«Şahdəniz» qaz-kondensat yatağının işlənməsinin
birinci mərhələsi üzrə tikinti işlərinə 2003-cü ildən
başlanılmış və ilkin qazın çıxarılması 2006-cı ilin
sentyabrında gözlənilir. Birinci mərhələdə ildə 8,8 milyard
kub m qaz və 2 milyon ton kondensat hasilatı planlaşdırılır.
Sonrakı mərhələdə isə yataqdan ildə 16 milyard kub m qaz
və 4 milyon ton kondensat çıxarılması proqnozlaşdırılır.
Beynəlxalq müqavilələr üzrə 2005—2008-ci illərdə
aşağıdakı istiqamətlərdə işlərin davam etdirilməsi nəzərdə
tutulur:
Bakı—Tbilisi—Ceyhan Əsas İxrac Boru Kəmərinin
tikilib istismara verilməsi;
Bakı—Tbilisi—Ərzurum Cənubi Qafqaz Boru
Kəmərinin tikilib istismara verilməsi;
«Mərkəzi Azəri» platformasının tikintisi və neft
hasilatına başlanılması;
«Çıraq-1»
platformasında
«Hasilat
Tempinin
Artırılması Layihəsi»nin həyata keçirilməsi;
Səngəçal
terminalından
qazın
Səngəçal
Baş
Qurğularına çatdırılması üçün qaz kəmərinin tikilib
istifadəyə verilməsi;
«Azəri» yatağından sahilə qaz və neft kəmərlərinin
tikintisi;
«Azəri»
yatağında
kompressor
və
suvurma
platformasının tikintisi;
«Azəri» yatağından hasil olunacaq neftin qəbulu üçün
Səngəçal terminalında 2 neft çəninin və yardımçı
obyektlərin tikintisi;
«Qərbi Azəri» platformasının tikintisi və neft
hasilatına başlanılması;
«Şərqi Azəri» platformasının tikintisi və neft
hasilatına başlanılması;
«Faza-3» layihəsi daxilində «Günəşli» yatağının dərin
hissəsindən neft hasilatına başlanması;
«Şahdəniz» yatağından Səngəçal terminalına qaz və
kondensat kəmərlərinin tikilib istifadəyə verilməsi;
«Şahdəniz» yatağında TPG-500 platformasının tikilib
istismara verilməsi;
«Şahdəniz» yatağından ilkin qaz və kondensatın
Səngəçal terminalına nəqli.
3. YANACAQ-ENERJİ KOMPLEKSİNİN İNKİŞAF
PERSPEKTİVLƏRİ VƏ ƏTRAF MÜHİTİN
MÜHAFİZƏSİNİN TƏKMİLLƏŞDİRİLMƏSİ
İSTİQAMƏTLƏRİ
3.1. Yanacaq-enerji kompleksinin perspektiv inkişaf
istiqamətləri
Azərbaycan neft sənayesi öz inkişafının ən mühüm
mərhələsinə daxil olmuşdur. Azərbaycan müstəqilliyinin
inkişafı və möhkəmləndirilməsində neft sənayesi əhəmiyyətli
rol oynayır.
Neft sənayesi inkişaf dövrünün 67 neft və qaz yatağı
kəşf edilmişdir. Hal-hazırda quruda 37, Xəzər dənizinin
Azərbaycan sektorunda 17 yataq istismarı verilmişdir. İlkin
neft ehtiyatlarının işləmə dərəcəsi quruda 87%, dənizdə 59%
təşkil edir [3].
Neft və qaz yataqlarının uzun müddət istismar
edilməsinə baxmayaraq, mütəxəssislər torpağın dərin
qatlarında xeyli miqdarda neft ehtiyatları olduğunu müəyyən
etmişdir. Azərbaycanın quru və Xəzər sektoru da daxil
olmaqla, neftli ərazinin ümumi sahəsi 100 min kv. m-dən
çoxdur. Müəyyən edilmiş neft-qaz rayonların ümumi sahəsi
təxminən 70 min kv.m, o cümlədən Xəzər dəniz şelfi
akvatoriyası 20 min kv. km-dən çoxdur. Perspektivli neft-qaz
rayonlarının ümumi sahəsi 17 min kv. km-dən çoxdur.
Azərbaycan sənayesinin inkişaf perspektivi dəniz
yataqlarının mənimsənilməsi və Xəzərin perspektivli
strukturlarından asılıdır. Respublikanın potensial resurslarının
təxminən yarısı Xəzər dənizinin Azərbaycan sektorunda
cəmlənmişdir. Onların ekoloji və geofiziki metodlarının
öyrənmə səviyyəsi 34% təşkil edir.
Xəzər dənizi unikal daxili kontinental hövzə olmaqla, bu
ərazidə 386 perspektivli struktur müəyyən edilmişdir.
Xəzərin Azərbaycan sektorunun sahəsi 78,8 min kv. km
olmaqla, 145 perspektivli struktur müəyyən edilmişdir.
Göstərmək lazımdır ki, dənizin dərin qatları zəif öyrənilmiş
və burada neft və qaz resursları proqnozları hələ dəqiq
müəyyən edilməmişdir. Bu rayonlarda məhsuldar horizontlar
5500-6000 dərinlikdə yerləşməklə, mürəkkəb termodinamik
şəraitdədir. Xəzərin Azərbaycan sektorunda neft-qaz ehtiyatı
27,5 milyard ton şərti yanacaq qiymətləndirilir və neft
şirkətləri bu regiona xüsusi maraq göstərirlər [14, №7].
Azərbaycan neftinin daşınması marşrutları da ölkənin
xarici siyasətində mühüm yerlərdən birini tutur. Belə ki,
Rusiyadan başqa heç bir dövlət Xəzər neftinin bir ölkənin
nəzarəti altında olmasına maraqlı deyildir.
Şimala ixrac edilən neft əvvəllər mövcud olan Bakı-
Qroznı neft kəməri bazasında qurulmuşdur. Səngəçal
terminalından Novorosiysk şəhərinə qədər xəttin uzunluğu
1411 km-dir. Neft boru kəmərinin ötürmə qabiliyyəti gün
ərzində 115 min barel, il ərzində 5,75 milyon tondur. Bu boru
kəmərinin Qərb standartlarına müvafiq olaraq təmiri,
tikintisi, modernləşdirilməsi və istismara verilməsi üçün 50
mln. ABŞ dolları sərf edilmişdir. 22 oktyabr 1997-ci ildə bu
neft borusu ilə ilk Azərbaycan nefti daşınmışdır.
Qərb neft ixrac boru kəməri Bakı- Xaşuri neft kəməri
bazasında tikilib və Azərbaycan neftini dünya bazarına
çıxarmaq üçün alternativ marşrutdur. O, Səngəçal
terminalından Gürcüstanın Supsa portuna (Qara dəniz) qədər
850 km-dir. Neft boru kəmərinin buraxılış qabiliyyəti gün
ərzində 115 min barel, il ərzində 5,75 mln. tondur.
Dəniz neft yataqlarının istismarı yaxın on ildə
Azərbaycanda neft istehsalının 50-60 min tona çatdırmağı
imkan verəcəkdir. Ona görə də, əsas neft kəmərinin tikintisi
vacib məsələ kimi qarşıda durur. Bu yalnız respublika üçün
deyil, Xəzər regionunun karbohidrogen resurslarını
mənimsəmək üçün böyük əhəmiyyət kəsb edir. Əsas neft
ixracı boru kəmərinin buraxılıcılıq qabiliyyəti Qazaxıstan,
Türkmənistanın da imkanları nəzərə alınmaqla il ərzində 50
mln. ton planlaşdırılır.
1997-ci ildə (sentyabr) Azərbaycan Respublikası
Prezidentinin fərmanı ilə ərazisindən neft kəməri keçəcək
ölkələrlə danışıq aparmaq üçün dövlət qrupu yaradılmışdır.
Bu qrup gələcək neft kəməri kompaniyalarının strukturunu
işləyib hazırlayır. Neft daşımasının hüquqi, kommersiya
Dostları ilə paylaş: |