153
Beşinci yeri burun, qulaq və boğaz xəstəliyi tutur (1000
nəfərə 16,4), onlardan əsas yeri yuxarı tənəffüs yollarının
iltihabı (11,0) və tonzillitlər (3,1%) tutur;
Altıncı yerdə sairə xəstəliklər durur (1000 nəfərə 13,6).
Axırıncı üç yeri travmalar (5,4) və qan dövranı orqanlarının
xəstəlikləri (4,0) və dəri xəstəlikləri (3,7), o cümlədən
piodermiya (2,5) tutur.
Stasionar müalicənin orta müddəti, bütün xəstəliklər
üzrə 8,8 gün olmuşdur.
Xəstənin çarpayıda ən çox qalma müddəti qan dövranı
orqanlarının xəstəliklərin də qeyd olunmuşdur (13,1 gün).
Xəstənin çarpayıda qalma müddəti tənəffüs orqanlarının
xəstəliyində 10,3 gün olmuşdur, o cümlədən ağ ciyərlərin
krupoz iltihabında – 13,3 gün, bronxitlərdə 10,5 gün, ocaqlı
pnevmaniyada – 9,6 gün. Həzm orqanlarının xəstəliklərində –
9,9 gün, o cümlədən xroniki hepatitdə və qara ciyərin
sirrozunda – 14,5 gün, enteritlər və kolitlərdə – 8,6 gün,
qastritlərdə – 8,5 gün, dispersiyalarda – 7,7 gün, travmalarda –
9,1 gün; infeksion xəstəliklərdə – 8,3 gün, o cümlədən
anginalarda – 7,6; gün viruslu qrippdə – 6,4 gün; burun, qulaq
və boğaz xəstəliklərində – 7,2 gün, o cümlədən yuxarı tənəffüs
yollarının xəstəliklərində – 7,1 gün, tonzillitlərdə – 7,0 gün;
parazitar xəstəliklərdə – 4,9 gün, onlardan askaridozda – 4,8
gün.
Onu da qeyd etmək məqsədə uyğundur ki, Naxçıvan
MSSR-də kənd əhalisinin xəstəliyinə aid tədqiqat nəticəsində
əldə edilən materiallar bir sıra alimlərin (P.I.Kalyu,
Y.A.Loqinova, B.M.Matsko, O.N.Stelmax, E.R.Ağayev,
A.M.Laskov) kənd əhalisinin xəstəlikləri haqqında əldə
etdikləri məlumatlara çox yaxındır.
154
Naxçıvan MSSR-də 1920-1966-cı illərdə işləmiş
səhiyyə təşkilatçıları haqqında
M Ə L U M A T
Arxiv materiallarını araşdırarkən bizə rast gələn
Naxçıvan MSSR-də əhaliyə tibbi xidmətin
təşkilində və xalq
səhiyyəsinin inkişaf etdirilməsində diqqətə layiq iş görmüş
görkəmli səhiyyə təşkilatçılarının adlarını Monoqrafiyada
işıqlandırmağı zəruri saydıq.
Onların adlarını aşağıda qeyd edirik.
Xalq səhiyyə komissarları (1946-cı ilə qədər) və
səhiyyə nazirləri (1946-cı ildən sonra)
1.
Əli Abbas oğlu Abbasov – ilk xalq səhiyyə
komissarı (1920-1922);
2.
Məmmədismayıl (Baba) Allahverdi oğlu Qədimov –
xalq səhiyyə komissarı (1924-1928);
3.
Rüfətpaşa Tağı oğlu Səfərov – xalq səhiyyə
komissarı (1928-1930);
4.
Nadir Cəlil oğlu Məmmədli – xalq
səhiyyə
komissarı (1931-1937);
5.
Aslan Nəzər oğlu Tahirov – xalq səhiyyə komissarı
(1937);
6.
Həmid Əsgər oğlu Əsədov – xalq səhiyyə komissarı
(1938-1944);
7.
Ələkbər Əhəd oğlu Ismayılov – səhiyyə naziri
(1944-1953);
8.
Hüseyn Cabbar oğluAbbasov–səhiyyə naziri (1953-
1955);
9.
Süleyman Əsəd oğlu Süleyman-zadə – səhiyyə
naziri (1955-1959);
10.
Tofiq Abdulla oğlu Sultanov –səhiyyə naziri(1959-
1965);
11.
Adil Nifti oğlu Məmmədov – səhiyyə naziri (1965-
1971);
155
Səhiyyə nazirinin müavinləri və nazirliyin Baş
mütəxəssisi haqqında əldə etdiyimiz məlumat
1.
Anna Ivanovna Suslova – səhiyyə nazirinin müavini
(1944-1948);
2.
Hacı Tahir oğlu Tahirov – səhiyyə nazirinin müavini
(1966-1973);
3.
Valentina Filipovna Qnedkova – nazirliyin Baş
mama ginekoloqu (1951-1963)
Qeyd: Yuxarıda adları qeyd olunan xalq səhiyyə
komissarları – R.T.Səfərov və A.N.Tahirov haqqında bizə heç
bir məlumat rast gəlmədiyinə görə məlumat T.R.Cəfərovun
Monoqrafiyasından (Naxçıvan MR-da səhiyyənin inkişafı
(1999-cu il) götürülüb və olduğu kimi çap edilib.
O ki, qaldı H.Ə.Əsədova, onun haqqında arxiv məlumatı
olsa da tərcümeyi halı haqqında heç kimdə, hətta Azərbaycan
Respublikası Səhiyyə Nazirliyinin arxivində belə məlumat
olmadı.
156
Ilk səhiyyə komissarı və görkəmli
səhiyyə təşkilatçısı
Naxçıvan zəhmətkeşləri
Naxçıvan MSSR-də əhaliyə tibbi
xidmət göstərilməsinin təşkilində
və xalq səhiyyəsinin inkişaf
etdirilməsində görkəmli səhiyyə
təşkilatçılarının adlarını böyük
məhəbbət və səmimi minnət-darlıq
hissi ilə xatırlayırlar. Belə
təşkilatçılardan biri Naxçıvan
Muxtar Sosialist Respublikasının
ilk səhiyyə komissarı Əli Abbas
oğlu Abbasov olmuşdur.
Ə.A.Abbasov ömrünün 40 ilindən çoxunu insanların
sağlamlığı uğrunda mübarizəyə sərf etmişdir. O, 1886-cı ilin
yanvar ayında Naxçıvan şəhərində anadan olmuşdur.
Ə.A.Abbasov ibtidai təhsilini Naxçıvan şəhər məktəbində
aldıqdan sonra 1901-ci ildə Irəvan şəhər müəllimlər
seminariyasına daxil olmuş və 1905-ci ildə seminariyanı
bitirərək Naxçıvan şəhərində və Naxçıvan qəzasının
kəndlərində 7 il xalq müəllimi kimi işləmişdir. Ə.A.Abbasov
1912-ci ildə Kiyev Universitetinin tibb fakültəsinə daxil
olmuş, 1917-ci ildə universiteti bitirdikdən sonra doğma
vətənə qayıtmış və həkimlik etməyə başlamışdır.
Ə.A.Abbasov Naxçıvana gələn zaman orada yalnız bir
həkim və bir neçə orta tibb işçisi var idi ki, onlar da sonralar
Naxçıvanda baş vermiş hərc-mərclik nəticəsində öz şəxsi
təhlükəsizliklərini təmin etmək üçün 1918-ci ildə qəzanı tərk
etmişlər. Ə.A.Abbasov Naxçıvandakı həkimlik fəaliyyətindən
danışaraq xatırlayırdı: «O zamanlar işləmək üçün heç bir şərait
yox idi. Gün çıxandan gün batanadək işləmək lazım gəlirdi.
Əhaliyə tibbi yardım göstərmək işi çox çətin idi. Hər yerdə
qarın yatalağı, vəba və qeyri-infeksion xəstəliklər geniş
yayılmışdı. Dərman çatışmırdı. Peyvənd etmək üçün vaksin