9
“Həmin sənədlər mənə tanışdır. Əgər bu materiallar Beriyadan çıxmışsa, deməli, onları
mən ona vermişəm. Ancaq hansı şəraitdə vermişən, xatirəmdə deyil.”
Beriya və onun yaxın əlaltılarından işi barədə istintaq keçmişdə sübut olunmuşdur ki, öz
müsavatçı keçmişinin aşkara çıxarılacağından təlaşa düşən Beriya o vaxtlar köməkçisi olan
Merkulovu Beriyanın müsavat əkskəşfiyyatında xidmətini təsdiq edən bütün arxiv sənədlərini
yığmaq üçün xüsusi olaraq Bakıya göndərir.
Bağırov həmin sənədlərin axtarılması və arxivlərdən oğurlanmasında Merkulova fəal
yardım göstərmişdir.
Merkulov bu barədə deyirdi:
“Hələ Tblisidə olarkən Beriya məni yanına çağırdı və dedi ki, onun düşmənləri
belə bir şayiə yayırlar ki, guya o, müsavat əkskəşfiyyatında xidmət edib. Əslində isə o,
bolşeviklərə ruhən yaxın olan “hümmət” Bakı təşkilatının üzvü olub. Hafizəm məni
aldatmırsa, müsavat əkskəşfiyyatındakı xidmətini Beriya tamamilə danırdı.
Beriya Bakıya uçmağı və partiya arxivində ona bəraətverici sənədləri axtarıb
tapmağı xahiş etdi. Düşmənlərinin həmin sənədləri ələ keçiricəyindən qorxurdu.
Mən Bakıya uçdum, Bağırovun yanına gedib Beriyanın tapşırığını ona çatdırıram.
Xatirimdədir ki, Bağırov partiya tarixi arxivinə zəng vurub mənə kömək göstərilməsini
tapşırdı. Mən arxivdən iki sənədlər qovluğu tapdım. Bu sənədlərin məzmununu mən
dumanlı şəkildə xatırlayıram. Sənədlərin mənə verilməsi barədə Beriyadan rəsmi məktub
gətirməmişdim, ancaq sənədləri götürən zaman hardasa imza qoymağım yadıma gəlmir.
Tiflisə qayıtdıqdan sonra, mən Bakıdan gətirdiyim sənədləri Beriyaya verdim. O,
sənədlərə baxıb razı qaldığını bildirdi və onları öz seyfində gizlətdi.”
“Beriya həbs olunarkən evində aparılan axtarış zamanı onun müsavat əksinqilabında
xidmətin təsdiq edən, Merkulov və Bağırov tərəfindən partiya tarixi arxivindən oğurlanmış
sənədlər aşkara çıxarıldı.
Istintaq Bağırovun Beriyanın xəyanətkar keçmişini ört-basdır etməklə fəal iştirakçı
olması barədə digər faktlar da aşkara çıxardı. Şahid A.İ.Tahirov deyirdi:
Bağırovu mən 1921-ci ildən tanıyırdım, sonrakı illər ərzində onunla iş prosesində
qarşılaşırdım. Bizim münasibətlərimiz yaxşı idi, odur ki, bir-birimizin evində də olurduq.
1923-cü ildə bir axşamçağı Bağırov və o vaxt Azərbalıq idarəsinin sədri Baba Əliyev
bizim bağa yığışmışdılar. Biz şam etdik və bir qədər də içdik. Söhbət əsnasında Baba
Əliyev Bağırovdan soruşdu ki, nə üçün o, Beriyanın müsavat zamanı ingilis
əkskəşfiyyatındakı xidmətindən xəbərdar ola-ola onu işə götürüb və gündən-günə də
vəzifəsini yüksəldir. Bağırov cavab verdi ki, Beriya əkskəşfiyyata gizli partiya təşkilatının
tapşırığı ilə göndərilib. Baba Əliyev buna etiraz etdi və dedi ki, o, gizli təşkilatda
çalışanların hamsını tanıyır. Beriya onların arasında olmayıb, o, əsl əkskəşfiyyatçıdır.”
Nəticədə baba Əliyev Bağırovun göstərişi ilə həbs edildi və saxtalaşdırılmış məhkəmə işi
əsasında güllələndi.
Müəyyənləşdirilmişdir ki, Bağırov Beriyanın müsavat əkskəşfiyyatında xidmətindən
xəbəri olan və ona siyasi inamsızlıqla yanaşı bir çox köhnə kommunistlərə divan tutmuşdur.
“1932-ci ildə Ulyanov, Pleşşakov və mən Bakıdakı klublardan birində olarkən eşitdik ki,
Beriya Zaqafqaziya vilayət partiya komitəsinin katibi təyin olunub.
Beriyanı şəxsən tanıdığımız üçün narazılığımızı bildirdik və belə hesab etdik ki, keçmiş
müsavat polisində xidmət etdiyi üçün Beriyaya bu cür məsul vəzifəni tuta bilməz.
Bizimlə bir yerdə olan Terequlov söhbətlərimizi Bağırova çatdırmışdı.
10
Məlumdur ki, 1935-ci ildə Beriyanın müəllifi olduğu “Zaqafqaziyada bolşevik təşkilatının
tarixindən” adlı kitab çıxmışdı. Şəxsən mənə neft mədənlərində keçirilən iki partiya
yığıncağında həmin kitabın öyrədilməsini təşkil etmək tapşırılmışdı. Mən müxtəlif
bəhanələrlə bu işdən imtina etdim. Bağırov məni yanına çağırıb üstümə çığırdı, dedi ki,
siz köhnə partiyaçılar başınızdan böyük işlər görürsünüz. Beriya və mənim barəmdə çox
çərənləyirsiniz, dilinizi dinc qoymasanız, başınıza bəla olacaq.
Bir qədər sonra həmin adamlar həbs edildi və güllələndi.”
Azərbaycan Xalq Komissarları Soveti yanında baş arbitr vəzifəsində işləyən Dövlətov
İsay İvanoviç 1937-ci il iyunun 12-də Sumbatov tərəfindən Bağırova qarşı terrorçuluq aktının
nəzəriyyəsini hazırlayan “fəal trotskiçi-terroru”kimi həbs olundu. Dövlətovun həbs olunmasının
əsas səbəbi isə onun Beriyanı müsavat əkskəşfiyyatının agent-təxribatçısı kimi tanıması
olmuşdur. Bu barədə M.Manuçarovun şahid ifadəsindən:
“Qrupumuzun üzvü Novikov müsavat polisi tərəfindən yaxalanmış, bir qədər
sonra isə dar ağacından asılmışdı, biz isə gizlənə bilmişdik.
Bu hadisədən bir qədər əvvəl müsavat axtarış polisi tərəfindən gizli təşkilatın bir
üzvü guya “erməni taciri” olması barədə sənədi olan Aleksandr Baqdasarov həbs
olunmuşdu.
Gizli təşkilat üzvlərindən biri olan Novikov “rus taciri” kimi axtarış polisi
əməkdaşlarından biri ilə dil tapa bilmiş, onun vasitəsilə də Baqdasarovla görüşə
bilmişdi. Baqdasarovla görüşdən sonra Novikov bizə danışdı ki, Saşa bizi ehtiyatlı
olmağa çağırır və xəbərdarlıq edir ki, axtarış polisində xidmət edən bir gürcü bizi məhv
edə bilər.
Baqdasarovun əlində “erməni taciri”nə məxsus sənəd olduğundan rüşvət verib
onu məhbəsdən qurtardıq, həbsdən çıxandan sonra Baqdasarov bizə danışırdı ki,
polisdəki gürcü onun yanına gəlib o vaxtlar Vilayət partiya komitəsinin katibi olan
Dövlətov İsayın rabitəçisi olduğunu söyləyirmiş. Baqdasarov həmin gürcünün təxribatına
uymayıb və Dövlətovla tanışlığımı danıb.
Sonralar Bakıda sovet hakimiyyəti qurulandan sonra həmin gürcü əvvəl inqilab
komitəsində, sonra isə FK-da işləməyə başladı. Onun adı Lavrenti Pavloviç Beriya idi.
Bax, Beriyanın müsavat polisində xidməti ona görə bizə məlumdur.”
Istintaq zamanı Bağırovun göstərişi ilə Dövlətov möhkəm əzişdirilirdi, bunu keçmiş
“NKVD” əməkdaşları da təsdiq edirlər. Məsələn, şahid Klimençiçin dediklərindən:
“Bağırov müstəntiq Qabrielyana əmr etdi ki, Dövlətovu döysün. Qabrielyan da
Bağırovun yanında Dövlətovu döyməyə başladı.
Işgəncələrə dözə bilməyən Dövlətov nəticədə özünə və yoldaşlarına böhtan atılan istintaq
protokollarını imzaladı. Məhkəmə zamanı isə verdiyi ifadələrdən imtina etdi.
1938-ci il aprelin 21-də saxtalaşdırılmış istintaq materiallarıma əsasən Dövlətov
güllələndi.”
Bağırov Beriyanın müsavatçı keçmişindən xəbərdar olaraq cinayətlərini ört-basdır etmək
üçün arxiv sənədlərini oğurlayıb. Beriyaya göndərməkdən, namuslu adamların həyatına qəsd
etməkdən belə çəkinmirdisə, Beriya da öz növbəsində borclu qalmırdı, Bağırovun əməllərini ört-
basdır edirdi.
Beriyanın şəxsi arxivində axtarış zamanı 19 may 1937-ci il tarixdə Bakıdan SSRİ XDİK-
na göndərilmiş anonim məktub aşkara çıxaırlmışdır. Həmin məktubda Bağırovun bir sıra
cinayətləri, xüsusilə Azərbaycanın sovetləşməsi həyata keçirilən dövrdəki cinayətkar fəaliyyəti
öz əksini tapıb. Məktubda göstərilirdi: