qəbul etməsi ilə qurtara bilir. Birinci boyda Dirsə xanın oğlu buğanı öl dür -
dükdən sonra Dədə Qorquddan öz adını ala bilir. Lakin biz yalnız üçüncü
boyda bilirik ki, “o, vaxt oğlan baş kəsib, qan axıtmayana qədər onlar ona
ad qoymazlarmış”. Bu məsələdə də bir ardıcıllıq yoxdur. Dördüncü boyda
biz aydın görürük ki, Uruz baş kəsməmiş, qan tökməmiş öz adını alıb, eləcə
də onuncu boyda Əgrək. Uruz öz anasına “ağsaçlı”, “yaşlı” deyə müraciət
edir, lakin biz onun belə olduğunu görmürük, eləcə də Qazan özünü “ağ
saqqallı” bir şəxs kimi təqdim edir, halbuki, o, həya tının ən enerjili dövrünü
yaşayır. Ola bilsin ki, bunlar hazır epitetlərdir. Üçüncü boyda Beyrək ata -
sının qaza bənzər qızlarından və gəlinlərindən danışır, halbuki o, ailənin tək
oğludur və hələ evlənməyib. Eyni ilə doqquzuncu boyda Begil “ağbənizli
qızları və gəlinləri” haqqında danışır, lakin onun yeganə oğlu Emrən heç
evli deyil və boy sona çatana qədər də evlənmir.
Əhvalatların sərbəst ucu Beyrəklə bağlıdır (üçüncü boy). Şübhəsiz, bu
onunla bağlıdır ki, o, çox məşhur bir folklor qəhrəmanıdır və onunla bağlı
bir çox hadisələr bu boyda toplanıb. O, kiçik yaşlarından Bəy Becanın
kiçik yaşlı qızına nişanlanır, lakin o, qızla evlənmək üçün onun qısqanc
və qorxulu qardaşından icazə almalıdır. Məhz elə bu zaman mə`lum olur
ki, atası qızını Bəybut qalasının kafir hakiminə ərə verməyə söz verib və
bu ikiüzlü davranışına görə heç kim onu qınamır. On altı il həbsxanada
qaldıqdan sonra (bütün bu illər ərzində o, yüksək əhval ruhiyyədə olub)
Beyrək onu həbsdə saxlayan kafirin qızından qaçmaq təklifi alır. Mən
burada diqqəti cəlb edən əsas uyuşmazlıqları açıb göstərməklə əsəri oxu-
cuların gözündən salmayacağam.
Təpəgöz boyu (səkkizinci boy) qeydlərdə müzakirə olunan məntiqə
sığmayan bə`zi məsələləri nümayiş etdirir. Bu boyda “Odissey”
hekayələrindəki Siklopla (Təpəgözlə) bağlı bir sıra əhvalatlar saxta-
laşdırılıb. Homerə məxsus bir nağılın “Dədə Qorqud Kitabı”nda necə
peyda olması çox bulanıq bir məsələdir. Bununla bağlı mə`lumatlar
C.S.Mandinin “Polifem və Təpəgöz” adlı məqaləsində, Homer nağılının
folklor variantları ilə bağlı Meri və Ridelin “Odissey” kitabında (Oksford,
1886) öz əksini tapmışdır. Biz buradan öyrənirik ki, Homerdə olmayan
sehrli üzük epizodu XII əsrə aid latın və rumın versiyalarında öz əksini
tapıb. Bizim “Kitab”da rast gəlmədiyimiz “No-man” epizodu yalnız
Eston variantında mövcuddur. Vilhelm Qrim kimi Meri və Ridel də belə
düşünürdülər ki, “Siklop” hekayəsi “Odissey”dən götürülməyib, lakin
onlar bu folklor nümunələrinin (“Dədə Qorqud” da daxil olmaqla) və
2011/
III
34
PDF created with pdfFactory Pro trial version
www.pdffactory.com
Homer nağılının eyni bir mənbədən götürüldüyünü söyləyən Qrim qədər
dərinə varmamışlar. Lakin Beyrəklə bağlı epizodlarda (üçüncü boy)
“Odissey” nağılının izlərinin mövcudluğu belə bir fərziyə yürütməyə
imkan verir ki, bunlar və Təpəgöz epizodu Homerdən götürülüb. Alter -
nativ fərziyə budur ki, Homer bu mövzuların bə`zilərini Kiçik Asiyanın
qərbində ağızdan-ağıza dolaşan nağıllardan almış və iki min il keçdikdən
sonra, hələ də ağızdan-ağıza dolaşan bu epizodlar bu dəfə “Dədə Qorqud
Kitabı”nın namə`lum türk müəllifi tərəfindən alınmışdır. Bəli, bu da
mümkündür.
Bizim kitabda klassik dünya ilə əlaqəsi olan digər bir boy Dəli Domrul
boyudur. Bu boyda qəhrəmanın həyat yoldaşı Alsestis kimi öz həyatını
ərinin həyatı əvəzinə qurban verməyə hazırdır. Bunun həqiqi bir əlaqə
olması və ya təsadüfi oxşarlıq olması açıq bir məsələdir.
Əgər biz kitabdakı hər hansı bir xarakterin hər hansı bir tarixi
şəxsiyyətlə müsbət əlaqəsini açıq şəkildə müəyyənləşdirə bilsəydik, biz
əsərin tarixi haqqında mə`lumat verə bilərdik. Təəssüf ki, bunu etmək
qeyri mümkün görünür. Məsələn, Bayandır real bir tarixi şəxsiyyət hesab
oluna bilər, lakin bununla bağlı bizim əldə etdiklərimizin yalnız saysız
hesabsız rəvayətlərdən və fenologiya üzrə bir Osmanlı tədqiqatçısının
onun Nuh peyğəmbərin beşinci nəslindən bir şəxs olması ilə bağlı söy -
lədiyi əfsanədən ibarət olacaq. Biz əsərin tarixini müəyyənləşdirmək üçün
ondan bir qarmaq kimi istifadə edə bilmərik. Bu, eynilə XVII-ci əsrdə
yaşamış bir tarixçinin Salur Qazanın Peyğəmbərdən 300 il sonra yaşaması
ilə bağlı söylədiyi fikrə də şamil edilə bilər, lakin bizim bunu bilməyimiz
üçün imkanımız yoxdur. İlk baxışda tarixi bir şəxsiyyət kimi qəbul edilən
xarakter altıncı boyun qəhrəmanı, Trabzon hakimini qızı gözəl Selcan
xatunu alan Xan Turalıdır. XIV əsrdə o vaxtlar türkmən tayfaları adlan -
dırılan Ağqoyunlular adlı bir oğuz federasiyası tədricən Diyarbəkirin və
Evfratın yuxarı hissəsinin nəzarətini öz əllərinə aldılar. Həqiqətdə onlar
Türkiyənin şərqində, İraqda, qərbi İranda yerləşən bir ərazidə özlərinin
xanədanlığını yaratdılar. Qərbdən Osmanlı sultanı II Mehmet (1473),
şərqdən isə Şah İsmayıl (1508) bu xanədanlığa son qoydular. 1340-cı
ildən başlayaraq Tur Əli adında bir Ağqoyunlu sərkərdəsi Trabzona hü -
cum edir. 1352-ci ildə imperator III Aleksios təhlükədən canını qurtarmaq
üçün öz qızı Mariananı Tur Əlinin oğlu Kutlağa ərə verir. Bunu qeyd
etmək xoşdur ki, yunan şahzadəsi ilə türk şahzadəsi hər zaman xoşbəxt
yaşadılar. Evli olduqları 15 il ərzində onlar bir neçə dəfə Trabzona səfər
2011/
III
35
PDF created with pdfFactory Pro trial version
www.pdffactory.com
Dostları ilə paylaş: |