381
Milli ədəbiyyat
Qətran Təbrizi
1012-1088
1005
illiyi
2016
Qətran Əbu Mənsur Təbrizi 1012-
ci ildə Təbriz yaxınlığındakı Şadiabad
kəndində anadan olmuşdur.
İlk təhsilini Şadiabadda almış, son-
ra Təbrizdə oxumuşdur. Təhsilini başa
vurduqdan sonra Şəddadilər dövlətinin
paytaxtı olan, inkişaf etmiş Gəncə
şəhərinə gəlmiş, tezliklə Şəddadilərin
sarayına dəvət olunaraq az bir vaxt-
da böyük nüfuz qazanmışdır. Həmin
dövrdə Qətran bir çox şeirlərini ölkənin
hökmdarı Əbdülhəsən Ləşkəriyə və
onunla əlaqədar baş vermiş hadisələrə
həsr etmişdir. Bir müddət Naxçıvanda,
yerli hakimlərin saraylarında yaşadıq-
dan sonra vətəni Təbrizə dönmüş, 1046-
cı ildə Təbrizdə böyük İran şairi və filo-
sofu Nasir Xosrovla görüşmüşdür. Hələ
sağlığında ikən istedadlı şair, müdrik
filosof və alim kimi bir çox ölkələrdə
şöhrət qazanmışdır. Özünün yazdığına
görə, onu Xorasanda və İraqda yaxşı ta-
nıyır və sevirdilər.
Qətran poeziya ilə gənc yaşlarından
məşğul olmağa başlamış və bu sahədə
böyük yaradıcılıq uğurları qazanmış-
dır. “Tövsnamə”, “Quşnamə”, “Va-
miq və Əzra” adlı əsərlərin və əsasən
qəsidələrdən ibarət irihəcmli divanın
müəllifidir.
XII əsrdə yaşamış Orta Asiya şairi
Rəşid Vətvat yazır ki, o ömrü boyu bircə
həqiqi şair tanımışdır - həkim (müdrik)
Qətran Təbrizini. Şeir yaradıcılığında
əsas yeri dövrün müxtəlif hökmdarları-
nı tərif edən qəsidələr tutur. Əsərlərində
Azərbaycan dilinin ifadə formaların-
dan, xüsusən atalar sözlərindən, xalq
deyimlərindən geniş istifadə etmişdir.
Bu əsərlər müasir oxucu və tədqiqatçılar
üçün qəsidələrdə
mədh olunan
qəhrəmanların saraylarında baş verən
tarixi hadisələri, onları tarix baxımından
öyrənmək üçün çox qiymətlidir.
Orta əsr mənbələrinə əsaslanan
Azərbaycan tədqiqatçıları qeyd edirlər
ki, Qətran Təbrizi fars leksikoqrafi-
yası tarixində fars dilinin ilk izahlı
lüğətinin yaradıcısı olmuşdur. Fars dili
Qətranın ana dili deyildi və o, farsca
yazan ilk Azərbaycan şairi olmuşdur.
Alimlərin əksər qismi bu lüğəti yaradı-
cısının adı ilə sadəcə “Lüğəti-Qətran”,
yaxud “Fərhəngi-Qətran” (hər iki ifadə
“Qətranın lüğəti” anlamına gəlir) kimi
qeydə almışlar. Sonralar isə bu lüğət
“Təfasir fi lüğatül-fürs” (“Fars dili
sözlərinin izahları”), yaxud qısa şəkildə
“Təfasir” (“İzahlar”) adlandırılır.
Qətran Təbrizi 1088-ci ildə
Təbrizdə dünyasını dəyişmiş və Sur-
xab məhəlləsindəki məşhur Şairlər
məqbərəsində dəfn olunmuşdur.
Şair
Ə d ə b i y y a t
Divan /Q.Təbrizi; fars dilindən çevirən və çapa haz. Q.Beqdeli; red. M.Quluzadə; Azərb.SSR EA Nizami ad. Ədəbiyyat və Dil İn-tu.-
Bakı: AzSSR EA, 1967.- 439 s.
Qətran Təbrizi - 1000 /toplayıb tərt. ed. və ön söz müəl. S.Xəyal; elmi red. T. Həsənzadə.-Bakı: [MBM], 2012.-159 s.
Sadıqova, N. Qətran Təbrizinin tarixi mənzumələri: filol. üzrə fəls. d-ru e. dər. al. üçün təq. ed. dis-nın avtoreferatı: 10.01.01
/N.F.Sadıqova; Azərb. Respub. Təhsil Nazirliyi, BDU.- Bakı, 2012.- 30 s.
“Qətran adlı gözəl bir şair...”: Təbrizdən Gəncəyə yolçuluq... //Azadlıq.- 2013.- 27 mart.- S.14.
Namazov, Q. Min yaşlı Qətran Təbrizi /Q.Namazov //Ədəbiyyat qəzeti.- 2012.- 28 dekabr.- S.4.
382
Milli ədəbiyyat
300
illiyi
Molla Pənah Vaqif
1717-1797
2017
Molla Pənah Mehdi ağa oğlu Vaqif
1717-ci ildə Qazax mahalının Qıraq
Salahlı kəndində anadan olmuşdur.
1759-cu ildə ailəsi ilə Qarabağ xan-
lığına - Tərtərbasar kəndinə köçmüş-
dür. Şairin bu dövr yaradıcılığında
maddi və mənəvi sıxıntıları öz əksini
tapmış və məşhur “Bayram oldu”
qoşmasının məhz həmin dövrdə
qələmə alındığı bildirilir. Bir müddət
sonra Vaqif Şuşa şəhərinə köçmüş
və burada məktəb açaraq müəllimlik
fəaliyyətini davam etdirmişdir.
Şairin hörmətini eşidən Qarabağ
hökmdarı İbrahim xan Vaqifi sara-
yına dəvət edərək, eşik ağası (yəni
daxili işlər üzrə vəzir) təyin etmişdir.
O, sarayda böyük nüfuz qazanaraq
27 il müddətində sarayın ən mötəbər
adamlarından biri kimi tanınmışdır.
1797-ci ildə Şah Qacar ikinci dəfə
Şuşaya hücum etmiş və nəticədə Va-
qif həbs edilərək zindana salınmışdır.
Qacarın ölümündən sonra xanlıqda
hakimiyyəti müvəqqəti ələ alan İbra-
him xanın qardaşı oğlu Məhəmməd
bəy Çavanşir 1797-ci ildə şairi oğlu
Əli ilə birlikdə Şuşa şəhərində edam
etdirir. Vaqifin ölümündən sonra
onun evi talan olunur, əsərlərinin çox
hissəsi məhv edilir.
XVIII əsrdə Azərbaycan poeziya-
sına ideya-sənətkarlıq və janr-üslub
cəhətdən yeni keyfiyyətlər qazandı-
ran görkəmli şair Molla Pənah Vaqif
Şərq poeziyasının bütün klassik for-
malarında: qəzəl, təcnis, müxəmməs,
müstəzad, müəşşərə, müşairə,
məsnəvi, mərsiyələr yazmışdır.
“Heyran olmuşam”, “Sonalar kimi”,
“Tel nazik”, “Ala gözlü, sərv bоylu
dilbərim”, “Yasəmən tеllərin, nərgiz
gözlərin” və s. şeirlər bu gün də dillər
əzbəridir. O, nə qədər saray mühitində
yazıb-yaratsa da, şeirlərində xalq
ruhunun ifadəsi mühüm yer tutur.
Yaradıcılığında ərəb-fars sözlərinə
az yer vermiş, xalq dilinin obrazlı
ifadələrindən istifadə edərək poeziya
dilimizi zənginləşdirmiş, yeni çalar-
lar bəxş etmişdir.
1856-cı ildə Teymurxanşurada Va-
qifin ilk kitabı çap olunmuşdur. Daha
sonralar Mirzə Fətəli Axundov çox
zəngin bir material toplayaraq məşhur
şərqşünas Adolf Berjeyə vermiş, o, bu
əsəri 1867-ci ildə Leypsiq şəhərində
nəşr etdirmişdir. Vaqifin əsərlərinin
еlmi nəşri 1945-ci ildə Azərbaycan
Milli Еlmlər Akadеmiyasının Niza-
mi adına Dil və Ədəbiyyat İnstitutu
tərəfindən həyata keçirilmişdir.
Şeirlərini ilk dəfə rus dilinə XIX
əsrin 40-cı illərində polyak şairi və
tərcüməçisi Tadeuş Zabloski tərcümə
etmişdir.
Görkəmli bəstəkarlardan
C.Cahangirov, Q.Hüseynli, V.Şirinov,
Ə.Abbasov, G.Muradova şeirlərinə
musiqi bəstələmiş, Ramiz Musta-
fayev “Vaqif” operasını, Xalq şairi
Səməd Vurğun “Vaqif” dramını yaz-
mış, müxtəlif illərdə haqqında sənədli
filmlər çəkilmişdir.
2016-2017-ci illərdə YUNESKO-
nun yubileylər proqramı çərçivəsində
Molla Pənah Vaqifin 300 illik yu-
bileyi beynəlxalq səviyyədə qeyd
ediləcək.
Ə d ə b i y y a t
Əsərləri /M.P.Vaqif; tərtibçi
H.Araslı.-Bakı: Çaşıoğlu,
2004.- 264 s.
Qurban olduğum /M.P.Vaqif;
tərtib edəni və red.
M.Ələkbərli.-Bakı: Gənclik,
1994.- 120 s.
Sevmək gərək: lirik şeirlər
kitabı /M.P.Vaqif; [tərt.ed.
A.Sarovlu ; red. Ç. Əlioğlu].-
Bakı: Gənclik, 1987.- 125,
[2] s.
Müxəmməs /M.P.Vaqif
//Ədəbiyyat qəzeti.- 2013.- 1
fevral.- S.3.
Əfəndiyev, P. Molla Pənah Va-
qif və Molla Cümə /P.Əfəndiyev
//Kredo.-2014.- 5 iyul.- S.9.
Kamal, R. Molla Pənah
Vaqif: Gözün tarixi /R.Kamal
//Ədəbiyyat qəzeti.- 2015.- 31
oktyabr.- S.12.
Kazımlı, K. Vaqif poeziyasının
işığında /K.Kazımlı //Mədəni
həyat.- 2014.- № 2.- S.32.
Kamal, R. Molla Pənah Vaqif
və Səməd Vurğun: felin ener-
jisi: Linqvistik etüd /R.Kamal
//Ədəbiyyat qəzeti.- 2015.- 13
fevral.- S.5.
Şair