Yazı yazmaq möcüzədir. Gördüklərin, eşitdiyin söh- bətlər, yaddaşında iz buraxmış irili-xırdalı təəssüratlar
Yüklə 4,1 Mb. Pdf görüntüsü
|
- Bu səhifədəki naviqasiya:
- VAŞİNQTON VƏ TOMSK
- ƏSKİNAS MƏSƏLƏSİ
53 qayıdırlar. Çünki, məlum olur ki, Fales bütün emal yer- lərini icarəyə götürüb, müqavilələri də aparıb gizlədib evində. Yəni monopoliyanı alıb ələ. Ona görə də fer- merlər gedib Faleslə sövdələşməyə məcbur olurlar. Fa- les gözünə döndüyüm də, ağlına gələn qiyməti oxuyur həmin bu fermerlərə. Bunlar da neyləsinlər? Mal tələf olur axı. Qərara alırlar ki, Fales deyən qiyməti ödəsinlər və bankrot olmasınlar. Fales də qazandığı pulları ona rişxənd eləyən adam- lara göstərir və təxminən aşağıdakı sözləri deyir: “İndi gördünüz ki, müdrik adamlar da pul qazana bilirlər?” Bir də yadınıza salıram ki, bu hadisə min illər bundan qabaq olub. Milet şəhərində. www.avciya.az 21 fevral 2013-cü il 54 VAŞİNQTON VƏ TOMSK Beş-altı il bundan əvvəl Kolumbiya dairəsindəki Vaşinqtonda bir həmyerlimizlə söhbətləşirdik. Biz ona Azərbaycandan, o da bizə Amerikadan danışırdı. Açığı, həmin söhbətin təfərrüatlarını unutmuşam. Amma bir məqam yaddaşımda pərçimlənib qalıb. Həmin insan son bir neçə ildə nə vaxt əsəbiləşdiyi- ni yadına sala bilmədiyini söyləmişdi. Təsəvvür edin, böyük bir şəhərdə yaşayasan, işləyəsən, maşın sürəsən, bazar-dükana gedəsən və ...əsəbiləşməyəsən. Yəni, ax- tarsan da əsəbiləşmək üçün bəhanə əlinə keçməyə. Heç cür unuda bilmirəm... Ötən il qohumlardan biri övladına toy eləyirdi. Məc- lisdə yaxından-uzaqdan gəlmiş xeyli qonaq vardı. Neçə ildən bəri görmədiyim qohumlarımızdan biri də Tomsk şəhərindən gəlmişdi. Şadlıq sarayının foyesində hal-əh- val tutub dərdləşirdik. Burada da unuda bilmədiyim bir fikir səsləndi. Deməli, qohumumuz dedi ki, Tomskda güzəranı yax- şıdır. Dolanışığı pis deyil. Sonra da dedi ki, burada bir dəst kostyum almaq üçün xeyli müddət götür-qoy edən, pul yığan adamlara rast gəlib. Amma o Tomskda təzə pal-paltarı elə işlədiyi bazardan evə gedəndə, yolüstü alır. Heç qiymətinə də sən deyən fikir vermir, çünki, Al- lah yetirir və ümumiyyətlə, Tomskda yaşamaq Bakıya baxanda çox-çox asandır. Bax, bu sözlər də yadımdan çıxmayıb. Və indi, üstündən neçə müddət keçəndən sonra hər iki şəxsin səsləndirdiyi fikirləri təkrar-təkrar təhlil edib 55 bu qərara gəlmişəm ki, bu adamlar əslində səhv yolda- dırlar. Nə yaxşı ki, Allah üzümüzə baxıb, biz, okeanın o tayına və yaxud Sibirə getməmişik. Doğrudan da, əgər sizi bazar günü tezdən mənzilini ən yüksək dünya standartlarına uyğunlaşdırmaq üçün dreli işə salan qonşunuzun canfəşanlığı, ya da su burul- ğanını xatırladan Azərbaycan növbələri və başqa-başqa nəsnələr əsəbiləşdirmirsə, Amerikaya getməyə dəyərmi? Xüsusilə, Amerikada yaşamağın əsas məziyyəti insanla- rın əsəbiləşmək imkanından məhrum olmalarıdırsa? Ya da Tomskda yaşayan insanın fikirlərinə diqqət yetirək. Kostyum almağa uzun müddət hazırlaşmaq nə vaxtdan qəbahət sayılır? Bəlkə biz kostyumu rəhmətlik Nəsibə xanımın “Hicran”dakı qəhrəmanı demişkən “ev- lənəndən-evlənənə” almaq istəyirik? Ümid edirəm ki, istərsə Vaşinqtonda, istərsə də Tom- skda yaşayan bu iki insan mənim yazımı oxuyub səhv yolda olduqlarını anlayacaqlar. www.avciya.az 22 fevral 2013-cü il 56 ƏSKİNAS MƏSƏLƏSİ Mən bilirdim ki, bu işlərin axırı yaxşı olmayacaq. “Bu işlər” deyəndə illərdən bəri 100 manatlıq əski- nasları yığmağımı nəzərdə tuturam. Bu qırmızımtıl ka- ğız parçalarına olan böyük marağım böyük problemlə- rin ortaya çıxmasına səbəb olub. Və mən söz verirəm ki, daha belə etməyəcəyəm. Çünki, səhvimi başa düş- müşəm. Necə oldu ki, səhvimi başa düşdüm? Mən səhvimi bu günlərdə yayılmış bir xəbəri oxu- duqdan sonra başa düşdüm. Güman edirəm ki, “APA-E- conomics”in yaydığı xəbəri siz də oxumusunuz. Və mə- lumatınız var ki, “Azərbaycanda banklardan nağd pulun 100 manatlıq əskinaslarla götürülməsi üçün komissiya haqqı müəyyən edilib” Bu nə deməkdir? Bu o demək- dir ki, “fevralın 1-dən etibarən Mərkəzi Bank tərəfindən 100 manatlıq əskinasların nağd məxarici üzrə 0,3% tarif müəyyən olunub.” Bə bu niyə belə olub? Ona görə ki, “son 7 il ərzində 100 manatlıq əskinasların tədavüldə xüsusi çəkisi 75%-ə çatıb, bu isə beynəlxalq təcrübədə qəbul edilmiş normadan yüksəkdir.” Təsəvvür edirsiniz- mi? Onu qeyd etməyi unutdum ki, “100 manatlıq əskina- sa tariflərin tətbiqi banklar tərəfindən tranzaksiyalarda digər əskinasların payını artıracaq” və “bu da əhalinin nağd pulun strukturuna olan tələbinin ödənilməsi zama- nı adekvatlığı təmin edə bilər.” Kim düşünərdi ki, mənim dünyanın ən etibarlı valyu- talarından biri olan Azərbaycan manatına marağım belə 57 fəsadlara, yəni bunca mühüm məsələdə adekvatlığın it- məsinə gətirib çıxara bilər? El diliylə desək, “ milyon faiz” bu işdə kiçik, orta və böyük ölçülü dəfinələr formalaşdıran təqaüdçülərin, əla məvacib alan alimlərin, həkimlərin və müəllimlərin, elə- cə də digər yüksək təminatlı insanların rolu olub. Bu aksiomdur. Teorem-zad deyil ki, isbata ehtiyacı olsun. Daha bir xəbər də oxumuşam. Bu da şad xəbərdir. Və yenə də əskinaslarla bağlıdır. Eşidin və agah olun. Tez- liklə təzə pullar çıxmalıdır, daha böyük nominallı. 200 və 500 manatlıq. Hamımızı düşündürən əskinas məsələsi tam həllini bu pullar çıxandan sonra tapa bilər. Elə tapacaq da. Hə, bir də, manatın avrodan nəyi əskikdir? 200 və 500 avroluq pullar ola bilər, 200 və 500 manatlıqlar yox?! www.avciya.az 25 fevral 2013-cü il Yüklə 4,1 Mb. Dostları ilə paylaş:
|