64
№ 2 (14) Yay 2015
öyrənməli idi ki, öz vətəndində işə düzələ
bilsin.
Tələbələrin
lap
zəhləsini
tökmüşdü. Az qala çörək yeyə-yeyə də söz
əzbərləyirdi. İnanılmazdı. Çünki Qəmbər
bəzən bir günə yüz söz əzbərləyirdi. Heç
nəyə baxmadan, heç nəyi vecinə almadan
irəliləyirdi.
Bu qızın xoşuna gəlmək üçün həm
də arıqlamalı idi. Ona görə də, səhər işə
səkkizdə getsəydi də, altıda durmalı olurdu
ki, bir az qaçsın. Universiteti bitirsə də, bu
hal yataqxanada qalanlar üçün qeyri-adi idi.
Gözümüzün qabağında əriyib gedirdi. Bir
neçə ayın içində 100 kq-a enmişdi. Çəkisi
azaldıqca ingiliscə bildiyi sözlərin sayı
artırdı.
Beləcə, üç aya Qəmbər ingiliscə
babat danışır, fikrini deyir, suallara cavab
verir, bir sözlə, ünsiyyətə girə bilirdi. Biz
artıq onun yeni, səviyyəli bir işə düzəlmə
arzusunu və Qəmbərə verilən sözü
unutmuşduq. O isə yorulmadan işə davam
edirdi. Artıq kiçik bədii əsərlər oxuyur,
musiqi dinləyir, filmlərə baxırdı. Qanun
Ümman demiş, bu “üzdə fağır kənd balası”
tələbələrin heç bir əyləncəsinə qoşulmurdu.
Sanki özünü tapmışdı. Çəkdiyi yeganə dərd
vaxtından əvvəl ağarmış saçları idi. Yaş isə
30-a yaxınlaşırdı.
Bir gün yenə 12 kvadratlıq
yataqxana otağında bayram havası var idi.
Bir termos qapağı, iki stəkan, bir kasadan
istifadə etdiyimiz yataqxana şəraitində bizə
də “koka-kola” içmək nəsib olmuşdu. Həm
də bu dəfə yemək bişirmək üçün mənşəyi
bəlli olmayan budlardan yox, bütöv toyuq
almışdıq. O vaxtlar dondurulmuş bud
toyuqdan iki dəfə ucuz olduğundan
kasıblar onu, ortabablar toyuq, daha
imkanlılar isə kənd toyuğu yeyirdilər.
Amma bu dəfə Qəmbər toyuq
almışdı. Həmin gün bir neçə dostumuz da
otağımıza gəlmişdi. Məclis tam idi.
Qəmbərin BP kimi şirkətdə işə düzəlməyi
böyük hadisə hesab olunurdu. Axı bir də
adamsız adamın belə bir şirkətdə işləməsi
möcüzə idi. İndikindən fərqli olaraq, kimsə
səni tapşırmasaydı, rüşvət verməsəydin,
kim idi işə düzəldən? Amma indi, maşallah,
bacarırsansa, imtahana gir, istənilən dövlət
qulluğunda işə düzəl.
Yaxşıca
yedik-içdik,
dedik-
güldük. Səhər Qəmbərin aldığı yeni
kostyum, qalstuk, ayaqqabısını geyməyini
zarafat edə-edə seyr etdik. Elgün özünü
saxlaya bilməyib, – “yəqin, bundan sonra
əzilmiş pomidor yemərik”, – dedi.
Qəmbər özünü lap təzə bəy kimi
hiss edirdi. Çəkdiyi zəhmətin bəhrəsini
almışdı. Həyat həmişə belədir. İşləməyən
dişləməz. O işlədi, işlədi, axırda da ingilisin
dilini öyrənib, dünyaca tanınmış
şirkətdə işə
düzəldi. Qəmbər artıq tələbələrin fəxri idi.
Aralarında artıq bir nəfər evdən gələn pula
möhtac
olmayacaq,
diplomuna
görə
işləyəcək, şərəfli pul qazanacaqdı. Hamının
bu dilə də, ingilisə də rəğbəti artmışdı. Qısa
zamanda bütün tələbə dostlar dil öyrənərək,
gələcəkdə onun köməyi ilə işə düzəlmək
xəyalı qururdular.
Aradan bir neçə gün keçdi. Ondan
işinin nə olduğunu soruşmaq ağlımıza belə
gəlmirdi. BP- də nə iş ola bilərdi?! Böyük
neft şirkəti idi.
Amma bir gün aramızda yaşca
kiçiik olan, zarafatı sevən, yetənə yetən,
yetməyənə bir daş atan Elgün bu səssizliyi
pozdu. O, yaşca özündən böyük olduğu
üçün Qəmbərə “dayı” deyirdi.
– Dayı, sən demədin axı, nə
işləyirsən? İşinin adı nədir?
Dayı onu yola verməyə çalışsa da,
hiss etdi ki, bütün tələbələrin gözü ondadır.
Axırda dözməyib gördüyü işi dostlara
utana-utana danışdı. Sən demə, dayı
Stompeyin binasında yaşayan ingilislərin
itlərinə baxırmış. İtlər ingiliscədən başqa
dil bilmədiyi üçün onlara baxan şəxs
hökmən bu dili bilməliymiş. Hələ üstəlik,
itlərə baxmağı öyrənmək üçün Qəmbər bir
ay da kursa getməli imiş. Onların dişini
necə
yumaq,
necə
gəzdirmək,
necə
çimizdirmək mühüm məsələlər imiş.
Amma bunun müqabilində xeyli
pul alacaqmış: günə 10 dollar. Bunu eşidən
tələbələr məyus olsalar da, aldığı maaşın
dövr üçün çox yüksək olduğunu düşünərək,
Üç aylıq ədəbiyyat dərgisi
65
susdular. Hətta, – “kişi üçün heç nə ayıb
deyil ki”, – deyib ona təsəlli verməyə
çalışdılar.
Düzdür, atalarımız hər zaman
kişinin dilənçilik etməsindənsə, fəhləlik
etməsini daha uyğun hesab ediblər.
Amma
ingilis
dilini
zillətlə
öyrənən Qəmbər indi itlərə baxır, it zülmü
ilə pul qazanırdı. Yəni Qəmbər artıq itin
dilini bilirdi. Amma o ağıllı adam idi.
Yavaş-yavaş biznesini böyütdü. Bir it yox,
bir neçə itə baxdı. Hərdən ingilislər xaricə
getdikləri
üçün müxtəlif sort itləri
yataqxanaya da gətirdi. Bu ən çox Elmanın
işinə yarayırdı. O, itləri gəzdirmək üçün
Qəmbərdən alıb Elmlər Akademiyasının
parkına gedər, gəzdirər, bununla da qızların
diqqətini çəkərdi. Qızlar da yaman sirli
məxluqlardılar. Boylu-buxunlu Elmanın
üzünə dünyanın düz vədəsində baxmasalar
da, bu eybəcər itlərə görə onunla həmsöhbət
olurdular. Bu da istər-istəməz ona yaman
zövq verirdi. İtin dilini bilən Qəmbər itin
hesabına pul, Elman isə qızların yanında
hörmət qazanırdı. Həm də milli itin yox,
ingilisin itinin...
R
ƏŞİD B
ƏRG
ü
ŞADLI
97 nömr
əli mar
şrutun
s
ərni
şinl
əri
Bayaqdan xarab olan bir “Qazel”
Bayıldakı 20-ci sahənin döngəsində ilişib
qalmışdı. Üzlərindən əsəb yağan naəlac
sərnişinlər yerə tökülmüş və var-gəl
edirdilər. Özlərini arxadan gələn 97
nömrəli boş mikroavtobusun qabağına
atıb, bir ağızdan qışqıraraq maşını
saxlatdılar. Tələm-tələsik içəri təpilib
qapını çırpdılar, sürücüyə, – “Tez sür,
gecikmişik!” – deyib oturacaqları tələm-
tələsik tutdular.
Hələ, bir-iki cavan oğlan ayaqüstə
qaldı. Sərnişin basabasından sevinən sürücü
qaza basdı.
Bibiheybət məscidinin yanından keçəndə
elə bil ki, bir uşağı cin vurdu – qəfildən elə
bəyirdi ki, hamı çönüb ona baxdı. Uşaq
gah sakitləşir, gah
da qəfil çimdik yemiş
kimi dik atılıb təkrar bağırırdı. Hərdən
də toppuş yumruqlarıyla anasının çiynini,
sifətini yumruqlayırdı. Anası onu bağrına
basıb sakitləşdirir, amma aradan bir az
keçmiş yenə də uşağın ciyiltisi camaatın
iliyinə işləyirdi.
Uşaq da bir uşaq ola – düsərbaş,
qapqara qaraçı balası kimi kir-pasağın
içində, saçları pırtlaşıq, sir-sifəti qərtməkli
bir oğlan uşağıydı. 3-4 yaşı ancaq olardı.
Ağlamaqdan gömgöy göyərəndə bir yaşlı
arvad əyildi gəlinə ki, ay bala, bəlkə acdır,
ya sancısı var, bəlkə çöpü qalıb..? Gəlin də
qanrılıb arvada dedi ki, qusmağı gəlir,
mədəsi ağrıyır. İndi yan oturacaqdakıların
bir gözü uşaqdaydı: “ Uşaq indi qusar, bir
azdan qusar, bircə üst-başımızı batırmasın”.
Lök-Batan körpüsünün yanınadək
anası uşağa acıqlanırdı: “us, yoxsa
əmilər səni döyər!” – tutuquşu kimi eyni
sözü təkrarlayıb adamı lap hövsələdən
çıxarırdı. Axırda biçarə gəlin, ayaqüstə
durub söykəncəkdən tutan oğlana çöndü
k:
– Əmisi, zəhmət olmazsa uşağa
çımxır, bəlkə qorxudan səsini kəsə...
Zoruna döndüyüm oğlan da, uşağı
necə qorxutsa yaxşıdır?
– Sakit ol, yoxsa qaçqınlara
deyərəm, gəlib səni yeyərlər!
Haqq üçünə uşaq səsini azca
kəsəntəhər oldu. Amma arxadan təvərə
kepkalı bir kişi oğlana hikkəylə:
–
Qaçqına
nolub,
ə!
Qaçqın
adamyeyəndi!? – dedi.
Elə həngamə də bundan sonra başladı,
həm də nə başladı. Oğlan: