____________Milli Kitabxana____________
227
zaman, onun əsas ruhunu təşkil edən mühüm hisslərdən biri,
bəlkə də ən çox ömür sürəni milli vügar hissidir”. (111, 320).
Rəsul Rza isə 1945-ci ildə məsul redaktoru olduğu
“Azərbaycan” yurnalının (Cənubi Azərbaycanda milli azadlıq
hərəkatı ilə bağlı buraxılırdı, ərəb əlifbası ilə nəşr olunurdu) 3-
4-cü sayında dərc etdirdiyi “Milli şüur və milli iftixar” adlı
məqaləsində bütövlükdə xalqımız üçün həmişə aktual
məqamlara toxunmuşdu: “Şübhəsizdir ki, milli intibah, milli
şüurun oyanması bir günün, bir ilin işi olmayıb, əsrlərin kəskin
və amansız fırtınaları içərisində doğulur.... Azadlıq dərk
edilmiş zərurətdirsə, bu azadlığı duymaq, onun zəruri olduğunu
hiss etmək üçün xalqın bütün nemətlərini yaradan geniş
kütlələrin milli şüurunun artması, xalqın özünəməxsus ənənə,
sənət və məişət gözəlliklərinin həqiqətən sevilib intişar etməsi
şərtdir. Lakin millət içərisində ayrı-ayrı adamların: ictimai
xadimlər, inqilabçılar, yazıçılar, rəssamlar, alim və
maarifpərvərlərin o xalqın milli şüurunu yüksəltmək, o xalqın
azadlıq və istiqlalıyyət yolundakı səylərini daha müntəzəm və
mütəşəkkil bir hala salmaq, o xalqın yolunu işıqlandırmaqda
böyük xidmətləri vardır...Milli iftixar hissi, milli şüurun
doğrudan-doğruya bir nəticəsidir. Milli şüuru oyanmamış, öz
____________Milli Kitabxana____________
228
yaradıcılıq qüvvəsinin qüdrətinə iman bağlamamış bir xalqda
milli iftixar hissi çox zəif və məzmunsuz olur”(Bax: 96, 64).
Əlbəttə, otuz-əllinci illər ədəbi prosesində milli-mənəvi
idealları özündə ehtiva edən milli düşüncənin sabitliyi, yaxud
yüksəlişi haqqında iddiaya da yer yoxdur. Milli düşüncənin az-
çox özünü göstərən yaşantılarına otuz yeddinci ilin müdhiş
repressiyaları ciddi zərbə vurdu. Bir çox görkəmli
sənətkarlarımız antisovetçilik motivləri ilə yanaşı, “millətçilik”
damğası ilə də repressiyaya düçar oldular.
Qırxıncı illərin ortalarında Cənubi Azərbaycandakı milli
hərəkat milli düşüncəyə təkan verdi. Lakin beynəlxalq
qüvvələrin siyasi oyunları nəticəsində bu hərəkatın da “qanına
qəltan” olması, həmçinin 1946-48-ci illərin partiya qərarlarının
yaratdığı kəskin qadağalar “milli oyanış”ın qarşısında keçilməz
sipər yaratdı (Arazın o tayında qaldı, bu taya buraxılmadı).
Sonralar – əllinci illərin ortalarından Şəhriyarın
“Heydərbabaya salam” kimi əsərlərinin araya gəlməsi və
Azərbaycan dilinin dövlət dili kimi qəbul edilməsi milli
düşüncəni yenidən, bu dəfə dönməz şəkildə silkələdi.
Tədqiqat nəticəsində milli-mənəvi idealların Azərbaycan
romanında təzahürü aşağıdakı istiqamətlərdə görünür:
____________Milli Kitabxana____________
229
– Azərbaycan dilinin cilalanması, inkişaf etdirilməsi.
Doğma dilimizin zənginlikləri yeni vüsətlə üzə çıxarılmış,
özündə milli-mənəvi idealların digər çalarlarını da ehtiva etmək
qüdrətini göstərmişdir. Bu barədə qənaətlərimizi yuxarıda
vermişik;
– Tariximizin bədii təxəyyüldə inikası. Belə əsərlərdə
milli düşüncə özünə daha geniş vüsətlə meydan tapmış, milli-
mənəvi idealları bir çox məqamlarda “üst qat”da ifadə etmək
imkanı yaranmışdır;
– Doğma Vətən kimi Azərbaycan torpağının, Azərbaycan
təbiətinin özünəməxsus gözəlliklərinin tərənnümü;
– Azərbaycan məişətini canlı, koloritli lövhələrlə bədii
inikası;
– Bir çox bədii obrazlar vasitəsilə milli xarakterin,
mentalitetin müsbət çalarlarının vəsfi;
– Milli mən, milli özünütəsdiq, milli iftixar, milli vügar
hisslərinin yaşantıları. Bunlar əsasən dərinlərdə, “alt qat”da yer
alır;
– Daha dərinlərdə, “milli azadlıq” hissi;
– Geniş mənada: ümumbəşəri olduğu qədər də, milli
keyfiyyətlər üzərində qərar tutan xeyirlə şərin mübarizəsi və
özünəməxsus milli-mənəvi anlamda xeyirin qələbəsi. Bu
____________Milli Kitabxana____________
230
qələbə insanları sevindirmiş, ruhlandırmış, oxucu kütləsini
(xalqı) işığa səsləmişdir.
Bu istiqamətlərin sözügedən dövrdə Azərbaycan
romanında təzahürü bir daha bədii yaradıcılıqda “millilikdən
kənar sənət yoxdur” tezisininin təsdiqi kimi qəbul edilə bilər.
Əlbəttə, əsərin milliliyinin səviyyəsi yazıçının milli həyatla
yaxınlıq, bağlılıq dərəcəsindən asılıdır. Hər bir əsərdə yazıçının
milli varlığı hiss etdirmək, milli həqiqəti qorumaq instinkti
vardır.
Tədqiqata cəlb etdiyimiz romanları yuxarıdakı istiqamətlər
əsasında qruplaşdırmağı doğru hesab edə bilmərik. Ona görə ki,
demək olar, bütün romanlarda həmin istiqamətlərin bir çoxu,
bəlkə də hamısı bu və ya digər dərəcədə görünür. Odur ki,
konkret hər bir əsərin mövzu əsasında təhlilini apararkən həmin
istiqamətlərin araşdırılması daha məqsədəuyğun olardı.
2.3. Tarix və milli düşüncə
Kimliyimizi, milli mahiyyətimizi bilmək, milli
yaddaşımızı qorumaq və zənginləşdirmək istəyiriksə, tariximiz
haqqında məlumatlı olmalıyıq. Bu mənada sənətkarın bədii
təxəyyülündən süzülərək gələn tarixi əsərlərin xüsusilə böyük
____________Milli Kitabxana____________
231
əhəmiyyət daşıdığı etiraf olunur. Rus yazıçısı A.Tolstoy
yazmışdı: “Rus xalqının sirrini, böyüklüyünü başa düşmək üçün
gərək onun keçmişini yaxşı və dərindən biləsən: rus
xarakterinin bağlı olduğu bizim tariximizi, onun köklü
bağlarını, faciəvi dövrlərini biləsən” (161, 88).
Ötən əsrin 30-40-cı illərində tarixi romanların yaranması
Azərbaycan nəsrinin, bütövlükdə ədəbiyyatımızın əlamətdar
hadisəsidir. Tarixi keçmişimizin bədii idrakla dərkinə yönələn
belə romanlar xalqın tarixi keçmişi haqqında real və əsaslı fikir
demək, ona kimliyini, hansı dönəmlərdən keçib gəldiyini
xatırlatmaq zərurətindən yaranırdı. Bu sahədə əvvəllər ədəbi
təcrübə olmasa da, otuz-qırxıncı illərin tarixi romanları
yaradıcılıq təcrübəsi kimi təşəkkül tapmışdır. Əlbəttə,
nasirlərimizin dünya və rus ədəbiyyatı tarixi roman yaradıcılığı
təcrübəsindən və ənənəsindən yararlandıqları da inkar oluna
bilməz.
Rus və Azərbaycan ədəbiyyatşünaslığında A.Kaşintsevin,
M.S.Leytesin,
İ.P.Varfolomeyevin,
İ.L.Aleksandrovanın,
M.Sirotyukun, M.Hüseynin, V.Quliyevin, Y.Axundlunun,
T.Hüseynoğlunun və b. tarixi roman haqqında mülahizələri
diqqəti cəlb edir. Məsələn, İ.P.Varfolomeyev tarixi romana
bədii bir sənət sistemi, sənət növü kimi baxır və onun üç tipini
Dostları ilə paylaş: |