dünya miqyasında ləyaqətlə təmsil edir.
Azərbaycan xalq yemək və içkiləri çox böyük təşəkkül tapmış,
inkişaf və zənginləşmə yolu keçmişdir. Arxeoloji qazıntılardan əldə
edilən arpa, buğda və darı qalıqları, çoxsaylı və çoxçeşidli gil və mis
qab nümunələri, müxətlif meyvə və bostan və tərəvəz məhsularının
daşlamış çəyirdikləri və s. fikrimizi sübut edir. Arxeooloji materiallar
Azərbaycanın qədim sakinlərinin istifadəsində olan çörək və xörək
adları haqqında sussa da, hər halda xalqın yemək mədəniyyəti, yemək
öynəsi barədə təsəvvürlər yatmaqda qiymətli mənbədir.
Azərbaycanın yemək və içkiləri haqqında yazılı qaynaqlarda,
ölkəmizdə səyahətdə olan ənəbilərin yol qeydlərində, şifahi xalq
yaradıcılığı nümunələrində, orta əsr müəlliflərinin əsərlərində müəyyən
məlumatlara rast gəlmək mümkündür.
Vaxtilə “tarixin atası” Herodot massagetlər və onların
hökmdarı Tomris haqqında məlumat verərkən İran-Haxamanışı şahı II
Kirin massagetləri hiylə ilə məğlub etmək üçün çoxlu qoyun kəsib bol
yemək—içmək süfrəsi açdırdığını, süfrəyə tünd şərabla çoxlu qab
düzüldüyünü, hər cür təam qoyulduğunu qeyd etmişdir. [2]
“Kitabi Dədə-Qorqud” dastanında Azərbaycan yeməkləri
haqqında zəngin məlumatlar cəmlənmişdir.[3] Dastandan məlum olur ki,
əhalinin yemək öynəsində dənli bitkilər, ət-süd, bağ-bostan məhsulları
əsas yer tutmuşdur. Burada “ətmək” adı altında “bozlamac” və “güməc”
kimi çörək növlərindən istifadə edildiyi qeyd olunur.
“Albaniya tarixi”nin müəllifi M.Kalankatuklu Albaniya
ölkəsinin bolluğu və bərəkətliyindən söhbət açarkən bu ölkənin balığı,
taxıl və üzümü, duzu və zeytunu haqqında ağızdolusu danışır. [4]
Şübhəsiz ki, əhali bu nemətlərdən ləziz tamlı yemək və içkilər hazırlaya
bilmişdir.
Azərbaycanın orta əsrlər dövrü yeməkləri və içkiləri
haqqından qiymətli məlumatlara N.Gəncəvinin “Xəmsə”sində rast
gəlinir:
“Yeməklər bişmişdi qoçdan, toğludan,
Uzun yuvarlaq incə çörəklər
Saraydan başlamış qapıya qədər
Kökələr yoğrulmuş yağla, şəkərlə,
Şəkərli küncütdə dada bax hələ,
Ənbərlə yoğrulmuş dadlı yeməklər
Cənnət yeməyindən verirdi xəbər.
Dağ kimi qalanmış öküz və balıq...
Ən dadlı mürəbbə, limonlu şərbət,
Tər halva və badam halvası daşır...
Gülabla çəkilmiş şərbət, gülşəkər...
Qoyuldu süfrəyə yüz çeşid yemək,
Yeməklər xonçaya verirdi bəzək”. [5]
N.Gəncəvinin “Xəmsə”sindən aydın olur ki, orta əsrlər
Azərbaycanında gündəlik və mərasim yeməkləri bir-birindən
fərqləndirilmiş, yeməklər bikti və ət-süd mənşəli olmuş, yemək
süfrələrin əmüxtəlif kökələr, külçələr, arapa, buğda və çovdar çörəklər
yeyilmiş, kabab, ətli xörəklər, halva, aş (plov), balıq və quş yeməkləri,
tutmac, muzəvvər şorbası, zəngəl, süd-ağartı yeməkləri, bal və s.
süfrələr bəzəyi olmuş, gülab, buxur, şərbət, adi su, ayran, üzüm şərabı
və s. kimi içkilərdən istifadə edilmişdir.
XV əsrdə Ağqoyunlu hökmdarı Uzun Həsənin (1453-1478)
nahar süfrələrində iştirak etmiş məşhur İtaliya səyyahı və diplomatı
A.Kontarini saray əhlinin “az miqdarda ət qatılmış saraçın darısı və ya
başqa hər hansı bir
darı” dan
hazırlanmış xörəyi
bir süfrədə nahar
edənlərə isə çox və
olduqca yaxşı
hazırlanmış xörəklər
verirdilər.[6]
1562-ci il
avqustun 20-də
Şirvan hakimi
Abdulla xan
Ustaclının qonağı olmuş ingilis səyyahı A.Cenkinson yazırdı : “...nahar
vaxtı çatanda yerdə süfrələr açıldı və müxtəlif cür xörəklər verildi;
xörəklər növlərinə görə cərgə ilə düzülmüşdü; mənim hesabıma görə
süfrədə 140 cür xörək vardı. Bu xörəklər yeyildikdən sonra qabları
süfrə ilə birlikdə yığışdırıb, təzə süfrələr saldılar. Ortaya 150 növdə
meyvə və başqa ziyafət yeməkləri gətirildi. Belə ki, iki dəfədə 290 cür
yemək verildi”. [7]
XVII əsrdə Azərbaycanda olmuş alman səyyahı A.Oleari də
Azəırbaycan xalqının yemək süfrəsinin yüksək dəyərləndirmiş, qatı
bəkməz (doşab), “halva” adlanan, ovulmuş badam ləpəsi, buğda unu və
qoz ləpəsindən hazırlanan şirniyyat-konfet, “sucuq”, nar şirəsi, sumax
və digrə tuşməzə şirələr haqqında ətraflı məlumatlar vermişdir. [8]
XVII əsrin məşhur türk səyyahı E.Çələbinin “Səyahətnamə”
əsrində Təbriz şəhəri haqqında verilən məlumatlarda Təbrizin məşhur
“ağ dəyirmi çörəklərindən”, “qızadılmış kəkliyindən”, “40 növ ətirli
plovundan”, “zəmilərində 7 növ çox məhsuldar buğda
yetişdirilməsindən”, “paxla və arpanın bol məhsul verməsindən”
ağızdolusu danılır, şəhərdəki bolluğun və ucuzluğun səyyahı heyran
etməsi vurğulanır.[9]
Səyyaların əsərlərində və yol qeydlərindən görünüdüyü kimi
Azərbaycana da bütün orta əsrlər boyu qidalanma mədəniyyəti yüksək
xətlə inkşaf etmiş, yeni-yeni yeməklər və içkilərlə zənginləşmiş,
qazanılan bilik və təcrübələr nəsillərə ötürülmüşdür. Hətta Azərbaycan
yeməkləri içərisində elələri olmuşdur ki, səyyahlar onlardan xüsusi
olaraq bəhs etmişlər. Məsələn, rus alimi İ.N.Brezin plovu Şərq
mətbəxinin klassik xöyəri adlandırmış, 10 məşhur fransız səyyahı
A.Düma (XIX əsr) kabab haqqında belə yazmışdır: “kabab mənim
səyahət boyu rast gəldiyim ən ləziz yeməkdir. Onu Fransada məşhur
olan yeməklərin siyahısına daxil etmək olar”. [11]
Azərbaycan şifahi xalq yaradıcılığından, xüsusilə də
dastanlarımızda, yemək və içkiər haqında müfəssəl məlumatlar
toplanmışdır. Xaql dastanlarında adı çəkilən çörəklər (nan, küllü kömbə,
lavaş, şəkərçörəyi), halva,
plov,
bostan-tərəvəz
məhsullarından hazırlanan
yeməklər, ət-süd mənşəli
yeməklər,
(kababların
müxətlif növləri-qoyun,
ceyran, öküz, durna, qırqovul,
kəklik kababları, süd-ağartı
yeməkləri-qatıq, qaymaq, şor,
pendir, yağ və s.), eləcə də,
bal, ayran aşı, qayğanaq,
şirniyyat növləri- noğul,
nabat və b. əhalinin istifadəsində olan, gündəlik və mərasim yeməkləri
süfrəsinin rövnəqləndirən başlıca yeməklər olmuşdur.
“Koroğlu” dastanında qəhrəmanın ağır yığnaqlarında süfrəsinin
boluğu, özünün mərdliyi, qonaqpərvərliyi səmimiyyətlə tərənnüm
olunur:
Bir hay desə ağır tüplər basılır,
Qancığadan qanlı başlar asılır.
Hər içkidə yetmiş quzu kəsilir,
Verir aşı, ağ lavaşı Koroğlu.[12]
Azərbaycanın ənənəvi xalq yeməkləri və içkiləri XIX yüzilliyə
məhz belə çoxəsrlik baza əsasında qədəm qoymuş, XIX-XX yüzilliyin
əvvəllərində daha da zənginləşmişdir. Bu dövrə aid olan tədqiqat
əsərlərində müxtəlif dövri və nəşr, məcmuələrdə, səyyahların yol
qeydlərində Azərbaycan kulinariyasına diqqət daha da artmış,
özünəməxsus məhəlli-lokal xüsusiyyətləri ilə seçilən Azərbaycan
yeməkləri təriflənmiş, onlardan ağız dolusu açılmışdır.
XIX-XX yüzilliyin əvvəllərində Azərbaycan yeməkləri
gündəlik və mərasim (toy, nişan, bayram, ehsan) yeməkləri olmaqla iki
qrupa bölünürdü. Mərasim yeməkləri “üz ağardan xeyir-şər yeməkləri”
Dostları ilə paylaş: |