46
Gizlənibdir donunun, dərisinin altda bəşər
Çılpağın eybi məlum, bürünənlər səksəndirir.
Kinsizlik Cənnət əhlinin xüsusiyyətlərindəndir. Orası
qəlblərin əbədi hüzur, rahatlıq bulduğu, hər hansı xarici və
daxili gərginliyin əsla yaşanmadığı göz və könül oxşayan
əmin-amanlıq yurdudur. Əgər bu məkanda da kin-kidurət
olsaydı, insanlar bir-birinə can deyib can eşitməsəydilər
cənnətin cahanla fərqi qalmazdı. Bu baxımdan kinin ziddi
qardaşlıqdır. Çünki Rəbbimiz buyurdu:
“Biz onların (cənnət əhlinin) köksündəki kinkidurəti
çıxarıb kənar etdik. Onlar taxtlar üzərində qarşıqarşıya
əyləşən qardaşlar olacaqlar” (əl-Hicr, 47).
Zatən İslamın əsas məqsədi kafirləri mömin, möminləri
qardaş etməkdir. Çünki Cənnətə bunlardan başqası girməz.
“Həqiqətən, möminlər qardaşdırlar. Elə isə qardaşları-
nızın arasını islah edin” (əl-Hucurat, 10).
Allah Rəsulu da (salləllahu əleyhi və səlləm) Məkkədən
Mədinəyə hicrət edərkən ilk gördüyü iş, mühacirlərlə
ənsar arasında qardaşlıq əqdi bağlamaq olmuşdur. Çün-
ki müsəlmanlar arasında əsil qardaşlıq ruhu təşəkkül
tapmazsa, İslama girənlər girməzdən əvvəlki kin və
düşmənçiliklərdən təmizlənməsələr İslamın böyük fütuha-
tından söhbət də gedə bilməzdi. Rəsulullah (salləllahu əleyhi
və səlləm) ömrünün sonuna qədər bu ruhu qorumağa çalış-
dı. Vida xitbəsi bunun bariz nümunəsidir.
“Bir-birinizlə əlaqəni kəsməyin! Bir-birinizə arxa çe-
vir məyin! Bir-birinizə kin saxlamayın! Həsəd etməyin!
Ey Allahın qulları! Qardaş olun!”
Bu hədisə uyan möminlər hər iki dünyada cənnətdədirlər.
Uya bilməyən möminləri isə Axirətdə Allah, dilərsə, bu
mərəzlərdən təmizləyib sonra Behiştə daxil edəcəkdir.
İBRƏT Rəsulullah (salləllahu əleyhi və səlləm) bir gün
əshabına buyurdu: “Ümmətimdən biri Aləmlərin Rəbbinin
hüzurunda diz çöküb: “Ya Rəbb, mənim haqqımı ondan al,
47
mənə zülm etmişdir, haqqımı istəyirəm” – deyəcək. Allah
Təala digərinə: “Bunun haqqını ver” – buyuracaq. O kimsə:
“Ya Rəbb, bütün yaxşılıqlarımı, savablarımı düşmənlərim
aldı, məndə heç bir şey qalmadı” – deyəcək. Məzlum: “Ya
Rəbb, günahlarımı ona yüklə” – deyəcək. Beləcə, günahla-
rı ona yüklənər. Yenə də zülmü bitməz. Sonra Allah Təala
zülm olunana: “Bax, nə görürsən?” – buyuracaq. “Ya Rəbb,
gümüşdən şəhərlər, qızıldan bəzənmiş saraylar görürəm.
Hansı Peyğəmbərin, hansı siddiqin, yaxud hansı şəhidin
olduğunu bilmirəm” – deyəcək.
Allah Təala: “Bunlar satılır” – buyuracaq. “Ya Rəbb,
bunların qiymətini kim verə bilər?” – deyəcək. Allah Təala:
“Sən verərsən” – buyuracaq. “Ya Rəbb, mən bunu nə ilə ala
bilərəm?” – deyəcək. Allah Təala: “Din qardaşını əfv et-
məklə” – buyuracaq. “Ya Rəbb, onu əfv etdim” – deyəcək.
Allah Təala: “Qalx, əlindən tut və ikiniz də Cənnətə girin”
– buyuracaq.”
Bundan sonra Rəsulullah (salləllahu əleyhi və səlləm) bu-
yurdu: “Allahdan qorxun və müsəlmanları barışdırın. Çün-
ki Allah Təala Qiyamət Günü müsəlmanları barışdıracaq.”
Torpaqdan yaransa da nə gil, nə də daşdı bəşər
Nəsliyik bir atanın, bacı ya qardaşdı bəşər.
Əsrimiz, əyyamımız olsa da ayrı, aralı
Həmcins olmasaq belə Behiştdə həmyaşdı bəşər.
Fərli o övladdı ki, cinlərlə qardaşlığı yox
Fərsiz olduqca fəqət şeytana fərraşdı bəşər.
Mələklər kinsiz olur, cin-şəyatin tərsinədi
Nəfsinə çalsa zəfər, gör kimlə yurddaşdı bəşər.
Cənnət əcdadımızın ilk yeri, son arzusudu
Cahanı bilsə vətən nə pis vətəndaşdı bəşər.
48
Rəhman öz qullarını sadə və saf görmək umar
Dünyada dikbaş isə, məhşərdə külbaşdı bəşər.
Zikrdən qaldıqca qul, hər zillətə qabil olur
Zikrə etdikcə davam, Rəbbiylə sirdaşdı bəşər.
Düşünmək üçün suallar
1. Kinli olduğunuzu düşünürsünüzmü?
2. Haqqınızda xoşunuza gəlməyən bir söz eşitdikdə
onu xeyirə yozursunuz yoxsa şərə?
3. Təkzib edildiyiniz zaman tələsik qərarlar verib
tədbirlər görürsünüzmü?
4. Sizə edilən pisliyi tez unudursunuz yoxsa yaxşılığı?
5. Pisliyə pisliklə yoxsa yaxşılıqla cavab vermək sizə
xoş gəlir?
6. Zarafat zamanı səslənən kobudluqları ciddiyə alır-
sınızmı?
7. Bağışlamaq yaxud bağışlanmaq üçün ilk addımı at-
mağa meyillisinizmi?
8. Sevdiyiniz adama sevginizi bildirirsinizmi? Bəs ki-
ninizi necə?
9. Kin bəslədiyiniz adamın xeyrinəmi yoxsa ziyanına-
mı danışırsınız və ya susmağa üstünlük verirsiniz?
10. Kin bəslədiyiniz yaxud sizə kin bəsləyən şəxs
barəsində xeyir-duada bulunursunuzmu?
11. Zaman və ya məkan fərqi kininizi azaldır yoxsa ar-
tırır?
49
3. NİFRƏT
“Əgər O, ruzisini kəssə, sizə kim ruzi verə bilər? Xeyr,
onlar azğınlıq və (haqqa) nifrətdə dirənib durmaqdadır-
lar” (əl-Mulk, 21).
Nifrət hər hansı bir şeydən yaxud şəxsdən və ya
hərəkətdən xoşlanmamanın, ikrah etmənin, üz çevirmənin,
diksinmənin şiddətli dərəcəsidir. Həm Haqqa, həm xal-
qa qarşı olur. Haqdan xoşlanmayanların xəstəliyi daha
dözülməzdir. Çünki gedişat daha ağrılı, nəticə daha qorxu-
ludur. Başqa sözlə, həm dünyada, həm də Axirətdə rahatlıq
tapa bilmirlər. Ən dəhşətlisi isə odur ki, haqsızlara haqq
təbliğ olunanda nifrətləri daha da şiddətlənir.
“Onlara: “Rəhmana səcdə edin” – deyildiyi zaman on-
lar “Rəhman nədir? Bizə əmr etdiyin şeyəmi səcdə edə
cəyik?” – deyə cavab verərlər. Bu, onların nifrətini daha
da artırar” (əl-Furqan, 60).
İBRƏT Rəsulullah (salləllahu əleyhi və səlləm) əmisi Əbu
Talib və xanımı Hz.Xədicənin (əleyhasalam) vəfatından son-
ra Məkkədə himayəsiz qalaraq oğulluğu Zeyd ibn Harisə
(radiyallahu ənh) ilə birgə Taif şəhərinə üz tutdu. Burada
Bəni Əbdi-Yəlil qəbiləsinin başçılarından olan üç qardaşla
görüşdü, İslamı onlara anladaraq yardımda bulunmalarını
istədi. Çünki Taifdə bir qəbilənin himayəsi altına girmədən
yeni Dinin təbliği mümkün olmayacaqdı. Lakin Əbdi-Yəlil
oğulları Hz.Peyğəmbərə (salləllahu əleyhi və səlləm) ana
tərəfdən qohum olsalar da, qardaşlar onu aşağılamaqdan
çəkinmədilər. Biri: “Əgər Allah səni bir şeylə göndərdisə
mən Kəbənin örtüyünü oğurlamış olum”, digəri: “Allah
Peyğəmbər olaraq səndən başqa göndərməyə adam bulma-
dımı?”, üçüncüsü də: “Artıq səninlə heç bir zaman danış-
mayacağam. Çünki bir peyğəmbərsənsə, səni rədd etməklə
Dostları ilə paylaş: | 
