83
2004-cü ildə “Sonra...” («Et Aprés...») adlı ilk romanının
əlyazmasını nəşriyyatlardan birinə göndərib. Bu roman
1 milyon nüsxədən artıq tirajla çap edilir. Onlarla dilə
tərcümə edilmiş roman Jil Burdo tərəfindən «Fidélité
Films» kompaniyasında ekranlaşdırılıb. Filmdə Romen
Dyupri, Con Malkoviç, Yevancelina Liilli çəkiliblər...
Nesbö və Myusso bir kitab yazıb məşhurlaşdıqdan
sonra qələmi yerə qoymayıblar. Nesbönün Harri Holle
adlı polis haqqında yazdığı romanlar çox böyük tiraj-
larla çap edilməkdədir. (Elə “Gönlücə” bu seriyanın ilk
romanı olub.) Myussonun “Sonra...”dan sonra yazdığı
romanlar da böyük uğur qazanıb.
Bax belə. Bir filmimizdə rəhmətlik Mirzə Babayevin
canlandırdığı surətin təbirincə desək, bəs niyə bizdə o
əjdahadan (yəni bestsellerdən) yoxdur?
Axı bu məmləkətdə hətta “Samiraldo” ləqəbli Samir
haqqında da roman yazılır...
www.avciya.az
19 aprel 2013-cü il
84
GEDİŞ HAQQI
Dünyada orta statistik azərbaycanlının heç zaman
başa düşməyəcəyi hadisələr baş verir. Bu hadisələrin
sayı həddən artıq çoxdur. Mən yalnız bir hadisədən da-
nışacağam.
2012-ci ildə Tallin sakinləri arasında referendum ke-
çirilib. Referenduma çıxarılmış sual sakinlərin 75 faizi
tərəfindən müsbət cavablandırılıb. Sual şəhərdəki icti-
mai nəqliyyatdan istifadənin 2013-cü ilin əvvəlindən
pulsuz edilməsi ilə bağlıymış.
Tallinlilər razılıq veriblər.
Düz 4 aydır ki, Tallin şəhərində ictimai nəqliyyat pul-
suzdur.
Və bu addım nəticəsində 4 nəfərlik ailə ildə 600 avro-
ya qənaət edə biləcək.
Özü də Tallində ictimai nəqliyyatdan hər gün təqri-
bən 100 000 adam istifadə edir.
Mən belə bir addımın atılmasını da başa düşmürəm,
bu addım atılmazdan əvvəl insanların rəyinin soruşul-
masını da.
Hamımızın başa düşdüyü məsələlərə keçirəm.
Aprelin sonunda “APA-Ekonomiks” Nəqliyyat Na-
zirliyimizin Azərbaycan ərazisində şəhərdaxili və şəhər-
lərarası avtobus sərnişindaşımaları tariflərinin artırılması
təklifi ilə Tarif Şurasına müraciət etməsi ilə bağlı xəbər
yaydı. Nazir Ziya Məmmədov deyib ki, “hazırda avto-
buslarla həm şəhərdaxili, həm də şəhərlərarası sərnişin
daşımaları ilə özəl sektor məşğul olur və son zamanlar
iş adamlarından mövcud gediş haqlarının onların çəkdi-
85
yi məsrəflərə uyğun olmaması, xərclərin artması barədə
müraciətlər daxil olur. “
Əminlik hissi ilə deyirəm ki, iş adamlarının nazirliyə
belə müraciətlər etmələrində qeyri-adi heç nə yoxdur...
Xəbər agentliklərimizin yaydıqları məlumatlardan
bəzilərinə nəzər salaq.
17 aprel. Metronun “Koroğlu” stansiyasının yanında
189 saylı xətt avtobusu bir yük və üç minik avtomobili
ilə toqquşub. 6 nəfər ağır yaralanıb.
18 aprel. “Sədərək” ticarət mərkəzi istiqamətində
gedən 211 saylı xətt avtobusu idarəetməni itirərək aşıb.
Nəticədə avtobusda olan sərnişinlərdən 15 nəfər xəsarət
alıb.
Elə həmin gün Bayıl qəsəbəsində 88 və 147 saylı xətt
avtobuslarının toqquşması nəticəsində 10 nəfər xəsarət
alıb.
23 aprel. Biləcəridə 83 saylı avtobus 92 saylı avtobu-
sa çırpılıb. Xəsarət alanlar var.
26 aprel. Balaxanı-Novxanı yolunda 123 saylı avto-
busla yük maşını toqquşub. Yaralananlar var.
Aprelin sonunda da məlum olub ki, avtobuslarda ge-
diş haqqını qaldırmaq lazımdır.
Bax, bu bizim başa düşə biləcəyimiz məsələlərdəndir.
www.avciya.az
1 may 2013-cü il
86
ŞEYX NƏSRULLAH – 2013
Bu gün səhər tezdən inamlı addımlarla işə yollanma-
ğa hazırlaşırdım ki, bizim “blok”un, yəni alaqapımızın
girəcəyində divara vurulmuş elan diqqətimi çəkdi. Oxu-
dum. Və istəyirəm siz də biləsiniz ki, mən həmin elanda
nə oxumuşam.
Deməli belə. Elanda bildirilir ki, “uşaq xəstəliklə-
ri, boy artımı, təzyiq, şəkər, halsızlıq, ürək ağrıları, saç
tökülməsi, mədə -bağırsaq ağrıları, babasil, artıq çəki-
dən əziyyət çəkənlər və ya çəkisini artırmaq istiyənlər,
sümük-oynaq ağrıları, baş ağrıları, qadın və kişi xəstə-
likləri, sonsuzluq, damar tıxanması və sair kimi xəstə-
liklərdən əziyyət çəkənlər təcrübəli həkim mütəxəssis
tərəfindən müayinə olunub və təbii bitki mənşəli dərman
preparatları ilə müalicə oluna bilərlər.”
Orfoqrafiya və punktuasiyasına əsla toxunmadan siz-
lərə təqdim etdiyim bu elanın sonunda yazılıb ki, müa-
licəyə zəmanət verilir. Və elə oradaca həkimin “ətraflı
məlumat üçün əlaqə nömrələri”qeyd olunub. Yəqin ki,
yuxarıda sadalanan xəstəliklərdən əziyyət çəkən insan-
ların rahatlığını təmin etmək məqsədilə “təcrübəli həkim
mütəxəssis” cib telefonunun nömrəsini alanda hər üç
mobil operatora baş çəkib. Və eyni nömrənin qarşısında
050, 055 və 070 rəqəmləri, yəni prefikslər də göstərilib.
Bax belə.
2013-cü ildir. Və biz Bakıda yaşayırıq. Azərbaycan
Respublikasında. 95 il bundan əvvəl Şərqin ilk demok-
ratik respublikası da elə bu ərazilərdə qurulub.
Rəhmətlik Cəlil Məmmədquluzadənin ölməz
87
“Ölülər”i yazdığı ildən də düz 104 il keçir...
Əslində Şeyx Nəsrullah çoxdan cəhənnəmə vasil ol-
malı idi. Amma, o yaşayır. Sadəcə olaraq titulunu də-
yişib, təqdimatına da yüngülvari əl gəzdirib “təcrübəli
həkim mütəxəssis”ə çevrilib. Və çoxmərtəbəli yaşayış
binalarının həndəvərində dolaşıb müasir insanlara əziy-
yət verən əksər xəstəlikləri “təbii bitki mənşəli dərman
preparatları ilə” müalicə edə bildiyini xəbər verir. Üstə-
lik, müalicəyə zəmanət verildiyini də vurğulayır.
Vəssalam.
Çalışın xəstələnməyəsiniz. İşdi-şayəd xəstələndiniz,
qəm eləməyə dəyməz. Əgər cibinizin parametrləri yerli
sağlamlıq ocaqlarına yaxınlaşmağa, ya da İrana, Tür-
kiyəyə yollanmağa imkan vermirsə, narahat olmayın.
Əminlik hissi ilə deyirəm ki, bütün xəstəlikləri zəmanət-
lə müalicə edən “təcrübəli həkim mütəxəssis”in koor-
dinatlarını tapa biləcəksiniz. Sadəcə divarlara diqqətlə
baxmaq lazımdır.
Allah şəfa versin.
Cümləmizə.
www.avciya.az
3 iyun 2013-cü il
Dostları ilə paylaş: |