19
MÜALİCƏ
Müalicənin məqsədləri:
►
Xəstəliyin inkişaf etməsinin qarşısının alınması;
►
Simptomların yüngülləşdirilməsi;
►
Fiziki gərginliyə qarşı tolerantlığın artması;
►
Həyat keyfiyyətinin artması;
►
Fəsadların qarşısının alınması və müalicəsi;
►
Ölüm hallarının azaldılması
ACXOX-lu xəstələrin effektiv müalicə planına aşağıdakılar
daxil olur:
1.
Xəstəliyin gedişinin qiymətləndirilməsi və ona nəzarət olunması;
2.
Risk faktorlarının təsirinin azaldılması;
3.
Stabil ACXOX-un müalicəsi;
4.
Kəskinləşmələrin müalicəsi
1. XƏSTƏLİYİN GEDİŞİNİN QİYMƏTLƏNDİRİLMƏSİ VƏ
ONA NƏZARƏT OLUNMASI
Xəstəliyin gedişinin qiymətləndirilməsi və ona nəzarət edilməsi
müalicənin məqsədlərinə nail olunub-olunmadığını göstərir və
aşağıdakılardan ibarət olur:
1) Tütün tüstüsü daxil olmaqla, risk faktorlarının təsirinin
qiymətləndirilməsi;
2) Xəstəliyin inkişaf etməsinin və fəsadların baş verməsinin
qiymətləndirməsi;
3) Farmakoterapiya və digər müalicə metodlarının monitorinqi;
4) Keçirilən kəskinləşmələrin qiymətləndirilməsi;
5) Yanaşı xəstəliklərin qiymətləndirilməsi
2. RİSK FAKTORLARININ TƏSİRİNİN AZALDILMASI
a. SİQARET ÇƏKMƏ
Tütündən asılılıq xroniki xəstəlik kimi qəbul edilir
►
İnsanların əksəriyyətində tütün asılılığı opiat və kokain asılılığı
ilə müqayisə olunan əsil narkotik asılılığa gətirib çıxarır.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
20
►
Tütün asılılığı demək olar ki, bütün hallarda xroniki pozulma
olub, bütün asılılıq patologiyaları kimi, uzun müddətli tibbi
müdaxilə tələb edir.
►
Klinik tütün asılılığı şəkərli diabet, arterial hipertenziya və
hiperlipidemiya kimi xəstəliklərlə müqayisə olunan bir haldır və
belə pasiyentlərin məsləhətə, dəstəklənməyə və müvafiq
farmakoterapiyaya ehtiyacı vardır.
►
Residivlər tez-tez baş verir. Bu hal tütün asılılığının xüsusiyyəti
ilə əlaqədardır və həkim və ya pasiyentin uğursuzluğu ilə əlaqəli
deyil.
Siqaret çəkmənin dayandırılması ACXOX-un müalicəsində
ilk və mütləq addımdır.
►
Siqaret çəkmənin dayandırılması ACXOX-un profilaktikası və
xəstəliyin inkişafının qarşısının alınması üçün klinik və iqtisadi
cəhətdən ən effektiv yol hesab olunur (A)
►
Tütün asılılığı haqqında qısa şəkildə məlumatın verilməsi
təsirlidir və siqaret çəkən hər bir şəxsə tibb müəssisəsinə hər
gəlişində bu haqda təbliğat aparılmalıdır (A).
►
Tütün asılılığının effektiv farmakoterapiya metodları mövcuddur
(A) və məsləhət vermə zamanı, əgər ehtiyac olarsa və əks-
göstəriş yoxdursa, onlardan ən azı biri təyin olunmalıdır (A).
b. PEŞƏ FAKTORLARI
►
Peşə faktorlarının təsiri nəticəsində əmələ gəlmiş bir çox
respirator xəstəliklərin inkişaf etməsini, inhalyasiya olunan
hissəciklərin və ya qazların törətdiyi zərərin qarşısının alınmasına
yönəldilmiş tədbirlər vasitəsilə azaltmaq və ya nəzarət altında
saxlamaq olar (B).
c. HAVANIN ÇİRKLƏNMƏSİ
(EVLƏRDƏ VƏ ƏTRAF MÜHİTDƏ)
Havanın çirklənmə riskinin azaldılması üçün həm cəmiyyət, həm
də ayrı-ayrı fərdlər tərəfindən qoruyucu tədbirlərin aparılması
vacibdir.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
21
3. STABİL ACXOX-UN MÜALİCƏSİ
Xəstəliyin gedişinin ağırlığından asılı olaraq pilləli müalicədən
istifadə olunur.
Hal-hazırda mövcud olan dərman preparatlarından heç biri
ACXOX zamanı ağ ciyər funksiyasının uzunmüddətli azalmasına
təsir edə bilmir (A).
Farmakoloji müalicə
Farmakoloji müalicə simptomların profilaktikası və nəzarət
altında saxlanması, ağ ciyərlərin funksiyasının yaxşılaşdırılması,
kəskinləşmələrin tezliyinin və ağırlığının azaldılması, ümumi
vəziyyətin yaxşılaşması və fiziki aktivliyə tolerantlığın artması
məqsədilə aparılır.
Bronxolitiklər
ACXOX-un simptomatik müalicəsində mərkəzi rol oynayırlar (А).
►
FEV1 göstəricisi əhəmiyyətli dərəcədə dəyişməsə də,
bronxolitiklərin bütün növləri xəstələrin fiziki imkanlarını artırır
(A). Bronxolitiklərdən müntəzəm qaydada xəstəliyin
əlamətlərinin qarşısının alınması və azaldılması üçün, həmçinin,
ehtiyac olduqda ağırlaşmış simptomların müalicəsi məqsədilə
istifadə oluna bilər.
►
Tablet formasında preparatların təyini zamanı, inhalyasiya
preparatları ilə müqayisədə, təsir daha gec başlayır və yanaşı
təsirlər daha çox olur (A).
►
İnhalyasiya preparatları nisbətən daha tez təsir edir, lakin bu təsir
BA xəstəliyi zamanı göstərilən təsirdən bir qədər gec olur. Qısa
müddətli β
2
-aqonistlərin bronxolitik təsiri adətən 4-6 saat
müddətində davam edir (A). Salmeterol və formoterol kimi uzun
müddətli təsirə malik β
2
-aqonistlər, 12 saat və daha çox müddət
təsir edərək gecə saatları ərzində və ya ACXOX-lu xəstələrdə
müntəzəm qəbul zamanı effektivliklərini itirmirlər. Qısa müddətli
M-xolinolitiklər qısa müddətli β
2
-aqonistlərlə müqayisədə daha
uzun müddət bronxolitik təsirə malikdirlər (A). Uzun müddətli
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
Dostları ilə paylaş: |