Fəsil 5. İxtisaslaşdirma və kooperasiyalaşma
sul göndərən firma və ya müəssisələr son məhsulun hazırlanması üçün
zəruri olan aqreqat, bağlama, hissə, döymə, tökmə, qaynaq və s. məmu-
latları özlərinin istehsal proqramlarına daxil edirlər. Məhz bu baxımdan
kooperasiya yolu ilə məhsulgöndərmə təchizat işindən fərqlənir.
Kooperasiyalaşdırma prosesi aşağıdakıları özündə əks etdirir:
– müəyyən istehsalın tələbatları üçün dəstləşdirici məmulatların
və yarımfabrikatların göndərilməsi (istehsalı) və xidmətlərin yerinə
yetirilməsini;
– məlum məhsulun müəyyən alıcıları ilə təchizatçının əlaqələrini;
– təchizatçının məhsul istehsal edən və yarımfabrikatı formalaşdır-
maqda davam edən müəyyən istehlakçılar üçün yerinə yetirdiyi işini.
Bəzi hallarda kooperasiya heç bir müstəqil asılılığı olmayan, lakin
onu müəssisələrdən birinin sərbəst istehsal güclərindən daha tam isti-
fadə etmək məqsədilə öz aralarında təşkil edən, ixtisaslaşmış müəssi-
sələr arasında əlaqələr yaratmaqla həyata keçirilir. Burada kooperasi-
yalaşdırma qısamüddətli olur və məhsul alan müəssisə öz istehsal gü-
cündəki «zəif yeri» ləğv etdikdən sonra kooperasiya əlaqəsindən çıxır.
İxtisaslaşdırma istiqamətlərinə müvafiq olaraq kooperasi-
yalaşdırmanın aşağıdakı formaları fərqləndirilir:
Aqreqat üzrə kooperativləşdirmə. Kooperativləşdirmənin aqre-
qat növündən texniki səviyyəsinə və konstruktiv quruluşuna görə
mürəkkəb məhsul istehsalı ilə məşğul olan baş zavod kooperasiyaya
daxil olan (əlaqədar) zavodlardan elektrik mühərrikləri, generatorlar,
reduktorlar, nasoslar, kompressorlar və s. kimi aqreqatlar almaqla
hazır məhsulun istehsalını tamamlayırlar, onu bir növ dəstləşdirirlər.
Hissələr üzrə kooperativləşdirmə. Kooperativləşdirmənin bu
növündə son hazır məhsulun istehsalı üzrə ixtisaslaşdırılmış baş
müəssisə əlaqədar firmalardan hissə və qovşaqlar almaqla məhsu-
lun istehsalı işini tamamlayır. Buna misal olaraq maşınqayırma sə-
nayesində baş zavodların kooperasiyaya daxil olmuş müəssisələr-
dən porşen, radiator, diyircəkli yastıq, bolt, qayka almasını və ya-
xud ixtisaslaşdırılmış baş kimya sənaye müəssisələrinin digər əla-
qədar müəssisələrdən plastik kütlə, texniki rezin, asbest və s. mə-
mulatlarını almasını misal göstərmək olar.
Texnoloji mərhələlər üzrə kooperativləşdirmə. Kooperativləş-
dirmənin bu növündə bir müəssisə digərinə müəyyən yarımfabrikatlar
119
Telman Huseynov
göndərir və ya onun üçün məhsul istehsalı texnologiyasının müəyyən
bir mərhələsinin icrasını həyata keçirir. Buna misal olaraq, bir müəssi-
sənin digərinə döymə, tökmə, ştamplama məmulatı, metal konstruksi-
yalar göndərilməsini göstərmək olar. Əyrilmiş yunun toxucu fabrikinə
verilməsi texnoloji mərhələ üzrə kooperativləşmə üçün misal ola bilər.
Ərazi (məkan) və sahələr üzrə təşkili baxımından kooperativ-
ləşdirmə aşağıdakı formalarda olur:
– rayondaxili kooperativləşdirmə; belə kooperativləşdirmə forması
iqtisadi rayonun daxilində olan müəssisələr arasında təsərrüfat əlaqə-
lərinin yaradılmasına əsaslanır;
– rayonlararası kooperativləşdirmə; kooperativləşdirmənin bu for-
masında təsərrüfat əlaqələri müxtəlif rayonlarda yerləşdirilmiş müəs-
sisələr arasında baş verir;
– sahədaxili kooperativləşdirmə; belə kooperasiya əlaqələri eyni
sahənin iki və daha çox müəssisələri arasında yaranır;
– sahələrarası kooperativləşdirmə; kooperativləşdirmənin bu for-
ması müxtəlif sahələrin müəssisələri arasında yaranır.
Rayondaxili kooperasiyalaşdırma əlaqələri rayonun kompleks
inkişafına nail olmaqda müstəsna rola malikdir.
Kooperativləşdirmənin bu formasında səmərəli yükdaşımalar
sxeminin tərtibi nisbətən asan, yerli resurslardan və istehsal güc-
lərindən istifadə səviyyəsini yüksəltmək imkanı daha geniş olur.
İqtisadi suverenliyə nail olmuş respublikamız üçün rayondaxili
kooperativləşdirmənin inkişafı üzrə ehtiyat mənbələri araşdırılmalı,
təsərrüfat dövriyyəsinə cəlb olunmalıdır.
İnkişaf etmiş ölkələrdə son dövrlərdə (XX əsrin 90-cı illərindən)
kooperativləşmənin bir forması olan autsorinq prosesi geniş yayıl-
mışdır. Autsorinq – müəssisə tərəfindən idarəetmənin təkmilləş-
dirilməsi məqsədilə həm xidmət və həm də əsas istehsal struktur-
larından bəzilərinin icarəyə verilməsidir. Bu zaman müəssisə və
firmalar "yaxşı bacardığımı özüm etməliyəm, yaxşı bacarmadığımı
yaxşı bacarana həvalə edirəm" prinsipini əsas götürürlər. Autsorinqin
genişlənməsi sahibkarlıq fəaliyyətinin mürəkkəbləşməsi, az xərclə
keyfiyyətli məhsul istehsal etməyə nail olmaq məqsədilə izah olunur.
İcrası kənara həvalə olunan sahibkarlıq funksiyası mahiyyətcə
ümumi istehsaldan ayrılmır, əksinə onun tərkib hissəsi kimi, yeni
120
Fəsil 5. İxtisaslaşdirma və kooperasiyalaşma
keyfiyyətdə davam etdirilir. Başqa sözlə, autsorsinq prosesi yeni
keyfiyyətdə kooperasiya əlaqələrinin yaranmasını şərtləndirir.
3. İxtisaslaşdırma və kooperasiyalaşmanın səviyyəsini müəyyən
edən göstəricilər
İstehsalın ixtisaslaşma və kooperasiyalaşma səviyyəsini təhlil etmək və
qiymətləndirmək üçün müəyyən göstəricilər sistemindən istifadə edilir.
Göstəricilər sistemi ixtisaslaşdırma prosesinin aşağıdakı başlıca cəhət-
lərini özündə əks etdirməli və ya qiymətləndirilməlidir: əmək bölgüsünün
səviyyəsini, yəni istehsalın ixtisaslaşdırma formasını; məhsulun sahənin
və ya müəssisənin istehsal prosesinə uyğun gəlməsi dərəcəsini; məhsulun
nomenklaturası və ya çeşidinin genişliyini; məhsulun konstruktiv-texno-
loji cəhətdən ümumiliyini; texnoloji cəhətdən yekcins məhsulların isteh-
salının təmərküzləşmə və optimallıq səviyyəsini və başqalarını.
İstehsalın ixtisaslaşma səviyyəsini qiymətləndirərkən aşağıda-
kı göstəricilər sistemi tətbiq edilir:
– müəyyən növ məhsulun ümumi buraxılışında ixtisaslaşdırılmış
sahənin xüsusi çəkisi, ''əhatəetmə əmsalı'' adlanan əmsal. ''Əhatəetmə
əmsalı'' göstəricisi bu və ya digər sahənin formalaşması prosesini və
iqtisadi inkişaf səviyyəsini səciyyələndirir və ölkədəki ümumi istehsa-
lın həcmində ixtisaslaşdırılmış müəssisələr tərəfindən buraxılan məh-
sulun həcminin xüsusi çəkisi kimi hesablanır;
– sahənin və ya müəssisənin ümumi məhsul buraxılışında əsas
(profil) məhsulun xüsusi çəkisi, "sahə" və ya "müəssisə ixtisaslaşdı-
rılması əmsalı" adlanan əmsal. Müəssisənin əsas (profil) məhsulu onun
profilinə, yəni mövcud avadanlıqların, texnoloji prosesin və kadrların
ixtisaslaşması xarakterinə uyğun olan konstruktiv və texnoloji cəhət-
dən yekcins məhsuldur. Əsas məhsul müəssisənin təsdiq olunmuş layi-
həsinə uyğun olur və onun pasportunda öz əksini tapır. ''Əhatəetmə
əmsalı'' ilə ''sahə" və ya " müəssisə ixtisaslaşdırılması əmsalı'' qarşılıqlı
surətdə bir-birini tamamlayır. Onlar, bir tərəfdən, ixtisaslaşdırılmış sa-
hə və ya müəssisə tərəfindən müəyyən məhsula ümumi tələbatın necə
təmin edildiyini, digər tərəfdən isə, həmin sahənin profilinə uyğun
olmayan məhsulun xüsusi çəkisini səciyyələndirir;
– ayrı-ayrı detalların, qovşaqların, aqreqatların və pəstahların bu-
raxılışı üzrə ixtisaslaşdırılmış və ya mərkəzləşdirilmiş istehsalların
121
Dostları ilə paylaş: |