Dildə yatan fəlsəfə
23
Yəni anlayışların mənalarından asılı olaraq yozumlar da dəyişir.
Yozumçu rolunu isə adətən kontekst, mətn oynayır. Yəni hər
kontekstdə məsəlin bir fərqli mənası ortaya çıxır. Obrazlı desək,
bu cür çoxmənalı məsəllər özü də buqələmun kimi rəngdən
rəngə girir.
Belə bir ifadə var: “İstedadlıya kömək edin, istedadsız
onsuz da özünə yol tapacaq”. Bu cür fikirlər hansı isə ictimai
mühitin gerçəkliyindən intixab edilmişdir. Əslində doğrudan da
istedadlının köməyə ehtiyacı var, təkcə ona görə yox ki, geri
qalmış cəmiyyət ona doğmalıq göstərmir, həm də ona görə ki,
istedadlı adamlar özü haqqında düşünmürlər. Və “özünə yol aç-
maq”, “öz başına çarə qılmaq” üzrə mütəxəssis deyillər. Nor-
mal cəmiyyət o cəmiyyətdir ki, orada hərə məhz öz yerini tapa
bilir, daha “Əlinin papağı Vəlinin, Vəlinin papağı Əlinin başı-
na” qoyulmur. Məhz hərə öz yerində olanda, boş qalan yerlər
özü mütəxəssisi, istedadı səsləyir və istedad üçün yer açılmış
olur. Vay o gündən ki, “yağla şorun qiyməti eyni olsun”. Onda
bu rəqabətdə məhz şor qalib gələcək, çünki onun maya dəyəri
daha aşağıdır. Necə ki, belə cəmiyyətlərdə istedadlılar rəqabətə
dözə bilmirlər; onlar mütəxəssis kimi yetişmək üçün öz üzərin-
də çalışdığı vaxtda, o birilər cəmiyyətdə əlaqələr yaradır, tanış-
lar tapır, zəmanənin nəbzini tutmuş olurlar.
Əbu Turxan da görünür, məhz bu cür cəmiyyətlər üçün
demişdir:
Kol kola söykənibdir,
Gülsə tikan üstədir.
Yaxşılar ayrı düşüb,
Yamanlarsa dəstədir.
İstedadlılar təklənirlər. Onlar kütlənin fövqündə olduğun-
dan, bir-birindən ciddi surətdə fərqləndiyindən kütlə ilə onların
Aforizmlər: seçilmişlərdən seçilmişlər
24
arasında bir uyğunsuzluq, bəzən hətta ziddiyyət yaranır.
Beləliklə, “İstedadlıya kömək edin, istedadsız onsuz da
özünə yol tapacaq” ifadəsinin haradan və nədən yarandığı bəlli
olur. Və bu, bir növ ironik ifadədir və aforizm kimi qəbul oluna
bilməz, çünki ancaq bəlli ictimai mühitlərə aiddir.
“Bir dəfə görmək yüz dəfə eşitməkdən yaxşıdır”. Demə-
li, bizim ənənəvi düşüncə tərzinə görə, daha çox informasiya
almaq, həqiqətə daha çox yaxınlaşmaq eşitmək deyil, görmək
sayəsində mümkün olur. Koqnitiv psixologiya da belə hesab
edir ki, ən böyük informasiya məhz görmə duyğusu sayəsində
əldə edilir. Burada “eşitmək” dedikdə başqalarının təcrübəsi nə-
zərdə tutulur. Vurğu bunadır ki, başqasının görüb danışması bir
şeydir, özünün görməyin isə başqa şey.
“Öz”-ün vurğulanması yaxşıdır, amma “öz” məhduddur.
Sivilizasiya isə məhz başqalarının mənimsədiklərini də
mənimsəmək sayəsində mümkün olmuşdur. Belə ki, “eşitmək”
həm də “oxumaq” anlayışını əhatə edir. Oxuduqlarımız isə baş-
qalarının gördüklərinin sadəcə nəqli yox, nəzəri bilik səviyyəsi-
nə yüksəlmiş və sınaqdan çıxmış biliklər də ola bilər. Bu məna-
da gördüklərimiz, yəni hissi idrak səviyyəsində mənimsədikləri-
miz deyil, kitabdan oxuduqlarımız, yəni elmi-nəzəri fikir və təc-
rübə süzgəcindən keçmiş biliklər həqiqətə daha yaxındır və de-
məli, daha yaxşıdır.
Burada ancaq yaradıcı adamlar istisna təşkil edirlər. Belə
ki, onlar da təhsil yolu ilə həmin dövrün ümumi bir səviyyəsinə,
postamentə, məlumata, metodika və texnikaya yiyələndikdən
sonra, şəxsi yaradıcılıq üçün gərək öz təcrübələrinə, öz “mən”-
lərinə istinad etsinlər. Lakin burada da rəssam üçün görmək,
bəstəkar üçün eşitmək daha önəmli olur. Şair üçün həm görmək,
həm eşitmək önəmlidir. Yaradıcılığın daha yüksək səviyyəsində
isə bəsirət gözü açılır ki, bu da qəlbin səsini eşitmək deməkdir.
Dildə yatan fəlsəfə
25
Yəni bu yüksək məqamda, sezgi qatında görmək və eşitmək ey-
niləşir.
Kim isə deyib ki, “gözəllik ondur, doqquzu dondur”.
Əbu Turxan isə əlavə edir ki, “birini saxla, doqquzunu yandır”.
Yəni gözəlliyin əsl siqləti məhz donlarsız, zahiri cəhətlərdən tə-
mizləndikdən sonra yerdə qalan o “bir”dədir. Bunu anladıqdan
sonra qayıdıb yenə həmin atalar sözünə nəzər salsaq, qarşımız-
da tamamilə başqa bir yozum açılacaqdır. Yəni məqsəd diqqəti
dona, geyimə, bəzəyə yönəltməkdən, donun vacibliyini qeyd et-
məkdən ibarət deyilmiş. Məqsəd insanları diqqətli olmağa, doq-
quz qat donla pərdələnmiş həqiqi gözəlliyi axtarmağa yönəlt-
mək imiş.
Belə bir deyim də var: ”Çox oxuyan çox bilməz, çox gə-
zən çox bilər”. Lakin çox gəzənlərin çoxu könül evindən bixə-
bər qalıblar. Gəzdikləri və gördükləri dünya yox, dünyanın gö-
rüntüsü olub. Əsl dünya, mahiyyət isə kənarda yox, içəridə,
qəlb aləminin, ruhani dünyanın dərinliklərində imiş!
Mütləqi də, mahiyyəti də, sonsuzluğu və əbədiyyəti də
insan ancaq ruhunun ənginliyində tapa bilər.
Səbəbi isə budur ki, kənara getdikcə dünya genişlənir və
seyrəlir. Sıxlıq azalır, məsafə artır. Sən getdikcə o səndən daha
böyük sürətlə uzaqlaşır. L.Tolstoy təsadüfən demirdi ki, xoş-
bəxtliyi birinci növbədə öz evində axtar.
“Pul əl çirkidir”. Bəlkə də heç bir millətdə pula bu dərə-
cədə həqarətli və saymazyana münasibət tapmaq mümkün deyil.
Pulu əl çirki saymaq, onun heç vaxt məqsəd olmalı olmadığını
vurğulamaq, pulun fövqündə durmaq əslində mənəviyyatı yük-
səltməyin, “insan mənəviyyat üçün yaşamalıdır” (Heydər Əli-
yev) hikmətini təsbit etməyin bir formasıdır. Məhz Şərqdə nəfsə
qarşı çıxmaq, tamahkarlığı, xəsisliyi məsxərəyə qoymaq ənənəsi
geniş yayılmışdır. Əksinə, əliaçıqlıq, səxavət həmişə kişinin ən
Dostları ilə paylaş: |