“Xorasan kürkü adı ilə məlum idi. Onu Xorasana, Məşhədə, Ərdəbilə,
Kərbəlaya gedən zəvvarlar gətirirdilər. Bundan başqa, belə kürkü Ön
Asiyadan gətirilən zərif aşılanmış dəridən yerli sənət mərkəzlərində
(Gəncə, Şuşa, Şamaxı, Bakı, Naxçıvan və s.) sifarişlə işləyən usta-
kürkçülər də hazırlayırdılar. Bir qayda olaraq, kürkün üzünü onun
geyənin yaş mənsubiyyətinə uyğun olaraq qırmız, sarı, qara, qəhvəyi
rənglərlə boyayır və əlvan rəngli ipək saplarla naxışlayırdılar. Kürk
uzun zaman istifadəyə yararlı olduğundan, onu qiymətli hədiyyə kimi
əziz qonağa, hörmətli şəxslərə bağışlayardılar. Kürk həm də miras kimi
atadan oğula qalırdı.
XIX yüzillikdə Azərbaycanın Bakı, Gəncəbasar, Şirvan,
Şəki və Qarabağ bölgələri əhalisinin varlı zümrələrinin bayramlıq
geyim dəstində nadir hallarda xəzdən tikilmiş kürk də təsadüf edilirdi.
“Xəzəzəmi” adlanan belə kürk növü tarixən digər türkdilli xalqların da
istifadəsində olmuşdur. M.Kaşğarlı tərəfindən XI əsrdə yazılan “Divani
lüğət-it-türk” əsərində qeyd olunur ki, türklər arasında “içmək” adlanan
quzu dərisindən tikilən kürklər geniş yayılmışdı. Onlar həmçnin samur
və sincab dərisindən də kürk geyirdilər. Türklər sincaba “tiğun” samir
isə (kiş) deyirdilər. Bunların dərisindən tikilən kürk isə “içuk” adlanırdı.
[110] Heç şübhəsiz ki, XI əsrdə geyilən “içuk” ilə XIX əsrin “xəz-
əzəmi”tipli kişi üstü geyimləri arasında tipoloji oxşarlıq olmuşdur.
Maldar əhali arasında üst geyim növü olan yapıncı da geniş
istifadə olunurdu. Ümumqafqaz səciyyəli bu geyim növü haqqında
A.S.Piralov yazırdı ki, qafqazlı kişi geyimlərinin üst növü olan yapıncı
onun at belində keçirdiyi bütün həyatının yol yoldaşı idi. Qafqazlı
kişinin yapıncısız təsəvvür etmək olmazdı. [111]
Yağış və qar suyunu keçirməyən, insan orqanizmini soyuqdan,
küləkdən və bürküdən yaxşı qoruyan yapıncıdan köçmə həyat tərzi
keçirən əhali həmçinin yoğan-döşək kimi də istifadə edirdi.
Azərbaycanın Şirvan, Quba-Xaçmaz, Qarabağ, Naxçıvan, Şəki-
Zaqatala, Gəncəbasar və Qərb bölgələrində geniş istifadə olunan
yapıncının “qabardini” (tüksüz), “knyazı” (saçaqlı) və “qartı” (çoban
yapıncısı) olmaqla üçü növü yayılmışdı. Naxçıvanın dağlıq bölgələrində
(Şahbuz, Ordubad) saçaqlı yapıncı “eşmə yapıncı” adı ilə də tanınırdı.
İrəvan quberniyasında ona “kəpənək”, Muğan bölgəsində isə
“bürünmə” deyirdilər.
Yapıncının materialını kəndbəkənd gəzərək keçə salan
həllaclar hazırlayırdılar. Biçim üsuluna gör, sadə yapıncını material əldə
edən hər kəs özü timəyi bacarırdı. Bunun üçün düzbucaqlı şəkildə
salınmış küçənin hər iki çiyin üstünü təs üzünə tikərək avandına çevirir
və boyun yerinin yarım dairə şəklində kəsirdilər. Yapıncının ətəyi,
boynu, yaxa kəsiyi, calaqları sürütülüb didilməsin deyə, oraya dəridən,
tumacdan, bəzən də meşindən köbə tuturdular. Yaxası havada üzü
küləyə doğru gedən zaman, külək yapıncını yellətməsin deyə, onu tərs
üzünə çevirib geyirdilər. Bu zaman yapıncının yaxa kəsiyi arxada
qalırdı.
Növündən və keyfiyyətindən asılı olaraq yapıncı müxətlif
sosial zümrələr tərəfindən geyilirdi. Adətən, ağ və qara rəngli knyazı
(saçaqlı) yapıncıları bəy-mülkədar və qolçomaq zümrəsi. Qabardını
(saçaqsız) yapıncıları sərkar və kəlladarlar, qartını isə çobanlar
geyirdilər.
Naxçıvan bölgəsində və İrəvan quberniyasının Şərur-Dərələyəz
qəzasının azərbaycanlı əhalisi arasında keçədən hazırlanan kişi üst
geyim növü –xillik (xıllıx) da geyilirdi. Materialı güzəm yunundan
hazırlanan nazik keçədən ibarət olan xilliyin dağətəyi ərazilərdə
silindirik-qutu, dağlıq ərazilərdə isə konusvari-çətiri növləri yayılmışdı.
Yapıncıdan fərqli olaraq, xillik gödək olur (baldıra qədər), çiyinlərində
qol keçirməsi üçün “qol yarığı qoyulur, boğazın alıtna bir ədə ilgək-
düymə bağlanırdı. Xillik mövsümi səciyyəli geyim növü kimi maldar
elatların geniş istifadəsində olmuşdur. [112]
XIX yüzilliyin sonlarında Zaqatala dairəsi əhalisi arasında
keçədən xüsusi əndazə ilə biçilib-tikilən, qısaqol, tyaxası açıq üst geyim
növü olan “çopos” da geniş yayılmışdır. [113]
Bəhs olunan dövrdə Azərbaycanda əba, qəba, çübbə, ərəbi don,
kəyani don, xirqə və s. kimi kişi üst geyim növlərində istifadə
olunmuşdur. Sosial-mənsubiyyət nöqteyi nəzərindən rühanilərə (molla,
seyid, axund, dərviş, əfəndi, müfti və s.) məxsus oan belə geyimlər
biçim üsuluna, materialına, rəng çalarına, geymə tərzinə görə digər kişi
geyim kompleksindən əsaslı surətdə fərqlənmişdir.
Azərbaycanda təsrüfat və peşə məşğuliyyətinin yönümündən asılı
olaraq bir sıra geyim elementləri də mövcud olmuşdur. Belə ki,
sənətkarlar və tacirlər parçadan, eləcə də dərindən hazırlanan önlük və
döşlüklərdən, biçinçilər qolçaqdan və taxtadan (bəzən göndən)
hazırlanan barmaqçalıqdan, arıçılar qabağı torlu xüsusi papaqdan,
Lənkəran bölgəsində bicara (çəltik biçininə ) gedənlər isə palçığa
bulaşmamaqdan örtü tünükə və dasavnadan istifadə edirdilər.
XIX-XX yüzilliyin əvvəllərində azərbaycanlıların xüsusi “yot
paltarı” və “matəm libası” olmamışdır. Adətən, toy paltarı gözoxşayan
bahalı parçalardan tikilir və təzə olması ilə fərqlənirdi. “Matəm libası”
isə birrəng tünd parçalardan (qara, tünd göy, palıdı) hazırlanırdı.
Baş geyimləri. Ənənəvi kişi geyim kompleksinin mühüm
elementlərindən biri də baş geyimlərdir. Xalq arasında papaq həmişə,
şərəf, qeytə və namus simvolu kimi dəyərləndirilmiş, icitmai yerlərdə,
ailədə başıaçıq gəzmək qəbahət sayılmış, papağın itiriləmsi və ya
oğurlanması, təkcə şəxsin deyil, onun mənsub olduğu nəslin də təhqir
edilməsi hesab olunmuşdur. Azərbaycanlı kişilər namazqabağı
dəstəmaz ayını istisna olmaqla nə süfrə başında nə də gecə yatağında
başıaçıq olmağı qəbul etməmişlər. Yataq zamanı papağ dəyişdirilərək
gecə papağı ilə (şəbkülah) əvəz olunmuş, yada başa sarıq bağlanmışdır.
Buna görə də XIX-XX yüzilliyin əvvəllərində Azərbaycanda kişi baş
geyimlərinin məhəlli-etnik xüsusiyyətlərinə, formasına, materialına,
geymə tərzinə, dəyərinə və hətta rənginə görə fərqlənən çoxlu növləri
olmuşdur.
Ənənəvi kişi baş geyimləri
müxtəlif növ materiallardan (dəri, keçə,
parça) hazırlanmaqla, həm tikili, həm də
bağlama formasında olmuşdur. Tikili
baş geyimlərinə müxtəlif formalı və adlı
dəri keçə papaqlar, araqçın, (təsək və
yaxud tərrik), başlıq; bağlama baş
geyimlərinə isə baş dəsmalı (sarıq),
çalma və əmmamə daxil edilmişdir.
Baş geyimləri içərisində yerli
qoyun dərilərindən hazırlanmış papaqlar
Dostları ilə paylaş: |