«тасдиқлайман»

Tadqiqotning vazifalari:
fleshmob texnologiyasini ta’lim jarayoniga tatbiq qilishning didaktik bosqichlarini aniqlash;
verbal muloqot doimiyligini oshirish asosida fleshmoblardan foydalanish samaradorligini takomillashtirish;
fleshmoblardan foydalanishning konseptual, indikativ modellarini tа’limiy texnologiyalargа ustuvorlik berish asosida takomillashtirish;
fleshmoblardan foydalanish bo‘yicha ishlab chiqilgan me’zonlar asosida didaktik tizimlar tarkibini takomillashtirish.
Tadqiqotning obyekti sifatida oliy ta’limdagi ingliz tili o‘quv mashg‘ulotlarida fleshmoblardan foydalanish jarayoni belgilanib, tajriba-sinov ishlariga Jizzax davlat pedagogika universiteti, Nizomiy nomidagi Toshkent davlat pedagogika universiteti, Navoiy davlat pedagogika institutidan 603 nafar talaba jalb etilgan.
Tadqiqotning predmetini oliy ta’limdagi ingliz tili o‘quv mashg‘ulotlarida fleshmoblardan foydalanish mazmuni, shakli, texnologiyasi va vositalari tashkil etadi.
Tadqiqotning usullari Tadqiqot jarayonida ilmiy-metodik adabiyotlarni qiyoslash, didaktik voqelikni bilishning sotsiologik aniqlash; nazariy, empirik, fundamental, amaliy empirik metodlardan foydalanildi; dalillar qayd qilindi, matematik-statistik tahlil, natijalarni umumlashtirish usullaridan foydalanildi.
Tadqiqotning ilmiy yangiligi quyidagilardan iborat:
oliy ta’limda fleshmoblardan foydalanish texnologiyasi suhbatdoshining fikrlarini tinglashga ustivorlik berish, mohiyatini anglash, saralash va ingliz tilida shaxsiy pozisiyasini konstruktiv interpritatsiya qila olish ko‘nikmalarini oshirish samaradorligini ta’lim maqsadlariga transformatsiyalash asosida aniqlangan;
oliy ta’limda fleshmoblardan foydalanish samaradorligi talabalarning mustaqil ishlash ko‘nikmalarini rivojlantirishning gnostik imkoniyatlari, raqamli texnologiyalardan foydalanish motivlari va verbal muloqot davomiyligini dinamik ravishda oshirish asosida takomillashtirilgan;
oliy ta’limda fleshmoblardan foydalanish modeli ingliz tili mashg‘ulotlarida axborotlarni jadal tarzda taqdim qilish, ijodiy-rivojlantiruvchi muhitni yaratish, yangi bilimlarga qiziqishni orttirish hamda talaba shaxsiga ta’sir etuvchi ichki va tashqi, endoterik va ekzoterik motivlarni aniqlash asosida takomillashtirilgan;
fleshmoblardan foydalanish texnologiyasini rivojlantirish mezonlari o‘zlashtirilgan bilimlarni hayotiy vaziyatlarga samarali qo‘llash, fanlararo qisqa va uzoq muddatdagi fleshmoblarga shaxsiy qadriyatli faoliyat algoritmini intensiv kiritish asosida takomillashtirilgan;