31
IV
BOB
YASSI VA TO‘GARAK
CHUVALCHANGLAR TIPLARI
Yassi chuvalchanglar – tanasi ikki yonlama simmetriyali ko‘p
hujayralilar. Ularning hazm qilish, ayirish, sezgi, germofrodit jinsiy
organlari rivojlangan. Ular kiðrikli chuvalchanglar, so‘rg‘ichlilar, tas-
masimon chuvalchanglar sinflariga bo‘linadi.
Yassi chuvalchanglar tiði:
8-§.
kiðrikli chuvalchanglar sinfi
Kiðrikli chuvalchanglarning gavdasi bargsimon shaklda bo‘lib,
mayda kiðriklar bilan qoplangan. Ular dengiz va chuchuk suvlarda
erkin yashaydi. Oq planariya – tiðik vakili hisoblanadi.
Yashash muhiti va tashqi tuzilishi. Oq planariya daryo va ko‘llar-
ning tubida hayot kechiradi. Uni ayrim kichikroq soylar
ning tubi-
da yotgan tosh, barg va cho‘plarning ostidan topish mumkin. Oq
planariya tanasining uzunligi 2–3 sm, oqish yoki kulrang tusda.
Tanasi
ning biroz kengaygan oldingi tomoni ikki yonida kalta o‘sim-
talarga o‘xshash ikkita sezgi paypaslagichlari va ikkita qora nuqta
shaklidagi ko‘zcha
lari joylashgan (16-rasm, A). Tanasi
sirti bir qa-
vat kiðrikli epiteliy hujayralari bilan qoplangan. Planariya kiðriklar
yordamida sirpanib harakat qiladi.
Tana simmetriyasi. Agar oq planariyaning tanasi bo‘ylab xayo
lan
to‘g‘ri chiziq o‘tkazi
ladigan bo‘lsa, uning organlari shu chi
ziqning
ikki tomonida bir xil miqdorda joylashadi, ya’ni tananing har ikki
qismi teng bo‘ladi. Tana organlarining ana shunday joylashishi
ikki
tomonlama simmetriya deyiladi.
Hazm qilish sistemasi va oziqlanishi. Planariyaning og‘iz teshigi
qorin tomonida joylashgan. Og‘iz qisqa
halqum bilan tutashgan.
Halqumdan uch shoxli ichak boshlanadi (16-rasm).
Shoxlardan biri
tananing oldingi tomo
niga, ikkitasi keyingi tomoniga yo‘nalgan.
Ichak shoxlari juda ko‘p, uchi berk yon shoxchalar hosil qiladi.
8-§. Yassi chuvalchanglar tiрi: kiрrikli chuvalchanglar sinfi
32
Og‘iz teshigi, halqum, ichak
hazm qilish sistemasini hosil qiladi.
Plana
riyaning orqa ichagi va orqa chiqaruv teshigi bo‘lmaydi.
Planariya – yirtqich hayvon. U mayda suv hayvonlari – chuval-
changlar, qisqichbaqasimonlar va hasharotlarning lichin
kalari bilan
oziqlanadi. O‘ljani tanasi bilan qoplab olib, so‘radi. Oziq
ichagida
hazm bo‘lgach, ichak shoxchalari orqali tanaga tarqaladi. Oziq
qoldiqlari og‘iz teshigi orqali chiqarib yuboriladi.
Ayirish sistemasi. Tanasining g‘ovak to‘qimasida juda ko‘p uchi
berk naychalar joylashgan (16-rasm, B, D). Bu naychalar tananing
ikki yonidagi yirikroq ikkita naychaga kelib tutashadi. Moddalar
almashinuvi natijasida hosil bo‘ladigan zararli moddalar tanadagi
ortiqcha suv bilan birga mayda naychalarning ichiga sizib o‘tadi va
ikki yon tomonda joylashgan yirik naylar orqali chiqarib yuboriladi.
Nerv sistemasi. Planariyaning nerv hujayralari tananing ol
dingi to-
monida to‘planib, ikkita
nerv tugunini hosil qiladi (16-rasm, E). Nerv
tugunlaridan tananing
keyingi tomoniga ikkita yirik nervlar chiqadi.
Nerv tugunlaridan tananing hamma qismiga nervlar ketadi. Nerv
hujayralari va nerv tolalari birgalikda
nerv sistemasini hosil qiladi.
IV bob. Yassi va to‘garak chuvalchanglar tiрlari
16-rasm. Oq planariyaning ichki tuzilishi:
A – hazm qilish organlari (1 – halqum, 2 – ichak shoxchalari); B, D – ayirish
sistemasi (3 – ayirish naychalari, 4 – naycha larning uchki hujayralari, 5 – nay-
chalarning alohida hujayralari); E – nerv sistemasi (6 –
nerv tuguni, 7 – nerv
stvoli); F – jinsiy organlar (8 – tuxumdon, 9 – urug‘don, 10 – tuxum yo‘li,
11 – qo‘shilish organi, 12 – jinsiy teshik)
1
A
B
D
5
7
11
12
10
9
8
6
4
3
2
E
F
33
8-§. Yassi chuvalchanglar tiрi: kiрrikli chuvalchanglar sinfi
Sezgi organlari. Planariya terisi orqali har xil ta’sirlarni sezadi.
Agar unga biron narsa tegib ketsa, tanasini birdaniga qisqar
tirib
oladi. Paypaslagichlari, terisi va ko‘zchalari planariya
ning
sezgi or-
ganlari hisoblanadi.
Jinsiy sistemasi va ko‘payishi. Tanasining
oldingi qismida ikkita
urg‘ochilik jinsiy organi –
tuxumdonlar; ulardan keyinroqda pufakka
o‘xshash erkaklik jinsiy organi –
urug‘donlar joylashgan (16-rasm, F).
Bu organlar
jinsiy sistemani tashkil etadi. Tuxumdon
larda tu
xumlar,
urug‘donlarda esa urug‘ hujayralari – spermato
zoidlar hosil bo‘ladi.
Urug‘langan tuxumlar to‘p-to‘p bo‘lib
pilla ichiga qo‘yiladi. Tuxum-
dan chiqqan yosh planariyalar pilla devorini yorib suvga chiqadi.
Shunday qilib, planariya tanasidan bir vaqtning o‘zida tuxum
va urug‘ hujayralar rivojlanadi. Planariya va unga o‘xshash
ikki xil
jinsga ega bo‘lgan hayvonlar
germafrodit deyiladi.
Regeneratsiyasi. Planariyada regeneratsiya xususiyati juda yaxshi
rivoj
langan. Noqulay sharoit tug‘ilganda (harorat oshganda, kislorod
yetishmasa) planariya mayda bo‘laklarga bo‘linib ketib, qulay sharoit
tug‘ilganida yana har bir bo‘lakdan alohida
organizm rivojlanishi
mumkin.
1. Ikki yonlama simmetriya nima?
2. Planariyaning qanday organlari rivojlangan?
3. Planariya qanday oziqlanadi?
4. Ayirish sistemasi qanday tuzilgan?
5. Nerv sistemasi qanday tuzilgan?
6. Jinsiy sistemasiga qaysi organlar kiradi?
1. Ikki yonlama simmetriya bu:
a) tana bo‘ylab o‘tgan markaziy chiziqning ikki tomonida organlarning teng
miqdorda joylashuvi;
b) tana organlarining markazdan chiqaradigan radial chiziq bo‘ylab joylashuvi;
d) tana organlarining bir tekislikda joylashuvi.
2. Planariyada epiteliy to‘qimasi:
a) tanasi qorin qismida joylashgan;
b) tanasi sirtida bir tekis joylashgan;
d) tanasi orqasida bir tekis joylashgan.
Oq planariyaga tegishli terminlar va ularning ma’nosini juftlab yozing.
a) nerv tugunlari; 1) erkak va urg‘ochi jinsga ega bo‘lgan
organizm;
b) pilla;
2) tuxum qo‘yish xaltachasi;
d) germafrodit;
3) boshqa organizm hisobidan oziqlanadi;
e) parazit.
4) nerv hujayralari to‘plami.