Mövzu 1. “Sosial iş nəzəriyyəsi və təcrübəsi-1”
fənninin predmeti, məqsədi və vəzifələri
1.1.
―Sosial iş nəzəriyyəsi və təcrübəsi-1‖ fənninin predmeti.
Sosial iş elm kimi.
1.2.
Fənnin məqsədi və vəzifələri
1.3.
Sosial işdə nəzəriyyələr və təcrübələr
1.4.
Sosial işlə bağlı qanunların mahiyyəti və təsnifatı
1.5.
Fənnin əhəmiyyəti
1.1.
“Sosial iş nəzəriyyəsi və təcrübəsi-1” fənninin predmeti. Sosial
iş elm kimi.
Müasir
dövrdə
baş verən sürətli inkişaf, informasiya-
kommunikasiya texnologiyalarının tərəqqisi, ayrı-ayrı sahələrdə
həyata keçirilən innovasiyalı proseslər tədris prosesində də müasir
dövrün tələblərinə cavab verən yeni yanaşmaların mövcudluğunu
tələb edir. Hazırda sosial sahədə müxtəlif problemlərin həllinin
elmi əsaslarla həyata keçirilməsi, sosial işin institutlaşması və bu
sahədə mütəxəssis hazırlığı vacib məsələlərdən sayılır. Bu
baxımdan ―Sosial iş nəzəriyyəsi və təcrübəsi-1‖ fənninin ali təhsil
müəssisələrində, o cümlədən Bakı Biznes Universitetində tədrisi
mühüm əhəmiyyət kəsb edir. Tədris zamanı ―Sosial iş nəzəriyyəsi
və təcrübəsi-1‖ fənninin predmeti, məqsədi, vəzifələri, bu sahədə
beynəlxalq təcrübə, sosial işin ictimai xarakteri, sosial iş və
şəxsiyyət, sosial etnik münasibətlərin əhəmiyyəti, özünü inkişaf
motivasiyasının güclədirilməsi, insanların sosial müdafiəsi, sosial
ekspertiza texnologiyaları, sosial işdə sosial diaqnostika və onun
tətbiqi metodları, sosial işə əsas elmi yanaşmalar, sosial işdə
modellər və nəzəriyyələr, sosial işdə qrup və kollektivlərin
qarşılıqlı fəaliyyətlərinin rolu kimi məsələlər öz əksini tapacaqdır.
Fənnin predmeti-
sosial işin tarixi, nəzəriyyəsi və təcrübəsini
müvafiq metod və metodologiyalardan istifadə yolu ilə öyrənmək,
sahə üzrə bacarıqlara və vərdişlərə yiyələnməkdən ibarətdir.
2
―Sosial iş‖ bir fəaliyyət növü və tədris fənni olaraq, insanlara
onları əhatə edən mühitdə mümkün qədər daha yaxşı fəaliyyət
göstərmələri üçün yardım etməyə istiqamətlənmişdir. ―Sosial iş‖
anlayışı
XIX əsrin sonlarından Qərbi Avropa və Amerikada geniş
yayılsa da müstəqil ixtisas kimi İkinci Dünya Müharibəsindən
sonra tədris olunmağa başlamışdır. Bu da dövlətlərin üzərinə daha
çox sosial öhdəlik götürülməsindən irəli gəlirdi.
Sosial xidmət göstərən şəxslərə ―sosial işçilər‖ deyilir. ―Sosial iş‖
ilk dövrlər yetim və valideyn himayəsindən (ailə qayğısından)
məhrum olmuş uşaqları, əlilləri, ahılları, problemli ailələri əhatə
etsə də, sonradan bu xidmət növünün əhatə dairəsi yaşından,
cinsindən, etnik mənşəyindən, dinindən, irqindən asılı olmayaraq
dəstək və yardıma ehtiyacı olan hər kəsə şamil olundu.
Sosial işin əsas vəzifəsi yardıma ehtiyacı olan şəxsə kömək
göstərmək, onun hüquq və maraqlarını müdafiə etmək, son
nəticədə şəxsin müstəqil fəaliyyət göstərmək qabiliyyətini təmin
etməkdir. Odur ki, sosial işçi sifarişinin fərdi psixologiyasına
yaxından bələd olmalıdır.
Hələ eramızdan əvvəl 1750-ci ildə Babilistan hakimi Hammurapi
tərəfindən tərtib edilmiş Ədalət Kodeksində həbs olunan insanların
bir-birinə dəstək olmaları tələbi qoyulmuşdu. E.ə. 1200-cü ilə aid
edilən qədim İudeyanın yazılı mənbələrində qeyd edilirdi ki, Allah
yəhudilərdən yoxsul və bədbəxtlərə yardım etmələrini gözləyir. Bu
qanunlar əslində ehtiyacı olan şəxslərə filantropiya (xeyriyyəçilik)
əsasında yardımın göstərilməsini tənzimləyirdi ki, bu da sosial
yardımın ilk formalarından birini təşkil edirdi. Filantropiya yunan
sözü olub, mənaca ―insansevərlik‖-ehtiyacı olanlara yardım
mənasını ifadə edir. Sosial iş bəzi cəhətlərinə görə ―xeyriyyəçilik
fəaliyyəti‖ ilə oxşar olsa da, struktur baxımından tam fərqlidir.
Belə ki, xeyriyyəçiliyin əsas hərəkətverici qüvvəsi mənəvi borc və
xeyirxahlıq etmək istəyidir.
Sosial işin inkişaf etməsində dinin də müsbət rolu olmuşdur. Belə
ki, kilsə və monastırların nəzdində fəaliyyət göstərən məktəblərdə,
xəstəxanalarda,
nikahdankənar
dünyaya
gəlmiş,
valideyn
himayəsindən məhrum olmuş uşaqlar, yaşlı və əlil insanlar üçün
sığınacaqlarda yalnız sosial-məişət məsələləri deyil, həm də
3
pedaqoji fəaliyyət (təhsil, o cümlədən peşə təhsili və s.) həyata
keçirilirdi.
Cəmiyyət inkişaf etdikcə yoxsulluğun artıq bir ehtiyac kimi aradan
qaldırılması tələb olunur, insanlar tərəfindən yoxsulluq ictimai bəla
hesab edilirdi. XIV əsrdən etibarən bir sıra Qərb dövlətləri
dilənçilərin təqib edilməsi istiqamətlərində bir sıra qanunlar qəbul
etdilər. İngiltərədə fərdi şəxslərə sədəqə vermək qanunla qadağan
edildi. Burada sağlam yoxsullar işləməli, xəstələr isə kilsələr
tərəfindən idarə olunan xüsusi sığınacaqlarda saxlanmalı idilər.
dilənçiliklə mübarizədə cəmiyyətin fəal iştirak etməsi, qısa
zamanda İngiltərə və digər ölkələrdə dilənçilərin sayının
azalmasına səbəb oldu. Xəstələrə, uşaqlara, məhkumlara qayğı
göstərilməsi filantropiya hərəkatının əsas qayəsini təşkil etdi.
1530-cu ildə Almaniyanın imperiya seymi tərəfindən yerli
hakimiyyət orqanlarınna hər bir icmanın öz yoxsullarının
ehtiyaclarının daxili imkanlar hesabına ödənilməsi barədə göstəriş
verildi. Oxşar qanunlar qısa zaman ərzində Fransa, Hollandiya və
digər ölkələrdə də qəbul edildi. Qısa müddətdə Avropada qocalar
və uşaq evlərinin inşaasına başlandı. Hamburq şəhərində siyasi
iqtisadçı Byuşh və ticarətçi Fohtun səyləri nəticəsində 1778-ci ildə
yoxsullar üçün ümumi qəyyumluq cəmiyyəti təşkil olundu.
Cəmiyyətin yaradılmasında əsas məqsəd hər bir yoxsulun imkan
daxilində gündəlik dolanışığının təmin edilməsi idi.
1865-ci ildə İngiltərədə keşiş Vilyam Buts ―Xilas ordusu‖ adlı
təşkilat yaratdı. Təşkilatın əsas fəaliyyəti kasıb və kimsəsiz
insanlara yardım göstərilməsi idi. XIX əsrin sonu-XX əsrin
əvvəllərində könüllü xeyriyyəçilikdən elmi və peşəkar
filantropiyaya keçid baş verdi. Avropada ―sosial tibb‖, Amerika
Birləşmiş Ştatlarında isə ―sosial iş‖ terminləri yarandı.
Ceyn Adams (1860-1935) Amerika Birləşmiş Ştatları tarixində ilk
dəfə ―tənzimləmə evi‖ adlı sosial mərkəz yaratmaqla sosial
xidmətin genişlənməsinə böyük töhfələr verdi. 1917-ci ildə ABŞ-
da sosial iş sahəsində fəaliyyət göstərən ilk təşkilat –Amerika
Sosial İşçilərinin Assosiasiyası yaradıldı.
Sosial iş bir peşəkar fəaliyyət kimi XIX əsrdə formalaşmağa
başlamışdır. İlk dəfə 1898-ci ilin yayında Kolumbiya
4
Universitetində sosial iş üzrə sinif açıldı. İngiltərədə də sosial iş
demək olar ki, Amerika Birləşmiş Ştatları ilə eyni vaxtda
yaranmışdır. İngiltərədə ilk sosial işçilər xəstəxanada fəaliyyət
göstərmişlər. 1895-ci ildə Meri Stevard Royal Fri xəstəxanasında
çalışan ilk sosial işçi olmuşdur.
Qeyd olunanları nəzərə alaraq, sosial işin inkişaf tarixini şərti
olaraq aşağıdakı dörd mərhələyə ayırmaq olar:
I mərhələ-qədim dövrdən başlayır. Qarşılıqlı yardım və dəstək
formasında sosial işin arxaik formaları yaranmışdır. Sədəqə,
mərhəmət, filantropiya və xeyriyyəçilik bu dövrdə formalaşmışdır.
II mərhələ- XIX əsrin sonu və XX əsrin əvvəllərin əhatə edən bu
dövrdə sosial iş ayrıca peşə kimi formalaşmışdır.
III mərhələ- XX əsrin 80-ci illərində sosial işin insan hüquqlarının
müdafiəsi və təmin edilmə üsulu kimi dərk edilməsi formalaşır. Bu
mərhələdə Ümumdünya İnsan Hüquqları bəyannaməsi (1948-ci il)
və insan hüquqlarına dair digər beynəlxalq sənədlərdə əks olunmuş
hüquqlar sosial işin inkişafında və tətbiq dairəsinin
genişlənməsində mühüm hüquqi baza yaratdı.
IV mərhələ - XX əsrin 90-cı illərin əvvəllərində sosial iş
nəzəriyyəsi formalaşır və bununla dünya elminə daha bir elm
sahəsi əlavə olunur.
XX əsrin sonlarından fəaliyyət forması kimi mövcud olan sosial
işin inkişafında son dörd onillik xüsusi yer tutur.
Bütün dünyada və Azərbaycanda ailə problemlərinin tədqiqi,
yeniləşən və qloballaşan siyasi proseslər zəminində insanların ailə
həyatında baş verən dəyişikliklərin öyrənilməsi kifayət qədər
böyük aktuallıq kəsb edir.
Müasir dövrdə Azərbaycanda ailə problemlərinin ümumi
xarakteristikası ölkənin müstəqilliyi illərində respublikanın ictimai,
iqtisadi və siyasi sferalarında baş verən əhəmiyyətli dəyişikliklərlə
izah edilir. Müstəqilliyimizin bərpasının ilk illərində Azərbaycanın
üzləşdiyi çoxsaylı çətinliklər, ölkə ərazisinin 20 faizinin
Ermənistan tərəfindən işğal olunması, Azərbaycanın ənənəvi
sosial-demoqrafik strukturunu dəyişmiş və ölkəni çoxsaylı həyati
problemlərlə üz-üzə qoymuşdur. Bununla yanaşı, sosial-iqtisai
münasibətlərin yeniləşməsi şəraitində Azərbaycan ailəsinin dəyər
5
istiqamətləri, maraqları, həyat tərzi, idealları, normaları və
davranış stereotiplərini nəzərəçarpacaq dərəcədə dəyişmişdir. Bu
isə ayrılıqda hər bir ailənin həyatında müəyyən gərginliyin
yaranmasına səbəb olmuşdur.
Ölkəmizdə sosial işin institutlaşması dövrü sosial işçi kadrlarının
hazırlanmasını zəruri edir. Məhz bu zərurət, gələcək sosial iş
mütəxəssislərinin müvafiq sahə üzrə hərtərəfli nəzəri və praktiki
biliklər alması məsələsini aktuallaşdırır.
Müasir ali təhsil sistemində Azərbaycan üçün yeni olan və sosial iş
adlanan ixtisasa maraq oyanmışdır. Sosial işin nəzəriyyəsinin
uğurlu şəkildə mənimsənilməsi, qərb dövlətlərinin sosial xidmətlər
sahəsində toplanmış intellektual potensialına və təkmilləşmiş
təcrübəsinə əsaslanmalıdır.
Sosial iş üzrə ixtisaslaşmış kadrların hazırlıq səviyyəsi də mühüm
əhəmiyyət kəsb edən amildir. Sosial sahə mütəxəssislərin
yetişdirilməsində
sosial
işin
subyekt
və
obyektlərinin
fəaliyyətlərinin psixoloji aspektlərinin öyrənilməsinin vacibliyini
zəruri etdi.
Tədrisin məqsədi həmçinin tələbələrin diqqətini mövcud, aktuallıq
kəsb edən sosial problemlərə yönəltmək və onları həmin
problemlərin ümumi vəziyyəti ilə tanış etməkdir:
-dünyəvi sivil proseslər kontekstində ölkəmizdə və xaricdə sosial
dəstək ənənələrinin özünəməxsus formalaşması və inkişaf etməsini
təhlil etmək;
-sosial işin nəzəriyyə və praktikasının anlayışlar və kateqoriyalar
sistemini müyyənləşdirmək;
-sosial işin tarixi təcrübəsinin aktual problemlərinin əsas
mahiyyətini açıqlamaq, sosial yardıma ehtiyacı olan şəxslərə
professional səviyyədə köməklik göstərməyin elmi-nəzəri və
praktik tərəflərinə dair biliklərini zənginləşdirmək.
Dostları ilə paylaş: |