TƏHSİLİN İNFORMATLAŞMASININ PEDAQOJİ VƏ PSİXOLOJİ ƏSASLARI
25
tələblərin sürətlə yeniləşməsi, informasiya cəmiyyətinin daha çox bərqərar olması,
müəllimlərin istifadə etdikləri metodikalarda fərqlər, idrak fəallığının insanın intellekti,
təhsili, savadı qarşısında qoyduğu yeni tələblər, tədqiq olunan problemin (idrak fəaliyyəti)
dinamikliyi şagirdlərin idrak fəallığının yüksəldilməsi yollarını tədqiq etməyi bir daha
aktuallaşdırır, məsələyə dəyişən zaman prizmasından baxmağı tələb edir.
Şagirdlərin idrak fəallığının yüksəldilməsi, onun mahiyyətinin açıqlanması problemi
qeyd etdiyimiz kimi, pedaqoji tədqiqatların daim diqqət mərkəzində olmuşdur.
Ənənəvi təlimdə müəllim məlumat verir, şagird qəbul edir, yadda saxlayır. Bu
metodika şagirdin məlumatı yadda saxlaması üzərində qurulur. Hansı şagird məlumatı yaxşı
yadda saxlayırsa, o idrakı cəhətdən fəal hesab edilir, əks halda isə idraki cəhətdən passiv
hesab edilir. Bu səbəbdən ənənəvi didaktik sistemi «hafizə məktəbi» adlandırırlar. Belə təlim
növündə müəllimlər izaha daha çox üstünlük verirdilər. Metodik məqsəd ondan ibarətdir ki,
şagirdlər verilən məlumatı anlayıb, şüurlu şəkildə dərk etsinlər.
Şagirdə sistematik olaraq onun gücünə müvafiq materialın verilməsi, onun idrak
imkanlarını zəiflədir, intellektual inkişafını ləngidir. Ənənəvi təlimin şagirdin gücünə müvafiq
qurulması
prinsipi
pedaqoji
ədəbiyyatda
«təlimin
asanlaşdırılması»
kimi
qiymətləndirilməlidir. Aparılan fundamental psixoloji və pedaqoji tədqiqatlar problemin
alternativ istiqamətinin praktik baxımdan daha əhəmiyyətli olduğunu göstərir.
Tədris materialının çətinlik dərəcəsi şagirdin gücünə (aktual inkişaf səviyyəsinə)
müvafiq olduqda, şagirdin onu mənimsəməsi asanlaşır və nəticədə idraki fəallığı aşağı düşür.
Ənənəvi təlimin əsas nöqsanı məhz bundan ibarətdir. Əslində təlim prosesi məlumatverici
xarakterdə olmayıb, daha çox inkişafetdirici xarakter daşımalıdır. Düzdür şagirdə sadə
məlumat verildikdə də müəyyən (bəsit) inkişaf baş verir. Lakin bu inkişafın səviyyəsi zəif
olur. Şagird ilk növbədə çətinliyə salınmalı və ona bu çətinlikdən çıxmağın yolu
göstərilməlidir. Təəssüf ki, ənənəvi təlimdə bu imkanlardan çox vaxt istifadə edilmir.
Təhsil
sektoru, o cümlədən pedaqoji-psixoloji elmlər yeni informasiya
texnologiyalarının belə intensiv inkişafı ilə ayaqlaşa bilmir. Bu mənada fərdi kompyuterlərin
elmi-metodik cəhətdən tədqiq olunmuş, aşkarlanmış, eksperimental olaraq özünü təsdiq etmiş
didaktik imkanları sürətlə inkişaf edən, yeni yaranan, hələ kifayət qədər tədqiq olunmayan
didaktik imkanlarından, inkişaf tempindən daima geri qalır. Kompyuterin bir çox didaktik
imkanları, funksiyaları hələ də tam araşdırılmamışdır. Lakin indiyə kimi məlum olan elmi
təhlillərin nəticələri, prosesin inkişaf tendensiyaları kompyuterin təlim imkanları haqqında
müəyyən fikir söyləməyə, proqnozlar verməyə imkan yaradır. Bu mənada təlim prosesində
kompyuterdən səmərəli istifadə üçün gələcəkdə də bir sıra pedaqoji-psixoloji problemlərin
tədqiqi və həlli zəruridir. Təlimin kompyuterləşməsinin əsas aspektlərinin elmi tədqiqi bir sıra
yeni pedaqoji problemləri aşkara çıxaracaq, onların müvəffəqiyyətli həlli, öyrənmə obyekti və
təlim vasitəsi kimi kompyuterdən məktəbdə səmərəli istifadə yollarını müəyyən edəcəkdir
Ümumiyyətlə, təlim prosesində müəllimin yerinə yetirdiyi əsas funksiyaları 4 qrupa
ayırmaq olar:
I. Təlim məzmunun seçilməsi:
- təlim məqsədinə uyğun biliklərin seçilməsi;
- şagirdlərin təlimin məqsəd və məzmununa uyğun fəaliyyətinin müəyyən edilməsi.
II. Şagirdlər haqqında məlumat :
TƏHSİLİN İNFORMATLAŞMASININ PEDAQOJİ VƏ PSİXOLOJİ ƏSASLARI
26
- lazım olan bilik və bacarığın həcmini qabaqcadan müəyyənləşdirmək;
- şagirdlərin fərdi xüsusiyyətləri haqqında məlumat almaq;
- biliyin mənimsənilməsi haqqında məlumat almaq (əks əlaqə).
III. Təlimə məzmunun daxil edilməsi:
- təlimin müsbət motivlərinin yaradılması;
- formalaşan fəaliyyətin izahı, göstərilməsi və ona nəzarət.
IV. Tədrisdə istifadə olunan məsələlərin hazırlanması və təqdim edilməsi:
- tədris məsələlərinin əsas sisteminin işlənib hazırlanması (əsas öyrədici proqramlar);
Kompyuterdən tədris vasitəsi kimi istifadə edərkən bəzi müəlliflər onun idarəedici
imkanlarını ön plana çəkirlər. Bu zaman kompyuterdən testləşdirmə, təhsilin gələcək
istiqamətini təyin etmək, informasiyanın saxlanmasında istifadə v. s. amillər əsas götürülür.
Kompyuterin bu funksiyalarının mahiyyəti aşağıdakılardır:
-Kompyuterlə şagirdlərin biliyi testləşdirilir, nəticədən asılı olaraq ona mövzu
ilə bağlı yeni məsələ verilir, fədi məşğul olmaq üçün əlavə məşğələlərə cəlb edilir, ya da
bütün materialın (və ya onun zəif mənimsənilən hissəsinin) təkrar olunması təklif olunur.
-Hər bir şagird üçün testləşdirmənin nəticələri kompyuterin yaddaşında
saxlanılır. Buna əsasən hər bir şagirdin, eləcə də bütün sinfin müvəffəqiyyəti təhlil edilir.
Yeri gəlmişkən qeyd edək ki, Azərbaycan Respublikasında tələbə qəbulunun test üsulu
ilə TQDK tərəfindən aparılması nəticəsində son illər testləşdirmə ilə əlaqədar, həmçinin
respublikada orta təhsilin real səviyyəsi barədə ətraflı statistik informasiya bankı
formalaşdırılmışdır. Bu fakt testləşdirmənin təhsil sistemində mühüm informasiya mənbəsi
olmasını, habelə təhsilin monitorinqi proseslərində müasir İKT vasitələrinin rolunu sübut edir.
Tədris prosesində kompyuterin funksiyalarını müəyyənləşdirmək, EHM-in tədrisdə
yerini təyin etmək üçün zəruridir. Bəzi tədqiqatçılar kompyuterdən proqramlaşdırılmış təlim
vasitəsi kimi istifadə etməyi üstün tutur, kompyuterin müəllimi əvəz edən vasitə olduğunu
iddia edirlər. Onlar kompyuterin aşağıdakı öyrədici funksiyalarını göstərir:
- informasiyanın təqdim edilməsi;
- əyani materialın nümayişi;
- məşq;
- qiymətləndirmə;
- əks əlaqənin həyata keçirilməsi;
- düzəlişlər etmə;
- tədrisi idarəetmə.
Kompyuterdən istifadə etməklə bütün bu göstərilən funksiyaları lazımi səviyyədə
həyata keçirmək olar. Digər tədqiqatçılar kompyuterin tədris vasitəsi kimi istifadə olunma
fikrinə tərəfdar çıxır, lakin kompyuterin müəllimi əvəz edə bilməyəcəyini əsas götürürlər. N.İ.
Maşbits təlimin mükalimə, mühakimə aparılması kimi əsas proseslərini kompyuterə nisbətən
müəllimin daha yaxşı təşkil etdiyi qənaətindədir.
Kompyuterli təlimin müəvəffəqiyyətlə həyata keçirilməsini təmin edən amillərdən biri
öyrədici proqramlardır. «Öyrədici proqram» termini proqramlaşdırılmış təlim nəzəriyyəsi ilə
əlaqədar yaranmışdır. Bu nəzəriyyəyə görə öyrədici proqram dedikdə tədris materialının kiçik
hissələrə bölünməsi, onun verilmə (təsvir, ifadə olunma) ardıcıllığı, bir hissədən (informasiya
porsiyasından) digərinə keçidi dəqiq (birqiymətli) müəyyən edən təlim materialı (didaktik
Dostları ilə paylaş: |