218
onun əsərlərində tənqid kimi tərifin də müəyyən ölçüyə
sığışdığını, bir tənqidçi kimi ədəbi ha-disə və yaxud əsəri
qiymətləndirərkən aydın mövqe tutdu-ğunu müşahidə edir,
məhz bu xüsusiyyətlərin tənqidçiyə ədəbi mühitdə böyük nüfuz
qazandırdığını əsaslandırırdı.
Hələ sağlığında «Tənqidimizin atası», «Tənqidimizin
ustadı», «Tənqidimizin vicdanı» deyə anılan görkəmli tənqidçi
haqqında K.Talıbzadə belə bir düzgün nəticəyə gəlirdi ki,
müasir tənqidi sənətkarlıq cəhətdən təkmil-ləşdirmək üçün
M.Arif yaradıcılığı zəngin material verir, buna görə də
tənqidçinin əsərlərinin sənətkarlıq xüsusiy-yətləri daha geniş və
hərtərəfli tədqiq edilməlidir. K.Ta-lıbzadənin tədqiqatlarında
M.Arif milli mədəniyyətimizin təşəkkülünü və yüksəliş
tarixini öz səmərəli işi ilə yara-dan və təmsil edən
görkəmli şəxsiyyətlərdən biri kimi təqdir olunur, böyük
tənqidçi və ədəbiyyatşünasın, yazıçı və mütərcimin,
müəllim və ictimai xadimin keçdiyi zən-gin yaradıcılıq
yolunun mühüm hadisə və məqamları araşdırılır. M.Arifin
üçcildlik «Seçilmiş əsərləri»nə yazdığı geniş müqəddimədə də
1
K.Talıbzadə ədəbiyyatımızın və ədəbi-nəzəri fikrimizin müasir
nailiyyətlərini, bir sıra mü-hüm və əlamətdar hadisələrini
alimin adı ilə bağlayır, onun qırx beş illik zəngin
yaradıcılığının milli ədəbiyyatın əsas inkişaf istiqamətlərini
müəyyənləşdirməkdə əhəmiyyətli ro-lunu aydınlaşdırırdı.
1
Ариф M. Seçилmиш əsəрлəри (üç жилддə), ж.1, Баkы, Азəрб. SSР EА
nəшриyyаты 1967, s.519.
219
Tədqiqatçı M.Cəfər tənqidinə də böyük sənət möv-
qeyindən yanaşır, «Həyat və sənət eşqi» adlı məqalə-sində
1
böyük tənqidçinin həyat yolundan, sənət dünya- sının
spesifikasından söz açırdı. Tədqiqatçı hələ gənc yaşlarında
dünya ədəbi-estetik fikrinin qabaqcıl meyllə- rini, öyrənmək,
mənimsəmək məqsədini izləyən M.Cəfə-rin geniş və
çoxsahəli, zəngin ədəbi fəaliyyətini, onun «kuryerlikdən
akademikliyə, çörəkçi şagirdliyindən filosof tənqidçiliyə qədər
keçib gələn» çox gərgin, mürəkkəb yaradıcılıq yolunu
sistemli şəkildə araşdırır. Burada Azər-baycanda qızğın ədəbi
mübarizələrin getdiyi, yeni bir tən-qidi cərəyan olan marksist
tənqidin formalaşdığı və milli tənqidin öz inkişaf yolunda
qarşıda duran maneələrlə çar-pışdığı bir vaxtda böyük ədəbi
fikir dünyasına yol alan tənqidçinin yaradıcılığının ən mühüm
məqamları diqqət- lə nəzərdən keçirilir. K.Talıbzadə
görkəmli tənqidçinin Azərbaycan ədəbi fikrinin yüksəlişinə
təkan verən, hər dövrün öz ədəbi-nəzəri səviyyəsini,
nailiyyətlərini əks et-dirən əsələri haqqında bəhs edir,
onların ədəbi fikrimizin inkişafında rolunu müəyyənləşdirir.
Müəllif onu da qeyd edir ki, bu elmi, tənqidi əsərləri
oxuduqda sətirlər arxa-sında böyük tənqidçinin parlaq
şəxsiyyətini, idealını, həqiqi vətəndaş simasını da aydın
görmək mümkündür.
1
M.Cəfər yaradıcılığının əsas xüsusiyyətlərini araşdı-ran
tədqiqatçı tənqidçinin ədəbi hadisələri qiymətləndi-rərkən
ideya komponentinə xüsusilə böyük əhəmiyyət verdiyini, təhlil
1
Бах: Талыбзадə K. Тənгид вə тənгидçилəр, Баkы, Yазыçы, 1989, s.347-354.
220
obyektinin ideya mövqeyinə əsaslanaraq estetik mərhələnin
xüsusiyyətini də dövrün ədəbiyyatının ideyaları, ictimai
məzmun əhatəsi, müasirlik dərəcəsi ilə ölçdüyünü aşkara
çıxarır. Tədqiqatçı məhz böyük bəşəri idealların tənqidçinin
görüşlərində ədəbi hərəkatı qiymət-ləndirmək üçün əsas meyar
olduğunu qeyd edir və əsas-landırır. K.Talıbzadə göstərir ki,
M.Cəfər «ədəbi prosesin gedişini kor-koranə izləmir, ona tabe
olmur, tənqidçi üçün əsas meyar həyatdır, ictimai inkişafın
mütərəqqi, qabaqcıl istiqaməti və meylləridir. O, məhz bu
amillərə söykənərək ədəbi hadisələrə yanaşır, onları
qiymətləndirir və mənalan-dırır.»
1
Müəllif bu cəhətə görə
tənqidçinin əsərlərində bədii təhlillə yanaşı sosioloji təhlilin
də güclü təsir yaratdığını qeyd edirdi. Məqalədə M.Gəfər
əsərlərinin ideya odu və işığı ilə oxucularının qəlbini
alovlandıran, işıqlandıran, ideyalı tənqidin təsir gücünü,
qüdrətini əyani şəkildə nümayiş etdirən tənqidçi kimi təqdir
olunur, onun milli ədəbiyyatımızın inkişafında xidmətləri
yüksək dəyərlən-dirilirdi. Tənqidçinin müvəffəqiyyətinin
səbəblərini araş-dıran K.Talıbzadə onun ildən-ilə,
mərhələdən-mərhələyə sənət yüksəlişinin, sənət yolunda
irəliləməsinin, qüdrətli bir alimə, sözükeçər bir tənqidçiyə,
nəhayət, alim-vətəndaşa çevrilməsinin əsl kökünü isə bunda
görür: «Əsl tənqidçi o zaman nüfuz qazana, ədəbi prosesə,
yazıçıya təsir göstərə bilir ki, o, xalqının həyatını, tarixini,
fəlsəfəsini, ədəbiyyatını, eləcə də müasir ictimai gerçəkliyi,
cəmiyyəti dərs vermək istədiyi yazıçıdan, eləcə də
1
Талыбзадə K. Тənгид вə тənгидçилəр, Баkы, Yазыçы, 1989, s.351.
221
oxucusundan artıq bilə, ümumi bilik səviyyəsi, istedad
dərəcəsi ondan üstün ola, ümum-bəşəri ideallar səviyyəsinə
yüksəlmək üçün milli ideallara dərindən vaqif ola!»
1
Tədqiqatçı M.Cəfəri məhz belə hərtərəfli mənəvi
keyfiyyətlərə malik təbii istedad sahibi kimi təqdir edir,
sonda bu nəticəyə gəlirdi ki, əsərlərinin dərinliyi,
qiymətlərinin dəqiqliyi və elmi obyektivliyi ilə yalnız
M.Ariflə müqayisə edilə bilən tənqidçinin olduqca səmərəli
yaradıcılığı Azərbaycan ədə-biyyatını öyrənmək üçün ən
mötəbər mənbələrdən biri sayılır.
K.Talıbzadə tənqidə və ədəbiyyatşünaslığa, eləcə də onun
görkəmli nümayəndələrinə həsr etdiyi məqalələrində ustad
müəllimləri M.Arif, M.Cəfər, F.Qasımzadə, M.Cəlal,
Ə.Sultanlı, M.Rəfili, C.Xəndan və başqalarının adlarını
dönə-dönə xatırlayır, onların elmi və elmi təşkilatçılıq
fəaliyyətindən, aydın şəxsi keyfiyyətlərindən yeri gəldikcə,
əsərlərində söhbət açır. Tədqiqatçı «Əsrlərə müasir nə-zər»
məqaləsində belə məşhur, hər zaman nəsillərə ör-nək ola
biləcək hörmətli müəllimlərindən biri ədəbiy-yatşünas Həmid
Araslıdan bəhs edir. K.Talıbzadə üçün H.Araslı «heç kəsə
bənzəməyən, özünəməxsus yaradıcılıq yolu, tədqiq üsulu,
mövzuları, xasiyyəti və təbiəti olan», həm çox məğrur, həm
də çox mülayim, qayğıkeş müəl-limdir, alim-vətəndaşdır.
Ədəbi-nəzəri fikir tariximizdə əhəmiyyətli rolu olan
ədəbiyyatşünas alimin çoxcəhətli yaradıcılıq yolunu nəzərdən
keçirərkən müəllif göstərir ki, elmi problematika genişliyinə
1
Yenə орада, s.350-351.
Dostları ilə paylaş: |