36
1988-ci ilin fevral ayından Ermənistanın Azər-
baycana
təcavüzünə, Azərbaycan torpaqlarının qəsbkar
erməni silahlı qüvvələri tərəfindən işğalına başlan-
mışdır. Еrmənistan Rеspublikası “Hərbi münaqişələr
zamanı mədəni sərvətlərin qоrunması haqqında” Ha-
aqa Kоnvеnsiyasının və “Mədəni sərvətlərin qеyri-
qanuni dövriyyəsi haqqında” Paris Kоnvеnsiyasının
müddəalarını kоbudcasına pоzaraq Azərbaycanın
mədəni sərvətlərini talamaqla məşğuldur.
Ermənistan Respublikasının hərbi təcavüzü nəti-
cəsində Azərbaycan Respublikasının Dağlıq Qarabağ
ərazisi və onun ətrafındakı 7 inzibati rayon işğal edil-
mişdir.
Beləliklə, Ermənistan Respublikasının hərbi
təcavüzü nəticəsində Azərbaycan ərazilərinin 20 fai-
zi
işğal edilmiş, 20 mindən çox insan qətlə yetirilmiş,
50 mindən artıq adam yaralanmış və şikəst olmuşdur.
Bir milyondan artıq insan 10 ildən çoxdur ki, qaçqın
və məcburi köçkün şəraitində yaşayaraq Ermənistanın
azərbaycanlılara qarşı etnik təmizləmə və soyqırım
siyasətinin qurbanı olmuş, elementar insan haqlarından
məhrum edilmişdir.
İşğal nəticəsində 900-dən artıq yaşayış məntəqəsi
talan edilmiş, yandırılmış və dağıdılmış, 6 min sənaye,
kənd təsərrüfatı müəssisəsi və digər obyektlər məhv
edilmiş, ümumi yaşayış sahəsi 9 mln m
²
-dən artıq olan
150 min yaşayış binası dağıdılmış, 4366 sosial mədəni
obyekt, 695 tibb ocağı məhv edilmişdir.
İşğal edilmiş ərazilərdə kənd təsərrüfatı sahəsi, su
təsərrüfatı, hidrotexniki qurğular, bütün nəqliyyat və
kommunikasiya xətləri tam sıradan çıxarılmışdır. Da-
ğıntılar nəticəsində iqtisadiyyata 60
milyard ABŞ dol-
larından artıq ziyan dəymişdir. Hərbi təcavüz zamanı
ələ keçirilmiş Azərbaycan ərazilərində 927 kitabxana,
464 tarixi abidə və muzey, 100-dən çox arxeoloji abidə,
6 dövlət teatrı və konsert studiyası dağıdılmışdır. Ta-
lan edilmiş muzeylərdən 40 mindən çox qiymətli əşya
və nadir eksponat oğurlanmışdır. Belə ki, Kəlbəcər
Tarix Diyarşünaslıq Muzeyi yerlə yeksan olunduqdan
sonra muzeyin ekspoziyasına daxil olan nadir qızıl və
gümüş zinət əşyaları, ötən əsrlərdə toxunmuş xalça-
lar Ermənistana daşınmışdır. Şuşadakı Tarix Muzeyi-
nin, Ağdamdakı Çörək Muzeyinin, Zəngilandakı Daş
Abidələr Muzeyinin də taleyi belə olmuşdur. Oğur-
lanmış və məhv edilmiş bu
tarixi-mədəni sərvətlərin
dəyərini müəyyənləşdirmək, pulla qiymətləndirmək
mümkün deyildir. Birləşmiş Millətlər Təşkilatının
Təhlükəsizlik Şurasının 1993-cü ildə qəbul edilmiş
822, 853, 874, 884 saylı qətnamələrində Azərbaycan
Respublikasının ərazi bütövlüyünün tanınmasına və iş-
ğal olunmuş Azərbaycan ərazilərinin qeyd-şərtsiz azad
edilməsi tələblərinə baxmayaraq, Ermənistan Respub-
likası bu gün də işğalçılıq siyasətini davam etdirir.
QAN YADDAŞIMIZ!
Vətən torpaqları
bizi gözləyir!
1988-1993-cü illərdə işğal edilmiş Azərbaycan əraziləri:
Dağlıq Qarabağ: işğal tarixi – 1988-1993-cü illər, ərazisi
4,4 000
km²
Xankəndinin işğal tarixi - 28 dekabr 1991-ci il (ərazisi - 1043 km², əhalisi-57000)
Xocalının işğal tarixi - 26 fevral 1992-ci il (ərazisi - 936 km², əhalisi-25332)
Şuşanın işğal tarixi - 8 may 1992-ci il (ərazisi - 289 km², əhalisi-31499)
Laçının işğal tarixi - 17 may 1992-ci il (ərazisi – 1835 km², əhalisi 72 228 )
Xocavəndin işğal tarixi - 2 oktyabr 1992-ci il (ərazisi - 1458 km² , əhalisi-41 725)
Kəlbəcərin işğal tarixi - 2 aprel 1993-cü il (ərazisi - 3054 km², əhalisi-85 228)
Ağdərənin işğal tarixi - 7 iyul 1993-cü il (ərazisi - 1705 km², əhalisi-14000)
Ağdamın işğal tarixi - 23 iyul 1993-cü il (ərazisi - 1 154 km², əhalisi-175400)
Cəbrayılın işğal tarixi - 23 avqust 1993-cü il (ərazisi - 1049 km², əhalisi-54430)
Füzulinin işğal tarixi - 23 avqust 1993-cü il (ərazisi - 1386 km² , əhalisi-105000)
Qubadlının işğal tarixi - 31 avqust 1993-cü il (ərazisi - 802 km², əhalisi-37 400)
Zəngilanın işğal tarixi - 29 oktyabr 1993-cü il (ərazisi - 707 km², əhalisi-33900)
37
Rəssamlıq.Heykəltəraşlıq.Memarlıq
105
illiyi
Rüstəm Mustafayev
1910-1940
FEVRAL
Rüstəm
Məmmədhənifə oğlu Mus-
tafayev 1910-cu il fevral ayının 25-də
Bakıda doğulmuşdur. 1926-cı ildə
Bakı Ali Rəssamlıq Məktəbini bitir-
mişdir.
1928-ci ildə Moskvada müəyyən
təcrübə keçdikdən sonra Bakıya qa-
yıtmış, bir müddət Bakı Azad Tənqid-
Təbliğ Teatrında (sonrakı adı Türk
İşçi Kəndli Teatrı) tamaşalara səhnə
tərtibatı vermişdir. O, sadəcə illüst-
rasiya çəkməklə kifayətlənməmiş,
bütün səhnələrin qurulmasında fəal
iştirak etməklə rejissor və müəlliflərə
kömək etmişdir.
Repressiyanın hökm sürdü-
yü ağır illərdə Rüstəm Mustafayev
Azərbaycan Dövlət Dram Teatrın-
da baş rəssam işləmişdir. Mirzə
Cəlilin, Cəfər Cabbarlının,
Hüseyn
Cavidin, Əbdürrəhim bəy Haqver-
diyevin əsərlərinə verdiyi tərtibatlar
Azərbaycan teatr-dekorasiya sənətinin
orijinal, qiymətli nümunələri sayıl-
mışdır. Rüstəmin tamaşalara verdiyi
tərtibat o qədər diqqət çəkir ki, onu
Azərbaycan Opera və Balet Teatrın-
da da işləməyə dəvət edirlər. “Şah
İsmayıl”, “Leyli və Məcnun”, “Aşıq
Qərib”, “Koroğlu” kimi operalara
verdiyi tərtibat böyük bəstəkarımız
Üzeyir Hacıbəyli tərəfindən yüksək
qiymətləndirilmişdir.
Rüstəm Mustafayevin yaradıcılığı
çoxşaxəli idi. O,
bir tərəfdən teatr ta-
maşalarına bədii tərtibat vermiş, digər
tərəfdən də miniatür sənətimizi, mil-
li memarlığımızı dərindən öyrənərək
müxtəlif sərgilərin tərtibatı ilə məşğul
olmuş, elmi tədqiqatlar aparmış, qrafi-
ka sahəsində bir sıra müvəffəqiyyətlər
qazanmışdır. O, neçə-neçə plakat və
kitabların da bədii tərtibatı üzərində
işləmişdir. Səməd Vurğun, Süley-
man Rüstəm, Rəsul Rza və başqa
şairlərin o dövrdə çıxan kitablarının
bədii tərtibatı Rüstəmin ilk qrafika
işlərindən sayılırdı.
Moskvada keçirilən müxtəlif sərgi-
lərdə Azərbaycana
məxsus bölümün
tərtibatçısı da məhz Rüstəm Musta-
fayev olmuşdur. Onun son işlərindən
biri 1940-cı ildə Nizami muzeyinin
qurulması ilə bağlı idi. O, bu muzeyin
bədii tərtibatının müəlliflərindən biri
olmuşdur.
1937-ci ildən ömrünün sonu-
na qədər Azərbaycan abidələrini
mühafizə edən Mərkəzi Dövlət
İdarəsinin
direktoru vəzifəsində ça-
lışmışdır. Nizami dövrü abidələrinin
və Şəki Xan sarayının elmi bərpası
sahəsində mühüm xidmətləri olmuş-
dur.
O, müxtəlif mükafatlara, fəxri
fərmanlara, eləcə də “Şərəf nişanı”
ordeninə layiq görülmüşdür.
Rüstəm Mustafayev 1940-cı
ildə Bakı şəhərində vəfat etmişdir.
Ölümündən üç il sonra Azərbaycan
Dövlət İncəsənət Muzeyinə bu unu-
dulmaz rəssamın adı verilmişdir.
Ə d ə b i y y a t
Rüstəm Mustafayev
Məmmədhənifə oğlu
//Azərbaycan incəsənəti.
Təsviri sənət, dekorativ-tədbiqi
sənət, memarlıq /tərt. Z.Əliyev,
A.Xəlilov; Azərb. Resp.
Gənclər və İdman Nazirli-
yi, “Bizim Nəsil Gənclərin
Regional inkişaf Assosiasiyası
İctimai Birliyi”.- Bakı: Letterp-
ress, 2011.- C.II.- S.72.
Rüstəm Mustafayev 1910-1940
/layih. rəhb. Ç.Fərzəliyev.-
Bakı, 2013.-104 s.
Rüstəm Mustafayev //Rəhimli
İ. Azərbaycan Dövlət Akade-
mik Milli Dram Teatrı Teatrın
1873-2012-ci illər arasındakı
yaradıcılıq yolunun salnaməsi:
3 cilddə.- Bakı, 2013.- C.I.-
S.517-519.
Təranə, V. İlk peşəkar teatr
rəssamlarımız: Azərbaycan
teatrı-140 /V.Təranə
//Mədəniyyət.- 2013.- 27 fev-
ral.- S.7.
İ n t e r n e t d ə
www..anl.az
www.az.wikipedia.org
www.nationalmuseum.az
25
Rəssam