Vaqif aslan seçİLMİŞ ƏSƏRLƏRİ

Milli Kitabxana

 

 

 

46

                               Yollar boyu boşalan – mən,dolan – mən. 

                               Aman Allah,kəndimizə az qalır... 

                               Nə eləyim gözlərimin yaşına? 

                               Dizlərimin təpəri də azalır, 

                               Bu günəcən nələr gəlib başıma 

                               Ürəyimdə sətir-sətir oxunar. 

                               Qorxuram ki,əllərim baş daşına, 

 

                               Sinəm isə nəm torpağa toxunar. 

                                                                                   16iyun 1978 

PAPAQÇI 

 

                                    Papaqçının yanına 

                                    Yolum düşdü bir kərə. 

                                    Kişinin dükanında   

                                               papaq vardı hər cürə. 

                                    Könlümə yatanların  

                                                   baha oldu qiyməti, 

                                    Yerdə qalanlarını  

                                              xoşlamadım mən qəti. 

                                    Köks ötürüb astadan, 

                                    Üzr istədim ustadan. 

                                    Usta dedi: - Ay oğul,  

                                                ayaq saxla,bəri bax. 

                                    Papağa yaraşan baş, 

                                    Başa yaraşan papaq, 

                                    Görməmişəm hələ mən, 

                                    Tərslik etmə belə sən. 

                                    Sağ olsun o kişini, 

                                    Dünyanın hər işini          

                                               qəlbimə salacaqdım.  

                                    Yoxsa ki,bu günəcən       

                                             papaqsız qalacaqdım. 

                                                                              9sentyabr 1984 

 

 

---

Milli Kitabxana

 

 

 

47

PAPAQ 

 

                            Atamdan yadigar qalıbdır mənə 

                            Astarı yeyilib-sökülən papaq. 

                            Bəzi papaqların dəyər mininə 

                            Sus vurub,tükləri tökülən papaq. 

 

                            Neyləyim?Bu dünya döşümə yatmır, 

                            Könlümü oxşamır,xoşuma yatmır. 

                            Özümə yaraşmır,başıma çatmır, 

                            Tülkü dərisindən tikilən papaq. 

                                                                               19noyabr 1989 

DAĞ YOLU 

 

                            Səndə dəyişməyib bir çınqıl belə, 

                            Qaya da,qəcir də,daş da – yerində. 

                            Mənim uşaqlığım yaşayır hələ, 

                            Sənin tava daşlı pillələrində. 

 

                            Şimşəyin başımda oynayıb mənim, 

                            Bulağın köksümdə qaynayıb mənim. 

 

                            Gəlmirmi yadına cılız bir uşaq? 

                            Belində çantası,əldə dəhrəsi. 

                            Qalxanda çiyələk yığardı,ancaq 

                            Düşəndə çiynində çırpı şələsi. 

                            Ehmalca enərdi bu pillələrdən, 

                            Baxıb öz-özünə qürrələnərdi. 

                            Gör neçə müddətdir ovuduram mən 

                            Bu gizli həsrəti,bu gizli dərdi. 

 

                            Bir vaxt üst yandakı əzgil koluna 

                            İlişdi köynəyim,cızıldı qolum. 

                            Qanım damcıladı bu dağ yoluna, 

                            Bu dağın,bu yolun qurbanı olum. 

  

                            Hər daşın,çınqılın mənə tanışdır, 

---

Milli Kitabxana

 

 

 

48

                            İstəsən,sayaram lap bircə-bircə. 

                            Daha dözəmmədim,bağrım alışdı, 

                            Dağlar necə susur,görəsən necə? 

 

                            Göydən ulduzları tökdürrəm yerə, 

                            Dinməsə o yamac,sussa bu dərə. 

 

                            Tutub qayaların daş yaxasından 

                            Elə silkələrəm,paralanarlar. 

                            Bir ah çəkərəm ki,övlad ahından 

                            Dağlar sinəsindən yaralanarlar. 

 

                            Axı,mən dağların şair oğluyam, 

                            Şıltağam,dəcələm,hər nəyəm – buyam. 

                            Salam,ey dağ yolu,tanış sarmalar! 

                            Bu yolçu o cılız uşaqdır ki,var. 

                                                                      11sentyabr-3oktyabr                           

1978 

QƏMİN KƏM 

 

                               Güllər qızara-qızara         

                                                                açarmış, 

                               Gecə bozara-bozara qaçarmış, 

                               İnsan oğlu,qəmin kəm. 

 

                               Çaxarmış,.. 

                                            şimşək burula-burula, 

                               Axarmış                             

                                               sular durula-durula, 

                               İnsan oğlu,qəmin kəm. 

 

                               Yarpaq sarala-sarala     

                                                            solarmış. 

                               Yerdə qarala-qarala 

                                                            qalarmış, 

                               İnsan oğlu,qəmin kəm. 

 

---