bir maddə təşkil edir. Günəş ətrafına dolanan kometlərdən və kiçik planetlərdən balaca olan həmin maddəyə meteor maddəsi deyilir. Meteor maddəsi Yer atmosferi ilə qarşılaşarkən ciddi dəyişikliklərə uğrayır. Odur ki, atmosferlə qarşılıqlı təsirdə olduğu andan etibarən ona meteor deyilir. Yunanca meteora – atmosfer və göy hadisələri, meteoros – göydə uçan, səmada süzən deməkdir. Meteor maddəsinin yuxarı atmosferə daxil olması nəticəsində yaranan ionlaşma meteor ionlaşması adlanır. Meteor ionlaşması aktiv (fəal) və passiv (qeyri-fəal) olmaqla iki növə ayrılır. Əsasən buxar halında olan və dağınıq yerləşən meteor atomları hava molekulları ilə toqquşduqda yaranan ionlaşma aktiv meteor ionlaşması adlanır. Ona başqa sözlə fəal meteor ionlaşması da deyilir. Qalan hallarda proses passiv meteor ionlaşması adlanır. Ona başqa sözlə qeyri-fəal meteor ionlaşması da deyilir. Meteor uçduqdan sonra başlanğıc diametri bir neçə metr, uzunluğu isə bir neçə on kilometr olan iz qalır. Buna meteor ionlaşmasının izi deyilir. Meteor cisimləri olan bərk hissəciklər atmosferə daxil olduqda başlanğıc kütləsini itirməyə başlayır. Bu zaman işıqlanma baş verir və onların ionlaşmış izi yaranır. Həmin hadisə atmosferin yuxarı qatlarında baş verir. Çox parlaq olmayan meteor qəflətən yaranıb, gecə göyündə sürətlə hərəkət edən və sönən ulduz kimi müşahidə olunduğundan «uçan ulduz» da adlanır. Komet nüvələrinin parçalanmasından dəstə yaranır ki, ona meteor dəstəsi deyilir. Bütün meteorlar iki qrupa bölünür: 1) sel meteoru; 2) sporadik meteor. Əksər hallarda meteor cismi qalığının Yer atmosferində parçalanmasından sonra seli xatırladan bir hadisə müşahidə edilir. Buna meteor seli, yaxud meteorlar çoxluğu deyilir. Bəzən seli törədən meteor dəstəsinin özü də meteor seli adlanır. Meteor selinin başlıca xüsusiyyəti meteor dəstəsinin Yerlə rastlaşarkən onun atmosferində yaranmasıdır. Meteor seli hər il, yaxud bir neçə ildən sonra eyni gündə müşahidə olunur. Davam etməsi müddətinə görə meteror seli iki növə ayrılır: qısamüddətli və uzunmüddətli. Yaranan parçaların sayına görə meteorun daha iki növü ayırd edilir: sıx və seyrək. Əgər parçaların sayı dəqiqədə 1000-dən çox olarsa, buna sıx meteor deyilir. Onların sayı 1000-dən az olarsa, seyrək meteor adlanır. Qısamüddətli və sıx meteor selinə meteor yağışı deyilir. Meteor yağışı zamanı ionlaşmanın güclü artması müşahidə edilir. Yüklə 3,31 Mb. Dostları ilə paylaş:
|