35
qaldıracaqmı" adlı publisistik məqaləsində Azərbaycanın
müstəqilliyinə ikrahla yanaşan, "irticaçı müsəlmanlara qarşı xristian
Ermənistanın tərəfində durmağa çağıran" sağ-mühafizəkar "Naş
sovremennik" jurnalının, SSRİ-dən ayrıldığı şəraitdə ölkəmizin
parçalanaraq "Azərbaycan Sovet Respublikaları İttifaqı"na
çevriləcəyini məzə ilə güman edən "Literaturnaya qazeta"nın
siyasətbazlarına kəsə, düzünəqulu cavab vermişdi: "Bizə bu da bəsdir
ki, öz respublikamızın taleyini Moskva mətbəxlərində həll
etməsinlər". SSRİ Xalq deputatlarının 31 avqust 1991-ci il
qurultayında bu sözləri də ilk dəfə deyən Anar idi: "Azərbaycan
Respublikasının ali dövlət hakimiyyəti orqanı istiqlaliyyət haqqında
akt qəbul etmişdir… Hamımız müstəqillik istəyirik. Üç Zaqafqaziya
respublikası yalnız o zaman müstəqil ola bilər ki, onların arasında
sülh və həmrəylik olsun"…
Həmişə zamanla nəfəs-nəfəsə, sözü tətikdə olan sənətkar
Azərbaycanın ən ağrılı problemlərinə vaxtında, həssaslıqla və bütün
kəskinliyi ilə münasibətini bildirmiş və həmin problemlər ətrafında
ictimai fikir formalaşdırmağa çalışmışdır. Onun 1990-cu ildə
söylədiyi fikirlər ölkəmizdə vətəndaşlığın tarixi məsuliyyətinin dərk
olunmasına güclü impuls verən qəti mövqeyi ortaya qoyur. Həmin
mövqedən faciələrimiz, bizi normal inkişafdan mərhum edən, baş
məqsədlərdən yayındıran çatışmazlıqlarımız apaydın görünür: "Altı
və üstü talan olunmuş torpağımız, azdırılmış tariximiz, unutdurulmuş
adımız, dəyişdirilmiş əlifbamız, illər boyu kürül-kürül axan yalanlar,
boş vədlər, təbiətin kor qoyulması, şəhərlərimizin zəhərlənməsi,
mənəviyyatın pozulması, riyakarlıq, saxtakarlıq, rüşvətxorluq,
qohumbazlıq, yerlibazlıq - cəmiyyətimizdə yer almış bütün bu
bəlalara görə heç birimiz məsuliyyət, cavabdehlik və təqsir yükünü
boynumuzdan ata bilmərik"…
Anar, həmişə olduğu kimi bu gün də Azərbaycanın mənəvi-siyasi
mövqeyini ləyaqətlə qorumaq missiyasını davam etdirməkdədir.
Məlum olduğu kimi, Azərbaycan müstəqillik qazanandan sonra da
onun müxtəlif bəhanələrlə suçlandırılması, təklənməsi siyasəti
səngiməyib. Anar "Azərbaycançılıq haqqında düşüncələr" əsərində
bu siyasətin əsas yönlərini nişan verərək, "Azərbaycanda çeçenlərin
hərbi düşərgələri, bazaları var, silahlar tranzit olaraq Azərbaycandan
keçir, Azərbaycanda islam fanatizmi güclənir, təməl dinçilik
(fundamentalizm) təmayülləri artır, radikal dinçi mərkəzlər fəaliyyət
downloaded from KitabYurdu.org
36
göstərir" və s. kimi Moskva televiziya kanallarının axın-axın
iftiralarını sərrast məntiqlə belə puça çıxarır: "Azərbaycanın
Çeçenistanla sərhəddi yoxdur. Sual olunur, əgər Azərbaycandan
Çeçenistana silah keçirilirsə, deməli, Dağıstandan, yəni Rusiya
ərazisindən keçirilir və əgər Rusiya öz ərazisinə nəzarət edə bilmirsə,
Azərbaycanı nədə günahlandıra bilər?"
Azərbaycan artıq öz yolunu seçib. Onu belə fitnələrlə yolundan
azdırmaq olmaz. Yazıçı ölkəsinin bu yolda qətiyyətlə irəliləməsinə
sözü, məntiqi, uzaqgörənliyi ilə dayaq durmaqdadır.
Artıq Avrasiya ölkələrinin həyatında mühüm rol oynayacaq, Şərq-
Qərb sivilizasiyalarının qarşılıqlı əlaqələrini bir qədər də
dərinləşdirəcək İpək Yolu layihəsi həyata keçirilməyə başlayıb. Bu
ideyanın ilk rüşeymlərini, özü də onun məhz Azərbaycana, ümumən
türk dövlətlərinə fayda gətirəcək şəkildə irəli sürülməsini Anarın
1991-ci ildə yazdığı "İpək yolu" məqaləsində görürük. O, dünyanın
siyasi mənzərəsinin dəyişməsi, yeni düzən yaradılması istiqamətində
Azərbaycanın bir müstəqil dövlət olaraq strategiyasını
müəyyənləşdirən amilləri önə çəkir. Bu strategiyanın prioritet
yönlərini düzgün seçimləyərək yazır: "Tarixi, dini və ideoloji
fərqlərlə aralanmış, müxtəlif əlifbalara malik olan türk xalqları hələ
qeyri-müəyyən vəziyyətdə olan türk aləmini - Vahid Türk dünyasına
sevirməyə qadir olan intellektual, mədəni inteqrasiya və koordinasiya
mexanizmləri, institutları yaratmalıdırlar". Yazıçı-publisist tamamilə
doğru olaraq qeyd edir ki, Vahid Türk dünyasının yaranması - türk
dövlətlərinin müstəqilliyinin itirilməsi demək deyil, əksinə, bu təbii
inteqrasiya prosesində müstəqilliklərini möhkəmləndirərək, onların
vahid, yenilməz bir gücə çevrilməsi deməkdir. O, müasir dünya
tarixindən ərəb, ingilis dilli ölkələri, Latın Amerikası respublikalarını
örnək gətirərək, türk dövlətləri inteqrasiyasının da yeni dünyanın
qlobal inkişaf məntiqindən doğduğu qənaətinə gəlir. O, bu
inteqrasiya prosesində Azərbaycanın geostrateji önəm daşımalı
olduğunu da xüsusi vurğulayır: "Bu tarixən təbii prosesdə
Azərbaycan vacib rol oynamalıdır. Qismən Avropameylli türk
sahələri (Türkiyənin özü, Kiprin türk hissəsi, Balkan türk anklavları)
və Uyğur çöllərindən Qazaxıstan və Orta Asiyaya qədər uzanan türk
əraziləri arasında körpü rolunu Azərbaycan oynamalıdır. O, həmin
fəzanın mərkəzindədir. Həm coğrafi-siyasi mövqeyinə görə, həm də
tarixən bir çox məsələlərdə birinciliyinə görə…" Son on iki ilin
downloaded from KitabYurdu.org
37
salxantılı sürəcləri aydınladır ki, tarixin nəticələndirdiyi bu ideyaların
həyata keçirilməsi reallıqdır. Bu gün Azərbaycan-Türkiyə
əlaqələrinin gerçək durumu, dövlətimizin regionda apardığı siyasət,
uluslararası münasibətlərdə ölkəmizin siyasi-iqtisadi mövqeyinin
getdikcə möhkəmlənməsi, Azərbaycanın Qafqazda liderliyə yetməsi
prosesi bu özünümüəyyənləşdirmə, özünüüstünlətmə, mədəniyyət və
mənəviyyatda olduğu kimi siyasətdə də "aşağılıq kompleksi"ndən
qürtulma strategiyasının düzgün seçildiyini təsdiq edir.
***
Dünya və Azərbaycan mədəniyyəti irsinə, onun ədəbi-fəlsəfi,
bədii-estetik, dini-tarixi dəyərlərinə dərindən bələd olan Anar,
əslində, milli mədəniyyətimizi Şərq və Qərb mədəniyyətləri
sintezində təsəvvür etməyə imkan verən bir sənətin yaradıcısıdır.
Dünya mədəniyyətinin şəhdi-şirəsi Azərbaycan mədəniyyətinə,
Azərbaycan mədəniyyətinin şəhdi-şirəsi Anar yaradıcılığına süzülüb.
Ona görə də bu yaradıcılıqdan dünyanın dərin mənalarına çıxmaq,
dünyadan bu yaradıcılığın dərin mənalarına enmək mümkündür.
Azərbaycanın xalq yazıçısı, əməkdar incəsənət xadimi,
Azərbaycan Dövlət mükafatı laureatı, Azərbaycan Respublikası Milli
Məclisinin üzvü, Azərbaycan Yazıçılar Birliyinin sədri, Milli
Məclisin mədəniyyət komissiyasının sədri, bir çox fəxri adlara layiq
görülmüş, məktəblidən akademikə qədər hamının sevimlisi,
respublikamızın müstəqilləşməsində
və
mədəniyyətimizin
inkişafında mühüm xidmətləri olan yazıçı, dramaturq, publisist,
esseist, kinorejissor, bütün aydınsal həyatını Vətənimizin, xalqımızın
tərəqqisinə, gözəl əsərlər, duyarlı sözlər, tutarlı obrazlar, yozumlu
hikmətlər yaratmağa həsr etmiş görkəmli ictimai-siyasi xadim,
"İstiqlal" ordenli Anarın təqribən 45 illik ədəbi-eksiklopedik
fəaliyyətini dolğunca əks etdirən və hörmətli oxuculara təqdim
olunan bu çoxcildlik sözün əsl mənasında Anarın Azərbaycan
mədəniyyəti salnaməsidir.
Çağımızın dünyaünlü böyük qırğız sənətkarı Çingiz Aytmatovun
deyimincə, "öz ədəbi dinastiyasını yaratmış Anarın" ərən ruhu və
susmaz qələmi onun müdrik, barlı yaşında bundan sonra da
çiçəkləyəcək, mədəniyyətimizi əvəzsiz incilərlə zənginləşdirəcəkdir.
RAHİD ULUSEL
downloaded from KitabYurdu.org
Dostları ilə paylaş: |