Azərbaycanın varlı əsilzadələrinə, bəy-xan zümrəsinə həmçinin
vəhşi çöl heyvanlarının (dovşan, ayı, ceyran, maral, dağ qoçu, qaban,
əlik) və çöl quşalrının (qızıl qaz, ördək, kəklik, turac, qıırqovul,
bildirçin, bəzgək, durna, meşə xoruzu və s.) əti də yaxşı tanış idi. Ov
içini özlərinə sevimli əyləncə hesab edən əsəb-nəsəb sahibləri müxtəlif
növ üsullarından istifadə etməklə yemək süfrələrinin öz əti ilə kifayət
qədər təmin edə bilirdiər.
Xalqımızın ev təsərrüfatında hər bir ailənin saxladığı qaz,
ördək, toyuq, hind toyuğu əhalinin quş ətinə və yumurtaya tələbtını
ödəyirdi.
Azərbaycan əhalisinin qida məhsularının tərkibinə balıq əti də
daxil idi. Balqıdan müxətlif çeşidli yeməklərin hazırlanması hələ qədim
zamanlardan Xəzərsahili bölgələrin, həmçinin Kür, Araz, Qanıq
(Alazan), İori (Qabırrı) və digər çayboyu ərazilərin əhalisi arasında
məlum olmuşdur. Ərəb müəllifləri (İbn Hövqəıl və İbn əl-Fakih),
“Alban tarixi”nin müəllifi M.Kalankatuklu vaxtilə Albaniyanı
şöhrətləndirən yüksək keyfiyyətli balıq növləri haqqında məlumatlar
vermişlər. [13] XIX-XX yüzilliyin birinci yarısında əhalinin yemək
öynəsində qızıl balıq (azatmayı) ziyad, (kütüm), xəşəm, külmə, sıf,
axşalı, siyənk, sazan, qızıl üzgəc, enlibaş (kefal), lilbalğı və s. kimi
pullu balıqlar əsas yer tutmuşdur. Uzunburun (qırmızı balıq), nərə,
ağbalıq, bölgə və cökə kimi qiymətli pulsuz balıqlar XX əsrin ikinci
yarısından başlayaraq yemək süfrələrinə çıxarılmışdır. Əhali balıqdan
həm təz halda, həm duza qoymaqla, həm də qurudulmuş şəkildə istifadə
edirdi.
Azərbaycan əhalisinin qida məhsulları içərisində minilliklər
boyu süd-ağartı məhsulları üstün yer tutmuşdur. Süd və süd məhsulları
hər bir azərbaycanlı ailəsinin güzəranında əvəzedilməz qida mənbəyi idi.
Qida üçün, qoyun, keçi, inək və camış südündən istifadə edilirdi. Orta
əsrlərdə at südündən istifadə edilsə də, XIX-XX yüzilliyin əvvəllərində
onu öynədən çıxarmış, ulaq və dəvə südünə isə müalicəvi məqsədlər
üçün müraciət edilmişdir. Süd qaynar şəkildə içilir, ondan müxtəlif
yeməklər hazırlanır, çoxsaylı süd məhsulları (qatıq, qaymaq, çiyə, xama,
yağ, şor, ayran, kəsmik, süzmə, qurut, körəməz, pendir və s.) əldə
edilirdi. Bunlardan bəziləri gündəlik yemək üçün istifadə olunur,
bəziləri isə ehtiyat ərzaq kimi tədarük edilirdi.
Xalqın yemək öynəsində xeyli yer tutan yabanı yeməli bitkilər
yeməklərin ən qədim növlərindən hesab olunmaqla, əcdadlarımızın
ilkinlik çağları ilə səsləşir. İbtidai insaların ilk qidalandığı yabanı
yeməli bitkilər, eləcə də sonradan mədəniləşdirilmiş bir çox otlar və
dirrik məhsulları (unnuca, şomu, əvəlik, ispanaq, pər-pərən, qazayağı,
gicitkən, yemlik, quzqulağı, turşıng, yolotu, cacıx, cincilin, kəklikotu,
keşniş, şüyüd, şağlam, baldırğan, tərxun, tərə, cəfəri, nanə, reyhan, və
s. ) həm təzə halda yeyilir, həm də onlardan sıxma, kükü, tilxam, dovğa,
kətə və s. kimi yeməklər hazırlanırdı. A.A.Qrossheym yazırdı ki, yabanı
yeməli bitkilər Qafqaz xalqlarının geniş istifadəsində olduğundan,
onalrın qida öynəsi çox zaman bu bitkilər üzərində qurulurdu. Onlarla
orqanizmə çoxlu miqdarda vitamin daxil olduğuna görə, bu öynə daha
çox əhəmiyyətlidir. [14]
Bütün bunlarla yanaşı, Azərbaycan xalqı çoxçeşidli, rəngarəng
növlü gündəlik və mərasim yeməkləriin hazırlanmasında duz, bal, şəkər
tozu, həmçnini bütün dünyada məşhur olan Şərq ədviyyatlarından
(zəfəran, isitot, darşın, zəncəfil, hil, mixək, sarıkök, sumax, nanə qurus,
dəfnə yarğaı, keşniş toxumu və s.) yüksək ustalıqla isitfadə etməyi
bacarmışdır.
Azərbaycan əhalisinin istifadəsində olan əsas qida məhsullarının
səciyyəsindən aydın göründüyü kimi, ərzaq mənbəyi müxətlif olduğu
üçün yeməklər də çoxçeşidli və zəngin olmuşdur. Hər bir azərbycanlı
öz zövqündən və ailəsinin maddi durumundan asılı olaraq yemək
süfrəsini bu və ya digər ərzaq məhsullarından hazırlanmış lətif
xörəklərlə təmin etməyə çalışmışdır.
Bitki mənşəli yeməklər. Bütün tarixi dövrlərdə Azərbaycan
xalqının yemək süfrəsində bitki mənşəli yeməklər daim üstünlük təşkil
etmişdir. Bitki mənşəli yeməklərin hazırlanmasında isə əsasən dənli
bitkilərdən (buğda, arpa, darı, çovdar, qarğıdalı, şəltik) geniş istifadə
edilmişdir.
Bitki mənşəli yeməklər içərisində çörək əsas yer tutmuşdur.
Azərbaycanda çörəkdən istifadənin çox qədim tarixi vardır. Burada,
onun ocaq yerində, üzərinə qor, isti kül tökülərək bişirilən küllü
kömbədən (“dəyirman kömbəsi”) tutmuş, müasir çörəkxanalarda bişən
çörəklərə qədər təkmilləşərək keçdiyi inkişaf yolunu izləmək
mümkündür.
Azərbaycanda bişirilən çörəklər tərkibinə, formasına, naxış
elementlərinə, istifadə olunan çörəkbişirmə vasitələrinə, acıtmalı (maya,
xamra, acı xamra, balatı və s.) və acıtmasız olduğuna görə bir-birindən
fərqlənirdi. Tərkib komponentinə görə çörək buğda çörəyi, arpa çörəyi,
darı cadı, qarğıdalı cadı, düyü çörəyi və b. adlar altında qruplaşdırılırdı.
İqtisadi cəhətdən imkansız ailələrdə qarışıq (kərdiyar) tərkibli
çörəklərin bişirilməsinə təsadüf olunurdu.
Azərbaycan çörəkləri formasını müxtəlifliyinə (oval, dəyirmi,
yastı-uzunsov, nazik, (yuxa) və s.) üzərinə vurulan naxışların
rəngarəngliyinə görə də bir-birindən fərqlənirdi. Adətən, yuxa, lavaş,
fətir və başqa çörək növlərini kündəsi olduqca nazik açılır, sacın üzərini
büsbütün tuturdu. Təndirdə bişirilən lavaş və pəncəkeş istisna olmaqla,
digər təndir çörəkləri girdə-dairəvi formada yastılanırdı. Sacda bişirilən
xamralının (bozdamac, yannama) kündəsi iri tutulmaqla 1,5-2 sm
qalınlığında və 22-25 sm diametrində olurdu.
Azərbaycanın ev təsərrüfatında çörəkbişirmə ilə ancaq qadınlar
məşğul olurdular. Lakin, bununla belə, orta əsrlərdən başlayaraq
çörəkbişirmə sənəti də (şatırçılıq) geniş inkişaf etmişdi. Bu peşə sahəsi
ilə başlıca olaraq kişilər məşğul olurdular.
Dostları ilə paylaş: |