68
Gündüz İsmayılov
Qız qalasının yanında adı çəkilən səhabənin qanı tökülüb və bu yer
2 min il ərzində xristianlar tərəfi ndən müqəddəs hesab olunub.
VIII əsrdə yaşamış alban tarixçisi Musa Kalankatuklu özünün
“Ağvan ölkəsinin tarixi” əsərində qeyd edir ki, paytaxtı əvvəlcə
Qəbələ, sonralar isə Partav (indiki Bərdə) şəhəri olan Qafqaz Albani-
yası Xristianlığın yayıldığı ilk ölkələrdən biri olub. Burada eramızın
II yüzilliyindən başlayaraq ilk xristian icmaları yaranıb, IV yüzilli-
yin I rübündə (313-cü ildə) isə Arşakilər sülaləsindən olan alban çarı
Urnayr Xristianlığı dövlət dini elan edib. Müəllifi n qeyd etdiyinə
görə, Cənubi Qafqazda ilk xristian apostol kilsəsi Qafqaz Albaniya-
sında təsis olunub. Tədqiqatçı alimlər də bu fi kri təsdiqləyərək bü-
tün xristian dünyasında apostol mənşəli ilk kilsələrdən birinin məhz
Azərbaycanda formalaşmış Alban kilsəsi olduğunu hesab edirlər.
Həmin dövrdə Xristianlıq dövlət dini səviyyəsinə qalxsa da,
ölkədə geniş xalq kütlələrinin dininə çevrilə bilməyib, hakim
təbəqələrin dini olaraq qalıb. Çünki o dövrdə adi xalq arasında
bütpərəstlik, zərdüştilik, tanrıçılıq (Tenqri) inancı və s. dini etiqad-
lar öz təsir qüvvəsini saxlamaqda idilər.
IV əsrin sonu, V əsrin əvvəllərindən isə Xristianlıq nisbətən
geniş yayılmağa, ruhanilik və kilsə iyerarxiyası təşəkkül tapma-
ğa başlayıb. Artıq Alban ruhaniləri özləri müstəqil kilsə rəhbərliyi
təyin edərək, kilsəyə avtokefallıq (Pravoslav kilsələrinin inzibati
müstəqilliyi, özünüidarəetmə hüququ) statusu qazandırıblar. Alban
kilsəsinin avtokefallığı iki səbəbə görə baş verib. Birinci səbəb
kilsənin apostol mənşəli olması, digər səbəb isə Albaniyanın siyasi
statusu, yəni Şərqi Roma imperiyasından tamamilə müstəqil olma-
sı ilə bağlı idi. Əslində isə Alban kilsəsinin hüquqi mövqeyi 451-ci
ildə keçirilən IV Xalkidon kilsə toplantısında təyin edilib. Həmin
toplantıda monofi zitliyə üstünlük verən Alban kilsəsinin rəhbərliyi
katolikos-arxiyepiskop, patriarx titulu ilə adlandırılıb.
VI-VII əsrlərdə Albaniyada Mehranilər sülaləsinin hakimiy-
yəti dövründə (628-705) Alban kilsəsinin iqtisadi-siyasi mövqeyi
daha da güclənib. Kilsənin və katolikosun səlahiyyətləri artırılıb.
69
Tolerantlıq: bildiklərimiz və bilmədiklərimiz
Lakin vəziyyət ərəb işğalları və Cənubi Qafqazda İslam dininin
yayılması ilə əlaqədar dəyişməyə başlayıb və VII əsrin ikinci yarı-
sından etibarən Xristianlıq tədricən mövqeyini itirib.
705-ci ildə Alban dövləti süquta uğrayıb və ölkədə hakimiyyət
ərəb canişinlərinin nəzarəti altına keçib. Albanlar isə etnik dəyişikliyə,
mədəni-ideoloji və etnolinqvistik assimilyasiyaya məruz qalıblar.
İslamı qəbul edənlər türkdilli tayfalarla qaynayıb qarışıblar. Lakin
buna baxmayaraq, VIII-XIII əsrlərdə lokal fəaliyyət göstərən xris-
tian məbədləri ölkədə bu dini qoruyub saxlamağa çalışan əsas dini
təşkilatlara çevrilmişdilər. Buna misal kimi Kiçik Qafqazın ucqar
yerlərində və Böyük Qafqazın ətəklərində fəaliyyət göstərən Qum
(Qax), Xotavəng (Kəlbəcər), Gəncəsər (Ağdərə) və başqa alban
məbəd komplekslərini göstərmək olar. Təxmini hesablamalara görə,
VIII-IX əsrlərdə bu məbəd komplekslərinin sayının 30-dan çox oldu-
ğu bildirilir. Məbədlər müəyyən müddət alban xristianlığı mühitində
mərkəzləşdirilmiş katolikosluq tərəfi ndən deyil, dindar kütləni öz
ətrafında birləşdirən yarımmüstəqil icma kimi fəaliyyət göstərirdilər.
Cənubi Qafqazda feodalizm ictimai-iqtisadi münasibətlərinin
bərqərar olması ilə əlaqədar indiki Azərbaycan ərazisində bir sıra
feodal dövlətləri – knyazlıqlar və məlikliklər yaranıb. Bunlardan
biri X-XVI əsrlərdə mövcud olmuş və əsasən indiki Dağlıq Qa-
rabağ ərazisini əhatə edən Xaçın məlikliyi idi. Burada İslam dinli
digər feodal dövlətlərindən fərqli olaraq, alban xristian dini hakim
olub. Tədqiqatçılar hesab edirlər ki, qədim Albaniyanın bir hissəsi
olan kiçik Xaçın məlikliyi Xaçınçay və Tərtər çaylarının vadisində
yerləşib. Məlikliyə rəhbərlik kökü Sasani hökmdarlarına bağla-
nan qədim alban nəslinin əlində idi. Bunların ən görkəmlisi Həsən
Cəlal olub (onu həm də Cəlaldövlə adlandırırdılar). XIII əsrdən
(1216-cı ildən) 1836-cı ilə kimi Alban apostol kilsəsinin patriarx-
ları məhz Həsən Cəlalın nəslindən olublar.
Tarixi dövr ərzində albanlara erməni-qriqoryan və gürcü-pra-
voslav kilsələri də güclü təsir göstərib. Məsələn, X əsr ərəfəsində
alban xristianlarının monofi zit məzhəbinə etiqad edən kilsələrində
70
Gündüz İsmayılov
qədim erməni dilində (qrapar), diofi zit məzhəbli kilsələrdə isə
gürcü dilində ibadət etməyə başlayıblar. Bu da həmin kilsələrin
müəyyən təzyiqləri nəticəsində albanların assimilyasiyaya uğra-
malarına təsir göstərib. Amansız xarici və daxili təzyiqlərə baxma-
yaraq, bu ağır şəraitdə alban xristian kilsəsi yerlərdə özünəməxsus
xüsusiyyətlərini və nisbi müstəqilliyini saxlaya bilib. Xristian
alban əhalisi isə dinini, dilini, mədəniyyətini, ən əsası isə alban
əsilliyini qorumağı bacarıb. Albanların öz təqvimi və analoqu ol-
mayan öz xaç formaları mövcud idi.
XIII əsrdən isə Alban xristian kilsəsinin yeni dini mərkəzi
Gəncəsər monastırı olub. Bu monastırı Həsən Cəlal təsis edib. O,
uzun müddət alban xristian kilsəsinin yeparxiya mərkəzi, Albani-
ya katolikoslarının iqamətgahı olub. Onlardan bəziləri ömürlərinin
sonunadək burada yaşayıb, burada da dəfn ediliblər.
Monqolların işğalları alban kilsəsinin mərkəzi sayılan Xaçın
məlikliyinin həm siyasi, həm də dini həyatına güclü təsir göstərib.
Bu dövrdə məliklik gah Cənubdan, gah da Orta Asiyadan gəlmiş
monqolların və müsəlman dövlətlərinin asılılığında olduğun-
dan, Alban kilsəsinin vəziyyəti daha da ağırlaşıb. Qonşu xristian
kilsələri bundan istifadə edib albanlara öz dini təzyiqlərini daha
da gücləndiriblər. Dini mərkəzi və katolikosu Gəncəsər monastı-
rında yerləşən Alban xristian kilsəsi öz təsir dairəsini və qüvvəsini
xeyli itirdiyindən 1634-cü ildən etibarən nisbi konfessional
müstəqilliyini saxlamaq şərti ilə Eçmiədzin yeparxiyasının üstün-
lüyünü qəbul etməyə məcbur olub.
Cənubi Qafqazın Rusiya imperiyası tərəfi ndən işğalından sonra
isə Alban kilsəsinin öz konfessional müstəqilliyini saxlamaq imkanı
daha da azalıb. Hətta, çar hökuməti erməni katolikosluğuna bir sıra
güzəştlərə gedərək, onun avtokefal Alban kilsəsini və patriarxlığını
ləğv edib erməni kilsəsinə tabe olunması tələbini yerinə yetirib.
Nəhayət, 1836-cı ildə “Rusiya müqəddəs Sinodu”nun xüsu-
si fərmanı və imperator I Nikolayın reskripti (imperatora təqdim
edilmiş məsələyə onun verdiyi qanun qüvvəsində olan cavabı) ilə
Dostları ilə paylaş: |