32
-Qonağı əliboş yola salmamaq bizim köhnə adətimizdir.
-Adətiniz başınıza dəysin!O, antisovet elementdir! Fanatikdir! Milliyyətçidir!
Üsyan baş verən günlərdə onun dəstələri kommunistlərin mənzillərinə soxulub
axtarışlar aparıblar. Bəzi axtarışlarda şəxsən onun özü iştirak etmişdir. Üsyanın haqq işi
olduğunu təbliğ eləmiş, adamları qalib gələcəklərinə inandırmış, sovet hökumətinin zəif
və dayanıqsız olduğunu sübut etməyə çalışmışdır. Antisovet təbliğatlarına görə Çopur
Qaffarı, Hacı Qənini keçən ilin yazında güllələdik. Sən də hökumət əleyhinə nəinki
danışan, hətta, əlində silah vuruşan Oxudlu Kor Umarla dost olmusan. Sizin onunla
əlaqələriniz ...
-Sizin yox, sənin. Sizin deyərsən, sənin özünə iş açarlar.
Bu qəfil müdaxilədən Yelyanın rəngi kağız kimi ağardı, ancaq özünü o yerə
qoymadı:
-Sənin onunla olan əlaqələrin başdan-ayağa cinayətdir. Dövlətin düşməni ilə
dostluq etmək dövlətlə düşmənçilikdir. Bisavad musurman! Dosluqla düşmənçiliyin
fərqini də bilmir. Bu gün martın 16-dır. Kişi. Novruz bayramını kamerada keçirməli
olacaqsan. Özün çalıb, özün də oynayarsan. Çal-çağır öz yerində, məhkəmənin qərarını
gözləməli olacağıq. Sovet hökumətinin nə qədər ədalətli olduğunu onda görəcəksən.
Araya ağır bir səssizlik çökdü. Nə o tərəf soruşdu, nə də bu tərəf cavab verdi.
Hacı Lətif kişinin üzündə ölümünə atılan şir qətiyyəti, Yelyanın üzündə
isə tülkü təbəssümü var idi. Nəhayət, Yelyan artıq qapıya çatan milis nəfərinə
əmr etdi:
-Apar!
Hacı Lətif kişi milisin müşayiəti ilə kameraya endi.
**********
*****
Aradan keçən bir neçə gün müddətində Nuxa-Zaqatala dairəsi Azərbaycan Dövlət
Siyasi İdarəsinin müvəkkili Bliznitsov müstəntiq Yelyanın məruzələri və təqdim etdiyi
istintaq sənədləri ilə tanış oldu. Azərbaycan SSR Cinayət Məcəlləsinin 18/79-cu
maddələri ilə haqqında cinayət işi açılan Nuxa sakini Hacı Lətif kişinin 47№-li qovluqda
saxlanan sənədləri əsasında hazırladığı ittihamnaməni 20 mart 1931-ci il tarixdə
yekunlaşdırdı. Bliznitsov 47№-li qovluqdakı sənədlərə isnad edərək 62 yaşlı, türk,
Az.SSR vətəndaşı, azsavadlı, partiyadan kənar, ailəli, fabrikant və fabrikantlar
komitəsinin üzvü, səsi alınmış, haqqında 18/79 maddələri ilə cinayət işi açılan Hacı
Lətif Rəsul oğlu barəsində əldə edilən sənədlərin onun cinayətkar olduğunu sübut etmək
üçün kifayət qədər olması qənaətinə gəldi.
O bu sənədlərin ictimai təhlükəsizliyin qorumması naminə baxılmaq və lazımi ölçülər
götürülməsi üçün dəlil kimi Nuxa-Zaqatala dairəsinin Fövqəladə Siyasi Üçlüyünə
təqdim edilməsini məsləhət bildi. Hətta, istintaq zamanı şahid ifadələrindən də istifadə
edildiyini qed etməyi unutmayan Bliznitsov təqsirləndirilən şəxsin Nuxa-Zaqatala
dairəsi Azərbaycan Dövlət Siyasi İdarəsində saxlandığını, iş üzrə əlavə maddi dəlillərin
olmadığını xüsusi olaraq ittihamnamənin sonuna arayış şəklində əlavə etdi. Nuxa-
Zaqatala dairəsi Azərbaycan Dövlət Siyasi İdarəsinin müvəkkili Bliznitsovun
33
hazırladığı ittihamnaməni Azərbaycan Dövlət Siyasi İdarəsi əməliyyat sektorunun rəis
müavini Bədəlov məxsusi olaraq “razıyam və təsdiq edirəm” şəklində imzaladı.
Nəhayət, Hacı Lətif Rəsul oğlunun istintaq işi üzrə açılan 47№-li qovluq 21 mart
1931-ci il tarixdə bağlandı və Az.SSR Gəncə dairəsi rayon Fövqəladə Üçlüyünün
sərəncamına göndərildi.
**********
*****
Doğma ev, doğma doqqaz
IX
İstintaqın başa çatması ilə əlaqədar olaraq Hacı Lətif kişini qaş qaralandan xeyli
sonra evə buraxmışdılar. O, ev dustağı kimi yaşamalı, məhkəmə olacağı günə qədər
Nuxadan kənara çıxmamalı idi.
O gün evə çatıb darvazanı döyəndə gecə yarıdan keçmişdi. Doqqazlarda artıq
sönməkdə olan bayram tonqallarının yeri közərirdi. Novruz yeli vurduqca ətrafa
səpələnən qığılcımlar qaranlıqda uçuşan ulduzları xatırladırdı. Sakitlik idi, yolda-izdə
bir kimsə görünmürdü. Evə çatıb bağlamadakı yorğan-döşəyini darvazanın ağzına
qoyub üstündə oturdu. Elə bil öz doğma darvazasını döyməyə əli gəlmirdi. Yan-
yörəsinə boylandı. Ətrafında heç kim yox idi. Onu kameraya girəndə də, kameradan
çıxanda da müşayiət edən milis nəfərinin izi-tozu görünmürdü. Deməli, müvəqqəti olsa
da, sərbəst buraxılmışdı. Gülümsədi. Ayılan kimi oldu. Qalxıb qapını döyməyə başladı,
sanki himə bənd imiş kimi gələn adamın ayaq səslərini eşitdi. Ürəyi şiddətlə döyünməyə
başladı. Qapının o üzündən səs gəldi:
34
- Kimsən?
Əbdüləlinin səsi idi. Hacı Lətif kişi “Mənəm, ay oğul, gəlmişəm!” demək istədisə
də, səsi boğazına tıxanıb qaldı. Səsi açılsın deyə boğazını arıtlamaq istədi, Əbdüləli elə
o dəqiqə səsi aldı:
-Ata, sənsən? Bu dəqiqə!
Qapı sürətlə açıldı. Qucaqlaşdılar. Əbdüləli bir az zəif, bir az xırıltılı, bir az da
günahkar səslə dedi:
-Allah bu hökumətin bəlasını versin, ay ata! Görüşməyə qoymadılar.
-Bilmirəmmi, ay oğul? Ev-eşikdə salamatlıqdırmı? Anan, uşaqlar necədirlər?
-Hamımız yaxşıyıq. Bircə dərdimiz var idi. O da sən idin. Allaha çox şükür olsun!
Həyətdən keçib evin qapısına çatanda Əbdüləli özünü qabağa verdi. Qapını açıb
sevincək olan xırda uşaqlar kimi: - Atam gəlir!-dedi.
Evdəkilər şişirləyib ayağa durdular. Hamid hər iki əlini açıb körpə ayaqları ilə
atasının üstünə yüyürdü. Uşağın uşquna-uşquna gəlməsi Hacı Lətif kişini kövrəltdi.
Uşağı qaldırıb köksünə basdı. Atasına sıxıldıqca uşağın ürəyi quş ürəyi kimi döyünürdü.
Yaşarmış gözlərini barmağının ucu ilə silib Əbdülməcidi bağrına basan Hacı Lətif kişi
Güllü xanımı görəndə lap özünü itirdi, bilmədi ki, uşaqlarının qabağında onu qucaqlasın,
yoxsa yox. Nə yaxşı ki, Güllü xanım yaylığının ucu ilə dolan gözlərini silib, özünü
toxdatdı:-Hardaydın, ay kişi?-deyərək irəli yeridi, ərinin sinəsinə qısıldı. Hacı Lətif kişi
Güllü xanımın necə sınıxdığını üzə vurmadan:-Olan şeydir, ay arvad! Çaydan, çörəkdən
nəyin var? Gətir görüm!-deyərək evin yuxarı başına keçdi. Elə bil ki, hamı bunu
gözləyirdi. Süfrə açıldı.Ortalığa çay-çörək gəldi. Söhbət edə-edə bir də gördülər ki,
səhərin gözü ağarır.
Bunu görən Hacı Lətif kişi:-Hamı yatağa!- deyib Səhərin alatoranlığında həyətə
çıxdı. Sağa-sola var-gəl etdi. Sanki öz əliylə qayğısını çəkdiyi həyətə deyil, haçansa
gördüyü həyətə baxırdı. Nəyin dəyişdiyini, nəyin dəyişmədiyini bilmək istəyirdi.
Doğma həyətin havası necə sərin, necə təmiz olurmuş. Yenə də gözləri doldu. Arxadan
gələn hənirti səsini duymasaydı, əməlli-başlı ağlayacaqdı. Bu onun illərlə nazını çəkdiyi
Güllüsü idi. Amma bu dəfə gülü solmuş Güllüsü , bağban sığalına həsrət qalmış Güllüsü
idi.
Güllü xanım özünə xas olan nəzakətlə: -Kişi, daha deyəsən, gecəylə gündüzü
dəyişik salırsan. Səhər açılsa da, yatmaq vaxtıdır. Adamın yolu bir az uzağa düşəndə nə
olar ki?- deyə ona yaxınlaşdı. Hacı Lətif kişi Güllüsünün zərif ürəyindən gələn bu
sözlərə tab gətirə bilmədi. Güllü xanımın boynunu qucaqladı. Beləcə, böyür-böyrə, yan-
yana evə sarı döndülər.
**********
*****
Son görüşlər
X
Hacı Lətif kişinin gəlişini eşidənlər onları görüb-eləyənlər olmasın deyə
alaqaranlıqda onlara gəlir, gözaydınlığı verirdilər. Bəlkə hökumətin insafa gələcəyini
dilə gətirənlər də olurdu. Məhkəmənin ədalətlə başa çatacağına ümid bəsləyənlərin də
sayı az deyildi. Bəzən Hacı Lətif kişinin özü də deyilənlərə inanır, hər şeyin
Dostları ilə paylaş: |