№22 (62) 31.10.2011 Fərqli düşüncə
6
Evə qayıtmayan uşaqlar
«Bu saat mən polisdən gəlirəm.
Uşağın şəkillərini verdim. Söz veri-
blər ki, yaxın vaxtlarda tapacaqlar.
Bu uşaq 3 bacının bir qardaşıdır».
Bakı sakini Sahib Babayevin 15
yaşlı oğlu oktyabrın 20-də evdən
çıxıb və neçə gündür ki, onun
harada olması ilə bağlı xəbər yox-
dur. Atası bununla bağlı oktyabrın
24-də polisə müraciət edib.
Hazırda o, axtarışdadır.
«BU MƏLUMATLAR DAXİLİ
İSTİFADƏ ÜÇÜNDÜR»
Azərbaycanda il ərzində nə qədər uşaq
itir? Onların neçəsi tapılır? Tapılmayan
uşaqların aqibəti necə olur? Daxili İşlər
Nazirliyi mətbuat xidmətinin əməkdaşı
Orxan Mansurzadə deyir ki, bu tip
məlumatların ictimaiyyətə açıqlanması
qanunla qadağandır:
« Belə məlumatlar
yalnız daxili istifadə üçün nəzərdə tutul-
duğundan açıqlanmır».
DÖVLƏT QURUMUNUN PROFİLİ
Azərbaycanda uşaq hüquqlarının
qorunmasını həyata keçirən dövlət qu-
rumu Ailə, Qadın və Uşaq Problemləri
üzrə Dövlət Komitəsidir. Komitənin sektor
müdiri Lətafət Tağızadə deyir ki, onlara,
ümumiyyətlə, itkin düşən uşaqlarla bağlı
müraciət daxil olmayıb. Bu sahənin
araşdırılması isə onların profilinə aid
deyil:
«Uşaqların itməsi kriminaldır, bu
sahənin bizim komitəyə aidiyyəti yox-
dur».
İnsan Haqları üzrə Müvəkkil Elmira Sü-
leymanova da Azərbaycanda itən
uşaqlarla bağlı onlarda hər hansı
məlumatın olmadığını deyir.
O UŞAQLARIN BƏZİLƏRİ SANKİ
YOXA ÇIXIR…
Uşaq Hüquqları üzrə Azərbaycan QHT
Alyansının milli koordinatoru Nabil Seyi-
dov isə uşaqların itməsinə dair məlumat-
ların ictimaiyyətə açıqlanması və ictimai
təşkilatlarla əməkdaşlıq edilməsini zəruri
sayır: «Statistika ilə bağlı məlumata,
təəssüf ki, bizim də çıxışımız azdır. Amma
2010-cu ilin yanvar ayında DİN
tərəfindən qeyd olunmuşdur ki, təkcə
Bakı şəhərində 47 uşaq itib, onlardan 41-
i tapılıb, 6-nın isə həmin dövrdə taleyi
məlum deyil. Bundan başqa, bizim təşki-
lat son 6-7 ay ərzində parklarda,
zirzəmilərdə, vağzallarda küçə uşaqları ilə
bağlı reydlər keçirir. Lakin bir müddət
sonra o uşaqların bəziləri sanki yoxa çıxır,
onlar barədə məlumatlar əldə edə
bilmirik. Xüsusilə də bu uşaqlar heç bir
yerdə qeydiyyata alınmırlar. Həmin
uşaqlar insan alveri qurbanına çevrilməsi,
orqanların transplantasiyası, cinayətlərə
cəlb olunma baxımından çox böyük risk
altındadırlar».
Nabil Seyidov dövlət uşaq müdafiə sis-
temini təkmilləşdirməyə, uşaq hüquqları
və onların müdafiəsini həyata keçirən
dövlət qurumlarını nəticəni yox, səbəbi
aradan qaldırmağa çağırır. O, təklif edir
ki, bütün - quru, hava, su sərhəd-keçid
məntəqələrində uşaqların şəkilləri çək-
ilsin, çıxan uşaqların qayıdıb-qayıtmaması
haqda məlumatlar toplansın, uşaqlar
sərhədi hər iki valideynin notariusla təs-
diqlənən icazəsi ilə keçsinlər. Nabil Seyi-
dov deyir ki, azyaşlılarla işləyən
komissiyaların, polis-uşaq inspektorlarının
fəaliyyətini gücləndirməsinə ehtiyac var.
Nüşabə Fətullayeva
Bakıda dilənçi uşaqlar
«Heydər Əliyevi çox istədiyim
üçün YAP üzvüyəm»
Aktrisa Firəngiz Mütəllimovanın
AzadlıqRadiosuna müsahibə verib.
Söhbətin bir hissəsini təqdim
edirik.
- Firəngiz xanım, bəzi sənət
adamları siyasətə də meyil göstərir-
lər. Sizin belə bir meyiliniz yoxdur?
- Yox, yox. Sadəcə olaraq, Heydər
Əliyevi çox istədiyim, ondan da sənətimə
diqqət gördüyüm üçün onun yaratdığı
Yeni Azərbaycan Partiyasının üzvüyəm.
Ancaq dövlət tədbirlərində iştirak edirəm.
Dövlətin teatrında çalışıram. Mənim
siyasətim teatrda rolumu düzgün oyna-
mağımdır.
- YAP-ın hansı rayon təşkilatının
üzvüsünüz?
- Bakının Yasamal rayonunun.
- Bir vətəndaş kimi ürəyinizdən
keçirmi ki, hansısa sosial problemi
YAP-ın Yasamal rayon şöbəsinin
iclasında qaldırasınız?
- Açığı düşünmürəm. Son bir ildə
sağlamlığımla məşğulam. Səhhətimdə
problemlərim var, hələ ki, özümləyəm.
SADƏCƏ, SƏNƏTKARA DİQQƏT
- Firəngiz xanım, bu günlərdə
Müsavat Partiyasının 100 illiyi qeyd
olundu, geniş səviyyədə keçirilməs-
inə şərait yaradılmadı, siz izləmədiz
bu prosesi?
- Yox, mən siyasətə qarışmıram. Hər
halda ağır əməliyyat keçirəndə gözümü
açıb başımın üstündə iqtidarı görmüşəm.
Müxalifət mənə heç nə etməyib.
- Siz müxalifətdən nəsə umur-
suzmu?
- Yox, o da azərbaycanlıdır, mən də.
Məsəl üçün dedim, mən heç nəyə
qarışmıram, başımı aşağı salıb işimi
görürəm. Aktyorun işi səhnədə roluyla
sözünü deməkdir.
- Sizcə, müxalifət nə etməlidir ki,
onu etmir?
- Heç nə. Sadəcə, sənətkara qarşı
diqqətli olmalıdır, elə hamıda bizə qarşı
diqqət olmalıdır.
Aktrisa ilə geniş və maraqlı
müsahibəni dinləmək üçün
AzadliqRadiosu.az saytına
daxil olun.
Aktrisa Firəngiz Mütəllimova
