Bu bizik, Tarix yaşlı türk!
Әsirlərin çərçivəsinə sığmayan ӘR
Dustaqlara yerləşməyən NӘR!
Söyləyin, necə quyruq bulayırsınız
soframızın başında,
Ehey, qapımızın itləri?!
Әlbəttə ki zaman, tərs geyib başmağını…
Yoxsa duyardınız
Qurdumuzun səsi necə uzanır
Altaylardan Balkanlara...
Görərdiniz, qartallarımız necə aslan ovlayır!
Göllərimiz, necə nəhəng yaşadır bağrında...
Onun modern üslubda yazdığı bu şeirini
bütöv şəkildə təqdim etdim ki, oxucunun
təsəvvürü aydın olsun və bu yurdsevər qızın
kiçik həcmli bir poetik mətnin iç qatına necə
böyük məna yüklü fikirlər, dərin mətləblər
sığışdıra bildiyinə şahid olsun... Bu
qabiliyyətin sahibi əsl istedaddır! Türkün bir
millət olaraq kimliyini və Altaylardan
Balkanlaradək ayaqda qalmaq üçün böyük
bir mücadilə yolu keçdiyini, şanlı, şərəfli
tarix yazdığını bədii sözün gücü ilə bircə
şeirdə oxucuya çatdırmağı bacarmaq məhz
istedadlı qələm sahibinin işidir...
Məlihənin şeirlərində ən çox müraciət
etdiyi mövzu Vətənin azadlığı, istiqlal,
müstəqillik, ana dilinin əsarətdən qurtuluşu,
ədəbi dilin inkişafı, qədim Türk yurduna
məhəbbət, el‐obaya sədaqət hisləridir. Şeiri
insanın həyat və yaşayışının aynası kimi
dəyərləndirən xanım yazar müsahibələrində
daim vurğulayır ki, şeirləri məhz Güney
Azərbaycanı, doğma xalqının real həyatını
tərənnüm edir. Milli ruhlu yazar çağdaş şair
və araşdırmaçıların səylərinə, bu yöndə
xidmətlərinə baxmayaraq, Güneydə bu gün
vahid ədəbi dilin tam şəkildə formalaşa
bilməməsindən dərin narahatlıq hissi keçirir.
Güney ədəbiyyatının mövcud durumunu
ayıq nəzərlərlə müşahidə edir, sağlam
məntiqlə düşünür və real mənzərə qarşısında
bir ziyalı, yazar kimi susa bilmir və aktiv
mövqe sərgiləyir.
O, vaxtaşırı Güney Azərbaycanda çağdaş
şeirin durumunun aydın xülasəsini verir,
istedadlı gənc şairlər sırasında öncüllərdən
biri olduğunu təsdiqləyən bitkin modern
şeirlər yazır. Әdəbiyyat sahəsində bəzi qələm
sahiblərinin yalnız modern və avanqard
ədəbiyyatı dəstəklədiyini, bəzilərinin klassik
ədəbiyyatı yenidən qavrayaraq ona yeni
özəlliklər aşılamaqla çağdaşlaşdırmağın
tərəfdarı olduğunu, bir qisim şairin ədəbiyyatı
şeirdən, bəzilərinin isə yalnız və yalnız
nəsrdən ibarət sandığını bəlirləyən şair‐
tədqiqatçı yazır ki, istər şeir, istərsə də nəsr
əsərlərinin əsas mövzusu yenə də vətən,
özgürlük, sürgünlük, sevgi, ayrılıq, həsrət
və s.‐dir. Pəhləvi rejimi devrildikdən sonra
Vətənin fəzası bir az açılıb aydınlaşdı, Güney
Azərbaycan şeirində yeni dönəm başlandı, ‐
deyən Məlihə xanım 1986‐cı ildə Səhər
xanımın (Həmidə Rəiszadə) “Mavilər” adlı
şeir kitabının nəşrini çağdaş Güney
ədəbiyyatında yeni ədəbi hadisə sayır.
”Mavilər” kitabındakı şeirlərin ədəbiyyatda
yeni ruh, yeni atmosfer yaratdığına, Güney
poeziyasının canlanmağa başladığına diqqət
çəkən şair‐araşdırmaçı Səhər xanımın fikir
və duyğularının ifadəsində də tamamilə
dəyişik, yeni bir forma ‐ canlı təsvir, simvollar
və rəmzlər, orijinal bədii təsvir və ifadə
vasitələrindən istifadə etməklə yaşadığı
dövrün, cəmiyyət və fərdlərin açıq‐gizlin
dərdlərini cəsarətlə açıqlamadığını vur ‐
ğulayır...
Məlihə Әzizpurun gənc nəslin Şəhriyara
münasibətinə, eyni zamanda ustad şairin
Güney ədəbiyyatı qarşısındakı misilsiz
xidmətləri məsələsinə daha həssas və içdən,
həm də qlobal yanaşması düşündürücüdür:
“İranda fars dili və ədəbiyyatı qarşısında
türkcə uzun illər boyunca susarkən son
dönəmdə çağdaş türk ədəbiyyatının ən böyük
şairi Şəhriyar yetişdi. Şəhriyar, İranda farsca
qarşısında yox olmağa üz tutan türk dilini
”Heydər Babaya salam” əsəri ilə əbədi olaraq
ayağa qaldırıb başını göylərə çatdırdı”.
Təbii, həqiqətən çətindi, doğma Vətənin
qoynunda dili, arzuları bağlı yaşamaq...
Səhəndin təbirincə desək, “Keçmişindən,
gələcəyindən söz açması, dədə‐babasından
Aylıq ədəbiyyat dərgisi
44
ULDUZ /
Dekabr 2015
ad alması” yasaqlanmış bir rejimdə ömür
sürmək... Güneyli yazarlar bu yasaqlara son
qoymaq uğrunda çabalar göstərir, bu amacla
qələmə sarılır, söz və əməl cəbhəsində savaşa
atılırlar. M.Әzizpur insanı varından yox edən
bir şeirində bu çox çətin və ağır savaşın
labüdlüyünü bədii poetik sözün gücü ilə
çatdırır oxucusuna... “Çatdırır” sözü çox
yüngül səslənir, onun mətləbləri birbaşa
oxucunun beyninə, ürəyinə millənir... Bu
şeiri oxuyarkən insanın ruhu, damarlarındakı
qanı donur:
Köynəyinin yaxasını aç, köksünü görüm,
Offfff!
Burada ki dost izi var,
‐ Necə də mehriban əlləri varmış ‐
pambıqla kəsib döşlərini.
Heç inciməyib, gözlərindən bəllidi.
Qoy kürəyinə də baxım.
Yaralarına toxunmaram, qadan alım,
Yalnız söylə,
Bu qamçı‐qamçı qan yollarının sonunu
Kimdən xəbər alım mən?
Olursa yaşmağını da aç,
Gülümsəməni görüm lütfən.
Ağlamaram, söz vermişəm Türk kimi –
Amma yaylığını götürmə kəsin,
Götürmə yaylığını.
Sənə gələrkən gördüm:
Saçlarından çatı hörmüşdülər dar ağaclarına.
Dur, yola sal məni,
Saçlarını geri almağa gedirəm
Naməhrəm əllərdən.
Dua et mənə, Maralım, Yaralım.
Bayraq edək bu dərdimizi birliyə, bütövlüyə,
azadlıq zirvəsinə ucalaq!
Qalxaq ayağa,
ey Bütöv Azərbaycan!
Üzdə dost görünən, saxta mehribançılıq
oyunu oynayan düşmənin nə mehriban əlləri
varmış ki, pambıqla kəsib döşlərini... Sətiraltı
məna səni düşündürməyə bilmir... Ancaq
şair qətiyyətlidir, gələcəyə ümidli, inamlıdır...
Lirik qəhrəmanı ölümə məhkum edilmiş
günahsız bir elin mərd oğul və qızlarını
asmaq üçün gərək olan “dar ağaclarına çatı
hördüyü sevgilinin‐Vətənin saçlarını
naməhrəm əllərdən geri almağa”, qamçı‐
qamçı açılan qan yollarının sonunu bulmağa‐
azadlıq zirvəsinə‐Bütövləşməyə aparan yol
uzun və çətin yola çıxmaqda israrlıdır... Bu,
maneələrlə dolu ağır bir yoldu, savaş da ağır
savaşdı, ancaq bu savaş labüddü...
Məlihə xanımın Güney Azərbaycandakı
real vəziyyətin, gerçək mühitin diktəsilə
söylədikləri ‐ bu acı həqiqət insanın ayaqlarını
yerə mıxlayır və soydaşlarını bu barədə ciddi
düşünməyə səfərbər edir: “Qurtuluşun və
azad bir millət olmanın bədəli vardır. Heç
bir millət öz‐özünə qurtulmur. Heç bir
qurtuluş dirənişsiz olmur. Bizim gənclərimizin
bu yolda çəkdikləri əzablar, zindanlar və
gördükləri işgəncələr, bu qurtuluş yolunda
ödənilən bədəldir. Bu da nəticəsiz qalmayacaq.
Çünkü tarixdə doğruluq, haqq və ədalət
yolunda gedən mubarizələr sonucda
qurtuluşla nəticələnmişdir, ancaq qurtuluş
düşüncəsini, qurtuluş duyğularını toplumun
dünyagörüşündə əkən və oluşduran yazarlar,
şairlər və aydınlar olmuşlar. İndiki mərhələdə
milli qurtuluş, zaman keçdikcə türk
toplumunun dünyagörüşündə bir inanc şəkli
almaqdadır. Bu inancı ayrıntıları ilə açıqlayan,
etik və estetik tərəflərini izah edən, milli
dilimizdə yazılan modern ədəbiyyatdır. O
da milli dildə yazılan modern ədəbiyyatın
yaradıcılarından biridir... Әnənəvi fədakar ‐
lıqlar, sevgilinin aşiqi üçün göydən ulduz
qoparmaq, dənizi hədiyyə vermək, dünyanı
bağışlamaq, yaxud “Sarıköynək” təki bəzi
aşıq mahnılarında hətta “Anasını belə
sevdiyinə qurban etmək” kimi üsullar da
çağdaş Güney poeziyasında dəyişilməyə
məruz qalıb, tam yeni forma və ifadə üsulu
ilə əvəzlənib... Və... Məlihə Әzizpurun: “Mənə
bir küçə bağışla! Gözləri tam dənizə açılan,
bir sevdanın xəyalı ilə uyuyan, ürəyi uzaqdan
gələn gəmilərin səsi ilə döyünən, yolçuların
ayaq səsi ilə oyanan, mahnıların səsi ilə
oynayan bir küçə” arzusuna, diləyinə çevrilib...
Elə bir küçə ki, “Gözlərindən ürəyinə köçə
bilim” kimi dəlicə bir istəyə, kövrək və israrlı
Aylıq ədəbiyyat dərgisi
45
ULDUZ /
Dekabr 2015