Tip I. Hesabi maksimal su sərfi gursululuq dövrünün əvvəllərində müşahidə edilir
və bir maksimum müşahidə edilir. Bu tip hidroqraf maksimal sərflərin davamiyyət-
inə görə 2 yerə bölünür:
a) Gursululuq dövründə keçən maksimal sərflərin davamiyyəti 15 gündən azdır
(1940);
b) Gursululuq dövründə keçən maksimal sərflərin davamiyyəti 15 gündən çoxdur
(1968, 1978, 1988).
Tip II. Hesabi maksimal su sərfi gursululuq dövrünün ortalarında müşahidə edilir
(1976); davamiyyəti 30 gün olmuş (12.05÷10.06.1976) və bir maksimum müşahidə
edilmişdir.
Tip III. Hesabi maksimal su sərfi gursululuq dövrünün sonunda müşahidə edilir
(1987); davamiyyəti 22 gün olmuş (07.06÷28.06.1987) və bir maksimum müşahidə
edilmişdir.
Qurulmuş hesabi hidroqraf tiplərinin formaları şəkil 3-də göstərilir.
Şəmkir hidroqovşağında sutullayıcının giriş başlığı 3 aşırımlı, qapılar ilə tənzim
olan suaşırıcıdan ibarətdir. Başlığın qaşı 144,20 m səviyyəsində yerləşir. Aşırımların
eni 8,0 m-dir. Su anbarında normal basqılı səviyyə (NBS) olduğu halda sutul-
layıcının bir qapısının suburaxma qabiliyyəti 800,5 m
3
/s, ekstremal (maksimal)
səviyyəsində isə 980,7 m
3
/s-dir [2, 3, 5].
Şəmkir hidroqovşağının tərkibində bəndyanı tipli su elektrik stansiyası (SES)
fəaliyyətdədir. SES-in iki turbinin quraşdırılmış gücü 380 MVt təşkil edir. Layihəyə
əsasən gursululuq dövründə turbinlər tam gücü və suburaxma qabiliyyəti ilə işləmə-
lidirlər. Gursululuq dövründə SES daimi (bazis) iş rejimində işləyir. Ortasulu və
çoxsulu illərin gursululuq dövrlərində turbinlər gərgin iş rejiminə keçirlər.
HEC ResSim proqramı ABŞ-ın Hərbi Mühəndislər Korpusunun Su Ehtiyatları
İnstitutunun Mühəndis Hidrologiyası Mərkəzi tərəfindən hazırlanmışdır [8].
Proqram vasitəsi ilə bir və ya bir neçə su anbarından ibarət kaskad üçün aşağıdakı
hesablamaları aparmaq mümkündür:
daşqınların idarə olunması;
azsulu dövrdə çay axımının optimal nizamlanması;
su təchizatının tələblər üzrə planlaşdırılması;
su anbarlarının tənzimlənməsi və real vaxtda operativ qərar qəbul etmə.
HEC ResSim modelləşdirməsi şərti olaraq 2 yerə bölünür (şəkil 4):
1.
Giriş məlumatlarının daxil edilməsi.
-
Su sərfi haqqında məlumatlar;
-
Su anbarı haqqında məlumatlar-səviyyə-sahə və səviyyə həcm əyriləri;
-
Hidrotexniki qurğular haqqında məlumatlar - sukeçirici qurğular və onların
suburaxma qabiliyyətləri.
2. Çıxış məlumatları/Modelləşdirmə nəticələri.
-
Su anbarında gündəlik
su səviyyələri;
SU PROBLEMLƏRİ: ELM VƏ TEXNOLOGİYALAR
1/2016
32
SU EHTİYATLARININ TƏDQİQİ VƏ İNTEQRASİYALI
İDARƏETMƏ PROBLEMLƏRİ
Qarayev N.Ə.,Sultanov E.T.,Abbasov S.A.,Rəcəbov R.F.
Şəmkir hidroqovşağından gursululuq axımının...