____________Milli Kitabxana____________
351
M.S.Ordubadinin “Dumanlı Təbriz” (1933-1948), “Qılınc və
qələm” (1941-1948), M.İbrahimovun “Gələcək gün” (1948)
romanları üzərində xüsusilə dayanılmışdır. “İki od arasında”
romanı yazılandan xeyli sonra – 1960-1961-ci illərdə çap
olunmuşdur. Lakin otuzuncu illərdə belə bir romanın yazılması
faktının özü Azərbaycan ədəbiyyatının uğurudur. Romanda
milli şüurun aydın ıfadəsi, Vətən məhəbbəti, xalqa qayğı kimi
məziyyətləri görürük. Əsərdə söhbət Qarabağ xanlığından getsə
də, oxucunu bütün Azərbaycan haqqinda düşündürür.
M.S.Ordubadinin
“Qılınc və
qələm” romanında
macəraçılıq xətti güclü olsa da, qırxıncı illər dövrü Azərbaycan
ədəbiyyatında maraqlı və əhəmıyyətli bir hadisə olması, geniş
oxucu kütləsini öz cazibəsinə, təsir dairəsinə salması şəksizdir.
Əsərdə zəngin macəra süjetinin, kəskin saray intriqalarının
fonunda konkret tarixi dövr, tarixi şəxsiyyətlər durur. Bu tarix –
Azərbaycan tarixidir, Azərbaycan dövlətçiliyi tarixidir. Bu
şəxsiyyətlər – azərbaycanlı hökmdarlar, azərbaycanlı qələm
sahibləri, azərbaycanlı sərkərdələrdir.
M.İbrahimovun “Gələcək gün” romanında hadisələr İranda
– Cənubi Azərbaycanda baş verir. Müəllif xalqın demokratıya
və azadlıq əzminin bədii əksini real və canlı həyat materialları
əsasında, dövrün mürəkkəb və ziddiyyətli siyasi hadisələri
____________Milli Kitabxana____________
352
kontekstində verə bilmişdir. Romanın baş obrazı Firudin
konkret şəxsin, milli azadlıq uğrunda mübarizə aparan
azərbaycanlının prototipidir və yazıçı milli idealların bir çox
çalarlarını onun obrazında ifadə etməyə çalışmışdir.
“Studentlər”, “Şamo”, “Bir gəncin manifesti”, “Dirilən
adam”, “Açıq kitab” “Dünya qopur”, “Səhər”, “Daşqın” və s.
romanlarda da milli-mənəvi idealların ifadəsi məsələləri geniş
araşdırılır, elmi-nəzəri mülahizələr əsaslandırılır. Həmin
romanlarda milli-mənəvi ideallara bu və ya digər dərəcədə
toxunan ayrı-ayrı ədəbiyyatşünasların və ədəbi tənqidçilərin
mülahizələrinə də münasibət bildirilir. “Studentlər” romanı
haqqında uzun müddət ədəbi tənqiddə özünə yer almış və bəzən
hələ də səslənməkdə olan “əsər inqilabi keçmişimizdən bəhs
edir, burada inqilabın fütuhatından da danışılır” kimi
mülahizələr qəbul olunmur və əsaslandırılır ki, müəllifin
məqsədi heç də inqilaba qoşulmayanların, tərəddüd edənlərin
“faciəsini və səhvlərini əks etdirmək” deyil, həmin illərdə
Rusiyada və Ukraynada təhsil alan azərbaycanlı tələbələrin öz
milli kimliklərini, milli simalarıni, milli mənliklərini təsdiq
etmələri üçün fəallaşmaları, öz xalqının taleyi üçün
narahatlıqlarını göstərmək olmuşdur.
____________Milli Kitabxana____________
353
Kitabda həmçinin təsdiq olunur ki, “Şamo” romanı bir
bədii əsər kimi milli gerçəkliyin ifadəsi faktıdır, romanda
sosial-sinfi ümumiləşdirmə milli ümumiləşdirmədən üstün olsa
da, inqilabdan əvvəlki Azərbaycan mühitinin geniş mənzərəsi
həm də milli özünəməxsusluğun qabarıq inikası ilə verilmişdir.
“Bir gəncin manifesti” romanında gənc müəllif (M.Cəlal)
rejimin diqtə etdiyi mövzuya “sadiq” qalmaqla yanaşı, özünü
bir azərbaycanlı, milli təəssübkeş, vicdanlı və istedadlı qələm
sahibi kimi sübut etmişdir.
6. Tədqiqatda istər ayrı-ayrı bədii nümünələr əsasında,
istərsə də ümumiləşmə aparılaraq 1930-1950-ci illər
Azərbaycan romanında milliliklə sosialist realizmi anlayışında
xəlqiliyin fərqləndirilməsi, milli kolorit, milli özünütəsdiq, milli
mən, milli ideal və digər milli-mənəvi dəyərlərin həm birbaşa,
həm də “alt qatda” ifadəsi məsələləri araşdırılır. Dövrün siyasi-
ideoloji təzyiqi, sosialist realizmi konsepsiyası çərçivəsində
yaransa da, həmin romanlarda milli-mənəvi amillərin
istiqamətləri öyrənilib elmi-nəzəri qənaətlər əsasında təsdiq
edilir.
Belə açıqlamalarda məqsəd həm də həmin dövr
Azərbaycan romanında ifadə olunan milli xüsusiyyətlərin
mühüm bədii-estetik əhəmiyyətini, elmi-nəzəri mənaya malik
____________Milli Kitabxana____________
354
olduğunu nəzərə çarpdırmaqdır. Bu romanların, mənsub olduğu
xalqın mılli taleyındə fəal rol oynadığı, əlbəttə, danılmazdır.
Azərbaycan dilinin inkişaf etdirilməsi və cilalanması,
doğma Vətən kimi Azərbaycan torpağının, Azərbaycan
təbiətinin özünəməxsus gözəlliklərinin tərənnümü, Azərbaycan
məişətinin canlı, koloritli lövhələrinin bədii inikası, bir çox
bədii obrazlar vasitəsi ilə milli xarakterin, mentalitetin müsbət
çalarlarının vəsfi, tarixi romanlarda milli düşüncənin geniş
vüsətlə ifadəsi və milli-mənəvi idealları bir çox məqamlarda
“üst qat”da ifadə etmək imkanının yaranması və s. məsələlər
ayrı-ayrı bədii nümunələr əsasında təhlil olunmuşdur.
7. Əlbəttə, sovet siyasi rejimi özünü doğrultmayıb süquta
uğrasa da, inkar oluna bilməz ki, həmin yetmiş il tariximizin,
taleyimizin, yaşantılarımızın bir parçasıdır və ondan heç cür
imtina edə bilmərik. Bununla belə, təbii ki, mənəvi sərvətlərə,
ədəbi-bədii irsə, mənəviyyat və əxlaq məsələlərinə milli
müstəqillik təfəkkürü səviyyəsində yeni baxişlar yetmiş ilin
ədəbiyyatına münasibətdə də yeni meyarlar ortaya çıxarır.
8. Ədəbiyyatşünaslıqda indi ötən yüzilliyi bütöv, vahid
bir ədəbi əsr kimi
öyrənmək, onun bədii-fikri təcrübəsini ümumiləşdirmək,
tarixini yaratmaq problemi fundamental bir elmi vəzifə kimi
Dostları ilə paylaş: |