№22 (62) 31.10.2011 Fərqli düşüncə
8
A
zərbaycan BMT Təhlükəsizlik
Şurasının üzvlük səsver-
məsində əsas rəqibi Sloveniyanı 40
səs geridə qoyub və Şuraya ikiillik
qeyri-daimi üzv seçilib. Vaşinq-
tonda Beynəlxalq Strateji Araşdır-
malar Mərkəzinin eksperti Bülənt
Əlirza bununla bağlı suallarımızı
cavablandırır.
- Müstəqilliyin 20-ci ilində Azərbay-
canın BMT Təhlükəsizlik Şurasına üzv
seçilməsi iftixarvericidir. Bu, Azərbay-
canın beynəlxalq səviyyədə nüfuzunu
qaldıracaq. Adətən qonşularıyla ciddi
problemləri olan ölkələr kənarda qalırlar.
Həm də seçilmək üçün ciddi lobbiçilik et-
məyə ehtiyac var. Bu baxımdan ciddi
uğurdur, amma o qədər də şişirtməmək
lazımdır, çünki çətinliklər də çox olacaq.
- Bu postda olmaq Azərbaycana
hansı üstünlükləri verəcək?
- Qeyri-daimi üzvlər Təhlükəsizlik
Şurasındakı müzakirələr zamanı istədik-
ləri vaxt söz alıb çıxış edə bilərlər. Qeyri-
daimi üzv olmayanlar isə çıxış etmək
üçün sədrə müraciət edib müəyyən
prosedur keçməlidirlər. İndi Azərbaycan
istədiyi mövzuya istədiyi vaxt münasibət
bildirə biləcək.
Bundan başqa, qeyri-daimi üzvlər də
daxil olmaqla 15 üzv ölkənin hər biri ro-
tasiya qaydasında bir ay müddətinə Şu-
raya sədrlik edir. Sədr ölkə toplantının
gündəliyini müəyyən edir, kimin çıxış
edəcəyi barədə qərar verir. Bu baxımdan
Azərbaycanın nüfuzu daha da artacaq.
- Səsvermədə iştirak yəqin ki, Azərbay-
canı həm də ölkələr arasında seçim
etmək və bu ölkələrlə sonrakı münasi-
bətlər baxımından çətinliyə salacaq...
- Əlbəttə, belədir. İndiyə qədər Azər-
baycan həmişə həm İsraillə, həm də
Fələstinlə yaxşı münasibət saxlayıb. Yaxın
günlərdə BMT-də Fələstinin dövlət kimi
tanınması məsələsi gündəmə gələcək. Bu
zaman Azərbaycan seçim qarşısında ola-
caq, o, mövqeyini bildirməlidir.
Ümumiyyətlə, Azərbaycan əvvəllər
neytral qaldığı məsələlərdə indi mövqe
bildirməli olacaq, bu da onun üçün bəzən
mənfi, bəzən də müsbət nəticələnə bilər.
Nəticədə Azərbaycan diplomatiyası həm
çətin günlər yaşayacaq, həm də daha da
aktivləşəcək.
Məsələn, keçən il İran məsələsi
gündəmə gəlmişdi və ABŞ Türkiyənin
İrana yeni embarqo qoyulması ilə bağlı
təklifi dəstəkləməsini istəmişdi, amma
Türkiyə buna razı olmamışdı. Bu da ABŞ-
Türkiyə münasibətlərinə mənfi təsir et-
mişdi. Buna bənzər bir vəziyyət də qarşı-
dakı iki ildə Azərbaycan üçün yarana
bilər.
- Bu üzvlük Dağlıq Qarabağ mü-
naqişəsinin həllinə hansısa bir təsir
edə bilərmi?
- Ciddi bir təsirin olacağına inanmıram.
Çünki bu münaqişənin həllinə daha çox
Rusiya və ABŞ təsir edə bilir. Amma
dediyim kimi, Azərbaycanın sədrlik müd-
dətində müzakirələrin gündəminə təsir
etmək imkanı var və ümumiyyətlə, bu
üzvlük onun beynəlxalq nüfuzunu artıra-
caq.
- Bu üzvlük Azərbaycanda
demokratik islahatlara hansısa təsir
göstərə bilərmi?
- İndiyə qədərki təcrübə göstərib ki,
qeyri-daimi üzvlərə demokratiya ilə bağlı
heç bir təzyiq edilmir. Onlar bu posta
qeyri-demokratik gəlib, qeyri-demokratik
gediblər. Amma bu üzvlük Azərbaycanın
daxili siyasətini beynəlxalq gündəmə
gətirəcək, beynəlxalq medianın diqqətini
bu ölkəyə yönəldəcək. Bu da xüsusilə də
Ərəb baharından sonra Azərbaycandakı
demokratik qüvvələri həvəsləndirə bilər.
Ülviyyə Əsədzadə
İlham Əliyev 9
ayın iqtisadi
göstəricilərini
açıqlayıb
A
zərbaycan prezidentinin sə-
drliyi ilə Nazirlər Kabinetinin
2011-ci ilin 9 ayının sosial-iqti-
sadi inkişafının yekunlarına həsr
olunan iclası keçirilib. İlham
Əliyev deyib ki, bu ilin 9 ayında
kənd təsərrüfatı istehsalı 7,6 faiz
artıb. Bu dövrdə Azərbaycanın
valyuta ehtiyatları 11 milyard
dollar artaraq 40 milyard dolları
ötüb. İ.Əliyev bildirib ki, ünvanlı
sosial yardım proqramının icrası
113 min ailəni əhatə edir, bu
təbəqədən olan hər ailəyə orta
hesabla 130 dollar yardım verilir.
Dövlət başçısı deyib ki, hazırda işsiz-
lik 5,5 faizdir. Son 9 ayda ölkədə 74
min yeni iş yeri açılıb ki, onlardan 50
mini daimidir. Bununla da son 8 ildə
Azərbaycanda açılan iş yerlərinin sayı
950 minə çatıb. İlham Əliyev bildirib ki,
makroiqtisadi
sabitlik
qorunub
saxlanılacaq.
“Bu il əhalinin pul gəlirləri 19 faiz
artıb və bu gəlirlər inflyasiyanı 2
dəfədən çox üstələyib”. Dövlət başçısı
yaxın vaxtlarda Milli Məclisdə müzakirə
ediləcək gələn ilin dövlət büdcəsinin in-
vestisiya və sosialyönümlü olmasının
vacibliyini qeyd edib:
“Gələn il dövlət
büdcəsinin xərcləri 22 milyard dollar,
icmal büdcə isə 25 milyard dollar
səviyyəsində olacaq”.
APA
Təhlükəsizlik Şurasına üzvlük
Azərbaycana nə verəcək?
Ən aktual, ən qaynar müzakirələr həftənin hər iş günü
AzadlıqRadiosunun efirində. Saat 17-dən 19-dək.
AzadliqRadiosu.az saytından verilişə canlı da baxa
bilərsiniz. Verilişlərin səs arxivinə AzadliqRadiosu.az
saytında sonradan da qulaq asa bilərsiniz.
Veriliş zamanı suallarınızı verin:
SMS: (+994 50 744 10 17)
Telefon: 436 – 77 - 41
Elektron ünvan: efir@azadliqradiosu.az
Bülənt Əlirza