____________Milli Kitabxana____________
309
tərəfdarı olub, bizim vaxtımızda yaşasaydı, əlbəttə ki, yoldaş
deyərdi” (44, 499).
Otuzuncu illərdə qoyulan məhdudiyyətlərə baxmayaraq,
M.Hüseyn də erməni daşnaklarının törətdikləri vəhşilikləri
xatırlatmış, onların Azərbaycan kəndlərini dağıtmasında söhbət
açmışdır (44, 406).
Ə.Əbülhəsənin “Yoxuşlar”ı kimi, “Tərlan” romanı da
kollektivləşmə dövründən bəhs edir. Bu əsərlərdə tipoloji
yaxınlıq özünü göstərsə də, M.Hüseyn öz romanı ilə 7-8 əvvəl
yazılmış “Yoxuşlar”dan heç də irəli gedə bilməmişdir. Dövrü
üçün müsbət qəhrəman hesab edilən Tərlan obrazı bu gün
yalnız “təbliğat ruporu” təsiri bağışlayır. Bununla belə, roman,
yuxarıda göstərdiyimiz və qeyd edə bilmədiyimiz nümunələri
ilə də, Mürsəl kişi kimi həyati obrazları ilə də dəyərləndirilə
bilər.
“DİRİLƏN ADAM ” VƏ “BİR GƏNCİN MANİFESTİ ”.
ƏDƏBİYYATIMIZDA ROMAN JANRININ TƏSDİQİ
Altı roman, 300-ə qədər hekayə, habelə qiymətli elmi
əsərlər müəllifi Mir Cəlal Azərbaycan ədəbiyyatında öz yolu
olan bir yazıçı kimi tanınır. Onun otuzuncu illərdə yazdığı ilk
iki romanı – “Dirilən adam” və “Bir gəncin manifesti”
____________Milli Kitabxana____________
310
Azərbaycan
ədəbiyyatının diqqətçəkən nümunələridir.
Görkəmli yazıçı Anarın yazdığı kimi, “Bir gəncin manifesti”,
“Dirilən adam” romanları yazıldığı dövrün özəlliklərini əks
etdirməklə bərabər, roman janrını ədəbiyyatımızda təsdiq edən
və doğmalaşdıran əsərlər kimi orta və ali məktəb
dərsliklərimizə daxil oldu” (7).
2008-ci il noyabrın 10-da Parisdə, YUNESKO-nun
iqamətgahında Mir Cəlalın 100 illiyinə həsr olunmuş yubiley
mərasimində Heydər Əliyev Fondunun prezidenti Mehriban
Əliyeva demişdir: “Mir Cəlal öz kitablarında həyatı təsdiq və
tədqiq edərdi. O, hər zaman həyatın mənasını tədqiq etməyə
çalışardı” (30).
“Dirilən adam” və “Bir gəncin manifesti” romanları dövrün
aktual mövzusuna – inqilabın qələbəsinə həsr olunsa da, bu
zahiri məzmunun arxasında gizlənən bir çox incə mətləbləri,
milli məzmunu, dərin məna potensialını görmək mümkündür.
“Dirilən adam” və “Bir gəncin manifesti” romanları eyni tarixi
dövrün hadisələrini əks etdirir. “Hər iki roman “inqilab”
ideyasına köklənsə də, realizmin həyat həqiqətinə sədaqət
prinsipi və yazıçının böyük istedadı, dərin müşahidə qabiliyyəti
reallığın acı mənzərələrini əks etdirməyə imkan vermişdir”
(100, 16).
____________Milli Kitabxana____________
311
Professor Nərgiz Paşayeva yazır ki, “Dirilən adam”ın
yarandığı dövr (otuzuncu illər) ədəbiyyat üçün tənqidolunmaz,
toxunulmaz mövzular, obrazlar və bunun əksi olaraq, mütləq
təbliğ və təsdiq edilən mövzular, obrazlar sistemi mövcud idi.
“O vaxt əsl ədəbiyyatı və sənəti yaratmaq və yaşatmaq
istedadına malik olan yazıçılar, şairlər Azərbaycan ədəbiyyatı
tarixini zənginləşdirən bədii əsərlər yaradırdılar. Mir Cəlalın da
elə ilk romanında sevdiyi mövzu, toxunduğu problem, ifadə
etdiyi bədii-estetik fikir və qənaətləri konyunkturaya yox, əsl
ədəbiyyata köklənmişdi. İndiki zaman prizmasından adi və təbii
görünən bu mövqe o dövr ədəbiyyatı üçün heç də adi və ən
başlıcası isə təqdir olunan hal deyildi. Mir Cəlal yazdığı bütün
romanlarda bu prinsipə sadiq qalmışdır” (87).
“Dirilən adam” romanında aparıcı qəhrəmanın yolu
“inqilaba doğru” olsa da, romanın gücü, qüdrəti bu ideoloji
görüntüdə deyil, ədəbiyyatşünas alim T.Salamoğlunun düzğün
qeyd etdiyi kimi, sosial ədalətsizliyə, insana antihumanist
münasibətə etiraz ruhundadır, bu etiraz ruhunun güclü realist
ifadəsindədir. “Qədirin talesizliyi və bu talesizlikdən doğan
həyat “roman”ı ideoloji təfsirin geyindirdiyi “sinfi don”a heç
cür sığışmır, milli gerçəkliyin sosial bəlası kimi dərin bəşəri
məzmun, məna daşıyır” (100, 17).
____________Milli Kitabxana____________
312
Ədəbi tənqiddə “Bir gəncin manifesti” romanı “insanlığın
manifesti” kimi istilahlarla da qiymətləndirilir. Əsər məlum
konyunktur mövzuya həsr olunsa da, qənaətimizə görə, daxili
məzmununda sanki üç romanı yaşadır : Mərdanın romanı,
Sonanın romanı və Baharın romanı. Və inkar olunmur ki, əsər
məhz Sonanın və Baharın romanları ilə təsirlidir, təbii və
inandırıcıdır, illər boyu yaddaşlarda bu “romanlar”la yer
almışdır.
Sona bir milli xarakter kimi də Azərbaycan ədəbiyyatında
seçilən obrazlardandır. Hər cür əzablara dözən, fədakarlığa
hazır olan bu qürurlu qadın bədii ədəbiyyatda yer alan dövrdən
Azərbaycan anasının simvoluna çevrilmişdir. Sona obrazı
olduqca təbii, canlı və inandıricıdır. Yalnız fədakar ana kimi
yox, həm də özündə milli qürur hissini və vətəndaşlıq ləyaqətini
yaşadan Sonanın xarakterindəki özəlliklər ayrı-ayrı epizodlarda
müəllif tərəfindən məharətlə verilmişdir. Romanda oxuyuruq :
“Sanki Sona vətənini, xalqının başına gələn fəlakətləri öz
həyatında aşkar hiss edirdi. Körpə bir uşağın sevincini də
qarət edən bu canavar iştahlıları kim, nə zaman bizim
torpaqlardan qovacaqdır ?..
Dostları ilə paylaş: |