Kişi alt paltarının digər bir elementi də dizlik idi. Onu midqal,
bez, çit, batist və s. parçalardan tikirdilər. Biçim üsuluna gör şalvara
bənzəsə də şalvardan fərqli olaraq
dizlik bədəni dizə qədər kip tuturdu.
Onu bir qayda olaraq iki balaq, nifə
və miyançadan(tuman ağı) ibarət
dörd hissəni bir-birnə tikməklə
hazırayırdılar. Dizliyin qabağı bütöv
olduğuna görə, dizliyi hər iki üzünə
(arxasını qabağa bə ya əksinə) geymək mümkün idi. Bunun üçün
nifənin qabaq və ya arxa tərəfində tumanbağı keçirmək üçün yarıq
saxlanırdı. Dizliyin balaqları parça
yerinə kvadrat biçimli miyança (xişdək,
narvan, tuman ağı) vasitəsilə
birləşdirilirdi. Dizlik belə nifədən
keçirilən tuman bağı ilə bərkidilirdi.
Üst paltarları. Forma
müxtəlifliyi, parça materiallarının çeşidi, rəng çalarlarının əlvanlığı,
eləcə də azərbaycanlı kişilərin peşə, zümrə (sosial təbəqə) və ya yaş
mənsubiyyəti üst geyimlərində daha çox nəzərə çarpan xüsusiyyətlər
olmuşdur. XIX-XX yüzilliyin əvvəllərində kişi üst paltarları belə
saxlanılan və çiyinə geyilən olmaqla iki qrupa bölünürdü. Birinci qrupa
şalvar, ikinci qrupa isə üst köynəyi, içlik, arxalıq, çuxa, kürk, yapıncı
və s. daxil idi.
Şalvarı yoxsullar yer hanasında toxunmuş “qılıcı şal”dan, Şirvan
şalından (Zarat şalı, Əlvənd şalı), satınalma ləzgi şalından; varlılar isə
mahuddan, məndulədən, diaqonaldan və yekrəng ipək parçalardan
tikirdilər. Naxçıvan bölgəsində geniş yayılmış “xəşmə şalvar” zərif
parçadan hazırlandığı və əyində qəşəng göründüyü üçün xalq
yaradıcılığında tez-tez tərənnüm olunurdu:
Araz qırağında vardı talvarım,
Evdə göy çuxam var, xəşmə şalvarım.
Özünün biçim üsuluna və tikiş texnikasına görə dizlikə eyniyyət
təşkil edən şalvar ondan uzun (topuğa qədər) və nisbətən enli olması ilə
fərqlənirdi.
Belə şalvarın qabağı bütöv olmaqla bəzən
ciblə də təhciz edilirdi. Qara, yaşıl, bənövüş,
qırmızı mahuddan, şaldan və ipəkdən tikilən belə
şalvarla əhali arasında “nifəli şalvar” və ya
“musurmanı şalvar” kimi məşhur idi. Varlıların
geydiyi qabağı yarıq şalvar “urusu şalvar”
adlanırdı.
“Musurman şalvarı” ın bel yerinə nifə
tikilirək oraya tumanbağı keçirildirdi.
Tumanbağının uclarında qızılı və gümüşü
güləbətin sapdan toxunmuş yaraşıqlı qotazlar
olurdu. Arxeoloji qazıntılar zamanı Azərbaycanda tumanbağı toxuyan
dəzgahın qalıqlarının tapılması [100] burada əhalinin çox qədimlərdən
nifəli şalvarlardan istifadə etdiyini təsdiqləyir. Qaba şaldan tikilmiş
şalvarların paça yerinə “ağ” və ya “şalvar ağı” (naravan, miyança)
tikilir, yun parça bədəni sürtməsin deyə, pambıq parçalardan astar
qoyulurdu. “Musurman şalvarı” ayağı yəni (balağı) toğunun üstündə
10-12 sm ölçüdə çapıqla tamamlanırdı. Buraya rəngli-ip qaytan tikilirdi.
Ümumilikdə isə şalvarın balağı geyilən ayaqqabının növündən asılı
olaraq və ya ayaqqabının boğazlığına qabqarılır, ya da onun üstündə
qalırdı. Zümrə mənsubiyyəti və peşə yönümü müxtəlif ola əhali
arasında şalvar balağının hansı şəkildə qalmağında fərqli xüsusiyyətlər
vardı. Məsələn, “maldarlıq və qismən də əkinçiliklə məşğul olan
kəndlilər şalvarın balağını corab içinə salır və üstündən dolaq çəkirdilər.
Xüsusilə də çobanlar dolağı dizə qədər dolayırdılar. Misgər, qabbağ,
dəmirçi, dülgər, həllac, şarbaf, bafayçı, çərçi, bəzzaz, tacir, çarvadar,
habelə ziyalı və ruhani şəxslər şalvarın balağının açıq qoyurdular. Bu
halda ayağa başmaq geyilirdi. Çox vaxt at belində gəzən əsilzadə
dövlətli şəxslər uzunboğaz çəkmə geydiklərindən, şalvarın balağını
çəkmənin içinə salırdılar. Varlı gənclər əksər hallarda yaşıl rəngli ipək
parçadan şalvar geyərmişlər. Başmaq geyən gənclərin şalvarının balağı
çox vaxt bafta ilə tikilirdi.” [101] Etnoqrafik əbəbiyyatda Şirvan
bölgəsinə aid edilən bu xüsusiyyətlər bütün Azərbaycan bölgələri üçün
xarakterik hesab edilə bilər.
Dizlik kimi, “musurman şalvar”ın həm qabaq, həm də
arxa hissəsində (nifə yerində) tumanbağı
keçirmək üçün yarıq qoyulurdu. Bu isə şalvarı
hər iki üzünə geyməyə imkan verir və istifadə
müddəti uzadırdı. Maddi cəhətdən imkanlı olan
şəxslərin iqtisadi durumunun onların
şalvarlarının dizlərindən müəyyənləşdirmək
olurdu. Belə ki, daha çox ət yeməklərinə (sac
qovurması, içalat qovurması və s.) üstünlük
verən maldar elatlar əllərinin yağının şalvarın
dizinə çəkib onun işıldadırdılar. Şalvarın dizi yağlaşov olan hər bir
kəsin maddi imkanları da yüksək qiymətləndirilirdi.
XIX-yüzilliyin sonu XX yüzilliyin əvvəllərindən başlayaraq
iqtisadi-ticarət əlaqələrinin daha da genişlənməsi ilə əlaqədar olaraq
Azərbaycanda qabağı yarıq “urusu” şalavarlar, Aropasayağı biçim tərzli
“qalife şalvar” lar də dəbdə olmuşdur.
Özünün biçim üsuluna və tikiş texnikasına görə kişi alt və üst
geyim növləri bir-birindən fərqlənməsə də, rəng əlvalığına, parça
materialına, bəzək çeşidlərinə, boyunduruqlu və bilərzikli tikilməsinə
görə üst köynəyi fərqli xüsusiyyətlər daşıyırdı. Tunki (qatlama) və
kəsmə (doğrama) üsulu ilə biçilən kişi üst köynəklərinin Azərbaycanda
“düzyaxa”, “çəpyaxa” və “mindoylu köynək” olmaqla forması xüsusilə
geniş yayılmışdı. “Düzyaxa” formalı kişi üst geyim köynəyi eyni
formalı alt köynəyinin tam oxşarı idi.
Dostları ilə paylaş: |