Vaqif aslan seçİLMİŞ ƏSƏRLƏRİ

Milli Kitabxana

 

 

 

14

                              Bizim belimizi bükən itaət 

                              Səni də qınına qoymalıydımı? 

 

                              Yad əlin sığalı nə yaman imiş? 

                              Ey hirsi,qəzəbi pas atan qılınc! 

                              Dağlara çən gələr,el başına iş... 

                              Hələ də Vətənə yas tutan qılınc! 

 

                             Matəm paltarındır bu qın ,soyun,çıx! 

                             Sinəmin qanıyla silim pasını. 

                             Göynəyən əlimlə bir zərbə çalım, 

                             Doğra,tök Vətənin qəm libasını! 

                                                                    21dekabr 1981 

İTAƏT 

 

                            İtaətlə enən qılınc havaya qalxmaz, 

                            İtaətdə keçən ömür ölümdən betər. 

                            Əl altında yaşayan xalq qabağa çıxmaz, 

                            Əqidəsi tapdalanar,tarixi itər. 

 

                            Əyildikcə ucalan baş vəzir başıdır, 

                            İtaətdir azadlığa,mənliyə düşmən. 

                            İtaətlə bükülən bel sınsa yaxşıdır, 

                            Özü ilə milləti də əyəcək hökmən. 

                                                                      8 avqust 1982 

 

         KƏRBƏLA FACİƏSİ 

 

                                     Biz didərgin salındıq 

                     Zəngəzurdan, Göyçədən 

                     “Gəlməsiniz” adıyla. 

                     Gəlinlərimiz – gözəl, 

                     Qızlarımız – gülbədən... 

                     Döşlərinə yazdılar 

                     Siqaretin oduyla. 

                     Hamilə qadınların 

                     Qarnından körpəsini 

---

Milli Kitabxana

 

 

 

15

                     Çıxarıb kəsdilər də.  

                     Fəryad eləyənlərin 

                     Batırdılar səsini. 

                     İmdad diliyənləri 

                     Tapdıyıb əzdilər də. 

 

                     Bizim bu başbilənlər 

                     Barmağı dodağında 

                     “Suss!” eyləyib durdular. 

                       Şirvanlandıqca onlar 

                       Yadların qabağında 

                       Yağılar qudurdular. 

 

                       Onda Qarabağ odu 

                       Qalandı başımızda. 

                       Atamız boynu bükük, 

                       Anamız gözü yaşlı 

                       Dayandı qarşımızda. 

                       Bizim bu baş bilənlər, 

                       Sağlığında ölənlər, 

                       Bölünənlər, bölənlər 

                       Bircə kəlmə söz ilə 

                       Mat qoydular hər kəsi: 

                       – Başımıza gəlibdir 

                       Kərbəla faciəsi. 

 

                       Ondan sonra kimsədən 

                       İmdad gəzmədi millət. 

                       Əlini Tanrısından 

                       Amma üzmədi millət. 

                       Ağlamadı hər yetən 

                       Başbilənin yanında. 

                       Ağrısını saxladı 

                       Ürəyində, canında. 

                       “Qaçqına yardım gəlir”, 

                       “Köçgünə yardım gəlir” 

                                  deyə haray saldılar. 

---

Milli Kitabxana

 

 

 

16

                       Qaçqın əl uzatmadı, 

                       Köçgün əl uzatmadı, 

                       Buna da əl çaldılar. 

 

                       Bazarlara yönəldi 

                       Yardımlar maşın-maşın. 

                       Tıxa, qarnın tox olsun, 

                       Mənim acgöz qardaşım! 

                       Yardım yeyib piylənən, 

                       Cəmdək kimi iylənən, 

                       Rəzil, nankor qardaşım! 

                       A mənim kor qardaşım! 

                       Çıxarsana başını 

                       Bu yardım bazarından. 

                       Görmürsənmi dikəlmiş 

                       Şəhidlər məzarından? 

                       Hədələyirlər bizi, 

                       Söyürlər, qarğayırlar. 

                       Laçında, Xocalıda 

                       Daşlar qan ağlayırlar. 

                       Kafirlər döl alırlar 

                       Əsir düşən bacından. 

                       Utansana, ölsənə 

                       Başındakı tacından! 

                       Kəlbəcər inildəyir, 

                       Xankəndimiz can verir. 

                       Zəngilan, Füzulinin 

                       Yaraları qan verir. 

                       Budurmu al-qırmızı 

                       Tökülən qan əvəzi? 

                       Budursa, elə budur 

                       Kərbəla faciəsi. 

 

                       Gəncəyə yığışdınız 

                       Yan keçib Ağdərədən. 

                       Ağdama boylandınız 

                       Zər tüllü pəncərədən. 

---