Magistrantların XV Respublika Elmi konfransı, 14-15 may 2015-ci il
267
Son 10 ildə ölkədə mövcud XMOTƏ-lərin genişləndirilməsi və yenilərinin yaradılması, mühafizə
rejiminin gücləndirilməsi, infrastrukturun inkişafı, mütəmadi maarifləndirmə işlərinin aparılması bu işdə
əsas rol oynamışdır. Bunun nəticəsi olaraq bəbirlər yaşayan ərazilərdə narahat edici faktorlar azalmış,
onların əsas qida obyektləri olan vəhşi cütdırnaqlıların populyasiyaları bərpa olmuş, sayları artmış və
bunun ardınca da yırtıcı populyasiyaları bərpa olmağa başlamışdır. Bəbirin populyasiyası hər bir ölkədə
məhdud olduğundan və əsasən sərhəd zonalarda yerləşdiyindən, növün qorunması yalnız ekspertlərin,
ətraf mühitin mühafizəsi üzrə mütəxəssislərin səyindən deyil,eyni zamanda,yerli əhalinin
fəaliyyətindən,beynəlxalq əməkdaşlığın səmərəliliyindən də asılıdır. Onu da qeyd etmək lazımdır ki,
2001-ci ildən Naxçıvanda ovun qadağan olunması tək XMOTƏ-lərdə deyil,
onlardan kənarda da heyvanat
aləminin bərpasına səbəb olmuşdur.
NEFT - KĠMYA MÜƏSSĠSƏLƏRĠNDƏN ATMOSFERƏ ATILAN
EMĠSSĠYALARDA STASĠONAR MƏNBƏLƏRĠN TƏSĠRĠ
Şahverdiyev Y.İ.
Sumqayıt Dövlət Universiteti
Dünya birliyi ölkələrinin iqtisadi və siyasi münasibətlərində enerji təminatı və təhlükəsizliyi,
həmçinin enerji daşıyıcılarından düzgün istifadə olunması əsas problemlərdən birinə çevrilmişdir. Digər
tərəfdən, enerjiyə tələbatın artması planetimizdə qlobal iqlim dəyişmələrinin sürətlənməsinə səbəb olan
başlıca amillərdən biri sayılır. Iqlim dəyişmələri probleminin həlli bütün ölkələrin hökumət və qeyri-
hökumət təşkilatlarının, şirkət və müəssisələrin birgə fəaliyyətindən asılıdır.
Azərbaycan Respublikasının ratifikasiya etdiyi ―BMT-nin İqlim Dəyişmələri haqqında Çərçivə
Konvensiyası‖ndan irəli gələn öhdəliklərin yerinə yetirilməsi istiqamətində ARDNŞ tərəfindən müəyyən
işlər görülmüşdür. ARDNŞ-in 2008-ci il tarixli, 68 nömrəli əmrindən sonra bu işlər daha da geniş vüsət
almışdır.
Azərbaycan Respublikası Dövlət Statistika Komitəsində ekoloji statistik məlumatların toplanması
prosesi başlanan dövrdən bütün müəssisələr öz mənbələrindən atmosferə atılan zərərli maddələrin
miqdarı, qaztəmizləyici və toztutucu qurğuları, həmçinin azalmaya gətirən tədbirlər haqqında 2-TQ
(hava) formasında məlumatlar təqdim edirlər. Müəssisələrin mənbələrindən ayrılan zərərli tullantıların
miqdarı müvafiq metodikalara əsaslanaraq material balansına və ya texnologiyanın istehsal gücünə görə
hesablanır.
ARDNŞ-də stasionar tullantı mənbələri əsasən ―Azneft‖ İB-nin NQÇİ-lərində, ―Azərneftyağ‖ İB-
nin
müəssisələrində, Emal müəssisələri və ―Azərikimya‖ İB-də yerləşir.
Emal müəssisələrində zərərli maddələrin mənbələri sobalar, rezervuarlar, məşəllər və digər
texnoloji avadanlıqlardır. Müəssisələr tərəfindən atmosferə atılan tullantılar üzərində nəzarəti həyata
keçirmək məqsədilə monitorinqlər aparılmışdır. Aparılmış monitorinqlərdə müəssisələrin emissiyalarının
ümumi miqdarı haqqında, o cümlədən maye-qaz emissiyaları haqqında məlumatlar öz əksini tapmışdır
(şəkil 1 və cədvəl 1). İl ərzində stasionar mənbələrdən atmosferə 20536,78 t zərərli maddə atılmışdır.
Bunlardan bərk maddələr 122,3 t, qaz və maye-qaz qarışığı 20414,48 t olmuşdur.
Şəkil 1. 2013 - cü ildə stasionar mənbələrdən ümumi emissiya t/il