Vəfa Yazıçılar
Birliyinin tədbirlərinə
uzaqdan gəlir ‐ Әlətdən. Heç vaxt da
gecikmir, Natəvən klubunda əyləşən kimi
yanındakı boş stula da çantasını qoyur. Bu
boş stula qoyulan çanta haqqında sonra.
Vəfa şeirdə birdən‐birə dəyişdi. Elə bil
qabaqkı şeirlərinin üstündən xətt çəkib ayrı
bir səhifə başladı. Bu səhifənin başında ayın,
ilin tarixi yoxdur. Çünki şeirlərinin yazılma
tarixi olmur.
Bəlkə də, günah məndə. Vəfanın qabakı
şeirlərinin içində son şeirlərinin havası
varmış, yüz faiz. Olmamış olmazdı.
Olmasaydı, belə yazılmazdı. Bəzən biz
eynəyimizin tozunu silmirik.
Vəfa Mürsəlqızının son axtarışları onun
şair həqiqətini təsdiqləyir. Başqalarının asan
yolu ilə irəliləməkdənsə öz cığırını açmağa
üstünlük verir. Təkrar fikir istehsalına
arxalanmır. Daim yeniliyə can atır.
Vəfanın şeirlərində Bakı‐Әlət yolu var.
Bu yolların avtobusları yorğun olur, həm də
“qoca” olur, bir az da səsi bərk çıxan
xoruldayan, təpəl avtobuslar olur. Bakı ətrafı
yaşayış massivlərinin avtobusları hamısı
belədir, məncə.
Vəfa əyləşir avtobusa, çantasını da qoyur
yanındakı boş yerə. Avtobusun şüşələri
tərlidir, Vəfa barmaqları ilə şüşəyə nəsə
yazır; ya xətt çəkir, ya da şüşənin tərindən
bir gözlük açır ki, çölə baxsın. Çöllər, yol
kənarındakı dirəklər yuxuludur hələ.
Başını pəncərə şüşəsinə də söykəmək olar.
Uzun nəsə düşünmək olar. Başını avtobus
şüşəsinə söykəyib düşünməyin dadını
bilirsinizmi heç?
Özü də bu, səhərlər gözəl olur. Buna
bax‐Vəfa deyir‐ elə bil qara asfalt valdı,
təkərlər valı oxudur. Burda üç element, əşya
iştirak edir. Qara asfalt, təkər, əyləc, asfaltdakı
azacıq nəmişlik, avtobusun harasındasa
boşalmış bir hissənin cırıldayan yeri və
başdakı fikir. Bu fikir dünəndən qalıb, həm
şirindir, həm də kədərli. Avtobusun səsi ilə
uzlaşır. Bir sözlə, Bethoven.
Bu yollar adama şeir yazdırır. Amma
metro zəif nəsrdir. Avtobusların səhər çağı
sərbəst şeiridir. Günortası qoşmadır, axşamı
nasirin şeir, ya da şairin nəsrə başlamasıdır.
Bir sözlə, avtobusların axşamı biabırçılıqdır.
Vəfa Mürsəlqızı haqqında mənə ilk dəfə
gözəl şair, əziz dostum Eldar Səfa demişdi.
71
ULDUZ /
Dekabr 2015
HÜCRӘ
Qəşəm NӘCӘFZADӘ
AVTOBUSUN
TƏRLİ
ŞÜŞƏSİNDƏN
HƏYATA BAXMAQ
(Vəfa Mürsəlqızının şeirləri haqqında)
Günlərin bir günü Vəfa gəldi Yazıçılar
Birliyinə. Tanış olduq.
Amma mənim Vəfa ilə əsl tanışlığım
“Azadlıq” radiosundakı şeirləri, hekayələri
ilə başladı. Sonra bu tanışlığı kimə dedimsə,
inanan olmadı, heç inanmasınlar, özüm
inansam, elə ədəbiyyat üçün bəs eləyir ‐
dedim ‐ və həmin şeirləri bir də oxudum.
Bəlkə, bu şeiri Vəfa Bakı ‐ Әlət avtobusunun
şüşəsinə yazmışdı və ya o şüşənin tərinin
altında hazır halda tapmışdı. Çünki avtobus
şüşələrinin təri altında əvvəldən yazı olmamış
deyil. Mən də şeirlərimi bəzən hazır halda
tapıram. Elə bilirəm, bu şeirləri nə vaxtsa
itirmişəm, indi qarşıma çıxır. Vəfa da belədir,
yəqin. “Yazıq Gülnar” şeirindən bir sətrə,
yarım saatlıq “Әlət‐Bakı yolu”na baxın:
Gəlin oldu, ərinin yumruqlarını daşıdı
üzündə, gözünün altında
Elə bil bu misra bir dram əsəridir.
Səhnələşdirmək olar. Tamaşa hazırlamaq olar
bu misradan. “Daşımaq” burda ömür sürmək
deməkdir. Әdəbiyyat həm də sinekdoxadır,
ad qoymaqdır. Şair şeirdə yaşamağın adını
daşımaq qoyub.
Mən 10‐cu sinifdə oxuyanda, 1978‐ci ildə
bir şeir yazmışdım, Vəfanın “yazıq Gülnar”
şeirinin əvvəli kimi.
Ay kişi, döymə arvadını,
Ay əllərin qurusun,
Heç bilirdin onu kim sevirdi?
Vəfa da “Yazıq Gülnar” şeirini bu il
yazıb, 2015‐ci ildə. Gör neçə ildi Azərbaycan
qadını döyülür, üzündə təbəssüm
gəzdirməliykən, qara qançırlar gəzdirir.
Bir gün də Gülnarın cansız, balaca
vücudunu daşıdı çiynində səkkiz kişi,
Onların içində əri də vardı, oğlanları da,
qardaşı da.
Heç kim anlamadı ki , tabut niyə belə
ağırdır axı?
Gülnar yox idi tabutda, ömrü boyu
daşıdıqları vardı çünki.
Yenə deyirəm, bu şeir deyil, dramdı,
tamaşadı, səhnədi və olduqca gözəldi. Açığı,
bir az da əsəbiləşirəm. Gülnarı bu günə qoyan
cəmiyyətə və Vəfanın istedadının qəd ‐
darlığına.
Vəfanın “Yazıq Gülnar” şeiri Cəfər
Cabbarlı dramaturgiyasının davamıdır. Onun
obrazlar səltənətinin yenidən doğuşudur.
Gültəkindir, Firəngizdir, Dilarədir, Füruzədir,
amma Almaz deyil. Yaxşı ki, Almaz deyil.
Avam getdi dünyadan Gülnar!
Amma bircə şeyi daşıya bilmədi!
Әrinin ürəyində ömrü boyu başqa qadını
daşıdığını.
Yazıq Gülnar!..
Amma günah həm də Gülnarındır, Vəfa,
bunu bilirsənmi? Gülnar onu sevəni yox,
yumruqlarla gözünə sürmə çəkən kişini seçdi.
Ramiz Rövşənin “Qara paltarlı qadın”ının
taleyi var bu şeirdə. Bəli, sonra kişilər peşman
olacaq, öldürdükləri qadınlar üçün. Nüsrət
Kəsəmənli “Etiraf”da, Ramiz Rövşən “Qara
paltarlı qadın” da.
Bakı ‐ Әlət avtobusunun təkərlərinin
oxutduğu qara val ‐ asfalt. Әtrafa yayılan
səs ‐ vals. Tərli pəncərə şüşəsində çölə baxmaq
sevgi kimidir və tərli pəncərə şüşəsinə yazılan
şeirlər heç vaxt silinmir.Vəfa, düz demirəmmi?
Bilmirəm, Әlət ‐ Bakı avtobusu səhər
Bakıya saat neçədə çıxır, bax, o saatlarda
onun tərli şüşələrinə söykənən üz, müxtəlif
xətlər çəkən barmaqlar yenə var. O, yenə
dünən baş verən kədərli və ya sevincli
hadisəni tərli pəncərə şüşəsinə pıçıldayır.
Şüşə yenidən tərləyir. Kimsə o tərin altında
o yazını nə vaxtsa tapacaq.
Vəfa Yazıçılar Birliyinə çatır, tədbir hələ
başlamayıb, çantasını yanındakı boş stula
qoyur. Bir az keçir, oturmağa yer tapılmır,
ayaq üstə qalanlar Vəfadan çanta qoyulmuş
boş stulda əyləşməyə icazə istəyirlər. Vəfanın
səsini eşidirəm: “Zanitdi”. O boş yerin sahibi
haqda növbəti yazımda.
Aylıq ədəbiyyat dərgisi
72
ULDUZ /
Dekabr 2015