Magistrantların XV Respublika Elmi konfransı, 14-15 may 2015-ci il
205
VI BÖLMƏ
BĠOLOGĠYA
MÜXTƏLĠF BĠOTOPLARDA YAYILAN MĠKROMĠSETLƏRĠN EKOBĠOLOGĠYASI
Mustafayeva Ü.C.
Sumqayıt Dövlət Universiteti
Aparılan tədqiqatlar da sübut edir ki, torpaqların məhsuldarlıq qabiliyyətinin itirilməsinin başlıca
səbəblərindən biri də məhz onların neft məhsulları ilə mütəmadi olaraq çirklənməsidir. Belə ki, hər
şeydən əvvəl, neftin özü bilavasitə olaraq bitkilərə toksiki təsir göstərir. Bu da torpağın aqrofiziki və
aqrokimyəvi xassələrinin əsaslı dərəcədə dəyişilməsinə gətirib çıxarır.
Apardığımız tədqiqatların əsas məqsədlərindən biri boz-qonur meşə torpaqlarında məskunlaşan
saprotrof mikromiset kompleksinə neft mənşəli çirkləndirici maddələrin təsirinin öyrənilməsi və onların
fitotoksikliyinin müəyyənləşdirilməsi olmuşdur. Bu məqsədlə müvafiq olaraq həm neftlə çirklənmiş təbii
meşə torpaqları, həm də laboratoriyada süni şəkildə neft məhsulları ilə çirklənmiş torpaqları tədqiq etdik.
Qeyd edək ki, istifadə etdiyimiz boz-qonur meşə torpağının tərkibində humusun miqdarı 6,7%, pH = 6,5,
neftlə çirklənmə isə 15% təşkil etmişdir. Kontrol kimi isə tərkibində çirkləndirici maddələr olmayan
təmiz torpaqdan istifadə edilmişdir.
Tədqiq olunan mikromisetlərin sayını və növ tərkibini Çapek qidalı mühitində 5- dəfə təkrarı
ilə müəyyənləşdiririk. Mikromiset komplekslərini daimi və təsadüfi rastgəlmə tezliyi kriteriyalarına
əsaslanaraq ayırırlar. Alınan mikromiset növlərinin identifikasiyasını mövcud olan məlum təyinedicilərə
görə həyata keçirirlər.
Torpağın fitotoksikliyini və mikromisetlərin ayrı-ayrı növlərini bir sıra kənd təsərrüfatı bitkilərinin
müvafiq olaraq həm toxumlarına, həm də cücərtilərinə münasibətdə öyrənmişik. Test bitkilər kimi
buğdanın müxtəlif sortlarından istifadə olunmuşdur.
Mikromiset kulturalarının fitotoksikliyini təyin etmək üçün onları Çapek maye qidalı mühitdə
becərmək lazımdır. Kultural maye mühiti müəyyən olduqdan sonra göbələk mitselilərindən ayırırıq.
Sonra buğda toxumlarını 24 saat müddətində göbələklərin kultural mayesində isladırıq. Lakin, bitkilərin
kontrol variantda istifadə olunan toxumlarını isə steril qidalı mühitdə isladırıq. Bundan sonra isə
toxumları filtr kağızı üzərinə yığırıq, onları nəmləndirərək, 5-7 sutka ərzində 25-26ºC temperaturda
yetişdiririk.
Bitki toxumlarının cücərtilərinin fitotoksikliyini öyrənmək üçün əvvəlcə onları yuyur, sonra isti
suda 5 saat müddətində isladır və 1-2 sutka ərzində 25-26ºC temperaturda becərməni davam etdiririk.
Eksperimentlər üçün istifadə olunan cücərtilərin köklərinin uzunluğunun 1-2 sm-ə bərabər olması
məqsədəuyğun hesab olunur. Köklərin meristematik zonasında yerləşən kök uclarını 1 saat müddətində
müvafiq olaraq həm kultural mühitdə, həm də kontrol variantda istifadə olunan steril qidalı mühitdə
yerləşdiririk. Bundan sonra cücərtiləri nəmlənmiş filtr kağızının üzərinə yığır, termostatda 24 saat
müddətində 25-26ºC temperaturda saxlayır və bundan sonra köklərin və cücərtilərin ümumi uzunluğunu,
müvafiq
olaraq həm təcrübi,
həm də kontrol variantda ölçüb, uyğun müqayisələr aparırıq.
FUNKSĠONAL ALKOQOLSUZ ĠÇKĠLƏRĠN ÇEġĠDĠ VƏ QĠDALANMADA ROLU
Sadıqzadə K.M.
Azərbaycan Dövlət Aqrar Universiteti
Alkoqolsuz içkilərə müxtəlif təbiətli,tərkibli,orqanoleptiki xüsusiyyətli, susuzluğu yatıran və
təravətləndirirci təsirə malik olan içkilər aiddir. Alkoqojsuz içkilərin əsas qrupuna mineral sular,
alkoqolsuz qazlaşdırırlmış və qazlaşdırırlmamış içkilər aiddir. Son illər alkoqolsuz içkilərin istehsal
həcmi durmadan artır. Alkoqolsuz içkilərin çox saylı çeşidi geniş xammal müxtəlifliyindən asılı olaraq
dəyişir.
Şirəli içkilər. Şirəli içkilər meyvə-tərəvəz şirələrindən o cümlədən qıcqırmış və ya bir neçə növ