38
batajaxlar, yapışajaxlar. Ordan da sən çıxardar, balını yuyar,
aparar patcaha peşkəş çəkərsən, bir elə xəzinə alarıx.
Oyçu Əhməd gəlir munun hamısını patcaha danışanda
patcahın əlində arımı yoxuydu, balmı yoxuydu? Nökəri, naibi
çağırer, pəhlivannarı çağırer, suyu tökdürör, bulağın gözünü
tutduror, hələ bir az da dərin qazdırer. Oruya balı tököllər,
qırax yerrərdə də pusqu yerrəri qayırellar. Oyçu Əhməd də
bulağın yaxınnığında buları gözdəməkdə olsun. Göyərçinnər
gəler çimməyə. Bu bulağın dörd tərəfində döyrə vurollar. Bu
göyərçinin balaca tayı deyir ki, ay bacı, yaman istilənmişəm,
çimmiyəkmi? Böyük tayı deyir ki, ay bacı, nəsə mənim ürəyi-
mə bir şübhə damıf, gəlin büyün heç çimmiyək, qayıdax gedək.
Balaca bacı deyir:
– Baa, elə şey olarmı? Yeddi həftədən, yeddi aydan bir
gəlerik buruya. Yox, çimməliyik. Mən çox istilənmişəm, tən-
timişəm.
Bir o tərəfə, bu tərəfə şığıyır, dövröyü vuror, özdərini
suyun içinə çaxanda batellar, qalellar balın içində. Oyçu Əh-
məd ordan çıxer, camaat ordan çıxer, göyərçinnəri tutollar. Elə
tutor ki, qanadı-quyruğu qırılmasın. Munu ballı-zaddı götürör
aparer, şaha deyir:
– İndi munu yüdürtmək, çimizdirmək özünə qalıf, özün
elətdirərsən. Mən çimizdirəndə qanadını-quyruğunu qıraram,
mənim zəhmətim batar.
Şah Oyçu Əhmədin arvadını gətirder. Oyçu Əhmədin
arvadı munu yaxşı yüyür, çimizdirer, məhrəbanın arasına
qoyor quruloor. Bu göyərçinnəri şahın otağına buraxer.
Bu göyərçinnər bir cüt gözəl qız idi, burda qalmaxda
olsun, indi sana hardan xavar verim, bir xayin, bir paxıl qon-
şudan. Xayin, paxıl qonşu deyir:
– Ey şah.
Deyir:
39
– Hə.
Deyir:
– Bilirsən nə var?
Deyir:
– Nə var?
Deyir:
– Oyçu Əhməd sana bir ceyran gətdi. Ona bir belə var-
döylət verdin. Sonra istədin, iki göyərçin gətdi, xəzineyin yarısı-
nı verdin. Buların bir xanımı var. İndi xanımı gətirdərsən, bütün
variyətini ona verərsən, Oyçu Əhməd də olar sənin oğlun. Am-
ma munun xanımını mütləq gətirt. Bular üçdü: biri ceyrandı, bir
cüt göyərçindi, bir də bir qızdı. Əmri də verən bu qızdı bulara.
Şah deyir:
– Yaxşı.
Şah Oyçu Əhmədi çağırer, deyir:
– Əhməd, işin bitif.
Deyir:
– Nədi?
Deyir:
– Allah öyünü yıxsın, munun bir qızı var, gərək qızı da
gətirəsən.
Deyir:
– A tufağın dağılsın, mən qızı hardan alem, həncəri gəti-
rem, nağayrem, neyliyim?
Gəler öydə ağlıyanda arvad deyir:
– A kişi, mən onun dərdini bilerəm.
Deyir:
– Nədi?
Deyir:
– Get bir yaxşı paraxot qayırtdır. Paraxot quruda da
yerisin, suda da. Özü də onu sürməyi bizə örgətsin. Sənnən,
mənnən başqa orda heş kim olmujax.
40
Deyir:
– Yaxşı.
Arvad da ara açer dana şahın yanına gedif gəlməkdən
ötəri. Bu gəler şaha deyir ki, gərək bir paraxot qayıtdırasan,
bu paraxot suda da yeriyə, quruda da. Şah deyir:
– Yaxşı.
Paraxot qayrıler, hazır olor. Gəler Oyçu Əhməd buan-
nan, oannan baxer, arvad baxer, görör yaxşıdı. İçinə miner,
bir az elə, bir az belə sürör. Arvad deyir, iki dəst paltar: biri
üzgüçü paltarı, biri quru paltarı. Quru paltarını geyinellər, ge-
dellər, suyun qırağına yaxınnaşanda üzgüçü paltarını geyiner,
paraxodu salellar dəryəyə. İndi arvad deyir:
– A kişi, sən gizdən paraxotun içində. Səni görüf qız
gəlmijək. Qız büyün başında qırx qız dəryanın üzünə səyahətə
çıxıf, dəryada gəzer. Mən paraxodumu elə sürüf, elə xoddoof
buların yanınnan keçəjəm, qız meyillənif deyəjək əylə para-
xodunu, gəlim minim sənin paraxoduna, gəzim. Görüm sə-
ninkimi gözəldi, mənimkimi? Əgər sənin paraxodun gözəlsə,
mən o formada qayıtdırajam. O gəlif paraxoda çıxanda mən
hər tərəfdən qapıları bağlıjam, qızı buraxmıjam. Sən onda
çıxarsan, qızın əlini-əyağını bağlıyarsan, sürüf gətirərik.
Deyir:
– Yaxşı.
Bunun hamısını gəlif patcaha rəvayət eliyillər. Patcah pa-
raxotu qayıtdırer. Bular götürüf paraxodu çıxellar. Quruyu ge-
dellər, suya çatanda öröllər ki, bir xanım paraxodun içində, qırx
incəbel qız da başında, baxdıxca gözün qaraler. Gözəlliyi suya
şox saler. Minif gəzellər. Bu arvad paraxodun bir bu yanınnan,
bir o yanınnan, bir munun qavağınnan, bir dalınnan... Qız deyir:
– Ə, bu nə riskin yiyəsidi? Nə adamdı bu bizi belə avqon
eliyir?
Paraxodunu əyleer, muna əl eliyir. Deyir:
41
– Ey, ay xanım, ay xanım. Sən də xanımsan, mən də
xanımam. Xanım xanıma düz söz deyər, yalan danışmaz. De
görüm sən kimsən, nəçisən? Hardan gəlif hara edersən? Bu
paraxota məni də mindir, muna baxım.
Deyir:
– Paraxodunu əylə.
Paraxodunu əyleer qıraxda. Bu gəler miner, paraxoda
baxer. Oannan, buannan, birdən arvad munu xoddoor. Xod-
door, suyun üzünnən paraxod gedəndə deyir ki, ay bajı, qoyma
paraxodun getdi, saxla. Deyir, yavaş. Onatan kişi ordan çıxer.
Qız da qalıf paraxodun içində. Kişi munun əlini-əyağını
bağleer, qızı paraxoda qoyuf gətirellər. Sürör gəler düz şahın
hüzuruna. Şahın qəbuluna geder. Ənam verer, peşkəş çəker
ki, qızı gətirmişəm, sana qurvandı.
– Məni istiyən bu Oyçu Əhmədə nəmər, – deyəndə arvad
deyir ki, Oyçu Əhmədə nə nəmər, nə xələt verəjəksən? Ceyranı
gətdimi Oyçu Əhməd? Göyərçinnəri gətdimi Oyçu Əhməd? Qızı
gətdimi Oyçu Əhməd? Üçü getdi, dördüncüdə səni öldöröjək.
Bütün varın, döylətin, qızılın, xəzinən, gümüşün, arvadın, uşağın,
nökərin-naibin – hamısı qalajax Oyçu Əhmədə. Oyçu Əhmədin
boynunu vurdur. Arvadın fitnəsinəjə şah inaner, Oyçu Əhmədin
başını vurduror, var-döylət, dünya, xəzinə hamısı qaler patcaha.
Oyçu Əhmədin arvadı da qaler patcaha, o gözəl qız da qaler ona.
Gözəl qız belə baxer, baxer, deyir ki, mən divlər patcahınnan
əmələ gəlmişəm. Hələ mana belə kələk gəlib, belə qurğu quran
olmamışdı. Haşa, bu da deyir, yaxşılığınkı yamannıxdı. O sana
yaxşılığ elədi ceyran gətdi, göyərçin gətdi, məni gətdi. Sən ona
yamannığ elədin, axırda nahaq qan tökdürdün. Nahaq qan yerdə
qalmaz, – deyən kimi qız “a” eliyir, buğda boyda qan ağzınnan
gəldiyinnən qızın ürəyi partdıyır. Qız ölör, var-döylət də o düzdə
qaler, patcah da o düzdə qaler. Oyçu Əhmədi də aparer qıznan
baravar dəfn eliyillər; qızı ayrı yerdə, onu ayrı yerdə.
Dostları ilə paylaş: |