161
M.A.Qədimov Naxçıvan MSSR-nin ilk xalq səhiyyə
komissarlarından biridir
Məmmədismayıl Allahverdi
oğlu Qədimov 1895-ci il avqustun
23-də Naxçıvan şəhərində anadan
olmuşdur. 1915-ci ildə Kutaisi
klassik gimnaziyasını bitirdikdən
sonra, Kiyev universitetinin tibb
fakültəsinə daxil olur. 1919-1920-ci
illərdə M.A.Qədimov Bakı
lazaretində feldşer vəzifəsində
işləyir. Bundan sonra o, Naxçıvan
şəhərinə gəlir və burada 1920-ci ilin
iyun ayından 1923-cü ilin
axırınadək şəhər ambulatoriya-sının müdiri vəzifəsində çalışır.
1924-cü ildə M.A.Qədimov Naxçıvan MSSR xalq səhiyyə
komissarı vəzifəsinə irəli çəkilir.
Naxçıvan MSSR-də xalq səhiyyə komissarı vəzifəsində
çalışarkən M.A.Qədimov bütün qüvvəsini Muxtar
respublikanın müalicə və profilaktika müəssisələri şəbəkəsinin
genişlənməsinə, tibb müəssisələrində işin təşkilinə, onların
həkim kadrları və orta tibb işçiləri ilə təmin olunmasına sərf
etmişdir. Artıq 1925-ci ildə respublikada tibb müəssisələrinin
(23), həkimlərin (22) və orta tibb işçilərinin (36) sayı xeyli
artmışdır.
1925-ci il noyabrın 1-də M.N.Qədirli və M.A. Qədi-
movun təşəbbüsü ilə Naxçıvan MSSR həkimlərinin I qurultayı
çağırılmışdır. Həmin qurultay respublikada səhiyyə işinin
yaxşılaşmasında böyük rol oynamışdır. Naxçıvan MSSR Xalq
Səhiyyə Komissarlığının sənədlərində göstərilir ki,
qurultaydan sonra Naxçıvan MSSR tibbi müəssisələrinin
avadanlıqla təchiz olunması işinə böyük yardım göstərilmişdir.
M.A.Qədimov eyni zamanda elmi işlə də məşğul
olmuşdur. Onun 14 elmi əsəri olmuşdur ki, bunlardan da 8-i
nəşr edilmişdir. O, yalnız yaxşı təşkilatçı deyil, eyni zamanda
fəal ictimaiyyətçi idi. 1924-cü ildən 1929-cu ilədək
M.A.Qədimov Naxçıvan MSSR Mərkəzi Icraiyyə Komitəsinin
162
üzvü, Azərbaycan SSR Xalq Səhiyyə Komissarlığı
kollegiyasının üzvü, Azərbaycan Tibb Cəmiyyətinin fəal
üzvlərindən biri olmuşdur.
Böyük Vətən müharibəsinin ilk günlərində (5/VII-1941-
ci il) M.A.Qədimov Sovet ordusu sıralarına səfərbərliyə
alınmış və ömrünün son günlərinə qədər sovet döyüşçülərinə
tibbi xidmət göstərmək üçün bir sıra məsul vəzifələri yerinə
yetirmişdir.
Səhiyyə sahəsindəki xidmətlərinə görə M.A.Qədimov
«Qırmızı Əmək Bayrağı» ordeni, medallar, «Səhiyyə
əlaçısına» nişanı və Azərbaycan SSR Ali Sovetinin Fəxri
Fərmanı ilə təltif edilmişdir.
M.A.Qədimov 1942-ci ildə Azərbaycan SSR Əməkdar
həkimi adına layiq görülmüşdür.
M.A.Qədimov 1944-cü ilin oktyabr ayında Bakı
şəhərində vəfat etmişdir.
163
Rüfətpaşa Tağı oğlu Səfərov
Rüfətpaşa Tağı
oğlu
Səfərov 1903-cü ildə Naxçıvanda
görkəmli Azərbaycan maarifçisi
və pedaqoqu Məmmədtağı
Sidqinin ailəsində anadan
olmuşdur.
R.T.Səfərov Moskva Dövlət
universitetinin tibb fakültəsini
bitirdikdən sonra 1925-ci ildə
Bakıda M.Əzizbə-yov adına
xəstəxanada həkimlik fəaliyyətinə
başlamışdır. Sonra o, Ağdam,
Gəncə səhiyyə orqanlarında məsul vəzifələrdə çalışmışdır.
R.Səfərov 1928-ci ildə Naxçıvan MSSR Xalq Səhiyyə
komissarı təyin olunmuşdur. 1930-cu ildə R.Səfərov Bakıya –
Xəzər Hövzə Səhiyyə Idarəsinə rəis keçirilib və 35 ildən artıq
həmin tibb xidmətinə fasiləsiz rəhbərlik etmişdir. Təcrübəli
həkim, bacarıqlı təşkilatçı olan R.Səfərov bütün biliyini və
qüvvəsini dənizçilərə və onların ailələrinə tibb xidməti
göstərilməsinə sərf etmişdir.
R.Səfərov Bakının ictimai həyatında fəal iştirak etmiş,
26 Bakı komissarı rayon sovetinə dəfələrlə deputat seçilmişdir.
Səhiyyə sahəsində xidmətlərinə görə o, «Qırmızı Əmək
Bayrağı» ordeni, iki dəfə «Şərəf nişanı» ordeni ilə, habelə
medallarla təltif olunmuşdur.
Ömrünün son illərində fərdi təqaüdçü olduqda belə
R.Səfərov Azərbaycan Su səhiyyə sistemində əmək
fəaliyyətini davam etdirmişdir.
Rüfətpaşa Tağı oğlu Səfərov 1974-cü ilin iyun ayında
vəfat etmişdir.
164
Nadir Cəlil oğlu Məmmədli
Nadir Cəlil oğlu Məmmədli
1897-ci ilin mart ayında
Yelizavetpol
quberniyasının Gəncə
şəhərində
anadan olub.
1916-cı ildə Gəncədə səkkiz
illik klassik gimnaziyanı bitirib.
N.Məmmədli 1916-1917-ci illərdə
Gəncə şəhərində müəllim, 1918-1919-
cu illərdə isə Gəncə şəhər bələdiyyə
idarəsində müvəkkil işləmişdir. 1920-ci ildə o, Bakı şəhərinə
köçmüş və həmin ildən ömrünün axırına kimi əmək
fəaliyyətini səhiyyə işi ilə bağlamışdır.
Məmmədli 1920-1925-ci illərdə Azərbaycan Xalq
səhiyyə komissarlığında əvvəl inzibati şöbənin böyük
kargüzarı, sonra isə işlər müdiri vəzifəsində çalışmışdır.
N.
Məmmədli 1925-ci ildə Azərbaycan Dövlət
Universitetinin tibb fakültəsinə qəbul olunmuş və oranı
bitirmişdir.
1930-cu ilin may ayında Azərbaycan SSR Xalq
Komissarları Soveti Azərbaycan Dövlət Universitetinin tibb
fakültəsini Azərbaycan Dövlət Tibb institutuna çevirmək
haqqında qərar qəbul edir. Institutun ilk direktoru
N.C.Məmmədli təyin olunur. O, institutda işlədiyi vaxtlarda
respublikada ixtisaslı tibb kadrları hazırlamaq üçün Tibb
institutunun nəzdində yeni fakültələrin açılması, ucqar rayonlar
üçün həkimlərin hazırlanması, tədris bazalarının
genişləndirilməsi və möhkəmləndirilməsi kimi məsələlərin
həllində böyük təşkilatçılıq işi görür.
Tibb institutu təşkil olunduqdan sonra bu yeni elm ocağı
Milli tibb kadrlarının yetişdirilməsində böyük rol oynadı və
N.Məmmədlinin bu işdə böyük xidməti xüsusi təqdirə layiqdir.
O dövrdə əhali arasında geniş yayılmış malyariya
xəstəliyinə qarşı mübarizə işi artıq dövlət əhəmiyyəti kəsb edir.
Buna görə də Azərbaycan Xalq Komissarları Soveti yanında
malyariya komitəsi təşkil olunur və Xalq Komissarları