Vaqif aslan seçİLMİŞ ƏSƏRLƏRİ

Milli Kitabxana

 

 

 

56

                         Göylər yerlər üçün haqqın aynası, 

                         Şəhidlər,qazilər şövqümdən o gün 

                         Qalxıb məzarından dikələcəkdir. 

 

                         Çiməcək yağışda qəbrimiz bizim, 

                          Onda pöhrə-pöhrə göyərəcəyik. 

                          Hələ yol gedirik bahara sarı, 

                          Neynək ki,daralar səbrimiz bizim. 

                          Bir azdan o günü biz görəcəyik, 

                          Bir azdan yağacaq yaz yağışları. 

                                                                                   9aprel 1992 

NECƏ DƏ XOŞDUR 

                               

                           Bu yaz gecəsində göylərə baxmaq, 

                           Qoşulub ulduza havaya qalxmaq 

                           Necə də xoşdur. 

 

                           O uca göylərdən enib astaca, 

                           Bir parça buluda dönüb astaca, 

                           Qəfil şimşək kimi kükrəyib çaxmaq, 

                           Yağıb yağış kimi torpağa axmaq 

                           Necə də xoşdur. 

 

                           Sonra külək olub doyunca əsmək, 

                           Çöllərin,düzlərin üzündən öpüb, 

                           Nəmli çiçəklərin gözündən öpüb, 

                           Dərələr,yamaclar boyunca əsmək 

                           Necə də xoşdur. 

 

                           Səhərlər günəşlə birgə oyanmaq, 

                           Eyvanda yar ilə qoşa dayanmaq, 

                           Dünyaya,insana vurulduğunu, 

                           Elə sevmək üçün doğulduğunu 

                           Aşkara göstərmək,gizlincə anmaq 

                           Necə də xoşdur. 

 

OLMUR 

---

Milli Kitabxana

 

 

 

57

 

                           Dost qəlbi bahardır,dost qabağında 

                           Könlümü süfrətək açmasam olmur. 

                           Qəlbimin,ruhumun dinən çağında, 

                           Əsib titrəməsəm,coşmasam olmur.    

 

                           Əcəb bir təzad var qarınla başda, 

                           Fikir,düşüncədə,ağılda,yaşda. 

                           Namərd əyləşəndə məclisdə başda, 

                           Kükrəyib sel kimi daşmasam olmur. 

 

                           Mən körpə qartalam,oylağım – səma, 

                           Qartallar səmada yetişər kama. 

                           Nadanın tənəsi dəyir adama, 

                           Nadandan gen gəzib qaçmasam olmur. 

 

                           Bir nadana baxdım,bir sənə,ey dağ, 

                           Könlümü birtəhər ovutdum ancaq. 

                           Dolanda,mən səni,ey ana torpaq, 

                           Kövrələ-kövrələ qucmasam olmur. 

                                                                              28oktyabr 1974 

BƏNÖVŞƏLƏR 

 

                                 Bu yaz yenə boyun büküb 

                                 Məni yaxıb bənövşələr. 

                                 Gözlərimə duman çöküb 

                                 Elə baxıb bənövşələr. 

 

                                 Düşünmüşəm: – Gedənləri 

                                 Qayıtmayan gözəllərdir. 

                                 Gözləməklə həsrətini 

                                 Ovutmayan gözəllərdir. 

                                 Yola çıxıb bənövşələr. 

 

DƏYƏRMİ? 

 

                             Gileyin-güzarın yeri deyildir, 

---

Milli Kitabxana

 

 

 

58

                             Lermontov ömrünü yaşamışam mən. 

                             Özüm də bilmirəm neçə fəsildir, 

                             Sevinc,qəm yükünü daşımışam mən. 

 

                             Çox da ki,çox arzu keçir könlümdən, 

                             Dəyərmi başlayım naşükürlüyə? 

                                 Üstəlik taleyə yalvarımmı mən, 

                                 Bir qarğa ömrünü yaşayım deyə? 

 

 

BULAQ 

 

                                 Nə ötürsən asta-asta, gah həzin? 

                       Son qoysana bu fəğana, ay bulaq. 

                       Dilində söz durmaz, ürəyində kin, 

                       Bənzəyirsən lap insana, ay bulaq. 

 

                       Şahidin yox, kimsə bilməz yaşını, 

                       Həsrət, nəfəs yandırıbmı daşını? 

                       İçmisənmi ala gözün yaşını, 

                       Yana-yana, qana-qana, ay bulaq?  

 

                       Zaman-zaman burulursan, axırsan... 

                       Göz yaşıtək durulursan, axırsan. 

                       Gözəllərə sən doyunca baxırsan, 

                       Mən qalıram yana-yana, ay bulaq. 

 

                       Uşaq idim, cavanlığı haqladım... 

                       Gah od oldum, gah su oldum, çağladım... 

                       Yol keçirdim, burda ayaq saxladım... 

                       Nə deyirsən bu nöqsana,ay bulaq? 

 

                       Hal əhlisən...hal əhlini qanarsan, 

                       Bu günləri bir də dönər sanarsan? 

                       Mən gizlində, sən aşkarda yanarsan, 

                       Sən – sevdalı, mən – divanə, ay bulaq. 

 

---