213
bilirəm ki, sən yaxşı olanlara maliksən və sən uzun yolu gedə bilərsən... Bünövrəni
qoymaq çox çətindirsə, sən çox gənc olanda buna laqeydlik göstərdin və buna görə
mən sənə bacardığın ən yaxşı şeyləri etməyi məsləhət görürdüm. Mən o qədər çox
şey gözləmirəm və sən həqiqi dahi ola bilməyəcəksənsə, mən peşiman
olmayacağam, lakin mən düşünürəm ki, sən yaxşı mühakiməsi və təfəkkürü olan
həqiqi ləyaqətli vətəndaş ola bilərsən”.
1936-cı ildə Cek Harvardda öz ilk ilinə başladı, orada qardaşı Co artıq tələbə
idi. Co kimi Cek də futbol oynayırdı. Qardaşının atletizmi onda yox idi, lakin
qətiyyətliliyin və inadkarlığın güclü resurslarına malik idi. Bədbəxtlikdən bir gün
oynayanda onun çiynindəki disk sındı – bu xətər qalan bütün həyatı boyu onu cana
yığdı.
Sonralar, 1937-ci ildə mister Kennedi Birləşmiş Ştatların İngiltərədəki səfiri
təyin olundu və Harvardda qalan Co və Cekdən başqa ailəsinin bütün üzvləri ilə
birlikdə ora köçdü. Atasının işinə görə Cek Avropa siyasəti və dünya işləri ilə daha
çox maraqlanmağa başladı. Yayda İngiltərəyə və Avropanın digər ölkələrinə səfər
edəndən sonra Cek Harvardda tarix və idarəetmə barədəki bilikləri daha böyük
həvəslə öyrənməyə və cari hadisələri izləməyə can atırdı.
Co və Cek İngiltərədəki atalarından dəfələrlə məktublar alırdı, bu
məktublarda atası onlara münaqişələri və gərginlikləri qiymətləndirməklə yanaşı,
ən son yeniliklər barədə məlumat verirdi, hər kəs qorxurdu ki, tezliklə bütöv
ölçüdəki müharibə partlayışı baş verəcəkdir. 1939-cu ildə almanlar Polşaya
müdaxilə edəndə Cek qərara aldı ki, öz böyüklərinə tezis yazıb göndərsin ki, niyə
Böyük Britaniya Almaniya ilə müharibəyə hazır olmamışdır. Tezis “Niyə İngiltərə
yatır” adı altında nəşr edildi. Kitab bestsellərə (daha yaxşı satılana – tərcüməçi)
çevrildi.
1948-ci ilin iyununda Cek Harvardda təhsilini başa vurdu. Atası ona
Londondan kabel teleqramı göndərdi: Sənin haqqında mən həmişə iki şeyi
bilmişəm, biri odur ki, sən fərasətlisən, ikincisi odur ki, atanın sevdiyi modabaz
oğlansan.
214
İkinci Dünya müharibəsi və siyasətdəki gələcək
Co və Cekin hər ikisi donanmada xidmətə girdilər: Co Avropaya göndərilən
təyyarəçi idi, Cek isə patrul torpedo qayığının ( PT-109) komandiri kimi Sakit
okeana yollandı. Leytenant Con F.Kennedi on iki nəfərdən ibarət komandaya
malik idi, onların vəzifəsi yapon gəmilərinin öz əsgərlərinə ərzaq və sursat
gətirməsinin qarşısını almaq idi. 1943-cü ilin 2 avqustunun qaranlıq gecəsində
leytenant Kennedinin komandası sularda patrulluq edirdi, gördükləri ilk düşmən
gəmisini batırmağa hazır idi. Qəflətən, olduqca qəfildən – yapon eskadra
minadaşıyıcısı meydana çıxdı.
Gəmi bütün sürəti ilə üzürdü... düz onların üstünə gəlirdi. Leytenant Kennedi
sükanı tutub çalışdı ki, onun yolundan kənara çıxsın. Çox iri yapon hərb gəmisi
ancaq PT-109-u taran edib, onu iki yerə parçaladı və Kennedinin adamlarından
ikisini öldürdü. Digərləri alova bürünmüş öz qayıqlarından suya tullandılar.
Leytenant Kennedi döyüş zonasındakı zərbədən yenidən zəif çiynini yaraladı.
Komanda üzvlərindən biri olan Patrik Makmahon üzünün və əllərinin dəhşətli
yanmasından əziyyət çəkirdi və yaşamaqdan imtina etməyə hazır idi. Qaranlıqda
leytenant Kennedi əmr verdi ki, onu tapsınlar və digər sağ qalanlarla birlikdə dartıb
gətirsinlər, o, qayığın üzən qalıqlarından asılı qalmışdı.
Günəş boylananda leytenant Kennedi öz adamlarını bir neçə mil aralıda olan
kiçik adaya tərəf apardı. Özünün yaralı olmasına baxmayaraq, leytenant Kennedi
Patrik Makmahonu dartıb sahilə çıxara bildi, Makmahonun xilas köynəyinin bağı
onun dişləri arasında sıxılmışdı. Altı gün sonra iki yerli ada sakini onları tapdı,
onlar Cekin kokos qozunun qabığının bir hissəsində nəqş etdiyi xəbəri almışdılar:
On bir sağdır, yerli sakin mövqeyi və Nauro adasının riflərini bilir. Kennedi.
Sonrakı günü PT-109-un komandası xilas edildi. Cek vətənə dönəndə öz liderliyinə
və igidliyinə görə Donanma və Dəniz Korpusu medalı ilə mükafatlandırıldı.
Müharibə nəhayət başa çatanda sənəti seçmək vaxtı gəlib çatdı. O, müəllim və ya
yazıçı olmaq istəyirdi, lakin onun qardaşının faciəli ölümü (Conun təyyarəsi İngilis
Kanalı (La-Manş boğazı – tərcüməçi) üzərində gizli, yüksək təhlükəli missiyanı
yerinə yetirərkən partlamışdı) Ceki məcbur etdi ki, öz planlarını dəyişsin. Atası
215
gələcəyi barədə onunla ciddi söhbətlər aparırdı, bütövlükdə Ceki onun ailəsinin
iftixarı olmağa inandırdı və Cek Massaçusetsin on birinci Konqress mahalında yer
tutmaq üçün mübarizəyə başladı – eyni mahalı bir dəfə onun babası, Qəşəng Fits
təmsil etmişdi, ondan sonra indi o, öz namizədliyini irəli sürürdü. Cek 1946-cı ildə
bu yeri əldə etməklə qalib gəldi.
İllər keçdikcə Demokrat Con F.Kennedi üç müddət (altı il) Nümayəndələr
Palatasında xidmət etdi. 1952-ci ildə o, Henri Kabet Loc-Kiçiyə müxalif olmaqla
Birləşmiş Ştatlar Senatındakı yer uğrunda mübarizə apardı. Respublikaçıların
Prezidentliyə namizədi Duayt D.Eyzenhauer 1952-ci il seçkisində Massaçusetsdə
209.000 min artıq səs topladı. Buna baxmayaraq, Kennedi Locu 70.000 min artıq
səslə məğlub etdi. Özünün seçilməsindən qısa müddət sonra otuz altı yaşlı Senator
“Washington Times-Herald” qəzetinin reportyoru və fotoqrafı, iyirmi dörd yaşlı
Jaklin Buvyeyə evləndi.
Senatda Kennedi Əmək Təşkilatçıları Komitəsinin üzvü kimi özünə ad
qazandı, bu komitə həmkarlar ittifaqlarını təhqiq edirdi. Komitənin müşaviri,
qardaşı Robertlə birlikdə o, əməkçi liderlərin əleyhinə, bura yük maşınları
sürücülərinin həmkarlar ittifaqından Cimmi Hoffa da daxil idi, dramatik
arqumentlər irəli sürdü. O, həmçinin özünü 1956-cı ildəki Çikaqo milli
qurultayında da fərqləndirdi, burada o, Edlay Stivensonun namizəd göstərilməsi
üçün çıxış etdi.
Senator Kennediyə onun çiyni yenidən sərt narahatlıq göstərirdi və onu iki
cərrahiyyə əməliyyatına getməyə məcbur etdi. Sağalan vaxt Birləşmiş Ştatların
səkkiz Senatoru barədə kitab yazdı, onlar millətin tarixinin həlledici dövrlərində öz
seçicilərinin istəklərinin əksinə prinsipial mövqe tutmuşdular və bəzi səbəblərə
görə milli maraq naminə öz karyeraları ilə xudahafizləşmişdilər. “Mərdlik
profilləri” kitabı 1956-cı ildə nəşr olunmuşdu, bu kitab bestsellərə çevrildi və
1957-ci ildə tərcümeyi-hal bölməsi üzrə Pulitser mükafatına layiq görüldü. Elə
həmin il Kennedinin ilk uşağı, Kerolayn anadan oldu.
Con F.Kennedinin populyarlığı böyüməkdə davam edirdi, o, Vitse-
Prezidentliyə namizəd göstərilməyə yaxın idi. Namizədliyi itirdikdə, Kennedi
216
qərara aldı ki, sonrakı seçkidə Prezidentlik uğrunda mübarizəyə başlasın. O, uzun
saatlar ərzində işləyirdi və uikend vaxtı (həftənin sonunun istirahət günlərində -
tərcüməçi) bütün Birləşmiş Ştatları dolaşırdı. 13 iyul 1960-cı ildə Demokratik
partiya onu Prezidentliyə namizəd irəli sürdü. Kennedi Texasdan olan Senator
Lindon B.Consondan xahiş etdi ki, onunla birlikdə Vitse-Prezidentlik uğrunda
mübarizəyə başlasın. 8 noyabr 1960-cı ildəki ümumi seçkidə Riçard M.Niksona
çox yaxın gedən bir yarışda qalib gəldi. Qırx üç yaşında o, Prezident seçilən ən
gənc adam və ilk katolik idi. Öz inauqurasiyasından əvvəl onun ikinci uşağı, Con-
Kiçik anadan oldu.
Con F.Kennedi – Birləşmiş Ştatların 35-ci Prezidentidir
Con F.Kennedi 20 yanvar 1961-ci ildə 35-ci prezident kimi and içdi. Öz
inauqurasiya çıxışında o, bütün Amerikanların fəal vətəndaşlar olması lüzumu
barədə danışdı. “Soruşma ki, sənin ölkən sənin üçün nə etmişdir, soruş ki, sən özün
ölkən üçün nə edə bilərsən” – o, dedi. O, həmçinin bütün dünya millətlərindən
xahiş etdi ki, özünün adlandırdığı “insanın ümumi düşmənləri: tiraniya, yoxsulluq,
xəstəlik və müharibənin özünə” qarşı birlikdə mübarizə aparmağa qoşulsunlar.
Prezident Kennedi uzun saatlar boyu işləyirdi, saat yeddidə qalxır və gecə
yarısına yaxın, bəzən hətta daha gec istirahətə yollanırdı. O, səhər yeməyi vaxtı altı
qəzeti oxuyurdu, bütün gün ərzində mühüm adamlarla görüşürdü və öz
müşavirlərinin məlumatlarını öyrənirdi. Ağ Ev Prezidentin diqqətinin mərkəzi
olmasına baxmayaraq, əyləncə yerinə bənzəyirdi; Kerolayn və Con-Kiçik altmış
ildən çox bir müddət ərzində Ağ Evdə yaşayan ən gənc “ilk uşaqlar” idilər.
Əlbəttə, burada məktəbəqədər tərbiyə də, üzmək üçün hovuz da, və Ağ Evin
çəmənliyində üç ev var idi – prezident Kennedi ölkədə ən məşğul adam olmasına
baxmayaraq, gülməyə və öz uşaqları ilə oynamağa vaxt tapırdı.
Ağ Evin bərpasında missis Kennedinin tarixi rolu vardır. Onun incəsənəti
dəstəkləməsi, səfir kimi səfərləri, arvad və ana kimi ictimai rolu tezliklə
Amerikanların və bütün dünyadakı vətəndaşların ürəyini əsir etdi. Ağ Evin bərpası
başa çatanda o, CBS televiziyasının teleturunda, 1962-ci ilin fevralında əlli
217
milyondan artıq Amerikalının qonağı oldu. Bu tur elə yaxşı qəbul edilmişdi ki,
Televiziya Sənəti və Elmi Akademiyası missis Kennediyə nailiyyətinə görə
Qubernator mükafatı verdi.
Prezidentin özü də televiziyadan yaxşı istifadə edirdi. Faktiki olaraq o, ilk
Prezident idi ki, televiziya vasitəsilə birbaşa Amerikan xalqına müraciət etmişdi.
Heç bir digər Prezident canlı televiziya mətbuat konfransları keçirməmişdi; 1963-
cü ilin noyabrınadək Prezident Kennedi belə altmış dörd çıxış etmişdi. Öz
inauqurasiyasına bir həftədən az qalanda onun ilk çıxışına təqribən altmış beş
milyon adam tamaşa etmişdi.
Vəzifədə olan dövr ərzində Prezident çox məsələlərə görə narahat olurdu,
bunlardan biri Cənubdakı seqreqasiya (zəncilərin və digər rəngli xalqların ABŞ-da
ağlardan ayrılması barədə irqçi siyasət, onların bir evdə, hətta şəhərin ayrı-ayrı
hissələrində ağlarla birlikdə yaşaması, ağların olduğu teatra, restorana getməsi
qadağan olunurdu – tərcüməçi) və Birləşmiş Ştatlarla Sovet İttifaqı arasında nüvə
müharibəsinin mümkünlüyü idi. Onun birinci hərəkətlərindən biri Sülh
Korpusunun yaradılması barədə icra göstərişini imzalaması oldu. O, həmçinin
inadkarlıqla Birləşmiş Ştatların kosmosa uçuşda aparıcı rol oynamasını görmək
istəyirdi. 5 may 1961-ci ildə, Prezident inauqurasiyasından dörd ay sonra Alan
Şepard kosmosa çıxan ilk Amerikalı oldu. 20 fevral 1962-ci ildə Con Qlenn ilk
amerikalı idi ki, Yer orbitinə çıxmışdı. Bir il sonra Rays universitetindəki çıxışında
Prezident Kennedi dedi: “Heç bir millət başqa bir millətin liderliyini gözləmirsə,
kosmos uğrundakı bir yarışın arxasında dayanmağı gözləməməlidir... Biz bu
onillikdə Aya getməyi və digər işləri görməyi seçmişik, ona görə yox ki, onlar
asandır, ancaq ona görə ki, onlar çətindir”. Kennedi Konqressdən xahiş etdi ki,
xərcləri iyirmi iki milyard dollardan artıq olan böyük Ay layihəsini bəyənsin.
1961-ci ildə Con F.Kennedi Prezident olanda çox sayda qara Amerikalı,
xüsusən Cənubda yaşayanlar açıq seqreqasiya ilə üzləşməkdə davam edirdilər.
Qara Amerikalılar yeni prezidentdən çox şey gözləyirdilər, seçkidə ona dəstək
vermişdilər, bir sıra mühüm ştatlarda onun qələbəsini təmin etmişdilər. Lakin
seçkidəki kiçik üstünlüklə qələbəyə Konqressdə işləyən kiçik ehtiyata və onun əsas
218
Cənub Senatorlarının dəstəyini könülsüz itirməsinə görə Kennedi əvvəldən
vətəndaş hüquqları qanunçuluğunu axtarmaqda tərəddüd edirdi. Əvəzində o,
qaraları yüksək səviyyəli vəzifələrə təyin etmək barədə icra hakimiyyətinə,
Vətəndaş Hüquqları Komissiyasına arxalanırdı və məktəb seqreqasiyasının ləğv
edilməsinin xeyrinə danışırdı. Ancaq mümkün olan mühüm şəraitlərdə
administrasiya daha çox şeyi eləməyə məcbur oldu.
Vətəndaş hüquqları nümayişləri bütün Cənubda artdıqca, nümayişlər
əleyhinə zorakılıq milli biabırçılığın mənbəyinə çevrildi. Baş prokuror Robert
F.Kennedinin başçılıq etdiyi Kennedi administrasiyası federal hökumətin
qüvvələrindən ştatları seqreqasiyanı qadağan edən qanun qaydasını qəbul etməyə
məcbur etmək üçün istifadə etdi.
1961-ci ildə Baş Prokuror dörd yüz federal məhkəmə icraçısını göndərdi ki,
Azadlıq Süvarilərini himayə etsin, onlar vətəndaş hüquqları fəallarının birləşmiş
qrupu idi, ştat daxili nəqliyyatda seqreqasiyanı pozmağa görə həbs edilmiş və
döyülmüşdülər.
1962-ci ildə Prezident Kennedi Ceyms Mereditsin Missisipi Universitetinə
təhlükəsiz buraxılmasına əmin olmaq qaydasında Milli Qvardiyanı federal
hökumətin tabeliyinə keçirdi. 1963-cü ildə o, həmçinin Alabama Milli
Qvardiyasını da federal hökumətə tabe etdi ki, iki qara tələbənin Alabama
Universitetinə buraxılmasını təmin etsin, onların Universitetə buraxılmasını
Qubernator Corc Uolless pozmuşdu.
11 iyun 1963-cü ildəki milli televiziya ilə müraciətində prezident Kennedi
vətəndaş hüquqlarını ölkənin üzləşdiyi mənəvi böhran kimi qiymətləndirdi və elan
etdi ki, başlıca vətəndaş hüquqları qanunvericiliyini Konqressə təklif edəcəkdir.
“Prezident Linkolnun qulları azad etməsindən gecikmə ilə bir yüz il keçmişdir,
həm də onların törəmələri, onların nəvələri tam azad deyillər”. O, deyirdi,
“məsələnin özəyi ondadır ki, bütün Amerikanlar özləri üçün bərabər hüquqlara və
bərabər imkanlara malik olacaqlarmı, biz Amerikan sirdaşlarımıza özümüzə
göstərilən münasibət kimi münasibət göstərməyə başlayacağıqmı”.
219
Prezident Kennedi Birləşmiş Ştatların xarici siyasətini Soyuq müharibənin
bir sıra döyüşlərində müşahidə etmişdi. Onun administrasiyasının erkən dövründə,
1961-ci ildə, o, göstəriş verdi ki, əvvəlcədən Kubaya planlaşdırılmış müdaxilə icra
edilsin. Donuzlar körfəzinə müdaxilə biabırçılıqla başa çatdı və Kennedi tədbirin
darmadağın olunmasının bütün məsuliyyətini öz üzərinə götürdü.
1962-ci ilin oktyabrında prezident Kennedi Sovet ballistik raketlərinin
Kubada gizli qurulması faktını öyrəndi, bu, hətta Birləşmiş Ştatların milli
təhlükəsizliyi üçün böyük təhlükə idi. Kuba Raket Böhranı ərzində Kennedi
qorxulu dilemma ilə üzləşmişdi: əgər Birləşmiş Ştatlar raket qoyulan yerlərə
hücum etsə, bu SSRİ ilə nüvə müharibəsinin başlanması risqi olacaqdı; əgər
Birləşmiş Ştatlar heç nə etməsə, bu, öz regionunda nüvə silahları təhlükəsinə daim
dözmək demək olacaqdı. Hərbi qulluqçuların çoxu raket yerlərinə ləngimədən hava
hücumu etmək barədə ona təzyiq göstərirdi, lakin Kennedi başqa yolu seçdi; o,
göstəriş verdi ki, Kubaya “karantin qoyulsun” ki, Sovetlərdən əlavə hərbi sursat
almağın qarşısı alınsın və hər ikisindən tələb etdi ki, raketləri uzaqlaşdırsınlar və
onların yerlərini dağıtsınlar.
On üç gün ərzində dünya gözləyirdi, ümid edirdi ki, böhran sülh
qaydasındakı qətnamə ilə başa çatacaqdır. Heç kəs bilmirdi ki, Sovet lideri dəniz
blokadasına nə cavab verəcəkdir. Nüvə müharibəsinin viran qoyması ehtimalını
nəzərə alan Sovet Baş naziri Nikita Xruşşov öz gəmilərini geri qaytardı. Sovetlər
silah yerlərini demontaj etməyə razılaşdılar və əvəzində Birləşmiş Ştatlar razılaşdı
ki, Kubaya müdaxilə etməyəcəkdir.
Avropa da Prezident üçün təhlükə mənbəyi olaraq qalırdı. 1961-ci ilin
iyununda Vyanadakı hökumət başçılarının görüşündə Xruşşov Qərbi Berlinə
(Sovetlərin nəzarət etdiyi ərazidə - Şərqi Almaniyada yerləşirdi) müttəfiqlərin daxil
olmasının qarşısını kəsəcəkdir. Avqustda Qərbi Almaniyaya Berlin vasitəsilə
kənara axan Şərqi almanların daşqınını dayandırmaq üçün Xruşşov göstəriş verdi
ki, Berlin Divarı tikilsin, bu iri beton divar olmaqla şəhəri iki hissəyə bölürdü.
Düşmənçiliyin digər dünya müharibəsinə aparacağından qorxan Kennedi Birləşmiş
Ştatların Qərbi Almaniyadakı qoşunlarını və raket qüvvələrini xeyli artırdı.
220
26 iyun 1963-cü ildə Kennedi Qərbi Berlinə səfər etdi və çıxışında Berlin
Divarını kommunizmin uğursuzluğunun nümunəsi adlandırdı: “Azadlıq çoxlu
çətinliklərə malikdir və demokratiya mükəmməl deyildir, lakin biz heç vaxt öz
adamlarımızı ölkənin içərisində saxlamaq üçün heç bir divar qoymuruq” – Kennedi
dedi. Çıxış onu məşhurlaşdıran “İch bin ein Berliner” (alman dilində“Mən
Berlinliyəm”- deməkdir) kəlməsi ilə tanındı.
1963-cü ildə Sovet İttifaqı ilə Birləşmiş Ştatlar arasında gərginlik azalan
kimi görünürdü. İyulda Amerikan Universitetinə Akt günü münasibətilə
müraciətində Prezident Kennedi təsdiq edirdi ki, Amerikanlar Soyuq müharibə
stereotiplərini yenidən sınaqdan keçirdilər. O, sülh strategiyasına çağırdı, bu,
“dünyanı dəyişilmək üçün təhlükəsiz edəcəkdi” və xatırlatdı ki, Amerikanlar və
onların dünyadakı vətəndaş sirdaşları “Biz hamımız bu kiçik planetdə
məskunlaşmışıq. Biz hamımız eyni hava ilə nəfəs alırıq. Biz hamımız
uşaqlarımızın gələcəyini əzizləyirik və biz hamımız öləriyik”.
Radioaktiv sirayətlənmənin təhlükəsindən və nüvə silahlarının bolluğundan
narahat olmaqla, Kennedi məhdud nüvə sınağını qadağan edən müqavilənin qəbul
edilməsinə təkan verdi, bu müqavilə yer səthində, atmosferdə və su altında nüvə
silahları sınaqlarını qadağan edəcəkdi. Birləşmiş Ştatlar, Birləşmiş Krallıq
(İngiltərə- tərcüməçi) və Sovet İttifaqı müqaviləni ilkin imzalayanlar oldular.
Kennedi bu qanuna 1963-cü ilin avqustunda imza atdı, inanırdı ki, bu, onun
administrasiyasının ən böyük nailiyyətlərindən biri olacaqdır.
1960-cı illərin erkən dövründə Birləşmiş Ştatların Vyetnamda hərbi iştirakı
böyüyürdü və Cənubi Vyetnamlıların qabiliyyətinin böyüməsinə maraq artırdı.
Cənubi Vyetnamın prezidenti Nqo Din Dyem Cənubi Vyetnamı Şimali Vyetnamın
prezidenti Ho Şi Minin kommunist rejiminə qarşı səfərbər etməyə çalışırdı, axırıncı
isə yarıya bölünmüş milləti birləşdirməyə çağırırdı. Kennedinin vəzifədə olduğu
illərdə o, Amerikadan Cənubi Vyetnama kömək axınını artırdı və oradakı
Amerikan hərbi məsləhətçilərinin sayını çoxaltdı. Eyni zamanda, o, Dyem
hökumətinə təzyiq göstərirdi ki, evini təmizləsin və uzun müddətli siyasi və
iqtisadi islahatlara başlasın. 1 noyabr 1963-cü ildə sakit dövlət çevrilişi Kennedi
221
administrasiyası tərəfindən bəyənildi, Cənubi Vyetnam hökuməti devrildi və
prezident Dyem öldürüldü. Öz administrasiyasının müddətinin qalan hissəsində
Kennedi Birləşmiş Ştatların Vyetnam üzrə olan gələcək vədlərini pozdu.
Prezident güllələndi
21 noyabr 1963-cü ildə prezident Kennedi bir sıra siyasi çıxışlar etmək üçün
təyyarə ilə Texasa uçdu. Sonrakı günü avtomobili yavaş-yavaş Dallasda onu
salamlayan adamların arasından keçəndə güllə səsləri eşidildi. Kennedi ciddi
surətdə yaralanmışdı və qısa müddətdən sonra öldü. Güllə atılmasından bir neçə
saat sonra polis Li Harvi Osvaldı həbs etdi və ona qarşı qətl ittihamını irəli sürdü.
21 noyabrda digər bir adam, Cek Rubi Osvaldı güllə ilə vurub öldürdü, beləliklə bu
faciəli hadisə barədə daha çox məlumat verə biləcək bir adam susduruldu. Uorren
Komissiyası qətli təhqiq etmək üçün təşkil edilmişdi ki, qalan çox sayda suallara
aydınlıq gətirsin.
Con F.Kennedinin irsi
Prezident Kennedinin ölümü nəhəng kədərə və qəmə səbəb oldu. Adamların
çoxu xatırlayırdılar ki, onun ölüm xəbərini eşidəndə harada olmuşdular və nə
edirdilər. Yüz minlərlə adam Vaşinqtonda Prezidentin matəminə yığışmışdı,
dünyanın hər tərəfindən milyonlarla adam bunu televiziya ilə müşahidə edirdi.
Con Kennedinin vəzifədə qısa müddətdə olması xalqın yaddaşında onun
liderliyi, şəxsiyyəti və nailiyyətləri ilə qalmışdır. Çoxları çətin qərarlarla üzləşəndə
onun soyuqqanlılığına hörmət edirdilər, digərləri onun bəlağətli çıxışları ilə xalqı
ilhamlandırmaq qabiliyyətinə vurulurdu – bu çıxışlarda o, millətin ideallarını aydın
tələffüz edirdi.
O, özünün inauqural çıxışında Amerikan xalqını “insanın ümumi düşməninə:
tiraniyaya, yoxsulluğa, xəstəliyə və müharibənin özünə qarşı uzun alatoranlıq
mübarizəsində yük daşımalı olan” adlandırmışdı. Və öz ölkəsini və bütün dünyanı
fəaliyyətə çağırmışdı, onlara xatırlatmışdı ki, “bunların hamısı ilk yüz gündə başa
çatmayacaqdır. Nə də ilk min gündə də, nə də bu administrasiyanın həyatında, nə
222
də hətta yəqin ki, bu planetdə bizim ömrümüz ərzində başa çatmayacaqdır. Ancaq
gəlin biz başlayaq”.
Dostları ilə paylaş: |