39
sözləri nə cür söyləyirsən?” deyərək yəhudiyə həddini
bildirmək üçün hərəkətə keçəndə Rəsulullah (salləllahu
əleyhi və səlləm) onu saxladı. Təbəssüm edərək buyurdu:
“Səndən bunu heç gözləməzdim, ya Ömər. Borc sahibi haqq
sahibidir. Sən ona alacağını daha nəzakətlə istəməsini
öyrətməli, mənə də borcumu daha tez ödəməmi tövsiyə
etməliydin. İndi qalx, bu adama haqq etdiyindən əlavə 20
sa xurma ver.”
Hz.Ömər tapşırığı yerinə yetirəndə Zeyd ibn Səanə 20
sa xurmanın əlavə olaraq verilməsinin səbəbini soruşdu. O
da: “Səni qorxutduğum üçün” deyə cavab verdi.
Zeyd ibn Səanənin məhz bu hadisədən təsirlənərək İsla-
ma girdiyi rəvayət olunur.
Adil olmaq diləsən zindanları təhqiq eylə
Evin əvvəl içinə ədaləti tətbiq eylə.
Zindan nə gündədisə ölkə də o durumdadı
İçəri düzəlməsə, istefanı təsdiq elə.
Hər şeyin öz haqqı var, o haqqı verməkdi ədl
Xalqı dünyaya dönük, Axirətə aşiq eylə.
Dostu düşmən eləmək cin işi, şeytan işidir
Bəni-Adəmsən əgər, rəqibləri rəfiq eylə.
Rəbbindən, ey könül, ilham dilə, irfanə sarıl
Ədalət dərk olunmaz təkcə ağıl-məntiq ilə.
Kin o qədər dərin və dəhşətli xəstəlikdir ki, öz sahibi-
ni haqsızlığın, ədalətsizliyin ən amansız şəkli olan qətlə də
sürükləyə bilər. Hz.Ömərin (radiyallahu ənh) bir atəşpərəst
kölə, Hz.Əlinin (əleyhissalam ) bir nadan müsəlman
tərəfindən sübh namazında öldürülməsi həmin xəstəliyin
nəticəsidir. Bu mərəz təkcə kafirlərin, nadanların deyil,
Dində irəli gedən möminlərin də qəlb gözünü qanla örtmək
gücündədir.
40
İBRƏT Rəsulullah (salləllahu əleyhi və səlləm) Bəni Müs-
təliq qəbiləsi üzərinə yürüşdən zəfərlə Mədinəyə dönərkən
münafiqlərin başçısı Abdullah ibn Ubey: “Bizi öz yurdu-
muzda bir-birimizə qarşı qoydular. Vallahi, Mədinəyə ça-
tan kimi əziz olan zəlil olanı sürüb çıxaracaqdır” dedi. Son-
ra bunu dansa da, ayə nazil olaraq onun bu çirkin sözləri
söylədiyini təsdiqlədi:
“Münafiqlər: “Əgər Mədinəyə dönərsək, and olsun
ki, əziz olan zəlil olanı oradan çıxaracaqdır” dedilər.
Halbuki izzət Allaha, Peyğəmbərə və möminlərə aiddir”
(əl-Münafiqun, 8).
Abdullah ibn Ubeyin oğlu Abdullah atasından tam
fərqli olaraq sadiq və saleh bir mömin idi. Ayənin nüzu-
lundan sonra Allah Rəsulunun (salləllahu əleyhi və səlləm)
hüzuruna gəlib dedi: “Ey Allahın Rəsulu, atam ibn Ubeyin
öldürüləcəyinə dair xəbər aldım. Əgər bu qərar sənindirsə,
mənə əmr et, onu öz əlimlə öldürüm. Vallah, xazrəclilər də
yaxşı bilir ki, atası ilə mənim qədər yaxşı rəftar edən övlad
yoxdur. Amma, bir şeydən narahatam: Sən atamı öldürməyi
başqa birinə həvalə etsən və o da atamı öldürsə, qorxu-
ram ki, nəfsim atamın qatilinin insanlar arasında gəzib-
dolaşmasına tab gətirməz. Bu dəfə də mən o kafirə (atama)
görə onu öldürən müsəlmanı qətlə yetirər və Cəhənnəmə
gedərəm.” Rəsulullah (salləllahu əleyhi və səlləm) buyurdu:
“Xeyr. Bizimlə qaldığı müddətdə onunla şəfqətli davrana-
caq, mülayim rəftar edəcəyik.”
HAŞİYƏ Usamə ibn Zeyd rəvayət edir: “Peyğəmbərimiz
(salləllahu əleyhi və səlləm) Bəni Müstəliq səfərindən qayı-
darkən Abdullah qılıncını çəkib münafiqlərin başçı-
sı olan atası Abdullah ibn Ubeyin qabağını kəsdi: “Bax,
ata! Muhəmməd əziz, mən isə zəliləm” demədikcə qılın-
cımı qınına qoymayacağam” dedi. Atası: “Yaxşı, yaxşı.
Muhəmməd əziz, mən zəliləm!” – dedi.”
Qoyma qoynunda, ey qul, dünya Dinə qalib gəlsin
Cəhd et insan ilana, mələk cinə qalib gəlsin.
41
İçlər zidd qüvvələrin, duyğuların məskənidir
Çalış nur qaranlığa, sevgi kinə qalib gəlsin.
Xalqı haqdan ayıran, Din haqqında gümanlardır
Xalqa yox, Haqqa uy ki, yəqin zənnə qalib gəlsin.
Bir yalan sözdü guya qaliblərə yoxdu divan
Bil ki, şeytan sözüdü, qoyma sənə qalib gəlsin.
Haqqın nəzdində bütün səmtlərin öz hikməti var
Qoyma sol səndə sağa, arxa önə qalib gəlsin.
Qalib olmaq diləsən, nəfsinə sən çal qələbə
Zəfərə öyrənib o, qoyma yenə qalib gəlsin.
Uğur tam mənada, son nəticədə ruhanidir
Bacar, can təndə ikən ruh bədənə qalib gəlsin.
El arasında “Filankəs dəvə kimi kinlidir” ifadəsi məş-
hur dur. Bir təmsildə isə dəvənin ondan halallıq istəyən
sahibinə: “Hər haqqımı halal edirəm, amma bir dəfə məni
eşşəyin quyruğuna bağlamışdın, onu sənə bağışlamayaca-
ğam” deyə cavab verdiyi bildirilir.
Gerçəkdən də kin çox zaman qəlbin qırılmasından qay-
naqlanır. Yersiz bir söz, yaxud sükut, hərəkət yaxud hə rə-
kət sizlik aylarla, illərlə davam edən gizli və ya açıq ədavətə
səbəb olur. Adəm oğlu danışmaq və ya susmaq ədəbinə
mükəmməl yiyələnsəydi, yer üzündə münaqişələr, kim bi-
lir, nə qədər az olardı.
Rəvayət olunur ki, Hz.Musa (əleyhissalam) münacatında
Allah Təaladan soruşdu: “Ya Rəbbi! Səni harada axtarım?”
Allah Təala buyurdu: “Məni qəlbiqırıqların yanında axtar.”
Allah Rəsulu (salləllahu əleyhi və səlləm) kimsənin qəlbinə
toxunmamağa xüsusi diqqət edər, küsülüləri barışdırar,
əshabını küsməkdən və küsdürməkdən çəkindirərdi.
42
İBRƏT Əbu Sufyan bir dəstə adamla Hz.Salman, Hz.Su-
heyb və Hz.Bilalın (radiyallahu ənhum) yanından keçirdi. O
əsnada Əbu Sufyan haqqında belə dedilər: “Allahın qılınc-
ları heç cür bu Allah düşməninin boynuna tuş gəlmədi!”
Hz.Əbu Bəkir (radiyallahu ənh) onlara irad tutdu: “Siz nə
haqla Qüreyşin böyüyü barəsində belə sözlər söyləyirsiniz?”
Ardınca da Rəsulullahın (salləllahu əleyhi və səlləm) yanına
gedərək olanları danışdı.
Allah Rəsulu (salləllahu əleyhi və səlləm) ona buyurdu: “İn-
şaallah, qardaşlarını qəzəbləndirməmişsən. Onların qəlbini
qırdınsa, Rəbbini də incitmiş oldun.”
Hz.Əbu Bəkir üzrxahlıq etmək üçün dərhal qayıdıb yoldaş-
larından soruşdu: “Qardaşlarım, sizin qəlbinizi qırdımmı?”
Onlar da: “Xeyr. Allah səni bağışlasın, qardaşım!” dedilər.
İncidin nəfsləri, siz ürəyə toxunmayın
Sındırın köntöyləri, siz kövrəyə toxunmayın.
Qula Mövlası yetər, qulun varı onsuz da yox
Toxunun mülkə-mala, duz-çörəyə toxunmayın.
İçlərə yaxşı baxın, daş-kəsəkdən təmizləyin
Vurun hər cür alağı, gül-çiçəyə toxunmayın.
Küsdürmək bir-birini cavanların adətidir
Ey gənclər, ağsaqqala, ağbirçəyə toxunmayın.
Sizlər, ey xalqa xeyri toxunmayan ziyanlılar
Sizə vermirsə zərər, heç böcəyə toxunmayın.
Çox zaman kin nifrətin sinonimi kimi işlənsə də bunları
ayıran cəhətlər vardır. Əsas fərq ondan ibarətdir ki, nifrət
canlı-cansız hər şeyə aid edilə bildiyi halda, kin ancaq in-
sanlara qarşı olur və tədbir görülməsə qəlbdə daha çox kök
salır. Bəzən o qədər dərinə işləyir ki, təkcə diriləri deyil,
ölüləri də əhatə edir. Halbuki hədislərdə buyuruldu:
“Ölülərinizin yaxşılıqlarını anın, pisliklərini örtün.”
“Ölənlər haqqında ya xeyir danışın ya da susun.”
Dostları ilə paylaş: |