7
kommunist Naneyşvili tərəfindən göndərilib və qırğının, qarət və soyğunçuluğun yalnız
passiv
şahidi olub. Guya o, Amazaspın dəstəsinə bir kommunist kimi vəhşiliklərin nisbətən az
törədilməsinə çalışmaq üçün göndərilib. Lakin müəyyən olunub ki, bu dövrdə Bağırov heç
kommunist partiyasının üzvü olmayıb, Amazaspın dəstəsinə də partiya təşkilatının nümayəndəsi
kimi göndərilə bilməzdi.
Bununla bərabər, müəyyən olunmuşdur ki, Amazaspn dəstəsinin digər üzvləri ilə birgə
qətl və qarətlərdə iştirak etdiklərinə görə Bağırov və onun dörd əlaltısı Azərbaycan KP-nın
rəhbər işçilərindən biri olan Levon Qoqoberidze tərəfindən həbs olunub türməyə salınmışdır.
Bağırovun həbsdən hansı şəraitdə azad olunması istintaq tərəfindən aşkara çıxarılmayıb.
Müttəhim Bağırov Levon Qoqoberidze tərəfindən həbs olunmasaı faktını danmır, lakin bunu
Qoqoberidze tərəfindən buraxılmış səhv hesab edir və göstərir ki, onu həbsxanadan 1918-ci ilin
iyulunda Bakıya gələn “ruslardan ibarət rota” azad edib.
Öz şəxsi sənədlərində Bağırov təsdiq edirdi ki, guya Nuru Paşanın Qarabağda qaldırdığı
üsyanın yatırılmasında iştirak edib. Guya bunun üçün üsyan edənlərin arxasında qırmızı qiyam
təşkil edib. Istintaq müəyyən edib ki, Bağırovun bu ifadəsi də tamamilə uydurmadır.
Şahidlərdən Q.M.İbrahimovun və başqalarının verdiyi işarələrdən aydın olur ki, 1920-ci
ilin may-iyun aylarında Bağırov həqiqətən Qarabağda, Şuşada olub. Lakin türk emissarı Nuru
Paşanın qaldırmağa cəhd göstərdiyi qiyamın yatırılmasında Bağırovun heç bir rolu olmayıb.
Öz cinayətkar keçmişini gizlədən Bağırov qabaqda hərbi tribunal orqanlarına, sonra isə
çekist orqanlarına yol tapıb.
Istintaq materialları arasında Qafqaz diyar komissiyasının partiyanın təmizlənməsi üzrə 1
– 5 yanvar 1922-ci il tarixli yığıncağının protokolundan arxiv çıxarışı vardır. Həmin yığıncaqda
Bağırovun məsələsi müzakirə olunub. Qafqaz diyar komissiyasında Bağırova Qubadan olan
şübhəli elementlərlə əlaqəyə, məhbusları döyməyə və digər hərəkətlərinə görə şiddətli töhmət
elan edilmişdir.
MK-nın Serqo Orçonikidzenin sədrliyi ilə keçən bir oktyabr 1929-cu il tarixli
yığıncağında Bağırovun nəzərinə çatdırılmışdır ki, Baş Siyasi İdarə orqanlarındakı yolverilməz
cəza metodlarına (məhbusların öldürülməsi, onların guya günahkar olması barədə materialların
saxtlaşdırılması) qarşı heç bir tədbir görməmişdir, bu hərəkətlərə bir daha yol verilərsə, bütün
məsuliyyəti özü daşımalı olacaqdır.
Sov. İKP MK-nın 1930-cu il qərarı ilə Bağırov Azərbaycan Respublikası Baş siyasi
idarəsinin sədri vəzifəsindən azad olundu. Sonra Beriyanın köməyi ilə Bağırov yenidən
Azərbaycanda vəzifəyə qayıtmağa nail oldu. Bu barədə aşağıda ətraflı söhbət açılır.
MÜTTƏHIM BAĞIROVUN BERIYA ILƏ CINAYƏTKAR ƏLAQƏLƏRI
Sübut olunmuşdur ki, Beriyanın müsavat əksinqilabındakı xidmətindən xəbərdar olan
Bağırov, öz keçmişini gizlətməklə Beriyaya hər cür yardım etmiş,
bunun üçün arxivlərdən
oğurluq etməkdən, ifşa edici sənədləri Beriyaya göndərməkdən, hətta Beriyanın keçmişini üzə
çıxara biləcək şəxsləri aradan götürməkdən belə çəkinməmişdir.
Beriya öz işi üzrə məhkəmə istintaqı zamanı müsavat əkskəşfiyatdakı xidməti barədə
demişdi:
“...deməliyəm ki, mənim ən ağır cinayətlərimdən biri mənim müsavat əkskəşfiyatında
iştirakımdır. Bu günahımı mən tamamilə boynuma alıram.”
Bu barədə istintaq olunan müttəhim Bağırov “Beriyann müsavat əkskəşfiyatında xidməti
barədə nə vaxt xəbər tutmusan?” sualına ilk dəfə belə cavab verdi:
“Beriya müsavat höküməti əkskəşfiyyatında xidməti barədə mənə heç bir söz deməmişdi.
O mənə danışmışdı ki, guya bizim bolşevik təşkilatının göstərişi ilə kəşfiyyat xarakterli
8
tapşırıqları yerinə yetirir. Ancaq bu tapşırıqların mahiyyəti barədə o heç bir şey
deməmişdi. Beləliklə, Beriyanın müsavat əkskəşfiyyatında xidməti barədə mənlik dəfə
1937-ci ildə eşitmişəm.”
Bağırovun bu ifadəsi istintaq işinin bütün materialları ilə təkzib olunur.
Müəyyənləşdirilmişdir ki, Bağırovun sərəncamında Beriyanın müsavat əkskəşfiyyatındakı
fəaliyyəti faktını təsdiq edən əsas arxiv sənədləri var idi. Azərbaycan FK-nın sədri olan Bağırov
Beriyanın müsavatçıların Azərbaycanda hakimiyyəti dövründə kommunist partiyasının üzvü
olmaması, beləliklə də müsavat əkskəşfiyyatında işləmək üçün gizli bolşevik təşkilatı tərəfindən
göndərilə bilməməsini təsdiq edən çoxlu şahid ifadələrinə və geniş məlumatlara malik olmaya
bilməzdi.
Beriyanın müsavat əkskəşfiyyatındakı əksinqilabi fəaliyyətinin şahidləri onu ifşa edən
məlumatlarla çıxış edəndə Bağırov tərəddüd etmədən Beriyanı fəal şəkildə müdafiə edir,
beləliklə də onun cinayətkar keçmişini ört-basdır edirdi.
Azərbaycan FK-nın keçmiş əməkdaşı, şahid A.F.Milov göstərirdi:
“1992 və ya 1923-cü illərdə Azərbaycan FK-da işləyərkən mən Qolikovun rəis olduğu
gizli əkskəşfiyyat şöbəsi ilə əlaqəli idim.
Keçmiş müsavat əkskəşfiyyatının işi ilə tanış olarkən müxtəlif sənədlərlə yanaşı müsavat
əkskəşfiyyatının rəisi Aleksandr Qoqoberidzenin əmri əlimə keçdi. Bu əmrdə deyilirdi ki,
L.P.Beriya Abşeron yarımadasının xarici nəzarəti üzrə bir aylıq sınaq müddəti keçməklə
və aylıq maaşı 800 manat olmaqla əkskəşfiyyatçı vəzifəsinə qəbul olunur.
Mən həmin əmri götürüb Bağırovun yanına getdim. Sumbatov da onun yanında idi.
Sumbatovun yanında mən A.Qoqoberidzenin əmrini aşkara çıxardığımı söylədim və əmri
Bağırova verdim. Bağırov məni dinlədi, əmri götürdü və istehzayla gülümsəyib dedi: “Biz
bundan xəbərdarıq. Beriya oraya Bakı gizli partiya təşkilatı tərəfindən göndərilib.”
Məlum olmuşdur ki, Beriyanın müsavat əkskəşfiyyatında xidməti barədə 1921-ci ilin
dekabrında Azərbaycan FK-da partiya təşkilatının təmizlənməsi zamanı də məsələ qaldırılmışdı.
Bağırov o zaman da Beriyanı fəal müdafiə etmişdi.
Bağırov Beriyanın müsavat əkskəşfiyyatındakı xidmətini təsdiq edən arxiv sənədlərini
müxtəlif yollarla əldə edərək bu sənədləri Beriyaya göndərirmiş. Moskvada Beriyanın şəxsi
arxivi araşdırılarkən müsavat höküməti daxili işlər nazirliyinin müsavat müsavat əkskəşfiyyatı
işçilərinin işə qəbulu və işdən azad edilməsi barədə əmrlərdən ibarət 1919-cu ilin 13 avqustunda
açılmış, 1920-ci ilin 1 martında sona çatmış arxiv sənədi aşkara çıxarılmışdır. Bu sənədin 19-cu
səhifəsində “əksinqilabi mübarizə təşkilatı” rəisinin 28 dekabr 1919-cu il tarixli, 29 nömrəli
əmrinin surəti yerləşdirilib. Əmrdə deyilir ki, agent Beriya 1920-ci ilin 1 yanvarından etibarən öz
ərizəsinə əsasən tutduğu vəzifədən azad olunur.
Eyni şey 1920-ci il 8 yanvar tarixli əmrdə də (həmin sənədin 21-ci səhifəsində) göstərilir.
Burada 11 müxtəlif familiyalı şəxsin arasında Beriyanın da familiyası vardır. Bu ifşaedici
sənədlərin Beriyanın əlinə necə keçməsi barədə suala elə həmin sənədin arasına Beriyanın öz
dəsti-xətti ilə yazıb qoyduğu kiçicik bir kağız parçası cavab verir. Orada aşağıdakı sözlər yazılıb:
“Yoldaş Bağırov göndərib”
tarix: “I-XII-1939-cu il”.
Bu məsələ ilə bağlı istintaq olunan müttəhim Bağırov ilk əvvəl bildirdi ki, müsavat
əkskəşfiyyatındakı xidməti barədə arxiv sənədlərinin Beriyaya verib-vermədiyini xatırlaya
bilmir. Həmin sənədlərin fotosurəti göstəriləndən sonra isə bildirdi: