50
4.Su kapilyarlarla yuxarıya doğru qalxdıqca
qalxma sürəti
zəifləşir.
Təbii şəraitdə kapilyarların ölçüləri və suyun kapilyarlarla qalx-
ma sürəti və hündürlüyü torpağın mexaniki tərkibindən asılıdır.
Buna görə geniş kapilyarlar ilə xarakterizə edilən qumlarda su bə-
zən birinci saat ərzində çox tez qalxmasına baxmayaraq, 0,5 metr-
dən yüksəyə qalxa bilmir. Gilli və xüsusən cillicəli torpaqlarda
kailliyarlar çox nazik olduğu üçün su 4-5
m-ə və bəzən daha hün-
dürə qalxır. Ağır və bərk torpaqlarda isə bu proses üçün azı 2-3 ay
sərf edilir.
Gilli torpaqlar şəraitində suyun kapilyarlarla yuxarı qalxma
hündürlüyünü orta hesabla 2-3 m qəbul etmək məsləhət görülür.
Suyun kapilliyarlarla yuxarı qalxma sürəti və səviyyəsi, suda
həll olunan duzların tərkibindən və miqdarından asılıdır. Kravko-
vaya görə məhlulda natrium xlorid, natrium sulfat,
kalsium karbo-
nat kimi duzların konsentrasiyası artanda suyun kapilyarlarla yuxa-
rı qalxması zəifləşir, məhlulda kalsium sulfat duzu olanda isə ək-
sinə artır.
Müxtəlif torpaqlar üçün suyun kapilyarlarla yuxarı qalxma
hündürlüyü 6 saylı cədvəldə göstərilir.
Cədvəl 6.
Torpaqda suyun kapilyarlarla yuxarı qalxma hündürlüyü
(N.A.Kaçinskiyə görə)
Torpaqların növü
Suyun kapilliyarlarla maksimal
hündürlüyə qalxması, sm-lə
Gilli 400-500
Ağır gilli
300-400
Orta gilli
200-300
yüngül gilli
150-200
Qum qarışıq 100-150
Qum 50-100
Tədqiqatlar sübut edir ki, yüngül mexaniki
tərkibli torpaqlarda
suyun kapillyarlarda hərəkət surəti və kapillyarlarla qaldırılan su-
yun miqdarı çoxdur, lakin kapillyarların su qaldırma qabiliyyəti
51
çox aşağıdır. Orta mexaniki tərkibli torpaqları əmələ gətirən hissə-
ciklərin ölçüləri və quruluşu elədir ki, burada həm torpağın kapil-
lyarlarının su qaldırma qabiliyyəti, həm də kapillyarlarla qalxan
suyun miqdarı çoxdur.
Ağır mexaniki tərkibli torpaqlarda kapillyarların su qaldırma
qabiliyyəti
çox yüksəkdir, lakin kapillyarlarda suyun hərəkət surəti
və onlarla qaldırılan suyun miqdarı çox azdır.
Torpağın su buxarlandırma qabiliyyəti:Torpaq özündə saxla-
dığı suyu müxtəlif sürətlə buxarlandırır.Torpağın səthindən suyun
buxarlanmasına bir sıra amillər təsir göstərir. Bunlardan torpağın
mexaniki tərkibi və strukturasının təsirini xüsusi qeyd etmək
lazımdır. Torpaq narın olduqda hissəciklər arasında
qalan məsamə-
lərin diametri kiçik olduğundan bu yolla rütubət torpaq səthinə
asanlıqla qalxır və oradan intesiv buxarlanma gedir.
4.6. Torpağın nəmlik xüsusiyyətləri
Torpağın kapilyar və qeyri-kapilyar məsamələrinin su ilə tam
dolması onun tam su tutumunu təşkil edir. Torpağın su tutumunda
onun şişmə dərəcəsini də nəzərə almaq lazımdır.Məsələn kipləşmiş
torpaq isladılarkən havada quru haldakı məsamələrində yerləşə
biləcək sudan çox su tutur. Bu yalnız şişmənin hesabınadır. Tam
su tutumuna malik olan torpaq su ehtiyatının hamısını saxlaya
bilmir. Makro məamələrdə olan hissə öz ağırlğı ilə aşağıya doğru
yönəlmiş olur və qravitasiya suyunu təşkil edir.
Torpağın kapilyarlarında olan suya kapilyar su deyilir.
Kapilyar
su ilə tam doymuş hala torpağın kapilyar su tutumu deyilir.
Su kapilyar borularda (qrunt suları dərində deyilsə) daima ka-
pilyar su tutumuna bərabər miqdarda qala bilər. Kapilyar suyun
hərəkət sürəti və qalxma hündürlüyü kapilyar məsamələrin ölçü-
sündən asılıdır.
Tarla şəraitində, xüsusilə cənub rayonlarda torpaq az müddətdə
kapilyar su
tutumuna qədər islana bilər, çünki aşağıdan yuxarıya
doğru qrunt sularının daimi axımı olmur.Bərk yağışlardan sonra
torpaqda kapilyar su tutumuna qədər islanma gedir.Suyun bir
hissəsi qravitasiya suyu ilə aşağı qatlara axdıqdan sonra torpaqda
52
tarla su tutumu halı başlayır.
Qrunt suları dərin olan yerlərdə torpaq tərəfindən saxlanılan
suyun qrunt suları ilə əlaqəsi olmadığından belə suya asılı halda
qalmış su deyilir.
Torpaqda su ehtiyatı aşağıdakı formula ilə tapılır.
W=10000xHxPq/100=100HPq
Burada: H-torpaq layının qalınlığı m-lə.
P-torpağın həcm çəkisi q/m
3
q- tarla su tutumu şəraitində torpaq nəmliyi %-lə
Tarla su tutumu torpağın mexaniki tərkibindən asılıdır və
V.M.Romanova görə aşağıdakı hüdudlar arasında dəyişir.
Torpaqda çürüntü maddəsi nə qədər çox olarsa onun su tutu-
muda bir o qədər çox olar.
Torpaq səthindən aşağı 30-40 sm-lik qatda üstdən torpaq təzyiqi
olduğundan torpağın su tutumu nisbətən az olur. Təcrübələr gös-
tərir ki, tarla su tutumunun 50-60 %-dən aşağı nəmlikdə olduğu
halda, bitki özünü yaxşı hiss etmir və suvarmaq lazım gəlir.
Cədvəl 7.
Mexaniki tərkibindən asılı olaraq torpaqların tarla su tutumu
( V.M.Romanova görə)
Torpaqlar
Su tutumu (torpaq
həcminə görə %-lə )
Bir metrlik qatda su
ehtiyatı hektarda m
3
-la
Qumlu 15-18
1500-1800
Qumsal 22-24
2200-2400
Gillicə 26-28
2600-2800
Gilli 34-38
3400-3800
Gilli qara torpaq
38-41
3800-4100
4.7. Torpaqda su rejimini nizamlamağın əsas məsələləri
Məlum olduğu kimi torpaq münbitliyi eyni zamanda onun bitki-
ləri su ilə təmin etmək qabiliyyətidir.Odur ki,
torpaq münbitliyinin
artırılmasına doğru yönəldilmiş hər bir məsələ demək olar ki, eyni
zamanda torpağın
su rejimini yaxşılaşdırmağa doğru yönəldilmiş
məsələdir.Nəmliyə görə torpaq münbitliyini artırmaq əsas iki
istiqamətdə aparıla bilər.