42
Letter Quality) rejimi, sonuncu rejim çap makinasının
keyfiyyətinə yaxın, çap keyfiyyətini təmin edir.
Lazer printerləri.
Lazer printerlərində çap 1938-ci ildə
Çester Karlson tərəfindən ixtira edilən lazer vasitəsi ilə həyata
keçirilir. Nəticədə təsvir daha dəqiq olur və printer daha sürətli
işləyir. Bu texnologiyanı 1972-ci ildə Xerox şirkəti tətbiq edə
bildi. EARS adlanan ilk lazer printerini istehsal etdi. Lazer
printerləri yüksək çap keyfiyyətini təmin edir, bir çox hallarda
isə poliqrafik çapı da ötüb keçir. Onlar, həmçinin yüksək
çapetmə sürətilə fərqlənirlər. Matrisli printerlərdə olduğu kimi,
yekun təsvirlər ayrı-ayrı nöqtələrdən formalaşır.
Lazer printerlərinin əsas parametrlərinə aşağıdakılar
aiddir:
•
düymdə nöqtələri yerləşdirmə imkanı, dpi (dots per
inch-düymdə nöqtələr)
•
məhsuldarlıq (dəqiqədə səhifələr);
•
istifadə olunan kağızın formatı;
•
özünün operativ yaddaşının həcmi.
Lazer printerlərinin əsas üstünlükləri yüksək keyfiyyətli
təsvirlərin alınması imkanları ilə bağlıdır. Orta sinif modellər
600 dpi çap, yarı peşəkar modellər-1200 dpi, peşəkar modellər
1800 dpi çap imkanını təmin edir.
İşıq diodlu printerlər
. İşıq diodlu printerlərin iş
prinsipi lazer printerlərin iş prinsipinə oxşayır. Fərq ondan
ibarətdir ki, işığın mənbəyi burada lazer başlığı deyil, işıq
diodlarının xətkeşidir. Belə ki, bu xətkeş çap olunan səhifənin
bütün eni üzrə yerləşir üfiqi açılmaları formalaşma
mexanizminə zərurət aradan qalxır və bütün konfiqurasiya
daha sadə, etibarlı və ucuz alınır. İşıq diodlu printerlər üçün
çap imkanının tipik həcmi 600 dpi-dir.
Şırnaqlı printerlər.
Şırnaqlı çap qurğularında təsvirlər
boyayıcının kağız üzərinə düşən damcısından yaranan ləkədən
formalaşır. Boyayıcının mikrodamcı tullaması, pezokristal
vasitəsilə yerinə yetirilir. Bu tip modellərdə damcı,
43
pyezoelektrik effekt nəticəsində silkmə ilə tullanılır. Bu metod
sferik damcıya yaxın daha stabil damcı formasını təmin etməyə
imkan verir.
Təsvirlərin çapının keyfiyyəti çox hallarda damcının
formasından və onun ölçüsündən, həmçinin maye boyayıcının
kağız üzərinə hopmasının xarakterindən asılı olur. Bu şərtlərdə
əsas rolu boyayıcının yapışqanlıq xassəsi və kağızın xassələri
oynayır.
Şırnaqlı çap qurğularının müsbət xassələrinə, nisbətən
az miqdarda hərəkət edən mexaniki hissələrini, uyğun olaraq
qurğunun sadəliyini, etibarlılığını və onun nisbətən aşağı
dəyərini də aid etmək lazımdır. Lazer printerlə müqayisədə
əsas çatışmamazlığı əldə olunmuş çap imkanının qeyri-
sabitliyidir ki, bu da ağ-qara yarımton (şəkildə açıq tondan tünd
tona keçidi təşkil edən rəng) çapda onların tətbiq edilmə
imkanlarını məhdudlaşdırır.
Bu gün şırnaqlı printerlər rəngli çapda çox geniş tətbiq
olunur. Konstruksiyasının sadəliyi sayəsində onlar dəyər
(qiymət) göstəricilərinə görə rəngli lazer printerləri ötüb
keçirlər. 600-dpi-dən yuxarı çap imkanında onlar fotokimyəvi
metodlarla alınmış rəngli təsvirlərin keyfiyyətindən üstün olan
rəngli şəkillər əldə etməyə imkan verirlər. Şırnaqlı printeri
seçdikdə bir şəklin, yazının çap dəyəri, qiyməti parametrini
hökmən nəzərə almaq lazımdır. Əlavə olaraq, şırnaqlı çap
qurğularının qiyməti lazer printerlərindən nəzərəçarpacaq
dərəcədə aşağıdır. Onlarda bir şəklin, yazının çap dəyəri,
xüsusi kağız lazım gəldiyindən on dəfələrlə yüksək ola bilər.
1.4 Alqoritm anlayışı, alqoritmin əsas xassələri, tipləri
və təsvir üsulları.
Alqoritm sozü görkəmli alim Əbu Muhamməd İbn Musa
əl Xarəzminin (787-850) adının təhrif olunmuş formasıdır. Belə
ki, alimin “Kitab əl cəbr və əl-muqabala" əsəri XII əsrdə latın
dilinə tərcümə edilmiş və bu zaman tərcüməçi alimin adındakı əl
44
Xarəzmi sözünü təhrif edərək Alqoritmi kimi verilmişdir və
əsəri “Algoritmi de numero indorum”, yəni “Alqoritmi hind
hesabı haqqında” adlandırmışdır. Bu tərcümə sayəsində alqoritm
sözü Avropa dillərində, sonradan isə əksər dünya dillərində, o
cümlədən azərbaycan dilində bir termin kimi istifadə
olunmaqdadır
1
.
Orta əsrlərdə Avropada alqoritm dedikdə onluq say
sistemində ədədlərlə hesablama qaydaları başa düşülürdü.
Müasir dövrdə isə bu anlayış daha geniş mənada, verilmiş
məsələni həll etmək və ya müəyyən məqsədə çatmaq üçün
zəruri olan əməliyyatlar ardıcıllığının yerinə yetirilməsi
haqqında icraçıya verilən dəqiq və aydın göstərişlərin-əmrlərin
təsviri kimi başa düşülür. Alqoritmin əmrləri sonlu sayda olub
ardıcıl yerinə yetirilir. Hər bir alqoritm konkret icraçı üçün
qurulur. İcraçı alqoritmi yerinə yetirməyə qadir olmalıdır. Başqa
sözlə alqoritmin bütün əmrləri isifadəçi üçün “başa düşülən”
olmalıdır. Məsələn, aydındır ki, birinci sinif şagirdi riyaziyyatın
ilk alqoritmlərindən hesab olunan Evklid alqoritmini yerinə
yetirə bilməz.
Alqoritm anlayışı bir termin kimi əksər elm sahələrində, o
cümlədən informatikada istifadə olunur. Alqoritm
informatikanın fundamental anlayışlarından biridir. Belə ki,
informatikanın əsas tədqiqat obyekti ilkin informasiya əsasında
yeni rəqəmli informasiyanın yaradılmasını, informasiyanın
saxlanılmasını, işlənilməsini, operativ mübadiləsini,
təhlükəsizliyini, insan əməyinin avtomatlaşdırılmasını təmin
edən, effektiv və kompüterdə icra olunan alqoritmlərin
yaradılmasıdır. Bu baxımdan informatikada alqoritm anlayışına
aşağıdakı kimi tərif vermək olar:
Alqoritm – verilmiş məsələni həll etmək üçün ilkin
verilənlərlə icra olunan hesabi və məntiqi əməliyyatların sonlu
sayda ardıcıllığıdır
.
1
Bu tərcümə sayəsində avropalılar onluq say sistemilə tanış olmuşdur.
Dostları ilə paylaş: |